هدخل بترول ؟
 

فكك من 2008 و من السنه اللي فاتت .. انت ترتيبك الكام ؟

اهم حاجه ترتيبك فعلا و انا فى بترول ممكن اجاوبك على اى حاجه لو عاوز تعرفها بخصوص الكليه

ترتيبى على المدرسة ولا المحافظة ولا اية ؟

ترتيبك على الجمهوريه فى علمى رياضه

6939 :d هااا ؟؟؟

انا جايب 98.78 % وترتيبى ع الجمهوريه 5395 ينفع ؟؟؟

انا كان ترتيبى اعلى من كده بس بردو مش اقدر اسدها فى وشك هو احتمال ضعيف مبدئيا بس مش مستحيل عشان فى ناس من اللى فى الاول دول بنات و فى ناس بيدخلوا هندسه عاديه كتير تمام بس مبدئيا مش تحط امل كبير و سيبها بردو بظروفها

انتا ترتيبك احلى منه شويه يا سامح و فرصتك بيتهيالى احسن منه انك تلحق و نفس التفسير بردو اللى قلته ليه بس لو ترتيبك اعلى الف كمان كنت هطمنك اكتر بس سيبها بظروفها بردو و بعدين البركه فى رجاله كليتنا مبوظين سمعتنا ف فى ناس كتير مش بتدخل و ربنا يكرمك ان شاء الله

على فكرة الترتيت دا باين علية ف العلمى كلة مش رياضة بس

ممكن لينك اجيب منة الترتيب على الشعبة بتاعت علمى رياضة بس ؟

انا هسيبها بظروفها .... تيجى زى ما تيجى ... وشكرا جدا :)

لا اهم حاجه ترتيبك على علمى رياضه بس

اللى انا فاكره ان موقع الاستاذ باين كان بيجيب كل التفاصيل دى

تمام انا كنت سايبها بظروفها و كنت جايب 408 بالظبط فانتا بردو سيبها بظروفها و ان شاء الله خير و الهندسه العاديه مش وحشه على فكره فى ناس جت عندنا و حولت

طب افهم بس الترتيب بيتاخد ازاى او بتعرفوة ازاى وانا هشوفة

رقم جلوسك كام ؟ هحاول كده

يعني انت هندسة بترول عجباك Eng elSisy

مش غير محاولة بترول السنادي من 404الي 405 انتهي

الشخص اللى بيتكلم جديد يعنى و بيفكر يدخل و لا قديم عشان الرد هيفرق :)

لأ انا في ثانوي و لسا السنة الجاية جامعة بس مجموعي يجبها مستريح ان شاء الله بس كله بيقولي انها اسؤ كلية

خد البوست ده جايبه لك من على جروب الكليه بس انا شخصيا مش ندمان انى دخلت يعنى

بسم الله الرحمن الرحيم

السلامـ عليكمـ ورحمه الله وبركاتـه ..

البوست دا للطلبه الوافدين الجدد وبيسئلوا عن الكليه وعايزين معلومات عنها : )

اول حاجه مفيش حاجه اسمها كليه قمه .. كليتك اللى هتجتهد فيها هتبقى قمه بالنسبه ليك ان شاء الله :)

الكليه 5 أقسام مش قسم واحد ! : )

1- حفر وانتاج البترول
2- تكرير وبتروكيماويات
3- فلزات
4- جيولوجيا
5- مناجم

أول قمسين تبع هندسه البترول .. باقي الاقسام تعدين " الكليه هندسه بترول وتعدين السويس .. مش بترول بس "
وطبعا بيبقى في تنسيق داخلى عشان الاقسام حسب تقدير اعدادي .

بالنسبه لمميزات الكليه :

الصحبه .. ودي تقدر تقول الميزه الاساسيه : )
لو لاقيت وظيفه او ليك واسطه ف الشغل ف المرتبات بتبقى ممتازه
الدراسه أسهل من هندسات كتير

بالنسبه للعيوب :

الغربه
المدينه .. الوضع فيها صعب الى حد ما ( بس بيجي بالتعود وممكن تأجر برا شقق )
قله فرص العمل
بعض الدكاتره :d >> ودا ف أى كليه
اول سنتين ف الكليه بيبقى المحاضرات ف مكان والسكاشن ف مكان تانى

----------------

**الكليه طبعا فيها انشطه وأسر زي باقي الكليات ..
**بالنسبه لنقطه الشغل بعد التخرج ع طول والقبض بالدولار دا كله هري :d
**الاقسام كلها حلوه ومفيش حاجه اسمها قسم أحسن من قسم .. كل واحد ليه عيوبه ومميزاته : )

بالنسبه انك تيجي الكليه ولا لا .. أهم أهم أهم حاجه الاستخاره :)

ياريت البوست ميبقاش مجال للهزار ولو حد عنده اضافه ياريت يقدمها ..

ربنا يوفق الجميع ^_^ على فكرة هندسة القاهرة فيها قسم بترول و تعدين
و فى الاول و الاخر على حسب ان حابب تدرس ايه

يعني انا بسمع كلام كتير زي مثلا
1- المدن جامعية و الكلام ده
2-لازم تجيب في السنة الاولي علي الاقل جيد اوي جيد جدا وانت معاك ناس جامدة اصلا
و لو مجبتش هتدخل قسم هتتمرمط فيه و مش هتشغل و هتبقي زي خريج كلية علوم بظبط
لو جبي هتدخل قسم كويس بس مش هتشتغل الا في حالة معاك واسطة اوي انت جامد اوي بقي
3-كلية مش مجهزة خالص مفيهاش معامل ولا اي حاجة و روح و اسأل

هههه قصدى من البوست الحته بتاعت المميزات و العيوب: الغربه وحشه فى كل حاجه سكنها و اكلها و ما الى ذلك و بردو فى مميزات زى ما البوست بيقول بس فكر كويس قبل قرارك و صلى استخاره بس انا بقولك عن نفسى و بعد سنه مش ندمان انى دخلتها و ده بردو حسب البديل اللى عندك يعنى هندسه القاهره بديل جيد لبترول اما انا كان هندسه الزقازيق مستواها مش حو كليا ف دخلت بترول

لأ انا قاهرة و عين شمس متاحة بالنسبالي و كله بيقولي بترول اسؤ كلية و كلهم ناس فيها علي فكرة
و بيلعنو اليوم ال دخلوها فية
انت اول واحد اشوفه حببها
انت قسم اية

اول نقطه صح و اى مدينه جامعيه فى مصر تقريبا مش حلوة مش دى بس تانى نقطه غلط مش زى مانتا فاهم الموضوع اسهل من كده و حتى لو دخلت كليه تانيه موضوع التقدير فى الكليه ده سهل اهم حاجه بس تنتظم فى مذاكرتك تالت نقطه صح بنسبه 80% بس انا قلتلك اهم حاجه يكون البديل احسن

لسه النتيجه مش ظهرت انا اعدادى تمام فى 8 كانوا من القاهره و حولوا بعد اول اسبوع انا بقولك الصراحه بس زى ما فى ناس بتشتم فى ناس بردو بيحبوها و بعدين انا مش ينفع اكون منافق اقولك دى اسوء كليه طب انا محولتش ليه لما هيا كده ؟ لو عندك فيس هعرفك على الناس اللى محوله من القاهره دول و القاهره حلو هيا لو كانت متاحه ليا كنت هفكر الف مره قبل ما ادخل بترول

[QUOTE=Steerforth;5384099]لأ انا قاهرة و عين شمس متاحة بالنسبالي و كله بيقولي بترول اسؤ كلية و كلهم ناس فيها علي فكرة
و بيلعنو اليوم ال دخلوها فية
انت اول واحد اشوفه حببها
انت قسم اية[/QUOTE
و زى ما بتقول القاهره فيها قسم بترول يعنى لو عاوز تدخل هتدخل بردو عادى :)

طيب كلمني عاي الفيس

بعتلك اضافه