ياللعار على مرتب المدرسين فى مصر(كارتةمايو)
 

أنا مرتبى 645ج بلا حسد الحمد لله يعنى 30%زودتنى11ج ربنا ياخدهم مسابقة2008ولم اضم المدة والعامل فى المعهد والادارى زاد من60الى120ج وشيخ المعهد زاد20جوالله ان لم احصل على حقى ويكون هناك عدالة لم أشرح كلمة العام القادم ومش واخد مرتبى عشان مايبقاش حرام على

ادعوا للمرسى والاخوان ومشروع النهضة
وانتخبوهم فى انتخابات مجلس النواب القادمة
حسبى الله ونعم الوكيل

هههههههههههه خلوا مرسى والاخوان ينفعوكم
البلد فى نهضة الرواتب ممتازة والكهرباء عمرها ماقطعت
حسبى الله ونعم الوكيل فى الاخوان الظلمة
اللهم انتقم منهم شر انتقام
اللهم امين

انت بس شوف الفرق بينك و بين زميلك في التربية و التعليم
العيب على ادارة الازهر

:022yb4::022yb4::022yb4:

فعلا المفروض نشوف الفرق بيننا وبين التربية والتعليم
العيب مش على مرسي والاخوان العيب على قادة الازهر وغفلتهم عنا

الحمد للة
انا قبضت اليوم
655
الشرقية
تعاقد 2007

الحمد لله على كل حال لكن الواجب هو تحري الدقة في نقل المعلومة هذا اولا - ثانيا الازهر بمؤرسساته الدعوية والعلمية به بلا شك فساد اداري غير مسبوق
نرجو من الامام الاكبر السرعة في تطوير الازهر

و لكن معي ما يثبت الفروق أستاذنا الفاضل
و متاكد من هذا بالمستندات استاذ سعيد
يعني مش هتبلى على ادارة الازهر الفاشلة
في فروق واضحه و لعلم حضراتكم ذهبيت لمدير الحسابات بمنطقتنا
وناقشتهم و قال لي انت صح و لكن تعليمات واضحه
" هذا هو الازهر " ماذا نفعل ؟
اشتكي
و قلت لهم أنني لا انتظر مشورتكم و فعلا بدءت رفع دعوى قضائية ضد شيخ الازهر بصفته

انت شاغل بالك يا استاذ مصطفى ب ملاليم فرق ما بيننا وبين التربية والتعليم
يا ريس شوف البترول والكهربا و و و و بياخدو كام الله يخليك

العيب مش على الاخوان ولا على شيخ الازهر العيب علينا اننا راضين بالمهانة وسكتين ولسه ياما هنشوف
الحل فى اعتصام الاحد 26 / 5 لازم كلنا نشارك

الاخوة الافاضل اللي بيشتموا ويسبوا لمرسي وللاخوان ياريت يكون عندهم الجراة ويذكروا ولو كلمة عن اي مسئول بالازهر هي كيد سياسي فلولي وخلاص ياريت الادمن يمنع مثل هذه الاساءات سواء للازهر او اي رمز من رموز مصر والاخ اللي بياخد 645 انا اقل منه 635 اساله سؤال كنت بتاخد كام قبل الثورة المحترمة اللي طهرتنا من الظلمة الحرامية ارجو الانصاف يا سادة وجزاكم الله خييرا

هو 600 جنيه دول يعملو ايه وبعدين مرسى ما زودناش مليم الزياده من ايام المجلس العسكرى اما مرسى والاخوان الله ينكد عليهم فى كل مكان انا النهارده مسافر فى القطار ما حدش صدق ان فى مرتب 600 جنيه لحد دلوقتى

يا جماعة لى زميل مدرس معى فى الأزهر وزوجته مدرسة فى التربية والتعليم سألته عن الموضوع ده بيحلف لى بالله انه بيقبض اكثر من مراته مع انها اقدم منه بسنتين ثلاثة. وطبعا العهدة على الراوى .

مع احترامى لحضرتك كلامك عارى تماما من الصحة معلمى التربية و التعليم كانو بياخدو 720 قبل زيادة الاساسى و بعد الزيادة مرتبهم عدا ال 800 جنية واساسي دفعة 2008 فى التربية والتعليم بعد اضافة ال 30 % وصل 273 جنية
تقدر تقولى حضرتك مرتبك انت كام بعد الزيادة واساسيك كام

مش تحمدو ربنا ان احنا اتثبتنا اصلا يا رجالة وحتى لو مرتبك وصل الف جنيه لازم تعمل اى مصلحة تانية جمب الوظيفة

ما علاقة الإخوان في الفساد الإداري في الأزهر ؟
، مجموعة من حملة الدبلومات يتحكمون في مشائخ الأزهر ، ويصيبون الأزهر بالجمود ، ويحقدون على معلمي الأزهر ، وللأسف يستغفلون جهل المشائخ في الادارة والقانون

اذهبوا لزملائكم بالتربية والتعليم لتقارنوا بينكم وبينهم ، فهم بالنسبة للدولة موظفون مثلكم تماما ، لكننا بالأزهر لا نريد التطوير ولا يملك الكثير منا اتساع الأفق والنظرة المنصفة العميقة ، نريد أن نركب موجة القاء أخاؤنا وفساد الكثيرين منا على السلطة الحاكمة ، فلا نسعى للحصول على حقوقنا ولا تطهير صفوفنا ممن يملكون رقابنا !!!!!!!
مرتبي يقل عن مرتب زميلي بالتربية والتعليم نفس التعيين بكثير ، فهل هذا خطأ المالية والحكومة أم خطأ ادارة الأزهر ؟

عايز ارجعلك يا مصر واحس بكرامتى وكرامة المعلم المصرى الذى له له الفضل بعد الله سبحانه وتعالى فى تعليم ابناء العالم العربى وغيره . بحبك يا مصر يا بلدى
معلم فى الغربه

لسلام عليكم ورحمة الله وبركاته
اقتراح على سيادتكم ما يلي:
1- عمل توكيلات جماعية من الزملاء النشطين لمحامي يقدم شكوى للمحكمة الادارية واخرى للمحكمة الدستورية لاجبار الازهر على رد مستحقاتنا ومعاملتنا بالمثل مع معلمي التربية والتعليم كما نص عليه قانون تنظيم الازهر وقوانين مجلس الوزراء ومبدأ تكافؤ الفرص الذي نص عليه الدستور.
2- مقاطعة الامتحانات والتصحيح في كافة المعاهد على مستوى الجمهورية.
3- الخطوة الأخيرة هي تقديم استقالات جماعية على أن تكون استقالة مسببة.