|
--- من الثانوية للكلية.. "سوسن" للأبد! ---
http://www.boswtol.com/modules/image...01/awel_01.jpg -- الساعة 6 صباحا -- التليفون يرن في إلحاح شديد في قلب المنزل الذي بدأ سكانه في الاستيقاظ، يرد الأب في قلق قبل أن ينادي على ابنه "أحمد" الذي يستعد للذهاب إلى لجنة امتحانات الثانوية العامة: - "أحمد"... كلم "باسم" صاحبك.. بيقول عاوزك في حاجة مهمة.. على الله بس ميكونش بيسألك جبت معاك ساندويتشات ولا لأ.. انتوا راحين امتحان مش طالعين رحلة! يلتقط "أحمد" سماعة التليفون في سرعة وقبل حتى أن ينطق آلو ينطلق "باسم" كالمدفع: - بأقولك ياض.. هات من أبوك 200 جنيه وقابلني عند مكتبة "سوسن" بعد عشر دقائق - 200 جنيه؟ ليه يا عم ده المكتبة كلها ماتساويش 145 قرش.. وبعدين هنشتري إيه دلوقت ما إحنا مجهزين كل حاجة .. حتى الساندويتشات هأجيبها معايا! - ساندويتشات مين يا مفجوع!.. يا عم المكتبة بتوزع أسئلة الامتحان دلوقت.. وبـ200 جنيه.. هنروح نشتري نسخة ونحفظها ونخش الامتحانات نكتب الكلمتين ونظبط - امتحانات؟! غش؟! خيااااااااانة! حاشا وكلا! - حاشا وكلا؟! أنت هتعمل فيها القائد "بيبرس"! براحتك.. خليك أنت في ساندويتشاتك وأنا رايح أجيب الامتحان يا عم.. بس ما ترجعش تعيط.. كليك! يستمع "أحمد" إلى صوت التليفون بعد إغلاقه، يظل ممسكا بالسماعة للحظات، ثم يأتيه صوت والدته وهي تنادي عليه حتى يتناول إفطاره، يتصل برقم ما سريعا، ويأتيه الصوت من الطرف الآخر فيبادره بالقول: - صباح الخير يا عمو.. باسم كان قالي إنه رايح يشتري قلم رصاص من مكتبة كده قبل الامتحان.. حضرتك ما تعرفش المكتبة دي اسمها إيه؟! http://www.boswtol.com/modules/image...01/awel_02.jpg --- -- الساعة 12 مساء -- التليفون يرن في إلحاح شديد في قلب المنزل، يرد الأب في قلق قبل أن ينادي على ابنه "أحمد" الذي يستعد للذهاب إلى امتحان البكالوريوس في الجامعة: - اتفضل يا سيدي.. صاحبتك اللي اسمها "سوسن" دي.. مش دي اللي أبوها فاتح مكتبة في آخر الشارع؟ طب والله مسخرة.. بنات إيه يا إخواتي اللي بتتصل بالولاد نص الليل؟! يلتقط "أحمد" سماعة التليفون في سرعة وقبل حتى أن ينطق آلو تنطلق "سوسن" كالمدفع: - بص يا "ميدو" هات ورقة وقلم بسرعة.. ماتنّحش كده أنا جبت 3 أسئلة من الامتحان بتاع بكرة في الجامعة.. كده يبقى فاضل سؤال واحد بس لو محلتوش حتى يبقى برضه هتنجح.. - أسئلة امتحان بكره؟ وجبتيهم منين دول؟ - عادي يعني.. رحت للدكتور.. عيطت له شوية.. وأعطيته إحساس بأن ماما هيجرالها حاجة لو سقطت السنة دي.. صعبت عليه.. مسكين مايعرفش إن ماما متوفية أصلا! - بس ده اسمه غش وتدليس .. ده حرام.. حرااااام! - غش؟ وحرام؟! أنت هتعمل فيها الشيخ "علام"؟! ماشي يا شقيق.. بشوقك.. فوتك بعافية.. كليك! يستمع "أحمد" إلى صوت التليفون بعد إغلاقه، يظل ممسكا بالسماعة للحظات، ثم يأتيه صوت والدته وهي تنادي عليه حتى يتناول عشاءه، يتصل برقم ما سريعا، ويأتيه الصوت من الطرف الآخر فيبادره بالقول: - إيه يا سوسن.. أنت عصبية كده ليه.. بأضحك معاك يا شيخة... ما أنت عارفة إن ماما برضه ممكن يحصل لها حاجة لو سقطت السنة دي.. بس تعرفي أنا زعلان منك.. إزاي يعني ماتجبيش السؤال الرابع؟! http://www.boswtol.com/modules/image...01/awel_03.jpg ايه؟ بتضحك ومتصور إن ده مش بيحصل؟ أمال اللي حصل في امتحانات الثانوية العامة ده اسمه إيه؟ ده كل أنواع الغش والتسريب حصلت لدرجة إن اللي ناقص هو إن أسئلة الامتحانات يذيعها التليفزيون في نشرة 9! احنا مش هنفتش في ضماير حد بس زي ما أنت شايف من شبّ على شيء شاب عليه فعلا.. واللي بيغش في الثانوية العامة مابيعرفش ينجح في الجامعة إلا عن طريق سوسن برضه! مش كده وبس المشكلة إن فيه تناقض رهيب بيحصل.. لأنه في الوقت اللي بنشوف فيه مظاهر للتدين- بنشجعها بكل تأكيد- بدأت تنتشر في الجامعات والمدارس نفاجأ بتزايد أعداد اللي بيغشوا وبيدوروا على الامتحانات المتسربة! شايف التناقض ده سببه إيه؟ وشايف ممكن يأثر إزاي على المستقبل باعتبار الطالب الغشاش هو الطبيب الذي لا يراعي الله في عمله وهو المحامي الفاسد والضابط المرتشي؟ وهل فعلا لو جت لك فرصة تغش في الامتحان أو أنك تعرف أسئلة الامتحانات من بدري هتعمل كده فعلا و"بيس يا مان" وإيه المشكلة ما كل الناس هتعمل زيي؟ ولا هتكون القائد بيبرس والشيخ علام وهتمتنع عن الغش أو تسريب الامتحانات ده ولو على رقبتك؟ http://www.boswtol.com/modules/image...01/awel_04.jpg يعني.. ليه كتير مننا بتكون "سوسن" صديقته دايما من الثانوية للكلية؟! |
شكرا ع الموضوع
بس هو منقووووووووووووووووووووووووووووووووووووووووووووووو وووول _ والأمانه تفرض انك تقول انه منقول_ |
اقتباس:
واضح اوى من الكاريكاتور انى ناقلاه وبعدين انا ماقولتش انى كاتباه |
ههههههههههههههههه هم يبكى وهم يضحك يمهل ولا يهمل |
موضوع جميل فعلا
وتقريبا هو ده اللى بيحصل وحصل معايا فى مادة الانجليزى السنة دى وبالنسبة لموضوعمنقول انا افضل الموضوع المنقول بعناية عن اى كلمتين والسلام ومكتوب عليهم منقول اختيار موفق فى نقل الموضوع وشكرا على المجهود |
موضوع رائع جدااااااااااااااا وحتي لو منقول شكرااااااااااااا ليك لانك تعبتي وضورتي وجبتيه
|
موضوع جميل فعلا حتى لو كان منقول المهم الاستفادة شكررراااا منى |
اقتباس:
بس انت عملت الواجب |
هههههههههههههه موضوع جميل جدا . ماتعرفيش نمرة تليفون سوسن دي ههههههههه
ما خلاص بقت كوسة |
اقتباس:
معاك حق يمهل ولا يهمل وان الله لا يضيع اجر من احسن عملا --- شكرا محمد لمرورك :) |
اقتباس:
ما هو للاسف بيحصل وبقى عادى :( ومابقاش حد من دول حاسس ان ده حرام ومابقاش حد مقدر كلام الرسول - صلى الله عليه وسلم - (( من غشنا ليس منا )) مش عارفين اد ايه (( ليس منا )) دى كبيرة اوى !! ومش سهل ابدا على اى حد يتحملها !! معتقدين ان طالما الكل بيعمل كدة بقت حاجة عادية (( زيها زى حاجات كتير اوى ف مجتمعنا )) لاء وبقى - ف نظرهم - اللى بيرفض يغش شخص غريب وغبى واللى بيرفض يغشش شخص انانى ومابيحبش غير نفسه ربنا يهدى بقى :( مانقدرش نقول غير كدة بس ازاى حصل معاك ده ف الانجليزى السنة دى ؟ --- ميرسى كتير اسلام لمرورك وكويس ان الموضوع عجبك |
اقتباس:
انا ماتعبتش ودورت عشان اجيبه كل ما فى الموضوع انى قريته بالصدفة وعجبنى :D اقتباس:
طب يا رب يكون فيه استفادة اقتباس:
شكرا لمرورك اقتباس:
لاء انا مش معايا نمرتها ومش عايزة اعرفها :rolleyes: |
شر البليه ما يضحك
|
اقتباس:
ما هى بتضحك بس حقيقى بتتعب اوى الناس اللى حاسين بان مجهودهم وتعبهم اتساوى بلعب واستهتار ناس تانية يلا كله ف الاخر عند ربنا :) --- شكرا مس رانيا لمرورك :) |
ههههههههههههههههههه
الموضوع جميل جدا وطريقة عرضة رووووووووعة لاكن الواقع المؤلم وخصوصا فى الجامعات ان كتير جدا جدا جدا من الطلبة بيبقى رايح وحاتطفى دماغة انة يغش فى الامتحان والغريب لما تسئلة قبل اللجنة ذاكرت ولا لا لا يرد يقول لا تقولة امال هتعمل اية يقلك انا سايبها على الله هنجيب كلمة من اليمين على كلمة من الشمال على كلمتين تاليف ودول دايما نتيجتهم ثابتة مبتتغيرش الا مع الى معندوش طمير وهى رااااااااااااااااااااااااااسب وحتى لو نجح فى الامتحان هيبقى رااااااااااااسب فى حياتة وهيخسر اخرتة |
اقتباس:
مفيش شوفت الامتحان قبلها ب4 ساعات |
اقتباس:
يا سلام :rolleyes: رايح وحاطط ف دماغه يغش .. بقى ده العلم اللى الاسلام دعا ليه :confused: لاء وسايبها على الله .. عامل زى الحرامى اللى بيروح يسرق ويقول ربنا يسترها معايا :mad: وزى ما قولت هايبقى فاشل ف دنيته وهايخسر آخرته ربنا يهدى :( --- شكرا على مرورك اقتباس:
4 ساعات :D:D:D:D |
انا اول مره اشوف الموضوع بجد ...موضوع مسلى اوى ..شكرا
|
ماهو ده اللى بيحصل
كل حاجة بقت كوسة فعلا اللى بيبقى فاشل فى اول حياته بيبقى فاشل طول عمره |
ههههههههههههههه موضوع مسخرة جدا
بس هو فى حد يرفس النعمة برضو ؟؟ .. للاسف انا مش مثالى اوى بصراحة لو الفرصة جت مش هارفضها يعنى متهيألى فى عالم ظالم و قاسى زى اللى بنعيش فيه مش ممكن اكون انا اصلح واحد لحمل شعلة الاصلاح :cool: |
بجد موضوع حلو اوى
ودا بيحصل كتير دا غير المسخره اللى بتحصل فى قلب اللجان دا الطلبه بيقعدوا جنب بعض يحلوا الامتحان وانا مرضاش على نفسى الغش علشان دينا بيمنعنا من كده والحمد لله |
موضوع رائع بس اشمعنا اسم سوسن :d :d :d
|
basmala MoonLife MoaTaZinHo شكرا لمروركم :) اقتباس:
هو انا كنت عاملاه لهدف تانى غير التسلية بس مفيش مشاكل :D نورتى اقتباس:
معاكى حق ربنا يهدى :rolleyes: اقتباس:
ولا حد فينا مثالى ومش بيغلط لكن لازم يكون فيه شوية كنترول يعنى لما حد يغش ويدخل كلية ويتخرج ويشتغل ف المجال اللى درسه ف الكلية دى ايه يضمنله ان مرتبه مايكونش حرام ؟! |
الشفق الباكي Ra2oF شكرا لمروركم :) اقتباس:
ماشوفتش قبل كدة الحاجات دى بس مش غريبة اوى يعنى :mad: اقتباس:
قولى الاول اشمعنى انت اسمك رؤوف :D |
بصى هقولك حاجة
والله اللى مذاكر مش بيكون عايز حاجة من حد حتى لو الإمتحان نفسة بس انا هتكلم عن نفسى أنا لو مذاكر وواثق من نفسى وتمام التمام وسوسن اتصلت بيه علشان تدينى الإمتحان بصراحة هاخد الإمتحان بس انا هيبقى ضميرى مستريح قليلا جدا علشان انا مذاكر ولو انا مش مذاكر ضميرى بجد هيألمنى قوى حتى لو جبت امتياز ودى مشكلة والله بتواجهة المجتمع واحنا شايفين حال بعض الدكاترة والقضاة عاملين ازاى اليومين دول وفى النهاية شكرا جزيلاwho cares على التوبيك الجامد جدا جدا جدا |
موضوع جميل فعلا
شكرا على التوبيك الهايل ده وفعلا ده اللى بيحصل دلوقتى كتير ربنا يصلحهم ولازم كل واحد يراعى ضميره دلوقتى كل واحد بقى عايز مصلحته والسلام من غير اى تعب ولا اجتهاد |
توبيك جامد أوي وشكراً جزيلاً
|
اقتباس:
أنا بسمع أن التسريب حصل في المنيا بس :eek: |
هههههههههههههههههههه وااااااااااااااااااااااااااااااااااااااااااااااااا اااااااااااااااااااء واااااااااااء مش عارف بقي اذا كنت اضحك والا اعيط ولييييييييييييييييييه يعني جت عالامتحانات ماهي بقت كوسة في كل حاجة يبقي عادي مادام كل شئ بقي عادي واكيد مش لازم نستغرب يللا شكرا علي موضوعك ونقلاه نقلاه ايه يعني المهم انك تعبتي ودورتي وحطيتي واحنا استفدنا |
أحمد 2025 TEMON شكرا جدا جدا لمروركم الجميل :) اقتباس:
الشكر ليك يا احمد واحييك على صراحتك :) بس حتى لو مذاكر كويس اوى وواثق من نفسك مفيش مبرر لتسريب الامتحان وانا ف اعتقادى انك بتتكلم لانك ماكنتش ف الموقف ده لكن لو فعلا كنت مذاكر بجد هاتبقى عارف ان مفيش حاجة هاتقف قدامك ولو لا قدر الله حصل حاجة ف ده عشان ربنا له حكمة ف كدة واكيد هو كاتبلك الخير ف المكان اللى هايكتبلك تكون فيه ابسط حاجة هاتكون مش عايز مشاكل لنفسك او تشيل نفسك ذنب حاجة انت مش محتاجها اما بقى المستفيدين من التسريب ف عمرى ما هاصدق ان حد فيهم مسك كتاب طول السنة او ان الظروف خدمتهم وهما رايحين الامتحان الصبح واتكعبلوا ف ورقة الاسئلة بالصدفة !! :D اقتباس:
معاكى حق كل واحد عايز مصلحته بس مش كله عايزها من غير تعب تقدرى تقولى الاغلبية بس :D وقلة هما اللى بيبقوا عايزين يتعبوا ربنا يهدى !! |
إنتحار طالب ثانوي happiness_sadness7 شكرا لمروركم :) اقتباس:
العفو اى خدمة :D اقتباس:
اسلام مش ثانوية عامة اصلا وبعدين مين قالك ان التسريب كان ف المنيا بس او كان السنة دى بس بتوع المنيا دول اللى ماعرفوش يسربوا كويس :D لكن الكلام ده موجود كتير اوى ولو مفيش تسريب فيه غش :rolleyes: دى ناس بتعرف تتصرف :p اقتباس:
ممكن تكون الكوسة بقت ف كل حاجة بس انا اتكلمت عن الحاجة اللى تخصنى او اكتر حاجة اتأثرت بيها يعنى لما الاقى مجهودى بيضيع ف الهوا وانى باتساوى بناس ماتستاهلش ده !! على فكرة انا شيلت كلام من الاقتباس اللى اخدته يا ريت حضرتك كمان تشيله من ردك وردى عليه هو ( لا تعليق ) |
ممكن تكون الكوسة بقت ف كل حاجة [/QUOTE]بس انا اتكلمت عن الحاجة اللى تخصنى او اكتر حاجة اتأثرت بيها يعنى لما الاقى مجهودى بيضيع ف الهوا وانى باتساوى بناس ماتستاهلش ده !! على فكرة انا شيلت كلام من الاقتباس اللى اخدته يا ريت حضرتك كمان تشيله من ردك وردى عليه هو ( لا تعليق ) اولا احب اطمنك ؟؟ ربنا مش بيضيع مجهود حد مهما حصل وكل واحد بياخد نصيبه ده حاجة مافيهاش كلاااااااااااام وانا اسف لو كنت كتبت رد ازعج حضرتك ... اااااااه وعلي فكرة بوسي بتحكيلي عنك كتييييييييييييير ؟؟ وبجد اااااااااااسف ........... وبجد دايما اوعي تنسي انا علي طول باصبر نفسي علي اي حاجة بان ربنا مش بيضيع مجهود حد وان كل حاجة نصيب واكيد خير كل حاجة ربنا كاتبهالنا واسف كماااااااااااااااااااان مرة لو كنت ازعجتك بالكلام |
اقتباس:
اولا شكرا لاستجابتك ومش مستاهلة اسف ولا حاجة مفيش مشاكل ثانيا اكيد ربنا مش بيضيع تعب حد واكيد ربنا كاتب للانسان الخير ف المكان اللى هايروحه او الحاجة اللى هاتحصله طالما الانسان ده ماعملش حاجة غلط |
اقتباس:
هقولك حاجة انا مش عارف انت امتحنتى احصاء معانا السنة دى ولا لا بس عارفة يوم الإحصاء ده رايح مذاكر تمام الحمدلله هجيب 50 ان شاء الله دخلت الإمتحان واستلمت الورقة قعدت اكلم نفسى وعملت ورقة الأسئلة صاروخ لغاية ما اتقطعت مع انى مذاكرها موت موت موت ومحلتش غير حاجات بسيطة وخرجت خرجت نزلت دمعتين كده وانا قاعد بضحك وبعد ما خلصنا اقتصاد قعدت اضحك كتير قوى اصل بصى ده قضاء ربنا كتبة فهنعمل ايه يعنى قولت الحمدلله وفعلا الورق مكنش بيتسرب كده قبل الإمتحان ده اصلا فى المينيا الورق بيتسرب بقاله 3 سنين والله لما انا عرفت كده قعدت اضحك وابقى ابقلينى لو عملوا حاجة مع اللى سربوا الإمتحان احسن حاجة الواحد يكبر دماغه فى كده واللى ربنا كاتبة هنشوفة ولازم نقول الحمدلله على كل شىء هى كانت سنه مقرفة والحمدلله فنشت على خير وشكرا جزيلا جزيلا جزيلا على التوبيك وعلى الرد |
اقتباس:
لاء انا مامتحنتش احصا انا من الناس اللى استفادوا من تجربتكم وهاياخدوا فلسفة السنة دى باذن الله :D مع ان كان نفسى اخد احصا بجد لكن مفيش استعداد لتعب الاعصاب كفاية الخوف الطبيعى من الامتحانات هو فعلا معاك حق وفرقت معاهم ف الامتحانات الاسطورية السنة دى لكن برضو ( ان الله لا يضيع اجر من احسن عملا ) زى ما قولت .. ده قدر واكيد ربنا كاتبلك الخير ف الكلية اللى هاتدخلها وباذن الله هايوفقك فيها وفعلا اللى سربوا الامتحان مش هايتعملهم حاجة لان الموضوع اتنسى اصلا !! لكن ربنا مش بينسى :) الحمد لله على كل شئ وميرسى كتييير على متابعتك :) |
بالنسبة للكلية اعتقد ان الغش ملهوش فايدة..لانك خلاص دخلت الكلية و هتتخرج هتتخرج منها
لكن في الثانوية ............ لسه عايز تتدخل كلية جامدة...مش عارف...بس الحمد لله ربنا محطناش في الموقف ده و انشاء الله ميحطناش في الموقف ده خالص.. |
اقتباس:
لاء ما هو برضو ف الكلية اكيد هايبقى عايز يجيب تقدير :D المبرر سهل اوى تلاقيه بس صعب تقتنع بيه !! وان شاء الله ماتتحطش ف الموقف ده المهم تبقى عارف انك لو اتحطيت فيه لازم ترفض --- طلب خارج الموضوع اكتب ( ان شاء الله ) مش ( انشاء ) وشكرا لمرورك |
ثانكس علي التوبيك..بس بجد ظلمتوا سوسن..سوسن خلاص زمانها راح,دلوقتي الامتحانات بقت هوم ديلفري..اطلب امتحان الفيزيا يجيلك معاه هديه امتحان الاحياء ولا الكمياء..ولو اتصلت حالا هيوصلت الامتحان باجابته المشطشه..ولو طلبت عدد3 امتحان يجيلك امتحان السنه الجايه عشان الاولاد الصغيرين..بس علي فكره اللي ماسك المشروع دا بوسي اخت سوسن علطول..سلام عشان مطولش عليكم اصل بوسي عالتلفون’’’’’’’’’’’’’’’’’’’’’’’’’’’’’’’’’’’’’’’’’’ ’’’’’
|
هههههههه
جميل يلا ربنا يهدي جزاك الله خيرا |
withoutname2100 A-B-F شكرا لمروركم اقتباس:
:D:D:D هاقولك الكلمة اللى السادات قالها ف الاول ( هم يضحك .. وهم يبكى ) وماتبقاش تسلملى على بوسى اقتباس:
واياكم :) |
اولا احيكى على الموضوع الحيوى ده
ثانيا مفيش حد بيتفوق بغش |
بسم الله الرحمن الرحيم موضوع جميل يا قمري بجد هم يبكي و هم يضحك انا فعلاً اتنرفزت اوي لما سمعت عن التسريب و الكوسه دي يا سلااااام .. والله راح يبقى عندنا أزمه بالكوسه بس نقول ايه حسبي الله و نعم الوكيل بس بجد موضوعك جميل شكراً يا احلى منى في الدنيا :) |
واله موضوع ممتاز سواء نقلاه كتباه فده مش موضعنا ..موضوع الغش بقى شىء طبيعى تقريبا ..وامثله سوسن والاخ التانى كتيره المهم بجد شكرا ع الموضوع يا who cares
|
Dr.mayson bo$y بنوته اهلاويه ميرسى كتيير لمروركم الجميل :) اقتباس:
ممكن يتفوق بالغش وممكن يتفوق بالواسطة وبحاجات كتير ابسط مثال دوكتور الجامعة اللى لازم يخلى ابنه معيد حتى لو مايستاهلش ده عاادى ;) كل شئ عادى فى حالة غياب الضمير http://www.thanwya.com/vb/life/icons/icon13.gif اقتباس:
( اذا لم تستح فاصنع ما شئت ) معلش يا بوسى ان الله لا يضيع اجر من احسن عملا المهم نعمل اللى علينا وربنا هايكتبلنا اللى فيه الخير ان شاء الله :) نورتينى يا ارق بنوتة اقتباس:
ربنا يهدى |
بصراحه انا لما الطلبه بيعرفوا إنى مش هارقب عليهم فى الامتحان بيفرحوا وبيقولوا
فى وشى الحمد لله بس انا بأكون مبسوط لأنى بأحس ان اللى بأعمله هو الصح ويمكن كل سنه أعرف أن فيه ناس كثيرين قدموا شكاوى فى للإدارة التعليمية بس ماحدش بيحقق معى |
اقتباس:
الطالب عايز يوصل لهدفه وهو مرتاااح مش فارق معاه بقى صح ولا غلط .. حلال ولا حرام ودايما الشخص اللى بيحاول يطبق الصح بيكون مرفوض من الناس --- متشكرة جدا يا مستر لمرور حضرتك :) |
اقتباس:
معلش يااحمد ممكن تتقبل تدخلى |
بقوللك ايه يامني وحياة والدك متعرفيش عنوان سوسن :D اصلي نفسي اصاحبها مصاحبناهاش في الثانويه نصاحبها في الكليه;) يابنتي عاااااااااادي تشوفي حد بيغش تقولي ايه الواد المفتح ده تشوفي حد مش راضي يغش ايه الواد القفل المتنشن ده ياللا يمهل ولا يهمل شكرا يا حبيبتي ع الموضوع:) |
اقتباس:
فيه جملة قريتها ف توقيع هبة وعجبتنى اوى فيما معناه ان الضمير مش بيمنع من ارتكاب الغلط بس بيحرم الانسان من انه يفرح باللى عمله اقتباس:
لاء ماعرفش العنوان ولو عرفته مش هاديهولك عشان انا قفل ومتنشنة :D ميرسى يا سيندا على مرورك نورتينى :) |
ايه يابنتي دا والله القصه دي جامده
شكرا ليكي يا مني بجد غلبت اقول يا شباب بلاش الامور دي ومحدش بيسمع كلامي فاكرا حوار الامتحانات اللي بتتسرب اقولهم دي حوارات فاضيه ومفيش واقول بلاش الغش والله ناس كتير دلوقتي جايبه مجاميع فظيعه وبيقولولي يارتنا سمعنا كلامك لا حياه لمن تنادي ربك يهدي .............. |
| جميع الأوقات بتوقيت GMT +2. الساعة الآن 02:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.