15% من الطلاب حصلوا علي أكثر من 90% تراجع الحد الأدني للقبول بالطب والهندسة
 

يعلن الدكتور رضا مسعد وكيل أول وزارة التربية والتعليم اليوم نتيجة امتحانات الثانوية العامة ويكرم أوائل الجمهورية في الشُعب الثلاث.
حصل الطالب الأول في الشعبة العلمية علي مجموع 409 درجات من 410 درجات وفقد الدرجة الضائعة في اللغة العربية التي عجز في الحصول علي درجتها النهائية مثل بقية المواد.
علمت "الجمهورية" أن النسبة العامة للنجاح تعدت ال 84% بزيادة بين 2. 3% عن العام الماضي إلا أن الظاهرة الملفتة هي الانخفاض الملحوظ في مجموع درجات الغالبية العظمي من الطلاب وأن الشريحة الكبري من الطلاب حصلت علي مجاميع تتراوح ما بين 60% إلي 70% وتصل نسبتهم إلي أكثر من 35% من إجمالي الطلاب البالغ عددهم 449 ألف طالب وطالبة.
بينما حصل 15% فقط من إجمالي الطلاب علي 90% فأكثر.
ورسب حوالي 70 ألف طالب وطالبة بالشعب الثلاث يمثلون 15% مما يؤكد أن المؤشرات الخاصة بالقبول بالجامعات سوف تنخفض هذا العام انخفاضاً ملحوظاً خاصة في كليات القمة الطبية والهندسية بما يتراوح ما بين 2% إلي 3% أقل من العام الماضي.
علمت "الجمهورية" أن الحد الأدني للقبول بكليات الطب سوف يتراوح من 400 درجة إلي 402 درجة حيث ينتظر قبول نحو 9 آلاف طالب بها والأسنان من 401.5 إلي 399 درجة والصيدلة من 400 إلي 396 درجة بينما ينخفض الحد الأدني للهندسة بنسبة تصل إلي 4% عن العام الماضي ويتم قبول 17 ألف طالب وطالبة بكليات الهندسة.
كما تؤكد المؤشرات انخفاض الحد الأدني في كليات الأدبي بنسبة تتراوح بين 3. 4% عن العام الماضي في معظم الكليات.
من جانبه نفي د.أحمد فرحات رئيس قطاع التعليم العالي كل ما جاء بالمواقع الالكترونية حول مؤشرات القبول بالجامعات والإعداد المقرر قبولها بكل كلية مشيراً إلي أن الأعداد النهائية التي يقرها المجلس الأعلي للجامعات بكل كلية سوف تحسم اليوم.

لو على كدا يبقي الهندسة تجيب من 90 % يا كبير

طب دلوقتي كل واحد بينفي اللي غيره بيقوله.. نصدق إحنا مين دلوقتي ؟؟؟؟؟
.
وبالنسبة للتنسيق العجيب ده ..فهو منخفض جدا_طبعا الواحد يتمن _ بس شكلها إشاعات من الجمهورية كما اعتادنا منهم
.
وأصلا نسبة الرسوب لا يتوقف عليها التنسيق لأن نسبة الرسوب ف العام الماضي كانت 18% وبالرغم من ذلك كان التنسيق مرتفع جداااا
.
وربنا يوفقنا جميعا

المجاميع زبالة على كدا

غالبا التنسيق هيرجع زى 2011

مين اللى قال ان المؤشرات هترفع

السنة الي فاتت تم قبـول 18 ألف طالب بكليات الهندسـة وكان الحد الادنـي للقبول 94.5% .
انما لو كان الكلام المكتوب دا صح وان كليات الهندسة ستقبل 17 الف طالب يبقي كدا تنسيق الهندسة هيرتفع عن السنة الي فاتت واحتمال الحند الادني يكون 95 % ..

انا كنت متوقع حاجة زى كدا لكن دا من شبه المستحيلات يا عم الحج

انا اتمنى ان يكون كدا

انا وضعت موضوع فى المنتدى النهاردة توقعاتى للتنسيق وكان كدا :

هندسة بترول 403
الطب 402
الاسنان 398
الصيدلة 396
علاج طبيعي 395
طب بيطرى 392
الهندسة 387

فى ظل امتحانات سهلة وتسريب امتحانات وغش فى اللجان
الكلام دا ميدخلش العقل خالص

طب محدش يعرف الكليات الطبيه اللى اتفتحت جديد ف المحافظات هى ايه؟

يا جدعان والنبى محدش يقول الامتحانات سهلة علشان ميعصبش دفعتنا....... ده بتوع السنة اللى فاتت واخدين امتحانات شوربة تانية وتالتة ما عدا الرياضة

عندك حق ..... ولأ لقيت واحد قبل كده كاتب تعليق بيقول ( التنسيق هيرفع عن السنه الى فاتت بسبب سهولة الانجليزى والفيزياء والاحياء وتفاهة علم النفس مفيش غير العربى واتعدل فيه ) ففضلت عدم التعليق

ربنا يستررررررررررررررررررررررررررر

الامتحانات كانت سهلة !!!! لا وااااضح بجد من درجة الاول ع الجمهوورية

يا جماعة والله ما تسمعوا اى كلام كدة يتقال وخلاص وتتعبوا اعصابكم
صدقونى هو بيقول اى كلام عشان يزود نسبة مبيعات على حساب اعصابكم انتم
هو اصلا عرف النسب والحاجات دى منين والوزير لسه هيعلنها فى مؤتمر صحفى بكره
الحاجات بتاعة التنسيق دى هتتحدد بعد النتيجة مش قبلها ما تمشوش ورا اى كلام يتقال وخلاص الله يكرمكم
وبالتوفيق للجميع

امممم استنتاج ناقص ( وبالتالى خطأ )

اولا : دى مش معادلة ومعطياتها عندك عشان تقدر تقول هتطلع كام لان ببساطة درجات السنة اللى فاتت مختلفة عن السنة دى ( السنة اللى فاتت كانت اعلى ) وبالتالى هيختلف التنسيق

ثانيا : مش معنى ان نسبة النجاح اعلى من السنة اللى فاتت ان التنسيق هيرتفع لان التنسيق مش ليه دعوة بالنجاح وانما بالمجموع

روح العب بعيد يا بابا

فعلا يا اخوانى التنسيق هينزل خاصة فى علمى رياضة
لان 7% فقط من حصلوا على 93% فاكثر وهؤلاء يمثلوا عدد 16 ألف من الطلبة يعنى تنسيق الهندسة نازل نازل
بس مش 4% ولكن الاكيد 2% أو 2.5% عن العام الماضى

يا جماعه هي هتظهر امتي بقي والله حرام عليهم هيطلعوها واحنا بنفطر يعني ؟

يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب

ههههههه ضحكتنى وانا قلقان ومرعوب والله