يا أهل الثانوية العامة
 

السلام عليكم ورحمة الله وبركاته
يارب تكونوا كلكم بخير انا زميلتكم بس اكبر شوية (اولي طب قنا )
انا بس عايزة اقولكم حاجة لو حد تعبان او زهقان معلش تعال علي نفسك مابقاش فاضل كتير ركز بس في الفترة دي لانها اهم وقت في السنة كلها اوعي تكسل اتعب شوية
لو حد لسة مش مراجع كويس ماتقلقش لسة في وقت كافي انك تراجع المهم انك تنظم وقتك كويس قوي وتيجي علي نفسك شوية علشان تلحق تخلص
لو حد بقي شادد حيله وماشي تمام اثبت بقي علي كدة
لو حد محتاج اي مساعدة اتفضلوا قولوا ويارب اقدر اساعدكم
ربنا يوفقكم ويحقق لكل واحد حلمه

اه وانا كمان مش مظبطه خالص
عاوزه الم المواد كلها في شهر بس مش عارفه النظام اللي امشي عليه ايه
يعني لازم كل يوم اذاكر كل المواد ولا اعمل ايه ؟؟؟؟
وهل ممكن نقدر نلم المواد في شهر واقفلها كلها ولا خلاص معتش ينفع ولا ايه؟؟؟

انا مطلوب مني السنادي اجيب 200
ازاي معرفش

هههههه انت عرفت ازاي اني جبت 204 في تالتة علي فكرة انا جبتها بفضل ربنا بس مش لاني كنت اكتر واحدة بتذاكر ولا حاجة
انا في الوقت ده مكنتش مخلصة حاجة طبعا كنت مذاكرة بس مش قوي يعني ماكنتش مقفلة المواد بس ابتداء من شهر 5 وخلال الايام اللي كانت بتبقي بين كل مادة والتانية انا راجعت كل مادة مرة واحدة بس وكنت بخلص مراجعة علي ليلة الامتحان

اااااااااااه ايوة كده طمنينى .الحمد لله
كده الواحد يذاكر وباله مرتااااااااااااااااااااااااااااااااااااااااااااااا ااااااااااااح :av4056bb7jp3:

بصوا ياجماعة الفكرة انك تذاكر صح مش تذاكر كتير تمام ركزوا معايا لاني كنت زيكم كدة وعارفة الحالة اللي انتوا فيها وان شاء الله هتوصلوا لدرجة ان مفيش سؤال مهما كان صعب هيقف معاكم
ياريت بس حد يتكرم ويكتبلي الجدول بتاعكم لاني مش عارفة علشان نظبط نفسنا علي الايام
بس مبدئيا كدة كنصيحة سريعة دلوقتي حلوا اكبر قدر من الاسئلة وجيبوا كشكول لكل مادة تحلوا فيه سؤال واجابة عارفة انكم مش هتعرفوا تحلوا عادي جدا افتحوا الكتاب شوفوا الاجابة النموذجية واكتبها
حل الاسئلة هي المنقذ انا حليت كم كبير جدا من الاسئلة وده خلاني مابقتش خايفة من الامتحان ما انا خلاص حليت اسئلة وفهمت شكل السؤال بيجي ازاي وعرفت خفايا كل درس وايه اللي ممكن يجي فيه

طبعا ينفع اه لازم كل يوم تذاكري كل المواد او بمعني اصح تحلي اسئلة اقري السؤال ودوري علي اجابته في الكتاب خليكي واثقة في ربك انه قادر انه يساعدك بس ابذلي بقي جهد كبير الايام دي

طب اديني نصائح ان كمان بما اننا ان شاء الله داخلة تانية ثانوي علمي اديني نصائح ابتدي بيها عشان اكون مستعدة

تبدأي دروس من 1/9 مش قبل كدة وكل درس تاخديه تذاكريه علي طول واول مات
خلصي المناهج ابتدي راجعي علي طول وخدي يوم اجازة كل اسبوع ماتذاكريش فيه خالص الخميس مثلا بس كدة

شكرا ليكي جدا يادكتورة بس هوا حضرتك كنتي اقتصاد واحصا ولا علم نفس

:d علم نفس

طب ممكن تقوليلي طريقة مذاكرة كويسة ليه لاني قلقانة اوي منو انا بحل كتييييييييييير جدا بس بردو مش عارفة احفظ الكلام بالنص كدة ومش عارفة اعمل ايه

طيب واللى مستوواه 10 % يعمل اييه يا دكتورة ويذااكر ازاى ... المشكله مش فكده كماان المشكله فى الفيس بوك :d .... 30 ساعه فى ال 24 فاتحوا :d .... متضحكيش عليا :d .... يا هينفع اذاكر هشيل اوبح ... ااجل احسن :d

لا ماتقلقيش الاسئلة بتبقي مشهورة جدا واجاباتها بتبقي معروفة المهم انك تكوني قارية الدرس كويس من الكتاب لان اسلوب امتحان علم النفس انه يختار عنوان ولا جملة في الكتاب ويقولك اتكلمي في الموضوع ده فمهم انك تكوني عارفة ايه اجابة كل سؤال لانك ممكن تلاقي نفسك بتجاوبي في حاجة تاني غير اللي هو عايزها
هو حفظه سهل مش صعب ومش لازم الكلام نفسه بالنص

انت ليه فرحان كدة؟ انا اسفة يعني بس حاسة انك مش عايز تذاكر اصلا
انا مش بحب موضوع التأجيل ده بس لو مش عارف اي حاجة خالص في المنهج يبقي مفيش حل تاني بس لو عارف بس مش قوي يعني فلو ذاكرت جامد الفترة دي وقفلت الاكونت هتحل كويس وانا اتمني انك تذاكر جامد دلوقتي وبلاش تأجيل

انا علمى علوم وجبت فى تانية 96.5% مشكلتى تضييع الوقت ومش عارفة اعمل ايه
دة غير انى نفسى اخش طب اسنان ولما بشوف اصحابى اللى جايبن 97 و98 و99 % بيتكلموا ويقولوا احنا ممكن منلحقش طب او صيدلة ومفيش فرصة وبتاع فأنا لما بسمع الكلام دة بحس بأحباط وتوتر واقول امال انا بقى اعمل ايه

ماتخليش الشيطان يلعب في دماغك وسيبك من كلام اصحابك حاولي تيجي علي نفسك وماتضيعيش وقت لان الايام اللي احنا فيها دي هي اللي هتفرق معاكي بصي من الاخر كدة عايزة تدخلي طب اسنان اثبتلي انك عايزة تدخليها بجد مش بالكلام يعني لازم تجيبي اخرك في المذاكرة الايام دي علشان تيجبي مالايقل عن 98.5 في ثالثة علشان يبقي 2و3 مع بعض حوالي 97.5 ودرجة مستوي يبقي 98.5 ربنا يوفقك ادعي ربنا كتير وابذلي جهد فالله سبحانه وتعالي اعدل وارحم واكرم من ان يراك تعمل ولا يمد لك يد العون والمساعدة

انا فى اولى وكنت عايزة اعرف اتأسس ازاى فى الانجليزى؟ واعمل ايه فى الاجازة بالنسبة للانجليزى

توضأى ...وصلى ركعتين لله...بنية كشف الكرب وهدوء النفس..اقرئى ربعا من القرآن أو كما تشائين..بعدها سبحى الله ثلاثا وثلاثين واحمديه ثلاثا وثلاثين،وكبريه كذلك ...واجلسى للمذاكرة ،وقولى توكلت على الحى الذى لا يموت..اللهم أعنى على ما أعمل ..وأنصر بصرى وبصيرتى،وجنبنى وما أعمل الشيطان..وذاكرى ..إن شاء الله رضا الله وسكينته يمآن قلبك ونفسك

الانجليزي بيتقسم لكزا حاجة في حاجات لازم تبقي مضمونة وتكوني عارفاهم كويس قوي زي مثلا القواعد كلها سؤال المواقف والحجات دي تمام بعد كدة في الكلمات بتاعت كل وحدة لازم تحفظيهم كويس قوي وطبعا اسئلة القصة لازم تتحفظ وتقرأي القصة كويس قوي من الكتاب بعد كدة نيجي للترجمة تحفظي الكلمات المشهورة المهمة وتتدربي علي جمل ترجمة مش تقعدي تحفظي كلمات وخلاص تتدربي علي جمل كاملة ابداي بكتاب surprise بعد كدة في المراجعة هاتي the best مراجعة وsenior مراجعة وماتعمليش حاجة في الاجازة ابدأي بداية قوية من بداية الدراسة هيكون افضل كتير من انك تبدأي في الاجازة

ليه بس كدة يا اسراء الموضوع ابسط من كدة بكتير رزقك ربنا خلاص كتبهولك وهتخديه وبعدين النتائج بيد الله الاسباب لاتاتي بالنتائج احنا بناخد بالاسباب لان ربنا امرنا بكدة مش لانها هي اللي بتجيب النتائج يعني انا بذاكر علشان ربنا امرني اخد بالاسباب مش لان المذاكرة هي اللي هتنجحني وانا متاكدة ان ربنا مش هيسبني وهيوفقني يبقي مفيش داعي اقلق واتوتر داومي علي الاستغفار واقري واسمعي قرآن كتير قولي لنفسك انا عندي حسن ظن بربي وبدعي وعارفة انه هيستجيب وبجتهد واعمل اللي عليا يبقي خلاص ربنا يطمن قلبك

فينك انتى اللى بتشجعينا جيه دورنا الان لنشجعكى اوثقى فى نفسك وقدراتك ولا تخافى الله ما بيضيع تعب اللى مثل حضرتك

عاوز اسأل حضرتك سؤال برا الموضوع شوية واتمني تجاوبيني بالواقع ومنغير مجاملات ..
انا في 2 ثانوي وعاوز ادخل طب بشري إن شاء الله ، فيه ناس كتير ومن ضمنهم ناس قرايبي اللي بيقعدو يقولو كلام يعقد عن الطب ، المشكلة منهم ناس فى طب وبيقولو كلام سيئ سواء عن صعوبة الدراسة او المستوي المادى بعد التخرج والبهدلة الكتير اوى واللى يقلك محتاج وقت كبيير لحد ما تتشهر وقبل كدة حتعيش متبهدل وكلام سيئ .. ايه رأي حضرتك فى الكلام ده ؟ وليه ناس (وللاسف منهم ناس طلبة فى طب) بيقولوه ؟ لو رجع بيكي الزمن تدخلي طب؟


وشكراً

شكرا جدا على النصائح الحلوة دى

اوك عجبني جدا سؤال اولا انا بالنسبة لي لو رجع بيا الزمن هدخل طب بردو ومش هتردد ثانية اني ادخله ثانيا بالنسبة لصعوبة الدراسة فهي صعبة اكيد بس وايه المشكلة اني ادرس حاجة صعبة طالما انا واثقة في ربي انه هيساعدني وبعدين ماهي صعبة عليك وصعبة علي غيرك يعني اللي دخل طب واتفوق فيه وطلع من الاوائل فيه يفرق عنك في ايه ولا حاجة اكيد انا مرت عليا ايام صعبة في بداية الدراسة وكنت مش فاهمة حاجة ومدايقة من الكلية وكل الحجات دي بس ده في الاول بعد كدة هتتعود
المستوي المادي بعد التخرج مش هقولك انه كويس بس بيتحسن مرتبات الدكاترة بتتحسن مع الوقت وعلي ما انت تتخرج هيكون المرتبات زادت جدا فماتقلقش من الموضوع ده
هتاخد وقت كبير علي ماتتشهر لا مين قال كدة ده بيعتمد علي شطارتك وشغلك في المستشفي وبعدين انت مش هتتخرج انهردة وهتفتح عيادة انهردة بردو لا ده في سكة طويلة لغاية لما تقدر تفتح عيادة وهيكون ليك مالايقل عن 4 سنين بتشتغل في المستشفي هتكون اتشهرت فيهم
هتعيش متبهدل ؟لا طبعا بالعكس الدكتور من اكتر الناس اللي ليها مركز اجتماعي محترم جدا
الطب افضل مهنة بالنسبالي مااحترامي لكل المهن التانية وطبعا كلها مهمة بس كفاية انك هتبقي طبيب عارف ده معناه ايه الموضوع اكبر بكتير من مرتب ولا دراسة صعبة ولا بتاع انت هتكون سبب انك تخفف معاناة انسان في اي احسن من كدة
سيبك من كلام الناس وبعدين اللي في طب وبيعقدك منه قوله دخلته ليه لما انت بتكرهه كدة
اعمل اللي انت شايفه صح الناس كدة ولا كدة هتتكلم انا ياما عقدوني من الطب ولسة لغاية دلوقتي بس عادي مش فارق معايا كلامهم

شكرا على المجهود الرائع وان شاء الله خير

:d الشكر لله ربنا يوفقك ويارب اسمع عنك كل خير

الشكر لله ربنا يوفقكم كلكم ويحقق لكل واحد حلمه

انا نفسيتى تعبانة لأنى سايبة الدروس من شهر 4 قلت هجمع مع نفسى فى البيت وكده والحمد لله جمعت حاجات كتيير بس العربى ....... مش متظبط خااااااالص والحياء حاسة انى نسيتها وف نفس بضيع وقت ومضايقة جدااااااااااااا
هل هيكفى انى اكمل ال15 يوم الباقيين دول لوحدى بردو ولا ارجع دروسى تانى ولا اعمل ايه ؟؟
انا نفسى اجيب زيك اوووووووووووووووووووووووووى :blush:

نفسيتك تعبانة ليه بس حاولي ماتضغطيش علي اعصابك تاموضوع بسيط توكلي علي ربك ادعيه ذاكري كويس الفترة اللي جاية وربنا هيكرمك
ترجعي للدروس ولا لا دي حاجة انتي اللي تحدديها شوفي هل الدرس بيعطلك ولا بيفيديك انا رايي ترجعي يمكن المدرس يقول حاجة مهمة
شوفي ايه اللي مش متظبط في العربي واشتغلي عليه الايام دي يعني مثلا لو المشكلة في النصوص راجعي عليها اليومين دول وحلي اسئلة كتير
الاحياء حلي عليها كل يوم امتحان كامل هتلاقي المنهج كله بقي في دماغك وباقي المواد بردو حلي عليها امتحانات كاملة ربنا يوفقك وتجيبي احسن مني

ربنا يبارك فيكى يا دكتورة
كلامك جميل جدااااا

ادعيلى (نفسى وحلمى ابقا زيك)

ربنا يكرمك تبقي احسن مني