تحويل المدرسين من الازهر للتربية والتعليم
 

انا مدرس مثبت بالقرار 7338
واريد التحويل من الازهر للتربية والتعليم
لانى اصلا خريج تعليم عام وحبا فية
ماهى الاوراق المطلوبة

عندى يدبل على الدرجة الثانية لمن يريد التحويل من الازهر للعمل فى التربية والتعليم

وما دام حضرتك خريج تربية وتعليم وحبا فيه . ايه اللى خلاك تيجى تتلزق فى الازهر وبعد ما اخذت حق واحد ازهرى تيجى تنقل . الف سلامة والسكة اللى تودى

ما ترد بأسلوب محترم هوة بيخد مرتبة من جيب أهلك

انت معقد ولا ايه يا ريس . ما تتظبط فى كلامك وتتكلم كويس .

'طب ما الازهرين بيشتغلوا في التربيه والتعليم ايه المشكله يعني وايصا الازهر لا يخرج الا القليل من مدرسي الرياضيات سنويا وبيسد العجز من مدرسي الرياضيات خريجي التعليم العام وبردوا ايه المشكله كبروا عقلكم شويه

5444104f
/mbsbn cn b7wegr

انا شغال فى الازهر منذ 4 سنوات وخلاص زهقت منه ومن اللى فية ومن قراراته الغبية وامنتى انى احول منه الى التربية والتعليم (رياضيات)

هناك عشرات المدرسين بالازهر تتمنى التحويل الى التربية والتعليم لكن للاسف لابد من بديل +مجموعة من الاجراءات المعقدة الفرج قادم الازهر يبحث عن تلاميذ للصف الاول الابتدائى للعام الثانى ولا يجد = الغاء هذه المعاهد بعد عدة سنوات وتحويل العمالة +المبانى الى التربية والتعليم ان شاء الله

ياستاذ عوض لازم يكزن البديل نفس الدرجة ونفس المادة ونفس المحافظة ولامش شرط

يااخوة لابد ان نترفع عن الالفاظ الغير لائقة ولكم جزيل الشكر

احنا ما بنتكلمش عن المرتب يا محترم. انا باتكلم انه اخذ حق اخويا واخوك الازهرى اللى طلعت عينه فى الازهر وبعدين قاعد فى الشارع من غير شغل
ابقى افهم قبل ما تلبخ. ولو مش عاجبك اسلوبى شوف كلامك واسلوبك الاول

انا برضه اللى معقد واضبط كلامى واتكلم كويس . اسم الله على كلامك اللى بينقط عسل.
المعقد الحقيقى يا عالم يا اللى بتفهموا اللى لما ما يلاقيش شغلانة هنا والا هناك ييجى ياخذ حق غيره وبعد ما ياخذه يرجع يقول اروح التربية والتعليم اصل الازهر كخة . طيب لو مش معقد حاجة من اتنين يا اما كان دور على شغلانة فى التربية والتعليم من الاول . يا اما يرضى بما قسمه الله له . الازهر فخر لمن يعمل به ومن لا يقدر هذه النعمة فاسال الله تعالى ان تزول عنه

عشم ابليس فى الجنة

يا سيدى الفاضل ما فيش مشكلة عندى والله . المشكلة عند الناس اللى شايفة ان الازهر ده زبالة وانه مش قد مقامهم وان التربية والتعليم جنة . والله انا لى زمايل واصحاب فى التربية والتعليم بيحسدونا ويتمنوا يبقوا مكانا . والازهر له مكانة كبيرة جدا فى العالم كله . وان شاء الله الاستاذ عوض على لما هايسافر بره فى اوغنده هايعرف قد ايه الازهر وعلماؤه مهمين ولهم مكانة عالمية . بس للى يفهم ويقدر. ومنين اجيب ناس لمعناة الكلام يتلوه؟؟؟
وانا ما غلطتش انا باقول له لو مش عاجبك الازهر الف سلامة . فين بقى المشكلة وفين العقد اللى عندى وفين الكلام عن المرتب وانه بيقبض من جيب اهلى والكلام الخايب من الناس الخايبة

لازم يكون البديل نفس الدرجة

الى الاستاذ عوض انا على الاستعداد للتحويل ارجوا التواصل

أستاذنا الفاضل أ/ عوض على
كل عام وانتم بخير ونتمنى ان توفق باذنه تعالى في رحلتك وتعود الينا بصحة وسعادة
اتمنى التواصل مع حضرتك من خلال الهاتف او البريد الالكترونى
فرجاء ارساله في رساله خاصة لاننى احبك في الله
وبالتوفيق باذن الله

يا استاذ عوض

انا عندى بديل على الدرجة الثانية للتحويل من الازهر للتربية و التعليم

فكيف نتو اصل

تحت أمر حضرتك
أخذت رقم حضرتك
حضرتك من أى محافظة ؟

نتواصل من خلال الرسائل الخاصة
وبالتوفيق

لا انت شكلك شايل من بتوع التربية والتعليم قوى . لا يا بيه انا خريج تربية وتعليم ومتعين فى الازهر برضو وفى مسابقة يعنى لا دافع ولا راشى . الموضوع وما فيه انه ساعة التخرج انت وحظك انهو بيبقى فيه مسابقة ساعتها فبتقدم فيها .. انا كانت امنية حياتى اتعين فى تربية وتعليم لكن ربنا كتبلى العمل فى الازهر وافتخر بذلك . الموضوع بسيط . لكن بالنسبة لموضوع التحويل من ازهر لتربية وتعليم فأنا عازر اخونا الكريم انه عايز يحول . ده حقه وبصراحة انا نفسى احول زيه مش لعيب فى التعليم الازهرى لكن لانه احنا حياتنا كلها كانت تعليم عام ومش متعودين على نظام الازهر . وحكاية اننا اخدنا اماكن غيرنا دى كلام فارغ . احنا اتعلمنا واجتهدنا وتخصصنا عشان نلاقى مكان فى بلدنا . عشان نشتغل ونفتح بيوت . وبيتهيألى الازهر ده جزء من البلد دى ولو عند حضرتك اعتراض فانت حر بقى ده رايك . تحياتى

اولا كل سنة وحضرتك طيب ورمضان كريم
ثانيا انا والله مش شايل ولا حاجة من التربية والتعليم ومعظم اصحابى مدرسين وموجهين من خارج الازهر
ثالثا انا لم اتهم احدا بالدفع والرشوة واقرا كلامى كويس
رابعا انت اكدت كلامى انك اشتغلت فى الازهر لانه كان هو المتاح امامك فى هذا الوقت وليس حبا ولا اقتناعا به وهذا ما اردت قوله
خامسا انت قلت انك تفتخر بالعمل فى الازهر وانا مثلك لذا احزن غاية الحزن عندما ارى من يعمل فى الازهر ولا يحب ولا يقدر ولا يفتخر بهذا . لانه ساعتها سيكون معول هدم فى الازهر ولن يؤدى عمله بالشكل المطلوب وهذا من اهم عوامل انهيار التعليم الازهرى
اخيرا الازهر فعلا جزء من البلد دى محتاج العناصر الممتازة المخلصة . ولو كل واحد شايف انه ممتاز ساب الازهر فلن يبقى الا المدرسين الضعفاء فمين اللى هاياخذ بايد ازهر نحو التقدم والرقى
ارجو ان تكون رسالتى وصلت لك وللجميع . ارفع راسك وافتخر فانت ازهرى

ان كمان مدرس في الازهر واريد بديل علي الدرجة الثالثة تخصص رياضيات جيزة

انا مرس مثب في الأزهر علي الدرجة الثالثة
واريد التحويل من الازهر للتربية والتعليم
لانى اصلا خريج تعليم عام وحبا فية
ماهى الاوراق المطلوبة[/quote] هل هناك بديل

انا مدرس رياضيات بالازهر طلبة من الشارع معلمى اللغة العربية والمعلمين الشرعيين نموذج سى للاسلام اصلا هذا هو الازهر اريد ان اهرب من الازهر

معلش اسمحولى اشارك معاكم علشان انا شايف فى عصبية شوية فى الموضوع
لازم نفرق بين الازهر كمؤسسة عالمية لا يختلف احد على مكانته حتى الاعداء وبين العملية التعليمية فى الازهر والتى تدهورت بشكل رهيب بسبب الغش فى الامتحانات

اتفق معك و اضيف
فشل المنظومة الادارية و العقل المفكر بها
سواء بالمشيخة أو المنقطة أو المعاهد
و هذا اهم شئ لنجاح اي عملية تعليمية

طب حد يرد عليه يا جماعة . طلبة من الشارع والمعلمين نموذج سىء للاسلام . بس مش كل المدرسين مدرسى العربى والشرعى بس اما الثقافيين لان الاستاذ مدرس رياضيات دول نموذج ممتاز للاسلام . وعشان كده يريد ان يهرب من الازهر . وانا مش هارد عليك الا بكلمة واحدة : اللهم انى صائم

لو تولى الازهر ادارة فاهمة و واعية لدورها من الخبراء
و تم تعديل منظومته التعليمية ما قبل الجامعية
لتخرج من علماء من كافة التخصصات و لكن هذا ما لم يحدث للأسف
الله ولي الازهر من يفهم لأنه بالتأكيد سيصلح
يغلق لانتهاء الغرض ، و حتى لا تحدث مشاحنات عديمة النفع