ههههههههه النهارة قبضت شهر مايو والزيادة بالكوم
 

انا معلم اول أ لقيت زيدة شهر مايو 37 جنية :022yb4::022yb4::022yb4::022yb4::022yb4:
الادارى وبقيت موظفى الدولة زاد واحنا لسة على قديمة

ربنا يبشرك بالخير

ربنا يبشرك بالخير

بوس ايدك وش وظهر انت هتنهب حرام عليك بلاش طمع حسبي الله ونعم الوكيل فى سياسة الاخوان وحكمهم

حسبى الله ونعم الوكيل ربنا قادر على كل شئ

الحمد لله إن المرتب وصل الشهر ده

و هل قبضت الراتب يوم 20 فى الشهر؟

:022yb4::022yb4::028ja7:37 حته واحده انا بحسدك انا زدت 22 جنيه بس يا بختك هههههههههههههههههههههههههه

لمعرفة الأساسي
 

المهم اخى المكرم الكريم
البركه فيما نحصل عليه
لالكثرته

والنبي يا شيخ بلاش شغل الاخوان المخابيل دول دانتو قرفتونا الاخوان كل00000000ب العصر

طبعا لازم يحصل كده المدرس هو الحيطة المايلة و حسبنا الله و نعم الوكيل فى النقابة الاخوانية الى تتبع الحكومة بدون النظر الى مصلحة المدرس الذى للاسف انتخبها

وسع من السكة ياجدع احنا بأه في اداري يوسف الصديق بالفيوم حصلنا علي حقنا كامل بفضل تعليمات السيد وزير التعليم وتعليمات السيد وكيل الوزارة واهتمام ورعاية السيد مدير الادارة فقد ارتفع مرتب شهر مايو بمعدل يفوق الخيال ، انها الزيادة ياسادة 11 جنية الله يخرب بيوتكم!!!!!!!

انا عن نفسى زدت 32 ج بحالهم ناوى افتح بيهم مشروع

هناك زيادة بالفعل لكنها ستكون فى قبض شهر سبعة اى على اول تمانية والزيادة دى حتكون كما يلى
فرق الاجور المتغيرة على ال200% ودى تقريبا بتكون حوالى 100 الى 150 تزيد او تقل شوية على حسب سنوات الخبرة للمعلم أول فما فوق + علاوة 10% من اساسى العام الحالى ودى تقريبا بتكوون فى حدود 40 الى 50 جنيه حسب سنوات الخبرة للمعلم اول فما فوق + علاوة دورية 5 جنيه يعنى متوسط الزيادة حيكون فى حدود 150 جنيه

طب منين بقى كانت الزيادة بعد اضافة ال30% حوالى 35 جنيه فقط ؟ دا فرق الاجور المتغيرة لحافز المحليات القديم ابو 25% + حافز الاثابة لاننا بناخد حوافزهم على اساسى العام الحالى اما بقية حوافز ال200% بناخدهم على اساسى العام الماضى

بخلاف الاداريين اللى بياخدوا كامل حوافزهم على اساسى العام الحالى وبالتالى انت ترى زيادة الاداريين اكتر منك لهذا السبب

الزياده هنحس بيها زى الناس فى مرتب 7
اما شهر 5 , 6 هتكون الزيادة فقط فى حوافز عادية 25% وحافز الاداء حسب ماكل واحد بياخده
لكن فى شهر 7 كل انواع الحوافز هتزيد

والسبب طبعا ان حوافز الكادر ( بدل معلم ـ بدل اعتماد ومن ضمنها ال50% )بتعطى على اساسى 30/6 من العام السابق
كمان مننساش ان العلاوة الخاصة 2013 مكانها فاضى لن توضع الا فى شهر 7

اليوم استلمت المرتب والزيادة 24 جنيه بعد خدمة 26 سنة وقبل الخصم كانت ال 30% 97 جنيه شفت المسخرة في الخصم والسرقة

افهم ديه مش سياسة الاخوان وحكمهم حرام عليكم الحزب الوطنى منتشر فى كل مكان والكل يعلم ذلك جيدا

الاخ اللى مش عاجبه المرتب فى عهد الاخوان:
هل كلامك ده على اساس انك كنت بتقبض 10 الاف جنيه ايام مبارك؟
ولا انت عايز تشتم و خلاص؟

المرتب علي قديمه الزياده هتكون في شهر 7-2014 وذلك لأن عندنا نقابة تنمى لكلاب المرشد وعبيده

:022yb4::022yb4::028ja7:37 حته واحده انا بحسدك انا زدت 14 جنيه بس يا بختك هههههههههههههههههههههههههه

فى الأزهر الزيادة 14 جنيه فقط

انا بقى مرتبي قل اه و الله قل حوالي 8 جنيه

لسه الضرائب الشهر القادم

أنا تعيين 2000 مثلك ومرتبى 1122 ضرورى تراجع مرتبك فى المديرية

احمد ربنا انا معلم اول ا تعيين 1994 وزدت 19 جنية فقط

والله مرتبي نقص عشرة جنيهات فكان المرتب 1025 أصبح بعد الزيادة 1015 ونعم الزيادة

دا بال 50% الاخيره ؟

أنا معلم أول أ ومرتبي زاد 6 جنيه فقط ..........
وبصراحه لا تعليق

هل الحزب الوطنى هو الى بيحكم الان وهو سيد قرارة اعتقد لو مرسى اراد تصحيح الخطأ كان اصلحة ولا الحزب الوطنى ماسك ايدية بقرار من جملة القوانين والقرارات المشبوهة على سبيل المثال كان احتسب الكادر على اساسى نفس العام او على الاقل كان اوفى بوعدة بال 50% التانية ولا اية برضة الحزب الوطنى حسبى اللة ونعم الوكيل فى كل من يرى هذا الظلم بعينة ويرمى التبعية على الاخرين تعبنا كفاية حرام عليكم ارحمونا شوية من الكذب والافتراء

هام و عاجل جدا و مصيبة
 

السلام عليكم (هام و عاجل)
لو سمحتم يا جماعة انا عندي استفسار من فضلكم انا من القاهرة ادارة الوايلي النهاردة رجعتلنا كشوفات المرتبات لشهر 6 بعد ما تم عملها لان فيه نشرة من الادارة وصلت بتقول انه سوف يتم الغاء بدل الاعتماد اللي هو ال50 % من المرتبات هل فيه حد وصل عنده النشرة ديه برجاء الافادة مع العلم ال50 % ديه غير ال50% اللي خدناها من شهر 10 و علي فكرة احنا بردو صرفنا منها 4 شهور بس و بعد كده قالوا مفيش فلوس فهل فيه حد سمع بالكلام ده برجاء الرد للاهمية

انا تعين 1999 رحت اقبض لقيت المرتب نقص عن الشهر السابق رحتى ادعى للرئيس والحكومة ربنا يساعدهمم ويجوعونا اكتر واكتر

لن اجد كلمات تعبر عن احباطى وغضبى غير 0حسبنا الله ونعم والوكيل ) والذى يجنن ان الى الان تجد ناس تدافع عن سياسة الاخوان فى الحكم وتقارن بين نظام مبارك ونظام مرسى وتناست ان مصر قامت فيها ثورة وكان هدفها التغيير الى الافضل عجبا لناس كل ما تقول لهم مظلوم يقولك مش كنت مظلوم ايام مبارك اقول ايه ربى انقذنا من هذا الجهل ومن حكومه الفشله ومن رئيس لا يحس بالغلابه وكمان بيطلبوا زيادة ميزانية الرئاسة 55مليون جنية ولا يعرف حد كام مليون تاخذه مؤسسة الرياسة

مفاجأة .. فعلا كل موظفى الدولة زادوا 30% فى الأساسى وحافز الإثابة وبعد السؤال عن السر , قال الموظف المسئول فى المرتبات إن الكادر هو السبب والزيادة فى 1/7/2013 ولا أعرف السبب هل هى بالمزاج ولا حقد على المعلمين ؟

لكي نكون منصفين في كلامنا لا تنسى يا اخي ان صافي مرتبك زاد من يناير 2011 و حتى الان بنسبة 100% و بالطبع فهو مازال لا يكفي و نأمل في المزيد ان شاء الله
و الثورة عشان تأتي بالتغيير الى الافضل لابد ان نعمل بجد و لا تنسي ان الله لا يغير ما بقوم حتى يغيروا ما بأنفسهم فماذا صنع المصريون بعد الثورة مباشرة خرجت كل فئات المجتمع لتنادي بحقوقها الضائعة معتبرة نفسها أن مصر لا تقم إلا بها وحدها و كان أكبر خطأ من حكومة عصام شرف و المجلس العسكري إنهم رضخوا لهذه المظاهرات الفئوية الرخيصة مما أدى لما نحن فيه الأن يحقد بعضنا على بعض و البعض يرى انه مهمش لا تشعر به الدولة مثلنا نحن المعلمين و لكن أنا عكسك تماما ارى الخير قادم ان شاء الله بقليل من الصبر فتفاألوا بالخير تجدوه ان شاء الله

اما عن ذكرك للرئيس انه لا يشعر بمعاناه الغلابة ففي هذا مبالغة في غير محلها فالرئيس واحد من بسطاء هذا الشعب أسرته تعاني مثلنا و على ما أتذكر ان له أخ معلم و بعدين منذ متى كنا نرى موكب الرئيس يقف ليستمع الى شكاوي المواطنين و الامثلة كثيرة في هذا الصدد
اما عن ميزانية مؤسسة الرئاسة ان كانت لديك معلومات مؤكدة عن شبه فساد مالي فيجب عليك التوجه للنيابة و رفع قضية و طبعا انت عارف موقف القضاه من الرئيس و جماعته يعني بالبلدي كدة ما حيصدقوا
و ياريت لو حضرتك تقولنا كم كانت تصرف مؤسسة الرياسة في عهد المخلوع؟؟؟؟؟؟
و تقبل تحياتي