غلطة في نموذج إجابة امتحان الفيزياء
 

رجااااااااااااااااااااء من كل المدرسين و الطلاب النظر إلي نموذج تصحيح الفيزياء المعتمد من الوزارة السؤال الثالث ( ب ) - 3 الجزء الخاص بالرسم البياني لتغير الفيض مع الزمن و يا ريت الكل يشارك برأيه مدرسين و طلاب .

أستاذ استاذ عبد الرحمن ارجو من حضرتك ان ترفق نموذج الإجابة بتاع المراجعة النهائية لليلة الإمتحان اللى عملتها مع توضيح إجابة الإختيارات على ا أى أساس علشان أنا ومجموعة كبيرة من زملائى ضمنا الرسوب والإعادة فى الملحق حسبى الله ونعم الوكيل فيهم

أنا عاوز أقول حاجة

دلوقتى القوة الدافعة المستحثة بتتغير بمعدل تغير كثافة الفيض بالنسبة للزمن

يعنى بتتغير بمشتقة كثافة الفيض

يعنى علشان أرسم القوة الدافعة المستحثة يبقى لازم أجيب الميل كل شوية علشان أعرف أرسمها

و الميل بتاعها حيبقى المشتقة التانية لكثافة الفيض

حيث أن المنحنى مش موضح بية اى نقط أنقلاب أو معلومات عن المشتقة التانية

أظن الحل الوحيد أنة يطلع خط مستقيم ميلة صفر و لية قيمة محددة

داة رأى واحد من علمى رياضة و بدرس برضوا التكاملات الزيادة بتاعت هندسة من خلال منهج المستوى رفيع

مش المفروض رسمة التغير في القوة الدافعة هى نفسها التغير في الفيض لانه من قانون فارادى العلاقة ما بينهم طردية يعنى هتكون نفس الكرف
صح ولا لا
بعد الثانية في الاختيارات بتاعة الزاوية الصغرى للانحراف
مش المفروض هتبقى متوسط الزايتين ( 40 و 60) يعنى 50
لانى والله شفتها في المنتدى كده
وحلتها على اساس كده

زاويتي السقوط 40 ، 60
 

احنا صح هنجيب متوسط زاويتي السقوط و هتكون 50 ، بس هو طالب زاوية النهاية الصغري لإنحراف مش زاوية السقوط ، و بالتالي هنعوض بزاوية السقوط المتوسطة اللي جبناها ( 50 ) في قانون زاوية السقوط في وضع النهاية الصغري لإنحراف و نجيبها و هتكون زاوية النهاية الصغري لإنحراف 40 درجة

يا ريت يا استاذ عبد الرحمن ترفق الرسمة الخاصة بالاجابة

الرسمة صح جدا لان حضرتك اللى مش واخد بالك ان النص الاول تغير ناحية الموجب والنص التاني تغير ناحية السالب

وبالتالي هتكون emf نص سالب ونص موجب

انا عاملها غلط بس مقتنع باللى فى النموذج

المفروض أن emf تتناسب طردياً مع التغير في الفيض المغناطيسي و بالتالي لما الفيض يزيد من الصفر إلي نهاية عظمي فإن emf أيضاً تزداد من الصفر إلي نهايتها العظمي في نفس الاتجاه الموجب

طبعا لا
امال قاعدة نيلز دى لازمتها ايه؟

ازاى الاتجاة الموجب
وقاعدة لنز اللى بيكوت التغير بحيت يعاكس المسبب لة

اصلا هو لو عايزها منحني جيبي عادي ماكان قال ارسم المنحني الجيبي ل ق.د.ك
وريحنا وريح نفسه ومكنش هيبقي ليها لازمهالرسمه اللي هو جايبها

وبعدين هو بادئ بالتغير ناحيه السالب الاول
علي اي اساس ده مش عارفه
حتي اللي هييجي في باله انه هيرسمها منحني جيببي هيرسمه طبيعي عادي موجب وبعدين سالب

والله انا عاملاها عكس اللي فوق
واتصلت بالمستر قاللي انها كده صح وكان ده السؤال الوحيد اللي معندي شفيه غلطات
بس ياللا عشان محدش يزعل من حد
ع العموم سواء طلعت صح طلعت غلط مش فارقه كتير متهيالي مش هتفرق 41 من 41.5 قريبه يعني
حسبي الله ونعم الوكيل

لا اجابة السؤال الرابع رقم ب الحالة الثنية مش حنحسب مقاومتين التوازي انا واخداها قبل الامتحان اما بالنسبة للسؤال الثالث انا سبته اصلا

عذرا استاذي الفاضل
اجابة النموذج رغم اني عملتها خطأ

الا انها صحيحه بكل المقاييس زي ما قال سعيد تعاى نفسرها مع بعض

emf =- N (B2-B1 ) A /t
في الحاله الاولى B2اكبر من B1فيكون محصلة الفيض موجب فيبقى سالب القانون كما هو فتكون المحصله للقوه الدافعه بالسالب
في الحاله الثانيه B2 اقل من B1 فتكون محصلة الفيض سالب اضرب السالب في سالب القانون تكون المحصله النهائيه للقوه الدافعه موجب







حسبي الله ونعم الوكيل في اللي وضع الامتحان

أنا برده رأيى كدة و الله

والله أعلم إجابة النموذج صح ولكن عندى شك فى النقطة (ج) فى الرابع عند غلق المفتاحين لأن على حسب علمى انه لن يمر تيار فى الفرع الاوسط وياريت حد يفهمنى الكلام ده غلط ولا صح مع التعليل

الا جابه صح جدا بتاعه السؤال الرابع

عشان لما يكون عندك طريقين واحد فيه مقاومه والتاني مفيهوش التيار يمر في الطريق اللي مافيهوش مقاومه

المستر كان قايلنا كده قبل كده

انا الحمد لله عملت الفكره وشرحتها بس الحمد لله قسمت 90/ 30 =30
وبالتالي عمل قراءه الفولتميتر ب 900 :wub: