|
تتوقع تدخل كلية ايه؟؟
ياجماعة انا حبيت اعرف بس بعد ماخلصنا الامتحانات وتقريبا مافضلناش غير الجغرافيا ده بالنسبة لعلمى رياضة ايه توقعاتكوا للكلية اللى ممكن تدخلوها؟؟؟؟
انا عن نفسى حاسس انى هدخل تربية بعد النقص الرهيب فى درجات المواد وانتوا؟؟ |
يا تجارة يا أداب ده لو حصلتهم كمان تبقا بركة كبيرة اوى
|
لو جالى اداب يبقى جامد اوى
|
ادااب او حقوق وخلوا ست الكل والدتكم تدعيلى وتدعيلكم الا دعوة الام
|
زرااااااااااااااااعة
هي ده اخرتها |
:(:o:huh:تربية رياضية وكده يعنى ابقى عملت انجاز هههههههههههههههه
|
تجارة انتساب او السن خاص
|
ايه يا كابتن كليه ايه بس!تعرف انا جايبة ف تانية 204 يعنى 99.51 وشكلى كده السنة دى.........بللا ربنا يستر ونلحق معهد اللاسلكى!!!
|
غريبة يعنى مسمعتش حد قال هندسة واضح ان كلنا مدمرين لازم نكون متفائلين شوية
|
ان شاء الله علوم قسم رياضيات .
|
ربنا يوفقنا وكل واحد يدخل الكلية اللى هو عاوزها
|
يعنى مفيش حد احياء ولا ايه
|
انا طالب فى علمى رياضة و كنت جايب فى تانية 97
و متوقع السنة دى اخش خدمة اجتماعية |
هو معهد بريد هو دة اخرنا
|
هو معهد بريد هو دة اخرنا
|
أنا ياجماعة كان نفسى أدخل كلية ألسن بس بعد إمتحان الفيزياء والإحصاء بدعى ربنا أدخل كلية تجارة أو حتى أدااااااااااااب
|
كلية الزبالين فرع القاهرة شعبة اكياس التعبئة
|
انا شكلى كده هدخل كليه الثانويه ههههههههههههه
|
لو دخلت شعبة اكياس تعبئة ابقى احجزلى مكان فى قسم المقشات ههههههه بس متهيالى محتاجة امتحان قدرات
|
انا كنت جيبة فى تانية 92.5 وكان نفسى ادخل اقتصاد وعلوم سياسة ولكن بعد الاحصاء هدخل اداب
|
مالها كلية اداب
جميلة وحلوة يااارب بس ادخلها ادعولي اني اجيبها بس والله حاسة اني مش هاجيبها اصلا |
والنبي ما هتوصل لمعهد صرف صحي حتى ،هههههههههههههههههههههههههه
|
معهد تفصيص بلح قسم عجوة ولو جبتو
|
بعد203 سنه تانيه اتوقع ماالحق طب بس مش حادخل صيدله علشان عايز السن كوري
|
تيجي نشتكو في منظمه حقوق الانسان انا مرعوب من الاحياء .44.5 فيزياء
|
ان شاء الله انا متوقع الاحياء تجيلكوا سهلة وربنا يوفقكوا يجماعة وخليكوا متفائلين الموضوع مش هيوصل لصرف صحى وتفصيص بلح لانه ممكن يوصل لابعد من كدة ههههههههه
لانى الحمدلله شايف التفاؤل بينط من وشوشكوا ده التوبيك هيفرقع من التفاؤل |
انا كان حلمى ادخل حاسبات بس دلوقتى حلمى بأة فى الارض
ان شاء الله تجارة او خاص زى ما الوزير عايزcomputer science |
ان شاء الله هندسة ( بترول السويس ) |
السلام عليكمـ ورحمة الله وبركاته
انتهت الامتحانات يا شباب مصر وأملها وليس لنا الآن إلا أن نحسن الظن بالله واليئس حرامـ فالمؤمن يرضى بحكمـ الله خيره وشره وليس له إلا الان يقول عند المصيبة إنا لله وإنا إليه راجعون ولعله خير كان حلمي أدخل هندسة قسمـ عمارة وما حدث لم يقلل من عزمي شيئا لأني مسلمة ويجب أن تكونوا كذلك تمسكوا بحلمكوا وربنا يوفقكمـ |
اقتباس:
انا بهزر معاك ربنا يوفقك وتدخلها وادى اول واحد متفائل مين تانى |
مفيش حد النة دى يحلم انة يدخل كلية هندسة لان دة مستحيل ودة ان الوزارة عايزة كدة اما انا بقول ربنا يكملها بالسار واداب اعلام كدة
|
هى هندسة حلم ؟؟!! ايه يعنى هندسة ؟؟ هابقى ايه فى الاخر ؟؟
|
اقتباس:
|
انشاء الله زراعه قسم ورق عنب بعد الا حصاء
|
كلية حقوق جميل اوى
|
يعنى 402,222 كلهم فى تجارة و اداب و زراعة ؟؟؟؟ اكيد ان شاء الله اللى نفسه فى حاجة هيدخلها و بعدين الدنيا و الدراسة مش معمولين عشان طب و صيدلة و هندسة فى حاجات تانية كتييير حلوة بس احنا اللى عقلنا متقفل على ال3 دول و زى ما دايما بقول المهم الواحد يكون حابب اللى هو بيدرسه و بيشتغل فيه و المهم النجاح مش مهم فى اى فرع .. و ربنا يوفق الجميع و كله يدخل اللى هو عايزه
|
انا ممكن احصل تجاره عربى انتساب اقاليم حلايب وشلاتين
انا بجد زاكرت السنادى اكتر من السنه اللى فاتت الضعف والسنه اللى فاتت كنت جايبه 91 واتنين من عشره وكنت بلعب على هندسه وكنت حاطه هندسه نصب اعينى ..والسنادى تقريبا الخروجات اللى خرجتها طول الدراسه تتعد على الادين الاتنين ..بس انا عارفه انى مجموعى هينزل الارض ..المصيبه يوم الصدمه يوم ماشوف نيجه ايام كنت بزاكر فيها الماده اد كده وكنت بحل فى كل ماده فى اكتر من تلات كتب خارجيه ده غغسر الفزيا اكتر بكتير ...على العموم خلاص مش فارقه |
اقتباس:
|
اقتباس:
و بعدين انا لو ندمانة على حاجة واحدة بس فى حياتى هتبقى ان انا كملت احياء يعنى مالها هندسة بترول و هندسة طيران و هندسة اتصالات بس ازاااى بدام جبتلى درجتين زيادة لازم كل اللى يشوفونى ازيك يا دوكتورة عشان طبعا مش معترف غير بدكتورة دى و عامة مفيش حد حياخد اكتر من اللى مكتوب له و كل اللى يجيبه ربنا كويس انا عمرى ما تخيلت ان انا ممكن اقول الجملة دى معدتش فارقة لان طول عمرى اى حاجة و لو صغيرة خالص بتفرق معايا اجى دلوقتى و اقول على مستقبلى معدتش فارقة ؟ انا مش متصورة ان انا بقولها كمان و انا مقتنعة لان انا عملت اللى عليا و ربنا مش بيضيع مجهود حد بس ان شاء الله هدخل صيدلة يااااارب و ان شاء الله كل واحد يدخل الكلية اللى عايزها و بعدين بلاش تشاؤم دلوقتى .. سيبتو ايه ليوم النتيجة ؟ :D |
أنا هدخل جهنم ...!وادي ويل ..!
مظنش مجموعي[من 90-93]علمي رياضة] هيعمل أكتر من كده.! حد جي معايا!؟ |
انانا بدعى ربنا ادخل اى كليه مبقتش فارقة بس المهم اهى كليه احسن من مفيش
ربنا يسترها معانا |
طب بشري اسكندرية بإذن الله
|
انا معهد صرف صحي قسم شطاف
|
انا معهد صرف صحي قسم شطاف هههههههههههههههههههههه
|
والله العظيم انا مش مصدق اللى حصلى السنة دى انا كنت حاسس انا خلاص دخلت كلية طب بعد ما جبيت 203 فى تانية ثانوى وخصوصا انى ناقص الدرجتين فى العربى يعنى المواد العلمية واللغات قشطة بس بعد اللى حصلى فى الفيزياء اتمنى الحق زراعة قسم خراطيم خصوصا ان توزيعة الدرجات فى الفيزياء ضيعتنى لانى حليت كل الاسئلة الصعبة الحمد لله وسبت السهل لانى ملحقتش احلة واللى سبتة زودوا درجاتة وشالو من اللى حليتة وكمان الاحصاء حليت التلاتة الاختيارى صح وغلطت فى الاجبارى بدل ماخد الانحراف اخد التباين يعنى بجد مش مكتبولى نصيب ادخل طب بس الحمد لله وكفاية فضايح لحد هنا
|
| جميع الأوقات بتوقيت GMT +2. الساعة الآن 09:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.