|
يابنات المنتدى اتحدوا ؟؟
السلام عليكم ازيك يابنات عاملين اية الحمد لله كويسين طيب ندخل فى الموضوع الموضوع المرادى مش بتاعى لوحدى دة شرك طمعانة فى رضاك يارحمن واية من الله وانا والموضع باين من عنوانه واحنا فكرنا نحط الموضوع علشان لو اى بنت عندها مشكلة او فى حد مضيقها فى المنتدى و الى عاوزة تفضفض وممكن نسأل بعض فى الحاجات الى عوزين نستفسر عنها فى اى حاجة تخص البنات احنا فى الخدمة وان شاء الله فى حاجة هنعملها بس هنطلب تأيد الادارة الاول ويارب تعجبكوا الفكرة وعاوزين يابنات نكون ايد واحدة واى واحدة تحصلها حاجة احنا تحت امركواااااااااااااااااااا سلام عاوزين نشوف التفاعل ......... |
تحفة يا حبايب قلبى
بس يا بنتى صدقينى ماحدش هيكتب مشكلة خاصة بصى ممكن تتعمل ع الايميل تبقى تحفة بالتوفيق يا قلبى ع فكرة العنوان تحفة |
انا اسمي هنا .............. ياسبحان الله .................جه منين ...........طاااااااااااااااااايب
|
ايه ده ده انا
وانا اقول الموضوع ده فى سر اتريه منوووور باسمى يالا يابنات فين التفاعل؟ |
اقتباس:
بصى انا قولت فى حاجة هنعملها بس هستنى حد من الادارة يدخل علشان نستأذنهم وهى انى هعمل عضوية وتكون معايا الباسورد بتاعتها واى بنت عاوزة تتكلم فى الموضوع تبعتلى ااديها الباسورد تتكتب الى هى عوزاه وبعدهاا اغير الباسورد وهكذا يارب تكون الفكرة وصلت وصدقينى هتنجح احنا ناوية خير ان شاء الله |
الحمد لله الادارة وافقت على الفكرة بصوا يابنات احنا التلاتة عملنا عضوية ولو اى بنت مكسوفة تتكلم وتعرض مشاكلها عالملئ تبعت ليا او لاية تاخد منها الباسورد بتاعت العضوية وتتكلم براحتها وتعتبر اننا معرناش هى مين شكرا للاستاذ عصام هو الى ايدلنا الفكرة عوزين نشوف التفاعل |
الموضوع ده احنا حنشوف فيه اراء بعض...................... يعني اصحاب الفكره احنا ولينا احنا البنات ولينا البنات ................ نعرف كل واحده فينا بتفكر ازاي .................. نعرف لو كنا بنفكر غلط ................ نقول مواقف حصلتلنا .................... نتعلم عشان نحافظ علينا في زمن احنا بنضيع فيه
|
والله فكره حلوه
وانا اول من هتبدأ بس قولولى ازاى |
بتفكروا من ورايا طب هوريكم بس بجد فكرة حلوة اووووووووووى يا قمراااااااااااات |
اقتباس:
ابعتي لنسمه او لآيه رساله خاصه وحتعرفي حتعملي ايه ؟ ومرورك شرف لينا |
وانا وانا عايزة حتة
قصدي انا معاكو :d ونعمل رابطة بنات ثانوية قشطة عليكو ;) |
اقتباس:
انا لا فكرت ولا قررت انا لاقيت اية بتقول فكره والفكره عجبت نسمه ونسمه كتبت الموضوع بتفرج علي الموضوع لقيت اسمي فيه :(:mad: |
اقتباس:
نورتينيا ومنتظرين من تبدأ |
يلا يا بنات
بجد نفسى نكون واحد كلنا عاوزة تفاعل اكتر من كدة |
اقتباس:
وميرسييييييييييييييييييييييييييييي كتير |
ماشي نتفاعل
منغير عامل حفاز احسن نفجر المنتدى :d |
السلام عليكم
الظاهر انى اخيرا وصلت بصوا يا جماعه انا يمكن مشكلتى او حكايتى مفيهاش او ملهاش اى اهميه او مفيهاش حاجه تشد * انا عندى 18 سنه ومخطوبه مخطوبه من 3أو4 سنين تقريبا مش فاكره اصلى كنت فى اولى ثانوى وطبعا انتو عارفين واحده فى سن15 سنه تقريبا اول ما بيجلها عريس بتعمل ايه تطبعا انها انسه انسه بيجيلها عرسان بتحس انها كبرت خلاص وانا عن نفسى وافقت موافقه عمياء ومش عارفه ازاى المهم عادت الايام وانا كبرت زى ما انتو شايفين وحسيت انى اتدبست ومش عارفه اطلع من اللى انا فيه ده ازاى حاولت اشرحلهم فى البيت ان مش هينفع ..وكنتوا عايزين عيله تقلوكم ايه فى الوقت ده لكن محدش فهمنى المهم انى لسه مخطوبه ومستنيه معاد الجواز وخايفه لاظلم الانسان ده معايا لانه بجد اسان على خلق وكويس وهو مش فيه عيب بس خايفه ليتظلم معايا لانى مش عارفه اتوافق معاه ومشكلتى هى انى بدور على حد اعلق عليه حالتى وانه هو السبب فى اللى انا فيه وانا مش شايفه حد اعمله شماعه ليا غير ابويا وامى لانهم مفكروش انى لسه طفله عذرا لانى شايفه انى كنت طفله لانى تقريبا كنت 14 او15 سنه انا رغيت كتييييييييييييييييييييير ومش عارفه اذا كنتم فهمتونى ولا لاء س انا مش هلمكم والله لو مفهمتوش انا بس كنت عايزه اتكلم وشكرا ليكم لانكم سمحتولى بكده اعمل ايه................................. |
فكرة جميلة اوى وانا معاااااكم :) |
اقتباس:
انتى بتقولى يمكن المشكلة مالهاش اهمية بالعكس دى ليها اهمية كبيرة جدا لان على اساسها هاتحددى مشوار حياتك --- بالنسبة للمشكلة بقى هاقولك حاجة مش يمكن عشان انتى حاسة انك كنتى صغيرة وقت ماتخطبتى ليه خايفة تكونى اتسرعتى واتخدعتى بالخطوبة والشبكة والحاجات دى ..... اصل انتى بتقولى انه انسان كويس وكمان واضح ان ف البيت مش موافقينك على التفكير ده ومهما كان هما فاهمين اكتر منى ومنك وبما اننا بنتكلم بمنتهى الصراحة .. ايه اللى خلاكى تروحى للتفكير ده ؟؟ هل فيه موقف معين حصل وضايقك ولا انتى خايفة وقلقانة ؟؟ --- عموما انا باحط نفسى مكانك وشايفة انك تصلى استخارة وتطلبى من ربنا يهديكى للصح وفكرى ف الموضوع كويس وبجد لو هو انسان كويس وهايحافظ عليكى يبقى ماتفرطيش فيه بسهولة كدة |
طيب يا اختنا طمعانة فى رضى الله حضرتك موجودة حاليا ردى على مشكلة اختنا (اشكوك ربى) عشان يبقى موضوعكم عمل حاجة و ربنا يوفقكم فى عمل الخير ان شاء الله
|
اقتباس:
ربنا يعزك يا اخت منى جعله الله فى ميزان حسناتك ان شاء الله ما شاء الله عليكى هايلة ربنا يكرمك و يباركلك و ربنا ان شاء الله يصلح الحال لاختنا (اشكوك ربى ) . |
حلوة اوى الفكره دى يا بنات
وانا كمان معاكوا وتحت امر اى بنت محتاجه حد يسمعها كمان كده هطمن لو عندى اى مشكله اكيد هلجألكوا ومش هتردد وربنا يوفقنا يارب ونقدر نحل مشاكل بعض |
احييكم على الفكرة الرائعة دى ... ان شاء الله تعود بالخير على بنات كتير و ان شاء الله انا معاكو و اى عايزاها اكيد هاجى هنا
تقبلو مرورى |
السلام عليكم ورحمة الله وبركاتة
الفكرة بصراحة جميلة اوى يسلم كل من فكر ودير وكتب وجة وحط رأية بس انا خايفة من حاجة ان ممكن ولد يسجل بأسم بنت ويدخل هنا الصفحة عادى ويعرف اخبرنا .......اية رأيكواا ياريت اسمعوة وبالنسبة لاختى "اشكوك ربى" بصى ياحبيبتى فى الله هو بما انة انسان كويس وعلى خلق انتى امسكى ورقة وقلم واكتبى مميزاتة واكتبى عيوبة كويس كدة وفى ورقة اخرى اكتبى مميزاتك وعيويبك وشوفى حلها اية وشوفى انتى عوزة تسبية لية ولو فى حاجة مزعلاكى منة اتكلمى معاة فيها واسألية برضو انت زعلانة منى فى اية او اية اكتر حاجة بتزعلك منى وحاولى تغيريها لانك ان شاء ربى هتكونى شريكة حياتة يعنى انتو الاتنين واحد يارب اكون عرفت اوصل لك اللى انا عوزة داا وتكونى فهمتينى واى حاجة عيونى ليك وجزاكو الله جميعا خيرااا واتمنى من ربى ان اركم فى......................... نعيم الجنة والسلام عليكم ورحمة الله وبركاتة |
والله الفكرة دي جميلة اوي
وانا في حاجات كتير في قلبي نفسي افضفض بيها وبصراحة انا فرحانة ان لية اخوات زيكوا ممكن يسمعوني ويشاركوني |
اقتباس:
لو خرجتي من غير متعملي تسجيل خروج وخلاص خرجتي بتبقي بردو في الموجودين الاون وعشان تعرفي ان الشخص ده موجود ولا بتبصي في اخر تواجد وتبصي في الساعه دلوقتي والله حصلتلي كتير يعني انا مكنتش موجوده ولا يهمك |
اقتباس:
انا فرحانه جدا انك ابتدتي بالنسبه للمشكله عمرها مكانت صغيره ابدا ديه مشكله بحجم عمرك اللي جي كله حياتك كلها بعد كده حتبقي مع الشخص ده انت بتقولوي اتخطبتي وانت في اولي ثانويه مش صغيره ولا حاجه ثانويه فتره ناس كبيره انت بتقولي انه علي خلق يبختك ياستي الناس اللي علي خلق دول قلوا خالص اصبحوا معندمين جميل لما تلاقي الشخص اللي يحبك ويختارك دوننا عن كل البنات وانت بقالك معاه 3 سنين اكيد عشرتوا بعض فهمتيه وفهمك هو ملوش ذنب في كل ده هو جه وخبط علي الباب وانتم وافقتم وبقالك ياامه معاه هو فيه عيوب لو مفهوش مش قابله ليه ديما اسمع جمله (( خدي اللي يحبك ومتخديش اللي بتحبيه )) اللي بيحبك ده حيشلك فوق راسه عايز يقدلك ايده شمع منور عشانك يجيب الدنيا كلها بين ايديكي اللي تحبيه يتكبر ويعاند وانت مش فكرتي في الموضوع ده قبل كده جايه بعد 3 سنين يامه اووي بس حقيقي وبجد لو انت شايفه مش الراجل اللي في بالك يبقي ازاي حتكملي معاه هو حيتظلم فعلا زي مبتقولي . فكري في بكره شوفي ده ينفع يكون اب للاطفال شوفيه وقارنيه باللي موجودين دلوقتي من الشباب بس انت لازم توجهي الواقع باه او لا صلي استخاره عارفه لما تصلي استخاره تحسي ان الحمل التقيل اللي عليكي بقي علي ربنا هو يختار ويشوفلك الخير فين ويقدملوك والاختيار صعب جدا بس علي ربنا مفيش حاجه صعبه لانه بيده كل شيء واليه كل شيء |
اولا شكرا للبنوتة الى طرحت مشكلتها ومنى واسماء قالولك احلى كلام
يارب تكونى عرفتى هتعملى اية بصوا انتى لازم تقنعى اهلك باى طريقة انك مش مهيئة للجواز فى السن دة ولازم تفهميهم انك هتظلميه مدام انتى شايفة نفسك مش هتقدرى ولو لاقيتى الرفض مرة تانية يبقى لازم تكلمى خطيبك فى الموضوع دة وانتى بتقولى انه شخص محترم ومهذب فاكيد هيتفهم المشكلة واكيد هيراعى انك كنتى طفلة وطايشة ومقدرتيش الغلط الى هيحصل اما بقى فى حالة عدم موفقته هو كمان يبقى لازم تدخلى حد كبير فى الموضوع اى حد من اهلكوا يكون ليه سلطة وكلمة وربنا يوفقك يارب ويسهلك طريقك |
اقتباس:
او الحل قوليه انتوا ليكوا انكوا تطرحوا المشكلة وتحلوا كمان نورتينا :) اقتباس:
وبعدين انتى هتعرضى مشكلتك بالعضوية السرية ((اشكوك ربى)) وقت ماتحبى تتكلمى تبعتيلى انا او اية من الله وتاخدى الباسورد وتتكلمى برحتك وبكدة محدش هيعرفك يارب تكون فكرتنا وصلت نورتينا ياقمر:) اقتباس:
وقت ماتحبى تتكلمى ابعتيلى انا او اية من الله وخدى من واحدة فينا الباسورد بتاعت العضوية ((اشكوك ربى )) وادخلى اتكلمى وفضفضى واحنا علينا نسمع نورتى :) |
بجد ما شاء الله
انتو قومتوا بالواجب كله ياريت يكونوا البنات قدروا يوصلوا للبنوتة دى الحل وجزيتم خيرا ويارب للامام دائما ونحل مشاكلنا وايد واحدة |
القصه اللي حقولها مش قصه لحياتي انا قصه لانسانه كانت من اصحابي :
كانت من اجمل البنات خلقا كانت مؤدبه جدا وربنا يعلم بس كان عندها مشاكل كتير في بتها وكانت امنيتها انها تتحب كانت عايزه تبحث عن الحب اللي فقدتها داخل اسرتها . وهيه في تانيه ثانوي كان في ولد معاه في الدرس طلب رقم موبيلها بس هيه رفضت بس بعد كده هو عمل حيله وعطها هو رقم موبيله وهي رنتله وبدا بنهم المكالمات . والموضوع كان حيطور لمقابلات بس هو تقربيا زهق منها وسبها وهيه كانت متعلقه بيه جدا وفضلت تجري وراه . الشخص ده اخد منها كل حاجه جميله وخلها تتغير . راحت في يوم مع بنت خالتها الكليه قابلت واحد تاني واتعرف عليها وابدا تاني شغل الحب والكلام اللي مش بجيب حاجه وللاسف نفس الكلام التاني وللاسف هيه مش فهمت انها لعبه وحتخلص . وابتدا معاملاتي معها تقل لاني مينفعش اكمل معها ويعلم ربنا انا قد ايه كنت معها وكنت بنصحها قد ايه وكنت بسيب مذكرتي بالساعات واتكلم معها في التليفون بس هيه خلاص مشت في طريق صعب الرجرع منه . وبعدين سمعت انها سابت الشخص التاني ده او بمعني تاني هو سبها وان ابن خالتها عايز يخطبها اانا فرحتلها لان منها وكل اهلها عارفين وبعد اربع ايام بلظبط كان الموضوع انتهي . وعرفت انها مشت مع واحد رابع كانت تكلمني كل مكلمها لازم اشخط فيها واهزقها تكملني اقولها انت مشتي في طريق غير طريقي . تقولي ده كويس ومش عارفه ايه . كل واحد كانت تقول عليه غير التاني ومازلت معه دلوقتي بس بقي كلامها غريب لغه غير لغتها تقلي قلبت صاحب الشخص ده روحنا خرجنا مع الشله ديه . لغه غير اللغه اللي اتربيت عليها . لحد مقولتها انت ضيعتتني من ايدك . كلمتني مره وعرفت ان ابن خالتها ده حيخطبها بعد شهر يعني المفروض بعد امتحانات 3 ثانوي قولتلها يبقي لازم يخدك نظيفه وتسبي الشخص اللي مشي معه ده قالتي ان ضيعت نفسي قولتها حاولي تصلحيها . ومن بعدها هيه مش كلمتني تاني بس عرفت من واحده انها لسه ماشيه معه . يعني ساعات الاسره بتكون هيه سبب في كل ده بس للاسف هيه لما جت تدور علي حاجه دورت عليها بطريقه غلط بطريقه خلتها تخسر نفسها وقلبها وتتجرح كتير ويتلعب بيها كتير . هيه غلطانه مليونه غلطانه والاهل عليهم الوم الاكتر انها سابوا بنتهم تمشي في الطريق ده انا حطت القصه علي حاجه عشرتها من حياتي متظره رايكم . |
اولا البنت دى كانت ضحية اسرة مش مستقرة و كان من الطبيعى انها تدور على الحب و الاهتمام و اكيد اتأثرت بكدة من بنات تانية
بس طبعا اكيد فى لوم كبير عليها لانها اكيد فاهمة ان مش اى حد هتحبه و تثق فيه هيحبها بالمثل و بعدين المرة الاولى فشلت و التانية فشلت يبقى خلاص متدورش على التالتة و الرابعة و اكيد المفروض ان هى فاهمة ان الولاد معظمهم استغلاليين و عايزين يتسلوا .. و بصراحة انا شايفة ان هى كمان عايزة تتسلى تحت مظهر ان هى محرومة من الحب خاصة ان هى كانت عارفة انها هتتخطب لابن خالتها و مع كدة بردو فضلت مع الولد اللى هى معاه و انا شايفة انها خلاص مقتنعة باللى هى بتعمله و مش هتسمع كلام حد و زى ما انت قلتى بطلت تكلمك بس انا شايفة انك ممكن تساعديها انا شايفة انك ممكن تكلمى اهلها و تفهميهم اللى حصل و هما اكيد هيعملوا اى حاجة بحيث ان هى تبطل و هيوافقوا على خطوبتها من ابن خالها او حتى مش لازم تكلميهم بنفسك .. ابعتيلهم رسالة او اى حاجة ..و حتى لو زعلت منك مش مهم لان انتى عملتى اللى فى مصلحتا و حافظتى على سمعتها و ربنا يحمينا جميعا ... تقبلوا مرورى |
بصى يابنتى مهما كانت الحياة فى الاسرة وحشة برضه لازم البنت تتمسك باخلاقها وادبها
دية اسس ومعتقدات ولازم تكون قوية الى تتخلى مرة عن ادبها هتتخلى التاينة والتالتة والعشرة فهى مشيت فى طريق ملهوش نهاية شغالة مدى الحياة حمى ووباء عمرها ماتقدر تغيره ابداااااااا ومادام انتى نصحتيها وسمعتلها كذا مرة وهى مش مقتنعة ومش قبلت نصيحتك خلاص علاجها الهجر والخصام وبجد متقربيش منها اكتر من كدة البنات دية بتبقى وباء فعلا بتعدى من غير ماتحسى تبقى ماشية معاها يجى صاحبها هيوصلها وطبعا انتى معاهم وغصب عنك ومش هتعرفى تفلتى منهم فتنجرفى معاها فى الطريق دة خلى بالك من نفسك وابعدى الناس دية عنك ربنا يحفظك ويهديها يارب |
بصي يا جميل عملتي خير انك بعدتي عنها
زي ما قالت ملك البنات اللي زي دول بيكونو وباء على كل اللي يعرفهم وما يفسدش البنت غير البنت اللي زيها وهي مهما كانت بيتها وظروفه ما كنتش تعمل كده ابدا هي دخلت نفسها في طريق لا يمكن تخرج منه بس عشان تكملي جميلك وتحسي انك عملتي اللي عليكي لازم تتصلي بوالدتها وتحكيلها كل حاجه تعرفيها يمكن والدتها تنقذها وتقولي لمامتها كمان انها تغيرلها تليفونها عشان ممكن لو مامتها منعتها عن الولد ده او لو اتخطبت يهددها برسايلها وتليفوناتها بالشكل ده حياتها هتتدمر اكتر واخيرا لازم ندعيلها ان ربنا يهديها ويخرجها ممن الطريق اللي مشيت فيه ده على خير |
شكرا ياجوجو لردك الجميل نورتينا ياقمر
|
هيه علجت غلط بغلط اكبر بغلط يهدد حياتها اللي جي بغلط هيه حتندم عليه طول عمرها بغلط يحرجها قدام فعلا اللي حيخطبها ................. ربنا يهديها .............. والطريق ده صعب صعب الرجوع منه ............ بدايه سهله ورجوعه ندم واه ............................ ربنا يديها لو كانت معانا يمكن كنا نوصلها شيء
|
اقتباس:
البنت دى بخسر كل حاجة بطريقتها دى يعنى ايه بتدور على الحب حب ايه الحب دة شىء هى خجلت منه و الدليل انها خافت تقول ادام حد عليه و انا رايى ان الشىء اللى منقدرش نعمله ادام الناس اكرم لنا اننا منعملوش من وراهم عشان على الاقل منخسرش نفسنا بدون سبب و منخسرش احترامنا لذاتنا و هاكلمك بصراحة متاهية انا لو البنت دى انا اعرفها لازم هاعرف اهلها باللى هيا بتعمله لان كلامها فيه حاجة مش مظبوطة لان لو الكلمة دى هى قالتها بالنص ( ان ضيعت نفسي )يبقى مالهاش غير معنى واحد اكيد الكل عرفهانا مش فاهمة انتى ازاى ساكتة عليها لحد دلوقت خلاصة القول عشان تبقى ريحتى ضميرك اولا قولى لاهلها ثانيا قولى لاهلها ثالثا قولى لاهلها انا اسفة لو كنت حادة فى الكلام بس دة من واقع خوفى عليا و عليكى و علينا كلنا |
عندك حق يالمى
انا معاكى فى رأيك |
اقتباس:
السلام عليكن ورحمة الله وبركاتة المشكلة اللى طرحتيها جزيتى خيراا عنها من رأى انها تتحل فى عدة حطوات كالاتى 1_انك ترجعى ليها تانى "وتاخدى بالك من نفسك"متشبهاش لانها فى وقت هىمش عارفة مصلحتها كأنها عوزة الم جامد على خدها عشان تفوء"بس اوعى تعملى كدة معاها احنا محتاجينك"هى فعلا محتاجلك حتى لو ماعترفتيش هى بية 2_تفكيرها ان داا لايجوز شرعا وان مهما كان حجم المشاكل لازم البنت تصون نفسها وان تفكك الاسرة او عدم استقرارها داا ابتلاء "اختبار من ربنا"ليها خليها تصبر وتحتسب وتدعى 3_حاولى تخليها تصلى عشان تقرب من ربنا وفكريها انها هتتحاسب على عدم الصلاة واهم حاجة براحة اسأليها هى لية بتعمل كدة وهى هتستفاد اية من كدة ولو خطبها "فيما بعد يعنى" عرف هيعمل اية ومامتها عرفت وابوهاهيكون شكلها اية امامهم وفكريها بأن"كل داا هيلوثها اجمل حاجة فى البنت انها تكون زى الوردة البريئة تبصى فى عينها تشوفى اللى فى قلبهامش تبصى لعنيها تلاقى غموض 4_اسأليها لو انتى مكانها"معذرة انتى افضل من كدة بكتير حقا"كانت هتعمل معاكى اية عشان تردك زى ماكنتى وردة برئية """""اهم حاجة تكونوا فى مكان هادى وشاعرى كدة عشان تتكلم معاكى ومتزهئش او تقول لك اناحرة"""""" """وانا بدأت بأنك تعرفيها الحلال والحرام وتخليها تصلى لان صلاة الانسان بتنهاه عن الفحشاء والمنكر وتحاولى توصلية بأسلوب هادى اوى عشان يروح لقلبهاوالشيطان ميلحئش يلعب بدمغاها اهم حاجة تبتدى تتكلمى عنها فى الاول وعن اخلاقها وكدة وتفكيرها بأيام زمان وتشكرى فيها داا ممكن يرجع لها ثقتها فى نفسها. تقبلى مرورى ويارب تكونى فهمتى خطتتى وماشاء الله الله اكبر الملكات اللى مرور قبلى حلو الموضوع ماشاء الله اللك اكبر ربنا يخلينااااااااااااااااااااااااااااااااااااااااااااا ااااااااااااااااا لبعض ياااااااااااااااااااااااااااااااااااااااااااااارب ومتحرمناش ابداا من بعض وعوزة اقول لكم """"""""""""""""""""""""""""""""""""احبكن فى الله """""""""""""""""""""""""""""""""""""""" والسلام عليكن ورحمة الله وبركاتة |
بصى يانعيم الجنة
هى نصحتها اكتر من مرة واتنين وتلاتة والبنت مش بتستجيب يبقى افضل حل ليها التجاهل هى حلها الوحيد انها تتوحد علشان لما تلاقى نفسها لوحدها تفكر تانى فى الى بتعمله مش كدة ولا اية |
شكرا ليكو بجد على الموضوع ده و يا ريت فعلا كلنا نتعاون مع بعض ونساعد بعض على اد ما نقدر
|
السلام عليكم
انا مشكلتى انى بحب الناس كلها من اول تعامل معاهم وبتعامل بطبعتى جدااااااااااااا لدرجة انى ممكن اقع فى ناس مش كويسة تأذينى بعد كدة يعنى مش بقدر احدد من الاول مين الشخصية الكويسة ومين الى مش كويسة حتى لو سمعت ان الشخصية الى بتعامل معاها دية مش كويسة بكدب الكلام ومش بصدقه بسهولة بقعد ادور للشخص على حاجات كويسة بعملها واقول مش ممكن يكون وحش يعنى من الاخر بتوه مش بعرف اخد قرار حاسم فى الحاجات دية بس هى دية طبعيتى وبتعامل بيها ومش بعرف اتصنع شخصية مش شخصيتى واتعامل باسلوب مش اسلوبى مستنية تقوليولى اعمل اية ؟ |
بالنسبة للموضوع الاول فهو محير جدا انا حاسة انك المفروض تفضلى جنبها وانك مش تقولى لحد حاجة على امل انك تقدرى تصلحى منها شوية لانك لما تقولى لاهلها هى هاتعند اكتر ولو سبتيها وبعدتى عنها ف هى مش لوحدها هايفضل جنبها الناس اللى هى عرفتهم دول ومش هايسيبوها ف حالها وهايأثروا عليها اكتر واكتر حاولى تخليكى جنبها لان مهما كان هى كانت صاحبتك ف يوم وماينفعش تتخلى عنها خليها تقرب لربنا وهو بس اللى يقدر يرجعها تانى للصح ويبعد عنها كل حاجة وحشة وصدقينى ثوابك هايكون كبير اوى ان شاء الله وربنا معاكى ويقدرك على انك تعملى حاجة كويسة --- ف حالة بقى انها ماتستجيبش تماما لاى حد هدديها بانك هاتقولى لاهلها وعلى حسب رد فعلها حددى لو خافت يبقى لسة فيه امل فيها لو ماهمهاش يبقى هى فعلا كدة ضاعت ولازم تقولى لاهلها ساعتها |
اقتباس:
بصى دى مش مشكلة بالعكس دى حاجة جميلة اوى فيكى انك دايما بتقدمى الظن الكويس على الوحش هو بس قلق منك انك خايفة انك تقعى ف مشكلة او حاجة زى كدة بس حاولى ماتثقيش ف كل الناس انا عارفة انك تحكمى على الناس دى حاجة صعبة اوى بس ماتديش الثقة غير للناس القريبين اوى منك زى اهلك او واحدة صاحبتك قريبة اوى منك وانتى واثقة من انها انسانة كويسة ومحترمة ولما حد يقولك عن حد تانى حاجة وحشة بلاش تتجنبيه اوى بس لو والدتك مثلا حذرتك من واحدة صاحبتك لانها مش بتتطمن ليها او كدة ونصحتك بانك تبعدى عنها يبقى اكيد اسمعى كلامها وخلى يكون عندك حذر دايما من اى حد --- واخيرا حسنى علاقتك بربنا وخليكى دايما قريبة منه وهو بس اللى هايحفظك ويبعدك عن اى حاجة وحشة |
اقتباس:
كلنا عايشين في الحياه بنغلط كتير بس السؤال بنتعلم قد ايه ؟ بس الدنيا بقت تخوف وتقلق ولازم نخلي بالنا منها لاننا حنتشاط فيها خلي بالك من التعاملات مع الناس متتعمليش مع ناس متستهلش ده منك . ناس حتتدلهم الامان حيدكوي الالم متتعمليش مع ناس كتير استكفي بالناس الجميله اللي معاكي اللي حبوكي وحبيتهم امنتلهم وامنلوك . متصدقيش كلام الناس بسرعه مش بيقولو امن ولا تخون عشان لا تظلمي ولاتتظلمي |
شكرا يامنى على متابعتك معانا ياجميل
وطبعا شكرا ياسومة وربنا يهدى الكل الى مايحبه ويرضاه |
اقتباس:
ف الاول والاخر الشكر ليكى على التفكير ف الموضوع ده بجد فكرة جميلة اوى .. جزاكى الله كل خير وربنا يقدرنا نعمل حاجة كويسة |
اقتباس:
للبنات الى بتقدم مشاكلها ثانيا الفكرة مش فكرتى لوحدى انا قولت انها فكرتنا احنا التلاتة اية من الله وطمعانة فى رضاك يارحمن وانا وخليكى معانا عالخط |
اقتباس:
معلش بقى اللى باقى من دماغى ضااع :D:D:D واكيد انا معاكم على طول ان شاء الله |
وانا معاكو ياجماعة وراي منى عجبنى انا معاكى يا مونى
وانتى عسولة اوى يا "ملك اليمين" ياجماعة اقبلونى اخيتكم فى الله "واقول اقول......................... انى احبكن فى الله وومعذرة يا ملك اليمين لسة مش متاح لى الرسائل الخاص معذرة حبيبتى فى الله وانا سعيدة بيك والله ماشاء الله عليكى |
| جميع الأوقات بتوقيت GMT +2. الساعة الآن 04:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.