|
اليوم قبضنا المكافأه 65يوم من غير حسد مبلغ وقدره 692.51بالتمام .
بصراحه الازهر مش بيسامح فى اى فلوس بيديهالنا خالص يعنى الناس بتحسدنا على المكافأه يقوم الازهر مقطعها على تلات حتت حسبى الله ونعم الوكيل .....عموماً انا مضميتش المده والاساسى بتاعى الشهر دا 241.......
|
دا يعتبر مرتب شهر بس زايد كام جنيه
|
ياسيدى المفروض تقبض 700 وواحد وتسعين قرش مكفاتك ناقصه
|
بتقولها علني كده ومنتش خايف من الحسد
|
احمد ربنا وكويس انك قيضت
|
الله على النهضة واحنا كنا مفكرين إننا بعد الثورة هناخد مرتبات كه زى دول الخليج ويمكن أكتر لكن صحينا على .................................................. ................... كبيييييييييييييييييييير أوى
|
اللهم لاحســـــــــــــــــــــــــــــــــــــــــد وايه مشاريعك القادمه؟ |
ارجو اختيار الالفاظ
كل عام وانتم بخير |
الاخ احمد محمد الحفناوى عيب اللفظ ده
|
الله يبارك فيكم جميعاً وعقبال عندكم بصراحه انا مش عارف اعمل بيهم ايه ياريت تقترحو عليا مشروع يكون دخله كويس ويكون بالدولار عشان الجنيه المصرى النهـــضة اكلتوا قصدى الفنكوش فنكشوا .....
|
اقتباس:
|
سبحان الله .. مفيش اي تعليق من حضراتكم به شكر او حمد لله الحمد لله علي فضله .. لئن شكرتم لازيدنكم اسال الله البركة في الرزق لنا جميعا |
المهم في البركة
اسأل الله العظيم ان يبارك لنا في ارزاقنا امين يا رب العالمين |
[right]فى الأزهر خايفين عليكم من الحسد بتاع الجماعة اللي في التربية والتعليم يا جماعةوممكن يكونوا خايفين لاتصرفوا الفلوس مرة واحدة وبيحوشوها لكم علشان العيد الكبير
وممكن كمان حطوها لكم في بنك وهتاخدوها بالأرباح الناس ياخويا نهضتها السبت والحد واحنا نهضتنا ما وردت على حد[/right] |
الحمد الله اللهم ارزقنا العافية وبارك لنا في اولادنا |
انا عن نفسى يدوب يقضوا مصاريف ومواصلات امتحان الشهادة الثانوية وربنا يستر منستلفش عليهم
|
بسم الله ما شاء الله
ومش خايف تمشي بالفلوس كده ده انت ممكن يخطفوك ويطلبوا فدية مش من الازهر لا من اهلك هههههههههههههه بجد شر البلية ما يضحك حاجة تسد النفس انا بس عاوزة اقولك واقول لنفسي ربنا يصبرنا على ما ابتلانا |
اقتباس:
قولي الحمد لله |
اقتباس:
الحمد لله على ايه يا استاذ !!!!! على كدب محمد مرسى بمناسبة الحد الادنى ولا على سوء ادارته ولا على الكتاب الاحمر بتاع الانتخابات ولا على مشروع ال 100 يوم ؟؟!!! ولا على حاجات كتير كده الشخص الذكى بيعرف انتى يدافع عن حاجة وامتى يبطل دفاع عن اشياء بقت زاضحة للاعمى انها غلط الشخص المنتمى لجماعة الاخوان هو اللى مبيعرفش امتى يوقف اللى هو حافظه :blush: |
عندك حق يا مستر احمد كلامهم واحد واسطامبه واحده زي مايكونوا عايشين في دنيا تانيه
مؤهل متوسط 1800جنيه في كادر الاطباء الجديد يعني دبلوم ولا مؤاخذه لا والسروجي يقولك ماوعدوكوش بال50% التانيه في شهر سبعه خالص لاكن انشاء الله اقتصاد البلد يتحسن مش هنديكم 50 % دا احنا هنديكم 500% في الميه لان المعلم يستاهل اكتر من كده عارفين ايه انه ياخد بالجزمه امال اقتصاد ايه اللي هيعملوا منه كادر الاطباء اقتصاد بلد تانيه اتقوا الله فينا وهقولها باعلي صوت منك لله يا مرسي http://www.thanwya.com/vb/style12/buttons/edit.gif |
بفكر اشترى قيراط ارض مبانى ويارب المكافة تكفى تشطيبة
|
اقتباس:
|
النهضة.
النهضة يا بت. النهضة ياواد... هاتخلي بلادكم أحلى بلاد... السما هاتمطر ملوخية... والترعة هاتتملي تسقية... والأندروير يبقى طاقية... مصر هاتصبح تكسي بعداد... النهضة يا بت. النهضة يا واد... في العشة هايتركب تكييف... وعيون بالزوفة لكل كفيف... وهاتبنوا بيوتكم بالبلوبيف... ولا حوجة لبنا ولا لحداد... النهضة يا بت. النهضة يا واد... وهاندي العازب مية فدان... مزروعة شجر يطرح نسوان... وهاتِتوِلِد الطفلة بستيان... أتجوز واملا الكون أولاد... النهضة يا بت. النهضة يا واد... والجزمة هاتاخدك وتطير فوق... والفرخة تبيض البيض مسلوق... وتملس ع العيش المحروق... يبقى أطعم من كعك الأعياد... النهضة يا بت. النهضة يا واد... وهانزرع قتا بالقنطار... وهاتسترجل وهاتبقى خيار... وبدال الدسكو هانعمل زار... للممسوس إلي عليه أسياد... النهضة يا بت. النهضة يا واد... والعيش هاتشوفوه هاتضحك له... هاتزغرط لما تشوف شكله... يدخل بطنك قبل ما تاكله... يستاهل إنه يكون في مزاد... النهضة يا بت. النهضة يا واد... وإن كان لياليك ضلمة مهببة... نصرف لك مرشد بالكهربا... صدقني دي وصفة ومتجربة... هايلعلع من مصر لبغداد... النهضة يا بت. النهضة يا واد... بالنهضة هانثبت سنك... ونخلي أبوك أصغر منك... وهاتفرح بالدنيا إكمنك... عشت إلي ما عاشهوش الأجداد... النهضة يا بت. النهضة يا واد... هانغير قوانين اللعبة... ولا تبقى في مصر ظروف صعبة... ونبطل طوفان بالكعبة... ونطوف حوالين مبنى الإرشاد... النهضة يا بت. النهضة يا واد... يا مصري اصبر واتأنى… هانخلي لك بلدك جنة… يوم ما البسبوسة تكون حنا… والتبن بخور. والفتة سماد… وإياك تسمع أي معارضة… سيبك منهم دول ناس مرضى… غمض عينك واصبر وارضى… واحلم بالخير زي المعتاد… وهاتتفاجئ بالنهضة يا واد… بقلم الدكتور صلاح عبد الله |
الحمد لله ربنا يبارك يارب
|
ربنا يبارك لنا فيها
|
ربنا يبارككلك فيهم
|
قبضناها اليوم 700 جنيه على الاساسى الجديد 240
|
الرد العملى اذا قام به كل المدرسين سيطيحوا بالاخوان
آخر فرصة فى انتخابات مجلس النواب القادمة أطيحوا بهم أنا عن نفسى أقسم بالله هانتخب اى حد ضد الاخوان على فكرة انا زدت 30% عملت معايا حوالى 11 جنيه مسابقة 2006 تثبيت 2011 من الحزب الوطنى للاخوان مفيش فرق نفس الظلم فين الحد الادنى http://www.thanwya.com/vb/life/icons/icon113.gif حسبى الله ونعم الوكيل :stickjo4: |
مسابقة 2006 تثبيت 2011
من الحزب الوطنى للاخوان مفيش فرق نفس الظلم فين الحد الادنى http://www.thanwya.com/vb/life/icons/icon113.gif حسبى الله ونعم الوكيل :stickjo4: |
نهضة بقى ياجماعة ههههههههههه
حسبى الله ونعم الوكيل فيهم |
شوفوا ياجماعة ردنا على الاخوان فى الانتخابات اللى جاية اننا ندى لكتلة واحدة تبقى ضدهم وكلنا نتفق عليى الكتلة ديه او الحزب المهم الخوان الملاعين دول ربنة يخلصنا منهم
لانهم بصراحة طلعوا نصابين |
لا حول و لا قوة الا بالله العظيم الواحد مش عارف يلاقيها من ايه و لا ايه بجد
انا زهقت و قرفت و حسبى الله و نعم الوكيل فى كل ظالم و مفسد |
السلام عليكم .عندي استفسار .بعض الزملاء الافاضل يقول انه قبض 700 والبعض الاخر يقول انه قبض 691 وكلا منهما لم يضم المدة .فما سبب هذا الفرق .ارجوا التوضيح .وجزاكم الله خيرا .
|
| جميع الأوقات بتوقيت GMT +2. الساعة الآن 02:44 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.