|
اختفاء مسيحية اعتنقت الاسلام ومسلمون يهاجمون منازل الاقباط بالفيوم
بسم الله الرحمن الرحيم قال مسؤول امني ان قرابة الف من السكان المسلمين في قرية النزلة بمحافظة الفيوم (100 كم جنوب القاهرة) هاجموا ونهبوا مساء الجمعة عدة منازل يقطنها مواطنون اقباط بعد اختفاء سيدة مسيحية كانت اعتنقت الاسلام وتزوجت مسلما.واوضح المسؤول الذي طلب عدم ذكر اسمه ان "سكان القرية المسلمين هاجموا منازل ومتاجر الاقباط بالحجارة" بعد ان غادرت السيدة التي اعتنقت الاسلام منزل زوجها منذ ثلاثة ايام بصحبة طفلها الرضيع البالغ من العمر عشرة اشهر. واضاف المصدر ان "حوالي 50 منزلا ومتجرا لاقباط بينها صيدليات ومحلات بقالة وادوات كهربائية تعرضت للنهب". واوضحت مصادر امنية ان المسلمين كانوا يعتقدون ان الاسرة المسيحية للسيدة قامت باختطافها مع طفلها وباخفائهما. وتابعت المصادر ان المسلمين القوا الحجارة على عدة منازل ومحلات مملوكة لاقباط ما ادى الى تحطم بعض محتوياتها لكن الشرطة تدخلت مستخدمة القنابل المسيلة للدموع لتفرقة المهاجمين. واوضحت المصادر ان الهدوء عاد الى القرية بعد ان عادت السيدة وطفلها الى منزل زوجها من تلقاء نفسها وتبين انها كانت في زيارة لافراد من اسرتها في القاهرة. واكدت المصادر ان خمسة اشخاص اصيبوا بجراح بسيطة خلال هذه الاحداث والقت الشرطة القبض على 20 شخصا ممن هاجموا منازل ومحلات المسيحيين. وقال سيد غطاس وهو قبطي من اهالي القرية "فوجئت بهذا الهجوم من اشخاص كانت تربطنا بهم علاقة جيرة جيدة وفجأة انقبلوا علينا". وتكررت في مصر خلال السنوات الاخيرة حوادث طائفية مماثلة بسبب زيجات بين مسلمين ومسيحيات لا يرضى عنها الطرفان. وتاتي هذه الاحداث بعد اقل من شهر من تعرض دير ابوفانا في مركز ملوى بمحافظة المنيا (صعيد مصر) في نهاية ايار/مايو لهجوم اصيب خلاله راهبان بجروح وتخلله الاعتداء على ثلاثة رهبان اخرين. وناشدت الكنيسة القبطية الاسبوع الماضي في موقف نادر الرئيس المصري حسني مبارك الحفاظ على سلامة المسيحيين في مصر اثر تعرض دير لهجوم عنيف. ففي بيان نشرته الصحافة حض المجلس الكنسي القبطي الرئيس المصري على الحؤول دون حصول هجمات مسلحة جديدة على المسيحيين. وقللت السلطات من اهمية الحادث الذي جاء في مناخ من التوتر الطائفي في وقت كان فيه الاقباط يشيدون سورا حول دير ابوفانا الاثري بعد حصولهم على اذن بذلك. ويشكل الاقباط ما بين 6 و10 في المئة من تعداد سكان مصر البالغ نحو ثمانين مليون نسمة. |
سبحان الله ايه اللى بيحصل ده طيب ليه يهاجموا منازل اخواننا الاقباط
لا اجبار فى الدين فقط تبين الرشد من الغى شكرا على الموضوع |
اقتباس:
الاية " لا اكراه فى الدين قد تبين الرشد من الغى " سورة البقرة , الجزء الثالث , ربع تلك الرسل فضلنا بعضهم على بعض , صفحة 42 ارجو عند نقل ايه نقلها بصورة صحيحة |
اقتباس:
|
ربنا يرحمنا برحمته
بعض الناس تفكرهم بقى على الديانه وبس ما احنا عايشين مع بعض على طول انا عايز افهم بقى في ايه ايه اللى غير الناس كده مكناش كده بجد وانا عمرى ما زعلت مع اى حد بسبب الديانه ده احنا اخوه مش عارف ربنا يهدى الناس اللى بتشغل تفكير الناس على الدين وبس ولا ايه يا جماعه |
سؤال واحد هموت واعرف اجابته
حاطط الموضوع ده ليه وهل لو ده حصل فعلا يصح نقعد نغني فيه كده؟ انا لو واحده علي غير ديانة الاسلام هقول : شوف المسلمين بيعملوا ايه ف غيرهم دول ....و.....و..... ويا عيني ع المسيحيين الغلبانين :| لا يجوز بأي حال من الأحوال اني اصور المسلمين بالشكل ده ده حتي الرسول عليه الصلاة والسلام بيقولك انصر اخاك ظالما او مظلوما ! |
انا بنقل خبر
مش جيبه من مبتنا ياست عنيدة ثم احنا طول عمرنا اخوات وحبايب من غير اى حاجة وانا عن نفسى ليا اصحاب مسيحين واقسم بالله عمرى ما بصتلهم بصه كده بالعكس ده انا بهنيهم فى اعيادهم وبخرج معاهم وبنهزر مع بعض وبناكل مع بعض كمان ده خبر مش دعوة للفتنه ماشى يا اخت عنيدة ثم ما احنا طول عمرنا بنتخانق ايه الجديد اخوات بيتخنقه ويتصلحه وبيتصلحه ويتخنقه عادى وهنفضل فى الاخر اخوات مهما حصل |
السلام عليكم
اولا شكرا للخبر ثانيا المسلمين مش بيهاجموا منازل حد ولا بيسرقوا حد كل الموضوع اننا في دوله تحكمها امريكا نعم تحكمها امريكا من زمان واحنا بنسمع ان في بنت اسملت من الفيوم بنتين اسلموا والجماعه النصاره مش بيسكتوا وبيعملوا مظاهرات وبيغلطوا كمان وبيرجعوا البنات اللي بتسلم وانا شوفت بنت جابوها في الشارع بعد ما اسلمت وموتوها امام كل المسلمين والناس واقفين وكأنهم مربوطين مش عارفين يعملوا حاجه اي حد يدخل الاسلام مش عارفين نحميه تعرفوا ليه لاننا بيحكمنا امريكا مش حكومه مصريه مش المفروض انا في دولة نظامها ديموقراطي المفروض ان فيه حرية في الاختيار احنا مش بنغصب حد علي الدخول في الاسلام ولكنها قدرة الله من الاخر انا اتخنقت وكفايه كده بقي ياعالم مصر ايه حكومه ايه |
اقتباس:
مش للتعصب الدينى:( |
اقتباس:
معلش مش فاهم الجملة دى تانى كده تعصب دينى ايه اللى انتى جايه تقولى عليه |
مش عارف جبت الخبر ده ليه ؟؟؟؟؟؟؟؟؟ وبعدين هو المسلمين هم اللي بيهاجمو بس ومبحبش انك تقول ان المسلمين عملو ونهبو ولا كانهم قطاعين طرق وبعدين مش عارف هو اى حادثة تحصل لحد مسيحي يبقي المسلمين السبب وماينفعش انك تبين اننا خلاص معذبينهم في البلد واسال اي واحد مسيحي هيقول ان احسن حياة بيعيشوهها في البلد الاسلامي وده من زمان من ايام عمر بن الخطاب وعمر مافرق بينا حدوياريت بلاش تروض الاخبار دي لان ده بيبقي من ناس عايزين يعملو تفرقة طائفية في مصر |
اقتباس:
نقلا عن link0777 و المصرى اليوم |
ربنا يهديهم
وعلى فكرة الاخبار بتبقى صحيحة يعنى مش متفبركةولا حاجة والمشكلة مش فى اننا نقول انه مش ينفع نضع هذه الاخبار ونشوه صورة المسلمين احنا عايزين نوصل لحل بجد انا مش عارفة فى ايه احنا طول عمرنا اخوات |
كلنا نعلم ان الارهاب لا دين له ولا وطن له ايضا
انا لا انكر ان هناك اشخاص متعصبين دينيا ولكن جميع الرسالات السماويه لم تامرنا بالتعصب وهناك اشخاص يجهلون ما هو الاسلام مع انهم مسلمين و الاسلام دائما يحترم حرية الغير مهما حاول الاعداء ان يزيفو الحقائق فهم يريدون ان يجعلونا نقول هذا مسلم وهذا مسيحى ولا يجعلونا نقول هذا شعب واحد ووطن واحد |
الدين لله والوطن للجميع
سبحان الله هنعمل زى لبنان بيقتلو فى بعضهم ربنا ييسر حالهم |
خظا هذه الجمله لو سمحت الدين لله والوطن لله ايضا
وميرسى ليك يا اسلام عالخبر |
بجد انا مش عارفة فى ايه
احنا طول عمرنا اخوات[/quote] على فكرة الرسول صلى الله عليه وسلم أمرنا بالتسامح الديني بس ماقالش ان المسامين والمسيحيين اخوة اأن الذكر الحكيم قال "إنما المؤمنون اخوة" يعني المؤمنون بس وأنا متفقة مع اللي قالوا ان ما ينفعش نصور المسلمين بالصورة دي |
قال رسول الله صلى الله عليه وسلم " المرء على دين خليله فلينظر احدكم من يخالل"
|
اقتباس:
|
اقتباس:
مفيش حد غلبان فى الزمان ده يعنى ايه غلبانين يعنى مش فاهمة يعنى هو لو واحد من المسيحين دخل الاسلام هما المسيحين بيسيبوه ؟؟؟؟ |
استغفر الله العظيم
قال رسول الله صلى الله عليه وسلم "الدين المعامله" صدق رسول الله صلى الله عليه وسلم ويروى عن النبي صلواة الله عليه انه كان جاره رجل يهودي كان يتعمد ايذاء الرسول بالقاء قاذوراته امام باب منزل الرسول صلى الله عليه وسلم الا ان الرسول لم يأذيه بل كان في يوم من الايام يوزع اداماً للناس فلم يبقا الا القليل فامر ام المؤمنين بارسالها للجار اليهودي هكذا كان المصطفى لم يؤذي يوماً احدا من اصحاب الكتب الدين لله ولا اكراه في الدين ليس بهذه الهمجيه ليس بالتهكم على اعراض الناس واموالهم هل استبحتم اموالهم ودماءهم؟؟؟ ثم نعود ونقول لما يتهمنا الغرب بالارهاب والهمجيه بالله عليكم هل تظنوا ان رسول الله صلى الله عليه وسلم لو كان بيننا اليوم سيرضى على هذا العمل؟ اتقوا الله في خلقه وليس من حق احد ان يسقط العذاب على عبد مثله كلنا عبيد لله عز وجل اذا كان رسول الله بحقه وقدره كان دوره ايصال الرساله فقط اما الثواب والعقاب فهو لله فقد قال تعالى " وما على الرسول الا البلاغ المبين" ... "فذكرهم ان نفعت الذكرى"...."لعلهم يذكرون"..صدق الله العظيم اتقوا الله في اسلامكم ويكفينا ما يقال عنا لا تغرسوا فكرة ان الاسلام ارهاب في عقول البشر اتمنى ان ننظر للموضوع نظره ادق واعقل وان تاخذ بنظر الاعتبار العواقب الوخيمه التي ستقع على كاهل الاسلام اتمنى ان تتقبلوا رايي برحابة صدر اختكم في الله سندريلا العراق |
اقتباس:
هو ده موضوع ولا خبر فى قسم الاخبار ثم الموضوع ده قولت انى مش جيبه من بيتنا علشان يبئا عليه شك ده خبر وكان يومها موجود على معظم المواقع الاخبارية والصحف المصرية معارضة وواطنى ومستقل |
اخى _ Guide
انا بقولك ان فى ناس لما بتلاقى نفسها غلاطانه مش بتحب تبين غلطها هما دول اللى عايزين يلغوا الموضوع مع ان المسيحين اللى ردوا ردهم مكنش فى اي حاجه تزعل واتكلموا بكل هدوء صح ولا انا غلطان |
السلام عليكم ورحمه الله بركاته انا كفتاة موسلمه هتضايق لما اشوف واحد موسلم بيضرب اخ ليه مسيحى سكن معايا فى نفص الشارع وكان كول يوم يصبح عليه وبيكالوا مع بعض بالمناسبات ويهنوا بعض المسيحى يهنى الموسلم برمضان وعيد الفطر والموسلم يهنى المسيحى بعيد القيامه و بجميع مناسباتهم وحتى راس السنة يعنى اخوه وحبايب واصحاب انا عندى صديقة مسيحه اسمها سالى دى فظيعه بحبها موت وذى اختى تمام <<< معنديش اخوات بنات من ابويا واومى وفى الامتحانات بنسال بعض فى اجه مش عارفنها وبعد الامتحان نطمئن هى عملت ايه وانا عملت ايه اما بقى اللى بتقول اننا مش اخوه عيب عليها وترجع للسنة وتشوف ايه اللى الرسول قال عليه كلنا متسامحين واكيد عازره لو فى مسيحى زعلان ومتعصب لما يسمع ان حد مسيحى غير ديانته معزور طبعن وانا لو سمعت ان واحد مسلم غير ديانته هتعصب طبعن وهزعل واقولك يا جايت على خبر ان فى قرية عندنا ( منقباد ) ولد مسيحى فيها اختفى بقاله اسبوع راح ابوه استنجد بجاره المسلم علشان يبلغ عن غياب ابنه ولما الراجل استغرب وساله هو انت شاكك لو نكون احنا اللى خاطفينه قاله لا طبعن بس علشان انت جارى ومستنجد بيك <<< الولد عمره 10 سنين وفى الاخر عرفوا انه كان تايه و حد اخده ملجا يعنى العلاقات بين الموسلمين والمسيحين طيبة جدن ومفيش اى عداوة او بغض او حقد واللى يقول غير كده سواء من اى طرف من الطرفين يتقى الله فى دينه وربه ووطنه ونفسه معلش طولت عليكم بالرد شوكرن جايت على الخبر وهو خبر منشور ولو مكونتش نزلته كونا هنقراءه فى اى جريده او من اى موقع والسلام عليكم ورحمه الله وبركاته |
اقتباس:
أمرنا بالتسامح الديني بس ماقالش ان المسامين والمسيحيين اخوة اأن الذكر الحكيم قال "إنما المؤمنون اخوة" يعني المؤمنون بس وأنا متفقة مع اللي قالوا ان ما ينفعش نصور المسلمين بالصورة دي[/QUOTE] بس السيد المسيح قال حب الغريب كالقريب حب قريبك كنفسك من لطمك على خدك الايمن ادر له الايسر وكان كثيرا ما يقول حبوا اعدائكم باركوا لاعنيكم وانا عن نفسى اقرب اصدقائى مسلمين وكمان اكتر من اخوات نصيحه ارجع واسال شيخك الكبير او حتى والدك عن هذا الكلام |
مشكور يا إسلام ع الخبر ..
|
والرسول بردو قال فيما معناه .. من آذى ذميا فأنا خصمه يوم القيامة
|
يعنى ايه للتشدق مش فاهم يعنى ايه
|
هارد عليك في رسالة عشان مانخرجش عن الموضوع ..
|
اقتباس:
|
يعنى انتم كلكم قصدكم ان المسلمين هما بس اللى بيغلطوا فى المسيحيين وهما يا عينى غلابة ما بيعملوش حاجة انتم ما شفتوش وفاء سلطان اللى بتشتم على الرسول ( صلى الله عليه وسلم ) وهو خير خلق الله ده اللى بيشتم الصحابة جزائه عظيم مابالكم بقه اللى بيشتم الرسول ( عليه افضل الصلاة والسلام ) وتقول ان احاديثه مش واضحة وقال ايه هية بتعدلهالوه بتعدل للى( لا ينطق عن الهوى ان هو الاوحى يوحى)
|
انتى بتتكلمى عن واحده بعيد تماما
احنا بنتكلم عن الكل يوم يعملوا موضوع بس مش اكتر وطبعا احنا منرداش ان حد يشتم رسولكم الكريم لانه رسولكم وتعظمينه بلا شك |
ياريت الموضوع يتحذف
لان فعلا معندناش القدرة على الاستماع للراى والراى الاخر لسه موصلناش للمرحلة دى |
| جميع الأوقات بتوقيت GMT +2. الساعة الآن 10:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.