|
الي متعاقدي 2005 و 2006 و 2007
مالي اراكم صامتين علي الظلم الذي وقع عليكم وهو تجريدالعلاوات
ارضيتم بالخزي والاستسلام وضياع الحقوق ام تعبتم من كثرة المطالبة بها فاثرتم الرضي بالامر الواقع حتي ولوكان هذا جور عليكم ام انكم لا تقدرون مدي ذلك الظلم الذي وقع عليكم ليس ماديا فقط ولكن معنويا ايضا وقيميا الامر الذي جعل منكم مزحة سخيفة علي لسان زملائكم بالتربية والتعليم نفس التعيين والذين تعدي اساسيهم 270 ومرتبهم ال 1000 جنيه في حين اساسيكم 241 ومرتبكم 660 جنيه ماالذي يرضيكم بذلك فقد اختاركم الازهر من اعلي التقديرات والتخصصات النادرة والكفائات المتميزة في حين التحق بالتربية والتعليم كل من حمل مؤهل عال فبسبب تلك القضية قامت بيني وبين مدير المنطقة الذي جاء يشرف علي عملية التصحيح للشهادة الازهرية مشادة كادت تودي بنقلي لولا تدخل الاخوة الافاضل فدعونا لانقف مكتوفي الايدي صامتين فعلينا في كل المحافظات ارسال فاكسات الي قطاع المعاهد وديوان المظالم والمشيخة حتي ننال حقوقنا ولا ننسي ان الازهر لايستجيب الا بالضغط وان لم تجدي تلك الفاكسات فعلينا بالاضراب في موعد نتفق عليه جميعا فما ضاع حق ورائه مطالب |
انت منطقة ايه و مسابقة كام؟ لازم نروح المشيخه
|
بس يضموا لنا المده الاول
|
جزاك الله عنا كل الخير
|
لا حول ولا قوة إلا بالله
|
أنا والله أكثر حاجة تعباني في الأزهر مسألة تجريد العلاوات
|
لا حول ولا قوة إلا بالله
كنا في الماضي أعلى في المرتبات أما اليوم فنحن أقل بكثير من الآخرين الله الله الله رحماك رحماك رحماك يا ربنا |
زملائكم بالتربية والتعليم نفس التعيين والذين تعدي اساسيهم 270 ومرتبهم ال 1000 جنيه مفيش الكلام ده مرتبهم اعلي مننا حاجه بسيطة وكمان هم رافعين قضية لضم المدة |
اقتباس:
|
اقتباس:
|
هتلنا كارتة مرتب واحد فى التربية والتعليم اساسية 720 ........ ياراجل ده المدرس الاول اساسية مش كده ......تحرو الصدق يا جماعة احنا فى ايام مش ناقصة فتن اساسا
|
اقتباس:
|
نعم أساسي عقود 2007 في التربية و التعليم أصبح 274 جنيها
و معي ما يثبت ذلك و لكن صاحبها رفض أن أرفعها على الشبكة و قد قمت برفع كات مرتب مسابقة 2009 بالتربية و التعليم و راتبه أيضا اعلى منا لعدم تجريد العلاوت و هي موجوده هنا بالقسم. و لم يتم ضم المدة لهم ، علما بانه المدة تعتبر قد ضمت لهم ماليا تلقائيا باعتبار أول سنتين تعاقد ضمن جدول الترقي في الكادر ( معلم مساعد >>>معلم)و هذه هي النقطة التي يتغاضى عنها الازهر... فضلا على مسألة الترقيات التي سنواجه مشكلتها في الازهر بسبب تأخره الغريب فيها و بشكل غير مبرر ، فيوميا اسمع كلاما من زملائي بالمعهد الكبار جدا أنه من المفترض ان يحصلون على درجات مثل مدير عام و غيرها مثل نظرائهم في التربية و التعليم الذين حصلوا عليها من فترة كبيرة ، و لكن الازهر نائم عن حقوقهم..و هذه المشكلة ستواجهنا حتما في المستقبل مع الازهر . و عقب عيد الفطر باذن الله سأبدأ رفع القضية الخاصة بالضم الفعلي و ليس الضم الوهمي الذي قام به الازهر و لكني احتاج كارت مرتب من عدة محافظات ممن أساسيهم 274 جنيها ، و أرجو ممن لديه صديق في التربية و التعليم و يستطيع احضار منه هذه الكارت فليراسلني بها على الخاص حتى تكون الزريعة قوية فواحدة فقط لا تكفي... تحياتي// |
يا جماعه الحل الوحيد هو الاضراب واحنا دفعة 2005و2006و2007 مش قليلين وانا مش معاك يا استاذ مصطفى فى حكاية رفع القضية لان المحاكم حبالها طويلة وممكن تحكم بعد مانكون طلعنا معاش فالحل الوحيد تحديد موعد للاضراب كلنا نضرب فيه
|
شوفوا لاحل الا الاضراب الشامل غير كده مالوش لازمة الكلام وانا قلت مائة مرة ماحدش تفاعل معايا
|
اضراب ايه يا اخواني ما خلاص
كان زمان وجبر اللى يضرب دلوقتى ييجي امن الدولة يتلفاه من قفاه مصر كلها راحت وانتو بتدورو على 30 جنيه لك الله يا مصر ولكم الله يا مصريين يا غلابه |
انا ان شاء الله هارفع قضيه على الازهر بسبب علاوة 2008 وفرق الاساسي واريد ان يكون لنا يوم اضراب حتى ناخذ حقوقنا والا سندفن في الارض
|
أنا دفعة 2008 ونعاني من مسألة تجريد العلاوات
|
لازم نتحرك حرام عليكم مرتباتنا في القاع بالمقارنة بمرتبات العاملين في الدولة
|
المفروض قبل الكلام نتعلم
المفروض قبل الكلام نتعلم قوانين الماليات بمعنى انا اتعينت فى التربية والتعليم 2005 بالتعاقد زى زميلى بتاع الازهر التعاقد علاوته على مربوط الدرجة الثالثةيعنى مثلا العلاوة فى 2007 15% تحسب من مربوط الدرجة الثالثة 48 فتكون 7.2مع اننى كنت شعال فى هدا الوقت وليا اساسى 144 يعن الحكومة لا تعترف بالتعاقد تعيين ولدلك انا اشتغلت من 2005 الى 15/3/2008 بنفس المرتب وهو 174طوال هده الفترة
المهم امت تضاف العلاوة على الاساسى لما اتعينت معلم مساعد 15/3/2008 وتم اقرار العلاوة 1/5/2008 ادن انا كنت معلم مساعدوقت اقرار العلاوة لدلك اتحسبت على الاساسى 144 30% منه 43 نرجع لزميلى بتاع الازهر هو نفس تاريخ التعيين2005ولكن وهو المهم امتى خد لقب معلم مساعد بعد 30/4/2008 وقت اقرار العلاوة فاصبح علاوته 14ومش الازهر بس فى محافظات اخرى تبع التربية والتعليم نفس تاريخ التعاقد ولكن تاخرت فى خصول ابناءها على معلم مساعدقبل 30/4/2008 فضاعت عليه العلاوة طبقا للقانون وهده العلاوة تضاف بعد 5سنوات على الاساسى يعنى تضاف فى 2013 اللى خدها 43 +الاساسى231=274 وللى اتاخر فى حصوله على التعيين فى معلم مساعد عن 30/4/2008 يكون 14 +الاساسى 231 = 245 وطبعا ده هيفرق فى المرتب من حقك تشتكى لو انت معلم مساعد قبل 30/4/2008وليه التاريخ ده لان علاوة 2008تم اقرارها 1/5/2008 ويشيرط ان تكون معين على الاقل معلم مساعد ارجوا ام اكون اوضحت الرؤية وشكرا والسلام عليكم |
يااستاذ مصطفى ارجو ان يكون لك دور فعال وتنظم لينا اضراب عام مع الدراسة مش عارف ليه كل اما بجيب سيرة الاضراب مش بلاقى زمايلى يعينونى فى المنتدى بصراحة بقيت بدخل المنتدى وانا محبط جدا لانى عارف السلبية اللى الناس بقت فيها
|
| جميع الأوقات بتوقيت GMT +2. الساعة الآن 03:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.