|
الى كل مدرسى اللغه الانجليزيه استقيلوا من وظائفكم
لى استفسار واحد
كيف ستدرسون العام القادم هذه الماده وانتم تعلمون ان نموذج الاجابه at the end of attack خطأ ولم تفعلوا شى ومنكم من يصحصح مثل الاستاذ طارق كيف ستواجهون الطلبه العام القادم وانتم تعلمون ان اى طالب حيقولك على الخطأ ممكن واكيد انا الى صح كيف تواجهون ضمائركم وانتم تصححون الصح غلط ماهو الفرق بينكم وبين من سرب الامتحانات من فضلكم استقيلوا افضل لكم وانتم ضيعتم حقنا ولكن الله لن يضيع حقنا |
كان نفسى حد يرد واعلم انكم الان فى المنتدى وعلى راسكم الاستاذ طارق
مشرف القسم والذى شارك فى المذبحه عندما صحح فى مدينه مبارك عموما حسبى الله ونعم الوكيل |
لأ مش كده .....
انا كنت معجب بيكى كطالبة جريئة فى الحوار
لكن مش بالشكل الردئ ده قلنا الاساتذة هتعلم الاتنين صح انت عايزة ايه ؟ يتعلملك انتى صح و ناس تانية تتأذى ..... ماشى مفيش مشكلة لكن انتى فاكرة نفسك مين علشان علشان تخاطبى الاساتذة كده ذكية على عينى وراسى ممتازة نشجعك لكن تخرجى عن حدود اللياقة لأ يا خسارة بجد ..... ان كنت متابع مشكلتك مع المستوى الرفيع و اشتريت scanner مخصوص علشان معلمات الكتاب ال 15 صفحة وفى الاخر تقولى استقيلوا ...... يا خسارة الفلوس اللى دفعتها فى ال scanner هتزعلى ناس كتير منك يا ميرو |
اقتباس:
ثانيا : جاء فى جريده الجمهوريه امس ان التصحيح يتم خطأ ثالثا استاذ محمد وهو فاتح موضوع فى المنتدى ويصحح فى مدينه مبارك ان التصيح يتم على اساس الحل الغلط رابعا : كفايه ظلم خامسا: كيف تبذل مجهود خرافى فى ماده وبعد ذلك تظلم وياخذ حقك الى كان بيلعب ولا بيشم ولا ابوة اشترى الامتحان ولذلك ارجوا من مدرسى اللغه الانجليزيه الشرفاء الاستقاله والامتناع عن الطعام حتى يذال الظلم وان حدث هذا حتى لو لم يحدث شى فسوف يكون عندهم القدرة على مواجهه طلبه شرفاء مثلهم تماما |
osa242 مدرس هذا هو احد المدرسين الذين يقومون بالتصحيح خطا وهو قال ان المستشاره قالت كده اليس من الاحسن له ان يستقيل او يمتنع عن التصحيح ارجو الرد ياستاذ كوكى ايهما افضل |
ايوة كده .....
كده الكلام كويس
وسبينى فى حالى لما اشوف ال scanner دى مش عارف اتعامل هدفعّك ثمنها لو معرفتش انزل المعلومات وسيبك من الموضوع ده امامك حرب من النوع التقيل فى المستوى الرفيع عايزين العشرة مايخسوش .... وبعدين انتى بتجيبى وقت منين الطلبة اللى من نوعك عندى معندهمش وقت حتى ياكلوا انا اتصلت بيهم على فكرة وباركتلهم على الفيزياء و التفاضل قعدوا يضحكوا وقالولى ان اسهل حاجة هاتقبلنا هى الستوى الرفيع انجليزى ههههههههههههههههههههههههههه |
لا نينفعش الصورة دى ابدا شيليها حالا حتى علشان خاطرى
|
يبنتي ابوس ايدك خليكي متفائله شويه انتي نشرتي تشاؤمك ده ف المنتدي كلو ان شاء الله هيحسبو الاتنين صح وجرنان الجمهوريه هدفو البلبله
|
اقتباس:
ونفسى فى ألسن كورى ولكن محتاجه 50 من 50 e وهى بتاخذ 20 طالب فقط علشان كده لازم 10 فى المستوى الرفيع |
بيعجبنى فيك يا lamolamo عقلك يا بنى
ربنا يحرسك ويكفيك شر اللى عند ميرو |
اقتباس:
كبف اشالها |
خلاص حصل خير
انا شلتها بس نخلى بالنا المرة القادة |
والله لن يحمي ربي اوطاننا ..... الا ؟؟؟؟؟؟؟؟؟؟؟؟
اما ضاع حق ورائه مطالب احيكم |
اقتباس:
|
اولا اجابة نمذج الوزارة ليست خطأ بل صحيحة وذلك لان كاتب القطعة اعطي ثلاث بدائل و ليس اثنينو تم التعويض عن كلمة or بالفاصلة مثلما نعوض عن كلمة and بفصلة ثم هناك كلمة eventually و التى تعني في النهاية
هذا لا يعي ن الامتحان لا يخلو من الصعوبة و العقد بل هو بالفعل صعب و فوق مستوى الطالب المتميز |
اقتباس:
اتحدى ان يقول اى مدرس ذلك وياريت يكون رايك مبنى على دراسه |
يبدوا انك لم تقرئي كل ماكتبت
|
يا masterEnglish كاتب القطعة مش عاوز أصلا الخناق هو لإما تبعد بالذوق وتجرى ولو معرفتش إبقى إتخانق . ولكن على حد سمعى أنا سمعت إن الإجابتين هيمشوها at the end of the attack و as a second solution
|
يا ميرو لو انتى اجتهدى ربنا مش هيضيع حقك
وبلاش كلام على المدرسين كدا عشان هما ملهمش دعوة بحاجه ولا حطو الامتحان ولا حطو الاجابه والاستاذ قالك مية مرة هيتصححوا الاتنين صح انا مش فاهم المشكله ايه لزمتها ايه الكلام كدا على المدرسين واهم حاجه انك ترضي بالى مقدروا ربنا ليكي ومتجيبيش الاخطاء على المدرسين او حد تانى علشان المدرسين دول طوال العام كانوا فى خدمتنا ومفيش يوم اتاخروا عننا وربنا يكرمهم |
كنت لا أود أن أرد على هذه المشاركة التي حاول أستاذ بدوي تخفيف وطئه.. لكنك ذكرتيني بالأسم فأدرت أن أوضح لك عدة أمور.. أرجو أن تقرأيها على مهل و تعقبي بهدوء.
بداية شكرا لابنتنا العزيزة على مشاركاتك السابقة الرائعة و ليست هذه المشاركة و مشاركة أخرى كانت بخصوص المستوى رفيع أتهمتي فيه كل مدرسي المنتدى أنهم تجار و طالبي دعاية بسبب أنهم لم يسرعوا في تلبية طلبك بتوفير منهج المستوى الرفيع و أنكرتي كل الجهد الذي بذل من كافة المدرسين في المنتدى سواء في المراجعات أو المذكرات التي أكيد قمتِ بتحميلها أو المراجعات الصوتية التي حضرتيها. و الأن تطلبي منا الاستقالة (صدقيني معظنا ليس حريص على العمل بعد هذا المناخ الردئ) لكن الأغرب أنك لم تطلبيها من واضع الامتحان أو حتى من الوزير شخصيا بل طلبتيها من الطرف الذي اعتاد الجميع مهاجمته و هو المدرس الذي هو أشرف شخصية علم أبيك و والدتك و جدتك و عمتك و علمك و سيعلم أبنائك (إن شاء الله) ثم اتهمتيني انا شخصيا بالمشاركة في المذبحة بمجرد علمك أني مشارك في التصحيح دون أن تتأكدي من إن كنت أصحح سؤال القطعة أم لا أو لو كنت أصححها لم تسأليني هل اعتبرنا إجابتك خطأ أم لا؟ أليس هذا فيه تجني شخصي علي. عامة أشكرك على حسن الظن بي أخيرا رغم قناعتي بأن الاجابة الصحيحة هي إجابتك second soultion إلا أن هناك وجهات نظر أخرى (لذا يقوم تقريبا معظم المدرسين باحتساب الاثنين صح) و طبعا هذا خطأ و غموض من واضع الامتحان لكن ألست معي أن هذه هي الجزئية هي الوحيدة التي فيها كلام؟ و باقي الامتحان مضمون بنسبة 100 % أحزنني جدا ما قرأته عن حالات الانتحار بسبب صعوبة التفاضل و الميكانيكا و قلت لنفسي لو كان عند هؤلاء الطلاب إيمان أو لو كان في بيتهم من يعلمهم القليل من الدين ما وصلوا لهذا الكفر و قتل النفس.. فماذا ربحوا؟؟ و الأن أنت تثورين (رغم أنك أدبي) و كل ما قد يحدث أن تنقصي نصف درجة .. فما بالك لو كنتي علمي رياضة .. أعتقد كنت أحرقتي المنتدى.. (طبعا أدعابك) .. صدقيني تسليم الأمر لله فيه فلاح الدنيا و الأخرة لذا أخيرا أوصيك و نفسي بتقوى الله و اللجوء له و الدعاء له فهو الوحيد الذي يستطيع مساعدتك و ليس البشر أو المدرسين الجزارين أمثالي. هذا ما أعلمه لأبنائي و أعلمهم ايضا أنه لا شيئ يضاهي رضا الله عنهم فالنجاح ليس في ثانوية عامة بغيضة أو الاتحاق بجامعة تملؤها المحرمات أو العمل بوظيفة يشوبها الحرام. و أعلمهم أيضا أن كل ما نقول محاسبون عليه و سنعاقب عليه أمام الله .. وفقك الله لما يحب و يرضى |
اقتباس:
الف شكر وكنت مستنيه ردك حضرتك بالذات ثانيا انا لايمكن ان الوم واضع الامتحان او وزير التعليم لانهم باعوا الامتحان ذى باقى البلد ما اتباعت فلا يمكن ان اطالب من الحرامى الانصاف ثالثا انا اطلب منكم كشرفاء بالذات ان يكون لكم وقفه مع الفساد وصدقنى سيكون لذلك رد فعل كبير مع الطلبه العام القادم ليس اقصد الفساد هذة الغلطه فقط ولكن كيف ياتى امتحان لايفرق بين واحد طلع عينه وبين واحد متوسط اوحتى ضعيف الفساد ايضا هو الغش الجماعى الذى ساعد فيه مدرسين بترك اللجان على البحرى وبعد كل دة اعمل الصح والفاشل يعمل الغلط والفاشل هو الناجح لا والف لا ليس لدى الا الله الذى جعلنا بين ايدكم وسوف يحاسبكم الله لانكم تستطيعون ان تغيروا هذا الوضع اخيرا اشكرك على كلامتك الاخيره التى كان لها اثر كبير فى نفسى واوعدك لن اتكلم فى هذا الموضوع مره ثانيه ولكن لن اترك حقى |
من غير عصبية ولا توتر أرجو دراسة القطعة جيداً وتحليلها تحليلاً لغوياً ( قبل حكاية الاستقالة دي وبعدين أنت عاوزانا نشتغل شحاتين يا بنتي ؟ ) السؤال ببساطة يريد أن يختبر الطالب في معني كلمة eventually , وهي تعني finally or at the end واذاا نظرنا للجملة مرة أخرى سنجد أن السياق هو
Calmaly walk away, run as fast as you can , or eventually you can use force. ولكن محرر القطعة أو ( محررة ) القطعة خانه التعبير في استخدام كلمة attack والمفروض أن يستخدم كلمة أخرى مثل situation مثلاً . وعموماً جاءت الإجابة الرسمية هي at the end of the attack و أربعة وعشرين ونص ما تفرقش كثير عن خمسة وعشرين. وعموماً الامتحان لا يليق بمستوى طلبة الصف الثالث لأنه بسيط جداً وأقل من المستوى ومعظم الأوراق كانت ما بين 22 و 25 كل سنة وانتم طيبون . وجهزوا نفسكم واشتروا هدوم جديدة علشان الكلية السنة القادمة إن شاء الله . سامي - الفيوم |
ما هيه دى الكارثة ......
اقتباس:
اعطيتهم اخر سلاح يحاربون به .... ويعلم الله انه كان امامى هذه العبارة ورفضت اقولها لانى عارف نتيجتها كلمة situation مثلا دى كانت مع طلبتى و قالولى واحنا مالنا انا مقتنع جدا بـ at the end ولا يستطيع احد ان يعترض لكن at the end of the attack كده بقى الكلام ما يدخلش الدماغ و بما ان الامتحانات تقريبا خلصت .. اضم صوتى لصوتك ( انه حصل خيانة فى التعبير بقى او فى اى حاجة تانية ) ............ التاس عايزة حقها نجيبهولهم ازاى ...... وبعدين الطالبة تفرق معاها الـ 25 .... حضرتك ماخدتش بالك من المكتوب تقريبا محدش يزعل منى الا لو خد الكلام على نفسه ..... الوزارة بتاعتنا عايزة تتنظف بجد ومليانة مستفزين كتير ...... بالكلام او بقلة المعلومات .... والاخطاء كترت اوى ولا يمكن تحملها عايزين نطور التعليم ؟ ...... . هوه التطوير مش بيحصل بعدحالة رضا عن شيئ معين ولذا يقبل التطوير . يا ميرو انتى مش هتاخدى حقك او حقك بيد الصدفة ( على حسب المصحح ) ولا تقولى بقى مش حاسيب حقى ولا الكلام الفاضىده علشان بيضيع وقت بجد . فاضيينلك هما و يسيبوا الدنيا تخرب ..... الامتحانات اتسربت وعادى خالص بتحصل عايزة محرر القطعة مجرد يخونه التعبير ... نزعجه ونعمله مشكلة ويا ريت نعرف ..... اتعلمى تسكتى او بمعنى اصح اخرسى .... انت كبرتى وعقلتى واللى عندنا فى مصر بيكبر ويعقل لازم يخرس.... يا ريت نقفل الصفحة ونشوف غيره ....... استاذ / طارق ..... بالراحة عليا فى ردك ...... انا طبعا عارف انك هترد ..... بس احب انوّه لحاجة انت عارف انى مقتنع تماما ان منتدانا ان شاء الله افضل منتدى ..... ومن حقى افضفض . لكم جزيل الشكر |
يا ميرو انتى مش هتاخدى حقك او حقك بيد الصدفة ( على حسب المصحح )
ولا تقولى بقى مش حاسيب حقى ولا الكلام الفاضىده علشان بيضيع وقت بجد . فاضيينلك هما و يسيبوا الدنيا تخرب ..... الامتحانات اتسربت وعادى خالص بتحصل عايزة محرر القطعة مجرد يخونه التعبير ... نزعجه ونعمله مشكلة ويا ريت نعرف ..... اتعلمى تسكتى او بمعنى اصح اخرسى .... انت كبرتى وعقلتى واللى عندنا فى مصر بيكبر ويعقل لازم يخرس.... يا ريت نقفل الصفحة ونشوف غيره ....... Mr Koky I think this is a disappointing way of speaking, particularly when it comes out of a good teacher supposed to be calm and positive even if he discusses a negative topic.Don't you agree with me? Say yes please |
To Mr Good
Is that an order ?
I won't say yes . Being calm and positive is not my task here . It's Mr Tarek's , not mine He knows a lot that I'm a trouble maker especially in English . امال حضرتك فاكر احنا بنحبه ليه ؟ بص ياباشا انا وظيفيتى هنا اتعامل بالهدوء والايجابية مع الطلاب فقط لكن حين يتدخل الاساتذة لازم يبقى فيه مشكلة علشان حد يحل المشكلة ا/ طارق .... لو محلش 3/4 مشاكل كل يوم ميعرفش ينام ... Thank you , Mr Good . I prefer to make trouble and you may prefer to settle disputes . وكل واحد ينام على الجنب اللى يريحه I wish I hadn't bothered you ولو اعتبرتنى اخ لك ... your brother gives but isn't given orders ومتقوليش انا ماسك فى نقطة order ليه ... انا بتلكك |
نعم أعتبرك أخ
ويكفيني قبولك أن تكون أخ لي دون الحاجة لإعطاء أو تلقي أوامر نشكر الأخ طارق على هدوء شخصيته ونتخذه قدوة أما بالنسبة لردي على سيادتك فرجاء قراءته مرة أخرى لتتأكد من أمرين الأول أنه ليس ORDER والثاني أنني قصدت الإيجابية عند مناقشة قضية مع طالب مما يعطي انطباعات جيدة عن المعلم وهو ما نحن في أمس الحاجة إليه وأخيرا تقبل احترامي لشخصك الكريم |
ربنا يزيدك من نعيمه
انا حبيت بس اتعرف على سيادتك
طبعا كلامك صح وبعدين ازاى تقبل صفقة خسرانة زى دى .... حضرتك اعتبرتنى اخ ...هههههه انا قلت لسيادتك مع الطلبة فقط اكون هادئ.... لكن وجود المدرسين له مذاق خاص عندى واستمتع دائما وانا ارى اصدقائى هنا وهم يعبرون عن صبرهم و خبرتهم فى التعامل مع اى مشكلة يعنى انا اول مرة اتعامل معاك .... واقولك الصراحة .... كان نفسى امسك عليك غلطة فى الانجليزى بس مالقيتش حتى فى اسلوبك .... عجبنى ... بس نرفزنى .... وضعت good قبل supposed Thank u Mr. Good and accept my apology . اخوك ا/بدوى الدجوى |
أن لا أعرف حتى الآن أى اجابة حسبت عندكم
فى قطاع الدقهلية نفذوا أوامر وحسبت حسب المودل أنسر |
أحبائي.. مضطر إلى إغلاق الموضوع.. لأنه لن يفيد الكلام فيه بعد الأن
|
| جميع الأوقات بتوقيت GMT +2. الساعة الآن 02:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.