هل ترضى أن يصارحك احد بعيوبك ؟
 

إن لكل إنسان مهما كان أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص 'كل ابن آدم خطاء' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية

كما قال عنها سيدنا عمر بن الخطاب رضي الله عنه : ( رحم الله امرأ اهدى إلي عيوبي ) .

فما هو لون الغلاف أو شكل الغلاف ( أقصد هنا الأسلوب ) الذي تحب أن تغلّف به هديتك ؟


هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

أكون سعيدة جدا واعتبره بمثابة مرءاة لي
مع العلم بأن النصيحة علي الملأ فضيحة

اكيد طبعا ......ده حتى انا واصحابى كل فتره بنجتمع مع بعض
عشان نقول لبعض ايه العيوب او المميزات اللى فينا
عشان نحاول نصلح من عيوبنا
فيا ريت الكل يعمل زيى ما انا واصحابى بنعمل مع بعض
وده مش عيب ابدا

ياريت والله يحصل وانا حاول اعمل كده مع اصحابى
وشكرا على مرورك

انا فعلا انا وصحباتى كل فترة بنقد نسال بعض ايه العيوب اللى فى كل واحدة ونحاول نصلحها مع بعض ومش بنزعل ابدا من بعض مدام بينب وبين بعض مش على الملأ يعنى

اكيد هكون مبسوطة لما حد يقولى عيوبى
مش يمكن احاول احسنها

انا اتمنى ان حد يصارحنى بعيوبى عشان احاول اصححها
وانا بطلب منهم مصارحتى بعيوبى

انا بكون فرحان قوى لما حد يقولى فيك عيب كذا
بيتهيألى هو ده الصاحب بجد
بس طبعا على حسب اللهجة وطريقة الكلام
وممكن يكون بيحقد عليك وده بيدخلنا فى موضوع تانى اللى هو الأصدقاء
ده من وجهة نظرى المتواضعة جدا
وشكرا جزيلا على الموضوع الأكثر روعة

شئ جميل ان الواحد يعرف عيوبه علشان يصلحها لكن يا ريت تكون بطريقة كويسة

ياريت فعلا الاقى حد يصارحنى بعيوبى

بجد انا بحب اى حد يصارحنى بعيوبى ولكن باحترااام علشان اخلى العيب ده ميزه او انهى العيب ده من شخصيتى واللى بيعرفنى عيوبى باعتبره شخص تهمة مصلحتى جداااااااااااا عشان هو هيحذرنى من التعامل مع الاخرين بمثل هذا العيب ...............اختك شيرى ممكن تقبل مرورى ......؟؟؟؟؟؟؟؟؟؟؟؟

انا بقى بضايق اوي من نفسي علشان مش بحب اصارح حد بعيوبه وخصوصا لما تكون صاحبتي اوي علشان بخاف تزعل مني وفي نفس الوقت ساعات لما حد يصارحني بعيوبي بتحرج شويه من اللى قدامي لكن مش ببين كده ليها وبحاول بعد كده اصلح نفسي واتخلص من العيب ده

أولا احب أشكرك ع الموضوع لإنه فعلا رائع

ثانيا جميل جدا إني الاقي شخص ينتقدني ساعتها هحس إنه صديق حقيقي بس الأهم من النقد نفسه طريقه النقد الإسلاب اللي بينتقدني بيه
يعني مثلا مش نكون مجموعه سوا والنقد يبدأ لإن ساعتها هتكون فعلا إما إهانه مقصوده أو سبيل للسخريه

النقد نوعان : نوع غرضه محاولة الاساءة اليك او التقليل من شانك وهذا طبعا مرفوض وانا شخصيا تعرضت ليه واقدر دلوقت اكشفه واتعامل مع صاحبه .
اما النوع الاخر الغرض منه خير ومصلحة وانا شخصيا اتقبله لانه يدل على خوف صاحبه عليك وعلى مصلحتك وحابب انك تكون احسن من غير نفاق
ومن راي انا ايضا " كفى بالمرء ان تعد اخطاءه"

طبعا احب اصحابي يصارحوني بعيوبي عشان احسن من نفسي
بس طبعا بخفه دم مش بغلاسه يعني

طبعا اقبل
لان مفيش احسن من المصارحة
بس بالاسلوب الحسن
لان اللى يصارحك بعيوبك بغرض انك تصلحها تعرف انه بيحبك وبيخاف عليك
انما العكس دا تعرف انه مش بيحبك وعاوز يفضحك وبس

ولو ليا صديق فيه صفة مش كويسة
اكيد طبعا هنصحه لانى محبش ان النصيحة تجيله من حد غيرى ممكن تكون باسلوب ميعجبهوش

اكيد ياشيرى شكرا على مرورك

اكيد ياشيرى شكرا على مرورك