|
وزارتى التعليم تقر المسودة النهائية لمشروع الثانوية العامة الجديدة 2015-2016
وزارتى التعليم تقر المسودة النهائية لمشروع الثانوية العامة الجديدة 2015-2016 - فاتن حلمي نشر: 19/3/2013 3:22 م – تحديث 19/3/2013 3:22 م قبل عرضه على الحوار المجتمعى وإقراره من مجلس النواب الجديد.. كشف المهندس عدلى القزاز «مستشار وزير التربية والتعليم لتطوير التعليم وعضو اللجنة الدائمة لتطوير الثانوية العامة» لـ«التحرير»، ان اللجنة الدائمة لتطوير مشروع الثانوية العامة الجديدة والتى يترأسها وزيرى التربية والتعليم والتعليم العالى انتهت من إقرار المسودة النهائية لمشروع تطوير الثانوية العامة بالكامل، والذى تسعى الوزارتين حاليا لتطبيقه على الطلاب الملتحقين بالصف الاول الثانوى بدء من العام المقبل 2013/2014، ليطبق النظام الجديد للثانوية «الصف الثالث الثانوى» 2015/2016، وذلك فى حالة اعتماده واقراره من مجلس النواب الجديد للمشروع، موضحا ان استقر المشروع النهائى للتطوير على ان يكون امتحان الثانوية العامة امتحان اقليمى، وليس قومى، على ان يتم عقد اختبارات القدرات بالكليات كأختبار قومى فى عدد من المواد، بحسب كل قطاع، لافتا إلى إن الالتحاق بالكليات سيتم عن طريق اختبارات القدرات، مؤكدا على ان مكتب التنسيق قائم لانه الوسيلة التى تحقق مبدأ الشفافية والعدالة وتكافؤ الفرص بين الطلاب، لافتا الى ان الامتحان القومى للثانوية العامة كان يكلف وزارة التربية والتعليم 580 مليون جنيه، وبالتالى فان تحويله لامتحان اقليمى لا يتعدى تكلفة اجراؤه 50 مليون جنيه . «القزاز» أشار إلى انه تم الغاء شرط المجموع فى الثانوية العامة للالتحاق بالكليات، مؤكدا على ان المشروع الجديد يضم طلاب حملة الشهادات المعادلة الاجنبية والعربية والتعليم الفنى فى إلغاء شرط المجموع للالتحاق بالكليات، مشيرا الى ان شرط المجموع فى الالتحاق بالجامعة كانت باب خلفى للدخول للجامعة، وزيادة الدروس الخصوصية، موضحا انه يحق للطالب الحاصل على درجة النجاح 50% خوض اختبار القدرات للالتحاق بالجامعة، مؤكدا ان اهم شىء لخوض اختبارات الالتحاق بالجامعة ان يكون الطالب «ناجح»، واشار الى انه سيتم زيادة تقسيمة مكتب التنسيق بدلا من ثلاثة قطاعات ليصبح 7 قطاعات او اكثر بحسب تقسيمة التخصصات فى كل شعبة علمية «علوم – رياضة» وادبية، موضحا ان قطاعات مكتب التنسيق ستشمل «القطاع العلمى علوم ، علمى رياضة، ادبى، هندسى، طبى، حاسب الى، ادارة، فنون، واقتصاد»، مضيفا انه تم تشكيل لجنة من وزارة التعليم العالى لدراسة تقسيم القطاعات بالكليات على مستوى الجامعات لوضع امتحان قومى يسمح للطالب الالتحاق بالكلية الراغب فيها، ضاربا مثلا على ذلك بان كليات الهندسة على مستوى الجامعات سيتم وضع امتحان قومى لها، وايضا كلية الطب كذلك لها امتحان قومى مخصص لها تقوم باعداده وزارة التعليم العالى ، مؤكدا انه وفقا للمشروع الجديد يحق للطالب الناجح بالثانوية العامة اجتياز مسارين او قطاعين من الاختبارات القومية بحسب رغبته ، اى من حق الطالب مثلا خوض اختبارين قوميين فى قطاعين مختلفين ، طالما يرغب فى ذلك. مستشار تطوير التعليم، كشف ايضا انه سيتم وفقا للمشروع الجديد للثانوية زيادة عدد ايام الدراسة الفعلية طوال العام الدراسى للثانوية العامة من 150 يوما الى 160 يوما ، بالاضافة لزيادة عدد ساعات اليوم الدراسى بنسبة 20%، مضيفا أن اللجنة تدرس حاليا مقترحا ان تكون الثانوية العامة الجديدة طبقا لنظام الساعات المعتمدة . القزاز، لفت الى انه سيتم زيادة عدد مواد الثانوية العامة بكل قطاع، بحيث تضم مواد مهنية وحياتيه ،تؤهل الطلاب لسوق العمل باعتبار ان شهادة الثانوية اصبحت شهادة منتهية الصلاحية لمدة 5 سنوات، مضيفا انه سيتم التركيز فى المواد الجديدة المؤهلة على اضافة مواد تخص اللغات وادارة الاعمال والتسويق، مبادىء القانون والكمبيوتر. القزاز لفت ايضا الى ان المشروع الجديد يركز على الانشطة والتدريس معا، وان نظام الدراسة قائم على المهارات العليا والانشطة وطرق التدريس الحديثة ، موضحا ان عدد المواد الامتحانية لاتزيد عن عدد مواد النظام القديم للثانوية على ان يؤدى الطالب امتحان جزء منها فى المدرسة كمادة التربية الدينية والتربية الوطنية والمستوى الرفيع والكمبيوتر والاقتصاد والجيولوجيا ،والمواد المؤهلة لسوق العمل ولا تضاف للمجموع وستكون بنظام التقديرات، على ان يعقد امتحان اقليمى فى المواد الاساسية كاللغة العربية واللغات الاجنبية الاولى والثانية ومواد التخصص «علمى علوم ، علمى رياضة» والادبى، مشيرا الى انه تم تشكيل لجنة بوزارة التربية والتعليم لبحث ما اذا كان مواد الثانوية العامة بنظام الدرجات ام بنظام التقديرات ولاعداد خريطة بعدد المواد بكل شعبة علمى وادبى وتحديد درجات كل مادة او نظام التقديرات بها . هذا هو المصدر للخبر http://tahrirnews.com/news/view.aspx...5-e8478606d135 |
شكرا أستاذ أبو بسملة علي الخبر
بس هايكون مثار مشكلات كثيرة أثناء طرحه للنقاش المجتمعي 1) كل الميزة إللي فيه لو طبقت .. أن يكون الإمتحان إقليمي .. 2) هناك مشكلات تسرب لإمتحان موحد علي مستوي الجمهورية فمابالك ب 26 إمتحان .. 3) إضافة لمشكلات المقابلات الشخصية وماسيصاحبها من ..... مجاملات ومعارف .. ومن الممكن التدخلات السياسية .. المهم.. الفترة القادمة ستشهد مناقشات صعبة .. شكرا أستاذنا الفاضل .. |
كلام حضرتك سليم 100 % أستاذ اشرف كده هيفتحوا باب المحسوبيه والغش انا فى رأيي نظام الثانوية العامة هو المصداقيه الوحيدة المحافظة على نفسها يعنى مجموع الطالب هو الفيصل كده حرام يدمروا أولادنا وبناتنا ده مشروع تدمير وليس تطوير وحسبنا الله ونعم الوكيل شكرا لحضرتك مستر اشرف على مشاركتك بالموضوع تحياتى و تقديرى لحضرتك |
شكرا لحكومة الاخوان
والخير قادم |
تدمير جريمة انهيار شامل
|
ها هي نهايه التعليم التدمير كفايه تخريب حرام عليكم لانستطيع ضبط الامتحانات وهي علي مستوي الجمهوريه هل ستضبط محليا من الاسوا الي الاسوا
|
عَنْ عَطَاءِ بْنِ يَسَارٍ عَنْ أَبِي هُرَيْرَةَ قَالَ :بَيْنَمَا النَّبِيُّ صلى الله عليه وسلم فِى مَجْلِسٍ يُحَدِّثُ الْقَوْمَ جَاءَهُ أَعْرَابِىٌّ فَقَالَ مَتَى السَّاعَةُ فَمَضَى رَسُولُ اللهِ صلى الله عليه وسلم يُحَدِّثُ ، فَقَالَ بَعْضُ الْقَوْمِ سَمِعَ مَا قَالَ ، فَكَرِهَ مَا قَالَ ، وَقَالَ بَعْضُهُمْ بَلْ لَمْ يَسْمَعْ ، حَتَّى إِذَا قَضَى حَدِيثَهُ قَالَ أَيْنَ - أُرَاهُ - السَّائِلُ عَنِ السَّاعَةِ . قَالَ هَا أَنَا يَا رَسُولَ اللهِ . قَالَ فَإِذَا ضُيِّعَتِ الأَمَانَةُ فَانْتَظِرِ السَّاعَةَ . قَالَ كَيْفَ إِضَاعَتُهَا قَالَ إِذَا وُسِّدَ الأَمْرُ إِلَى غَيْرِ أَهْلِهِ فَانْتَظِرِ السَّاعَة. أخرجه أحمد 2/316(8714) و"البُخاري" 1/23(59) إذن فلننتظر الساعة !! |
نفسي اشوف فكر ينهض بالتعليم مش يهدم التعليم اضبط الامتحان ينضبط التعليم فوضي الامتحانات هي السبب في فشل التعليم
غش الطالب =مجتمع فاشل ونحن نذهب الامتحانات ونعرف ماذا يجري شوف امتحان الاعداديه كل ولي امر يجلس بجانب ابنه ومعه نسخه من نموذج الاجابه ونهيك عن المحمول انت في مصر هذه حقيقه لامبالغ فيها المعلم يهان في لجان الامتحان ولا يجد من يحميه |
merciiiiiiiiiiiiiii
|
مشكلتنا في مصر ليست القوانين ولكن المشكلة في التطبيق
|
لا حول و لا قوة الا بالله العلى العظيم
يعف لسانى عن وصف هذا الخراب المسمى بقانون جديد الناس دى اخى الحبيب ابو بسمله مش فاهمين اى حاجه لابد من وقفه لوقف هذة المهزله و الله بغض النظر عن الدروس الخصوصيه |
طب الى عايز يشتغل بشهادة الثانوية يدخل صنايع
|
حسبى الله ونعم الوكيل فى هذه الحكومة وفى هذه الوزارة بالاخص جزاكم الله خيرا استاذى |
و الله الواحد مش عارف يقول ايه .... بالرغم من ان مش حيبقى مهم اوى ضبط اللجان فى امتحانات الثانوية العامة لان هما خلوا المجموع ملوش اى لزمة .... يعنى حيخلوا الطالب مستهتر بالدراسة من اول اولى ابتدائى لحد الصف الثالث الثانوى مش عارف يعنى ايه مذاكرة صح ..... دا بالاضافة انهم خلوا للكليات هى المتحكمة فى دخول الطلاب .. يعنى ممكن تبقى مثلا الكليات تعمل زى كليه الفنون الجميلة جامعة اسكندرية اللى لازم تاخد فيها قرص مثلا ب 500 و امتحان ب 200 جنيه و بعد كدا تدخل الامتحان و الله اعلم حتنجح و لا لا ... يعنى بصراحة النظام دا فاشل من قبل مايبدأ
|
حسبى يالله ونعم الوكيل والله هما مش لاقيين حاجة يعملوها اساسا
|
نهضة دى و لا مش نهضة
مش فاهمين فى اى حاجة الأخوان شكلهم كده مخطط صهيوم امريكى ماسونى لتدمير التعليم ارجو من كل من اختار النهضة ان يجنى بيضها قصدى ثمارها |
هايبقى نظام كووووووووووووووووووووووووسة...الحمدلله إن أنا هادخل تالتة السنة اللى جاية..
|
الله يسامح مسئولى التعليم فى مصر كل مايحاولوا يطوروا فى التعليم
للأسف بيدمروه أكثر |
كدة رجعنا 100 سنة للخلف ودمرنا التعليم
|
نظام ضياع للمجمع والشعب المصري بذلك يتيح الفرصه للتجاره في تسربيب الاسئله والوساطه في امتحان القدرات وربنا يسترها علي البلد وعلي اولادنا:078111rg3:
|
ما هذا التهريج الذى تتحدث عنه وزارتنا الغراء كيف لا يكون المجموع هو الفيصل ؟ يعنى كده الطالب مش هيذاكر غير قبل امتحان القدرات بتاع الكليه اللى عاوزها وما يعرفش حاجة عن أى حاجة قبل كده ,,,,,,,,,,,, وممكن تلاقى واحد ما بيعرفش يقرأ وفى كلية تربية عشان نجح فى امتحان القدرات بعد الثانوية اللى جاب مجموع فيها 50% وعجبى
|
الدورس هتبقي في الثانوية وكذلك عند مدرس الجامعة وهيبقي الدروس في زياده
|
دا أكبر دليل على غياب الرؤية وعدم وجود استراتيجية للتعليم فى مصر وأن التعليم هو حقل التجارب . لكل من هب ودب وكل مرضي الشهرة . والغريب أن التعليم فى جميع دول العالم هو قطار النهضة والتقدم وسوف يكون بمصر عن طريق العشوائية والتخبط صاروخ الانهيار . أين نحن أيها المعلمون مما يحدث؟ حسبنا الله ونعم الوكيل
|
أين نحن أيها المعلمون مما يحدث؟
|
نظام فاشل قبل ان يبدا وتفوح منه رائحة مصالح المدارس الخاصة وكمان اهملوا اي تحسين لحالة المعلم الغلبان
|
عندنا في الكلية والحبايب بيتوصي عليهم عيني عينك قدام الكل في لجان الشفوي
ما بالك بئي في معركة الإلتحاق بالكليات :( |
حسبنا الله ونعم الوكيل
|
انا بسمى هذا المشروع المشروع الحقيقى لفشل التعليم فى مصر لانه بداية استهتار حقيقى للطالب فى التعليم ووجود الكوسة الحقيقية فى الجامعات ويارب كفاية قرارات لدرجة ان كل اربعة و عشرون دقيقة مش ساعة بيطلعو قرار وكان المدرس الة بيحركوها يمين و شمال ومدام مفيش ثقة فيه فالمدرس اكيد مش هيثق فى وزارته الحل الصح لاى حد بيفهم فى التعليم يبدأ من عند المعلم اكفل له راتب مش جيد و لاجيد جدا بل اعطيه مرتب فوق الممتاز يغنيه عن الدروس الخصوصية وحياة كريمة جدا جدا جدا و تاكيد الثقة دائما فيه فلا يعقل ان المعلم يعمل بجد فى ظل ظروف اجتماعية سيئة وسط الكم الهائل من التشكيك فيه و فى ضميره اذا كان اى مسئول يقدر يعمل هذا ميطلعش قرار يعيش حياة المعلم لدة سنة بنفس المرتب لو استحمل يبدأيطلع وقتها اى قرار
|
هذا اكبر تدمير للثانوية العامة و سوف يدخل كليات الطب و الهندسة الطلاب الذين لا يقراءون و لا يكتبون من الدبلومات الفنيه
المهم فى القضاء على الغش هو سر اصلاح التعليم |
خلاص ابشروا مفيش شرط المجموع من هنا ورايح شرط الكوسة والرشاوي..يلا اللي يدفع يتعلم بدل الدروس الخصوصية
|
نظام فااااااااااااااااشل جدا
بهذه الطريقة من يحصل على 50 % يمكنه ان يدخل الطب ومن حصل على 100 % من الممكن أن لا يدخل كلية الطب نظام سئ للغابة من وزير سئ للغاية |
السلام عليكم
نظام الثانوية العامة الجديد دى خطة موضوعة من زماااااااااااااااااااااااااااااااااااان وكان المفروض تنفذ ايام يسرى الجمل والوزراء اللى جم بعدهم لكن الخطة لم تنفذ غير فى هذا العهد فى عهد مرسى فى عهد الاخوان بعد ثورة من المفترض انها قامت لتغيير مصر للاسف لو كانت نتيجة النظام دة سيئة سوف تقضى على نظام الاخوان للابد ولو كانت فكرة ناجحة وجيدة سوف تسمو بنظام الاخوان للابد فى ادارة البلاد كل دى توقعات يمكن ينجح النظام ويمكن يفشل وتكون نتيجتة صعبة جدااااااااااااااااااااا الخسران فى النهاية الطالب والاسرة اللى حلمها ابنها يخلص ثانوية ويدخل كلية كويسة ومصر هى الخاسر الاكبر كل ما اتمناة يكون المشروع دة تم دراستة جيدا ويكون فعلا لمصلحة البلد انا واحد من المدرسين لا اعمل فى الكومة واعتمد على الدروس الخصوصية فهى مصدر دخلى الوحيد والنظام الجديد دة هيمنع الدروس لكن والله طالما فى مصلحة البلد لن احزن وابحث عن مصدر رزق اخر ان شاء الله وفق الله الجميع وحمى مصر واهلها |
هذ الطريقة المسماه بالقانون الجديد هي نفس الطريقة في التعامل مع اولادنا في اختبارات الحربية والشرطة وفي النهاية يتلككوا لعدم دخول ولادنا ويدخل فصيل معين معروف لدينا جميعا فلقد ذهبت الى اختبارت الشرطة مع ابني وشاهدت بعيني كيف تكون المحسوبية عوضنا على الله وانا شخصيا سابحث لابني عن بلد اخر ياخد منها الثانوية العامة
|
[QUOTE=MR : ABO BATTA;5255312][center]عَنْ عَطَاءِ بْنِ يَسَارٍ عَنْ أَبِي هُرَيْرَةَ قَالَ :بَيْنَمَا النَّبِيُّ صلى الله عليه وسلم فِى مَجْلِسٍ يُحَدِّثُ الْقَوْمَ جَاءَهُ أَعْرَابِىٌّ فَقَالَ مَتَى السَّاعَةُ فَمَضَى رَسُولُ اللهِ صلى الله عليه وسلم يُحَدِّثُ ، فَقَالَ بَعْضُ الْقَوْمِ سَمِعَ مَا قَالَ ، فَكَرِهَ مَا قَالَ ، وَقَالَ بَعْضُهُمْ بَلْ لَمْ يَسْمَعْ ، حَتَّى إِذَا قَضَى حَدِيثَهُ قَالَ أَيْنَ - أُرَاهُ - السَّائِلُ عَنِ السَّاعَةِ . قَالَ هَا أَنَا يَا رَسُولَ اللهِ . قَالَ فَإِذَا ضُيِّعَتِ الأَمَانَةُ فَانْتَظِرِ السَّاعَةَ . قَالَ كَيْفَ إِضَاعَتُهَا قَالَ إِذَا وُسِّدَ الأَمْرُ إِلَى غَيْرِ أَهْلِهِ فَانْتَظِرِ السَّاعَة. أخرجه أحمد 2/316(8714) و"البُخاري" 1/23(59)
قَالَ إِذَا وُسِّدَ الأَمْرُ إِلَى غَيْرِ أَهْلِهِ فَانْتَظِرِ السَّاعَة. والله افضل تعليق |
اقتباس:
انا واحد من المدرسين لا اعمل فى الكومة واعتمد على الدروس الخصوصية فهى مصدر دخلى الوحيد والنظام الجديد دة هيمنع الدروس لكن والله طالما فى مصلحة البلد لن احزن وابحث عن مصدر رزق اخر ان شاء الله وفق الله الجميع وحمى مصر واهلها __________________ شعور طيب من مربى فاضل والله يااخي الفاضل هدا رد على من يدعى اننا بائعى كلام باسم العلم فوالله انها رسالة ونحن مسؤولون عنها اما الاجر فمن الله وانا ارد على من يعتبر الدروس الخصوصية كتجارة السوق السوداء فالعلم لا يقدر بثمن والمربى المؤمن برسالته والله لا يمكن قياس عمله باى ثمن |
حسبي الله ونعم الوكيل
|
دة كلام غير مفهوم وغير واضح ومتحاج شرح كتيير جدا
|
اولاد الناس ليست فار تجارب وحسبى اللة ونعم الوكيل
|
هل لم تنتهي التجارب بعد
|
يا أساتذة يا محترمين كل الدول المحترمة بتعمل كده
|
بلاش كلام فارغ _ انا استاذ فى كلية الطب والمفروض بيجيلنا الحاصلين على اعلى مجموع ومستواهم العقلى متدنى والتسعين بالمائه بتاعة زمان احسن من مائه بالمائه بتاعةالايام دى فما بالك بالحاصلين على 50% وذلك منذ ان قام الاستاذ الدكتور حسام كامل بتدمير التعليم -علميا كلما ذادت قدرة الانسان على الفهم ذادت قدرته على الحفظ وحقق مجموع اعلى وكلما قلت قدرة الانسان على الفهم قلت قدرته على الحفظ وحقق مجموع اقل _وهناك عامل آ خر هو ميول الشخص الادبيه او العلميه فى التفكير مع تساوى القدره العقليه ولكن اذا اصطدم ذلك مع الاستذكار حدث نوع من الملل والكره مما يؤدى الى قلة التحصيل ولكن ليس لدرجة الفروق الشاسعه فى المجموع الكلى _فإذا كان السبب فى النظام الجديد المقترح هو التأ كد من القدره على الفهم فمبدئيا الحاصلين على مجموع 50% بالمائه اقل مستوى فى الفهم والحفظ معا _ولماذا الارتداد للوراء دا احسن حاجه عملها مجلس الشعب المنحل هى ان الثانوية العامه سنه واحده_واحسن نظام عادل هو توحيد الامتحان على مستوى الجمهورية والاحتكام الى المجموع _اما ما هو مقترح من اختبارات قبل الالتحاق بالجامعه ونظام المقابلات فهو يفتح باب للواسطه وعدم الانتقاء للعناصر المتفوقه للتعليم العالى .
|
ماحدش سأل نفسه سؤال : ايه موقف الجامعات الخاصة واللي كانت معتمدة بشكل أساسي علي اللي جايبيبن 50% واللي فاتهم التنسيق ففي النظام ده ممكن الناس دي تخش كليات حكومية طالما ان المعيار هو اختبار القدرات بس ، بمعني انه هل الراسب في اختبار القدرات من حقه دخول جامعة خاصة ؟؟؟
|
احلى حاجة احنا عمالين بنهاتى و هما بيعملوا اللى هما عايزينه
بذمتك طالب مين اللى حيسمع مدرس ليه ماهو كده كده ناجح و حخيزود الساعات الدراسية برضة ليه و لمين ايه اللى بيحصل ده بلا قرف عايزين الشعب يبقى جاهل |
لا تعليق سوى ان اقول لصاحب هذه الفكرة الجميلة
:mad::mad::mad::mad::mad::mad::mad::mad::mad::mad: انت غبــــــــــــــــى |
اقتباس:
|
و بعدين يعنى لما يبقى نظام الثانوية اقليمى هتبقى الاعداديةو الابتدائية على مستوى الحارة؟؟؟؟؟؟
|
كل ما تدفع أكتر مستقبل ابنك هيكون أفضل
استغفر الله العظيم من كل ذنب .. الناس دي بتهزر ولا بتتكلم جد .. يعني من دلوقتي أجهز ال 100 ألف لابني بتوع الكلية ماشي .. ا شمعني التعليم اللي مش بفلوس ورشوه كل ما تدفع أكتر مستقبل ابنك هيكون أفضل |
المشكله ليست فى الدروس الخصوصيه لأن ولى الأمر بيعطى لإبنه دروس من أولى إبتدائى مش شرط ث عامه أو غيره لكن احنا هنا عايزين نطبق تجارب دول أخرى لها ظروف غير ظروفنا وإمكانيات غير إمكانياتنا والنظام اللى عايزين يطبقوه ده هيدمر التعليم وهيموت المنافسه بين الطلاب يعنى 50 % يدخل اختبارات اى كليه ونرجع بقى للواسطه والمحسوبيه وماشابه ذلك وفى النهايه أولادنا حقول تجارب لجهلاء (خبراء) التعليم فى مصر |
هذ النظام هادم لمنظومة التعليم في مصر
|
حسبي الله ونعم الوكيل سيتم تدمير التعليم اكتر ماهو مدمر لوحده حتى الثانوية يا ربي
|
| جميع الأوقات بتوقيت GMT +2. الساعة الآن 12:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.