|
سؤال وارجو الرد
السلام عليكم ورحمه الله وبركاته يا جماعه لو انا سيبت العقد المميز وتم فصلى هل بعد كده ممكن ارجع تانى للعقد ده ؟؟؟ هل هناك اى ثغره ممكن ارجع بها تانى او اى حد عمل الحكايه دى ورجع للعقد؟؟ انا بفكر اسيب العقد ومش عارفه خايفه اندم ومعرفش ارجع تانى |
وعليكم السلام ورحمة الله وبركاته
هى فرصة بصراحة خسارة تضيعيها ياعبير إسألي في قسم التعيينات بإدارتك التعليمة لأن كانت معاياي زميلة تركت العقد المميز وعندما أرادت العودة كانت الظروف تغيرت وهى الآن تبحث عن أي فرصة للعودة حتى ولو بالحصة فاحسبيها صح واسألي وربنا يوفقك بإذن الله |
تسلمى يا امينه لردك
ربنا يكرمك والله انا محتاره بس مليت وزهقت ربنا يقدم ال فيه الخير ويهون علينا الايام يارب تسلمى يا حبيبتى |
اصبرى حتى التثبيت ثم خدى اجارة
|
اقتباس:
والله المشكله ان صبرى نفذ بس املى فى الله كبير انه يحصل اى شىء ومش نستنى فتره كبيره عشان نتعين ربنا ييسرها من عنده ثانكس لمرورك ونصيحتك الغاليه ربنا يكرمك |
خلى املك فى الله كبيره
كلها سنه فقط ان شاء الله بعدها سافرى براحتك لا تضيعى تعبى السنين فى غمضة عين الان هناك معلمين ب 50 جنيه فى الشهر من سنتين منتظرين دورهم فنصيحة لوجه الله اصبرى اصبرى اصبرى |
اقتباس:
ونعم بالله هو فعلا والله ده ال تاعبنى ومخلينى مش هاين عليا العقد انى تعبت سنين فحرام اضيعه على سنه بس يارب مش تكون اكتر من سنه لله الامر من قبل ومن بعد ثانكس استاذ شريف تسلم لنصائحك الغاليه وجزاك الله خيرا لتفاعلك وتواصلك الدائم مع الجميع |
اقتباس:
|
لا متسبيش العقد مش هتعرفي ترجعي تاني انا اختي سابت العقد ومش عارفه ترجع تاني وجابت افادات من المكان اللي كانت شغاله فيه وبرضو مش عارفه ترجع
انا كمان مستنيه التعين عشان اتنقل لاني متجوزه في محافظه تانيه وبروح واجاي وطالع عيني بس ع امل اننا نتعين قريب بأذن الله واتنقل وربنا يوفقك |
اقتباس:
استاذه داليا ده ع حسب تاريخ التعاقد بتاعك لازم يمر عليكى سنتين بالظبط عشان الاكاديميه تطلب ملفك وتتعينى انا بالنسبه لى مر على تعاقدى سنه وباقيلى سنه وربنا ييسر الاحوال |
اقتباس:
والله المشكله انه مش هاين عليا والله لانى تعبت لغايه ما اخدت العقد والتعيين بردوا ضمان مش اضمن انا هعمل ايه لو مش اتوفقت هتعب لو رجعت من غير تعيين هنا لازم ابدا من نقطه الصفر بس كل الحكايه انى سمعت ان ف ناس بترفع قضايا وبترجع تانى بس اكيد الكلام ده مش مضمون بردوا ربنا يهونها من عنده وربنا يوفقك باذن الله وتتعينى وتستقرى مع زوجك باذن الله تسلمى حبيبتى لنصايحك |
هانت يا مس عبير الروح كلها عام باذن الله
و الامور هتبقى تمام واستحملى شوية وان شاء الله هتثبتى |
اصبرى يا اخت عبير فات الكثير ومش باقى غير القليل
باذن الله |
اقتباس:
يارب يوفقنا ويوفق الجميع باذن الله ربنا يكرمك يارب اد ايه كلماتكم بتهون عليا والله ربنا يبارك فيكم |
اقتباس:
باذن الله يكون الجاى اقل ويكون اهون من ال فات ويارب يهون علينا الايام ربنا يكرمك يا امينه تسلميلى والله كلامكم هون عليا كتير ربنا يكرمكم |
اوووووعى تسيبى عقدك مهما كانت المميزات فى الخارج لازم يكون لكى وظيفة فى بلدك علشان لما ترجعى من الخارج تلاقى وظيفتك فى انتظارك لان مسيرك ترجعى بلدك يوجد ناس على استعداد تدفع الاف الجنيهات و تاخد عقد مثل اللى معاكى اختى العزيزة مسيرك ان شاء الله تتعينى و بعدها لو عايزة تسافرى ابقى سافرى |
اصبرى ياعبير هانت فيه ناس غيرنا مش لاقيين أى شغل وبعدين انت شايفة ظروف البلد وبعدين تخصصك ماشاء الله مطلوب يعنى اكيد بأمر الله هتلاقى فرصة كويسة .
اصبرى هااااااااااااااااااااااانت |
اقتباس:
|
اقتباس:
والله يا استاذه فريال الواحد مابين نارين بس اكيد كل المتاعب ال انا تعبتها هتضيع لو سيبت العقد كل الافكار دى انا عارفاها بس قلت يمكن يكون فيه حل يخلينى اضمن الاتنين بس خلاص اهى الايام بتعدى وربنا يسهل ويهون السنه دى ع خير ويارب ما تكون اكتر من سنه تسلميلى حبيبتى لمشاركتك وكلامك ونصايحك الغاليه ربنا يكرمك ويوفقك يا استاذه فريال |
اقتباس:
والله ربنا يهونها من عنده احيانا الانسان بيصل بحاله يشعر فيها انه خلاص وصل لاخره بس املنا فى الله كبير هو عالم بينا والمشكله انى خايفه اصبر وبعد كده فرصه السفر بعد كده مش اعرف الاقيها لو متواجده دلوقتى خايفه فرصتى تقل بعد كده و يكتفوا ومش يطلبوا معلمين تانى الظروف ال حاصله ف مصر بتخلى الدول العربيه تتردد فى انها تتعاقد مع معلمين من مصر وفى كتير بيفنشوهم من هناك بسبب الظروف دى بس عموما كل شىء نصيب ربنا يقدم ال فيه الخير ويكرمنا ويهون علينا ويوفقنا جميعا باذن الله تسلمى حبيبتى لمرورك ومشاركتك الغاليه |
| جميع الأوقات بتوقيت GMT +2. الساعة الآن 02:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.