في حد عندوا استفسار ؟؟!!
 

ايوة حضرتك جيت فى وقتك والله :)
انا دلوقتى عايزة احول لفنون بس متردده
تطبيقيه ولا جميله ؟؟؟
انا مش عارفه بصراحه الفرق مابينهم ايه ؟؟
انا عايزة اطلع مهندسه ديكور
بس ايه الفرق فى دراسه كل كليه فيهم وانهى الاسهل
يعنى نفسى كده لو مقارنه كامله مابينهم بالتفصيل ( من غير تحيز لجميله عشان حضرتك فيها :022yb4: )
ومميزات وعيوب كل واحده وكده
وشكرا جزيبببببببببببببببببببببلا

Sala
اولا قسم ديكور في كلي فنون جميلة بيأخذ علمي و انا بنصحك بفنون جميلة لانك بتعرفي القسم بتاعك اول ما بتدخلي الكلية لاكن في فنون تطبيقية قسم ديكور بيعتمد علي تقديرك في اعدادي ( قسم ديكور بيأخذ اعلي تقدير ) اما بالنسبة لمين اسهل فـــ فنون تطبيقية اسهل و العملي اكثر و مان ما فيش مادة التشريح لاعدادي لان مادة التشريح سعبة شوية و انا بنصحك بــــ فنون جميلة ميش عشان انا فيها بس لان تعليمعا افضل و الاعداد اقل لاكن لو مش هتدخلي ديكور فــــ فنون تطبيقية افضل و مجالتها اوسع ............. و أي استفسار تاني انا موجود .

As7be wawa

لا يا معلم بكرة سحب الاستمارات مش الامتحان ..... انتا تسحب الاستمارة و بعديها تاخد كورس و تدخل الامتحان القدرات و تقبل انشاء الله

انا عايزة اقدم في فنون جميلة و تطبيقية بس كنت عايزة اعرف الامتحان بتاعهم بييجي فيه نفس الحاجات ولا لا ؟؟

و بالنسبة للكورس , المفروض احجزه دلوقتي ولا لما ييجي ميعاد تقديمي؟؟

Lumiii

لا هوا الامتحانات شبه بعض في بعض الاسئلة مثل رسم التمثال و المعلومات الفنية ............. لاكن في اختلاف و بالنسبة للكورسات ادمي فيها في اقرب وقت لان كل ما رسمتي اكتر كل ما ايدك اتعودت و رسمك اصبح افضل و عموما لو عندك أي استفسار تاني انا موجود

بعني لازم اخد الكورسين ؟ ولا اشطة اخد اي واحد ؟؟

انتي و شطارتك :d يعني في ناس مخدتش كورسات و نجحت و في ناس خدت و سأتت

اهااا :) طيب شكرا على الردود ربنا يخلييك يا رب و يكرمك
و معلش لو طولت عليك

Mahmoudwayne

بس يا محمود هوا علي ح علمي ان التنسيق هينزل بس لو نزل هينزل 1 % كحد اقصي فممكن فنون حلوان متجيلكش لاكن ممكن تضمن ج المنيا او ج الاقصر و ربنا يوفقق

LUMIII

URW w isa nshofek m3ana f l kolya l sana l gya :)

yesma3 mn bo2ak rbna yaraaab :D

السلام عليكم ورحمة الله وبركاته .....

حضرتك انا مجموعى 94% فى سنه ثانية . وانا علمى رياضة
والحقيقة انا كنت اريد الألتحاق باختبار القدرات . لكن للأسف المعلومات غير كافية لدى ...
انا موقعى فى القاهرة تحديدا حلوان . فما هى الكلية التى اتوجه اليها .
مع العلم انى اريد دخول هذا القسم الفنون الجميلة عمارة ......

انا معيش رقم الجلوس و مش عارف اعمل ايه معايا الرقم نفسوا بس معيش الورقه اللى بيبقى مكتوب فيها الرقم و هما عوزنها و عوزين صوره منها

اذا كنت ارغب فى التقديم لفنون تطبيقية ، و فنون جميلة عمارة. فهل كورس عمارة يغنى عن التطبيقية او العكس؟

GOKU1O

الحق انزل الان لان سحب الاستمارات النهاردة و بخصوص مكان الكلية هي في الزمالك امام سفارة البرازيل و بالنسبة لقسم عمارة بـــ ج حلوان ميش هيأخذ من 387.5 علي حسب تنسيق السنة الماضية لاكن ج المنيا بتأخذ من 383.5 يعني اكيد هتلحقها انشاء الله

Sala

في فنون جميلة انا اوعدك انك مش هتشوفي وش الرياضة تاني الا اذا دخلتي قسم عمارة

و معلش خضرتك بتتكلمي علي فنون عام ولا قسم ديكور ؟؟!!

omran zamalek

حاول تدور عليه لانه بجد دروري جيدا و لو لم تجده شوف اي ورقة رسمية فيها رقم جلوسك و دا عن طريق مدرستك و لو معرفتش تتصرف اطلع علي الكلية و اطلب مقابلة وكيل او مسجل الكلية و لو امكن العميد ادخله

Markkonii

لا يا باشا داه في فرق كبير جيدا :D لازم تاخذ كورس لفنون عمارة لاكن تطبيقية ممكن ما تأخذ لاكن انا انصحك انك تأخذ في الاثنين

الله يكرمك ياصاحب الموضوع
الحمدلله انتهيت من كل شئ اليوم .
لكن فى الحقيقة فى قلق من اختبارات القدرات .. والتدريبات الخاصة بهم هتيدأ 4/7 و 5 و 6
والامتحان يوم 7/7
فجزاك الله كل خير . وياريت حضرتك لو تفيدنا بخصوص الامتحان والاستعداد له اضافة الى الادوات المطلوبة .....

السلام عليكم
شكرا علي مجهودك الرائع
انا عايز اخش اختبار عمارة و فنون و هل الاتنين مجموعهم يفرق عشان لو ما يفرقش في المجموع اخش اختبار تطبيقية
تاني حاجة الاقي المنهج النظري فين كانوا بيقولوا في ملازم بتتصور و كمان نموذج الامتحان بيبقي اسئلة ايه ؟
و لك جزيل الشكر

يا جماعة انا من اسيوط وكنت هقدم فى فنون جميلة المنيا
بس عندنا قلق جااااااااامد وكل واحد ماشى بسلاح
وبابا رافض انزل والكورس بكرا
وانا معملتش حاجة
ومش عارفة معياد الامتحان امتى
بالله عليكم اعمل اية؟

انا بردوا عايز النظري
و ياريت حد يوضحلي التشكيل المجسم ده في امتحان قدرات عماره الاسكندريه بس ولا في حلوان كمان
وياريت بردوا حد يقولي الفرق بين تظليل التمثال الاسود و الابيض

انا خلصت امتحانات الثانوي 29 - 6 و كنت جبت السنه اللي فاتت 90% ادبي .. عايزه اقدم فنون جميله ان شاء الله بعد التنسيق بس انا مخدتش اي كورس لامتحان القدرات والمستر اللي كنت هاخد معاه خلص و ملحقتوش اخد الكورس مع مين ؟

انا جبت ورق نظري من قدام مكتب التنسيق و انا بسحب استمارة

انا فى ناس قالولى مينفعش اروح اسحب الاستمارة دلوقتى الا لما اكون واخدة الكورس علشان لما بسحبها بيتحدد وقت الامتحان
,,, وبالنسبة لترتيب الحروف الابجدية دا وقت الامحتان القدرات ولا ايييييية
.. وبالنسبة لفنون تطبيبقية علشان صحابى المفروض يعملو ايه ؟؟

يا جماعة انا اخدت اول حصة في الكورس وطلب مني الدكتور ان انا اجيبله بكرة ف الحصة رسمة لـــــــ Modern Villa
اعمل ايه؟

دا ايه دا رسم بمنظور هندسي ؟؟