اي استفسار عن تجاره انجلش عين شمس ف الخدمه ان شاء الله
 

السلام عليكم كنت عايز اعرف هل ليها تنسيق خاص ولا تتبع تنسيق تجارة عادى وبعدين تنسيق داخلى
2- ما هى شروط الالتحاق بها
3- مصروفاتها كام
4- مميزاتها وعيوبها
5- مجالات التوظيف بها متاحه (مطلوبه)

سلام عليكم .. انا علمي رياضه جايب 85% و مجموع الانجليزي 45.5 و المستوي 7.5/10 انجليزي برده فهل ممكن الحق تجاره انجلش اقاليم و احول حلوان ؟ انا من القاهره ؟ و هل ممكن ادخل تجاره و مقبلش انجلش عشان مجموعي 85 ولا هيا بمجموع الانجليزي مش بالمجموع الكلي ؟

انا عايز استفسر ، لو جايب 87% بس ادبى و مجموع انجليزى 42.5 و مستوى رفيع انجليزى 7.5 هقبل ولا لا؟

اها ليها تنسيق خاص بعد اما بتقدم تجاره عربي عادي ف الاول عين شمس :)
السنه اللي فاتت واخده من ادبي 89 ف الميه بعد اما نزلت من 91 ع كذا مرحله لان ف ناس مش بتقدم علشان الفلوس وكده
ومن علمي 91 ف الميه

2 - شروط الالتحاق انك تكون جايب انجلش 42.5 وحوالي زي السنه اللي فاتت 89 ادبي و 91 علمي وطبعا احتمال تقل لان مجاميعكوا السنه دي وقعت :( وبتتحسب ع اساس المجموع الاعتباري :) " مجموعك العادي + الانجلش بيضاف مره تانيه + المستوى الرفيع لو كان انجلش من بعد 5 "

3 - مصروفاتها :- سنه اولى 5500 بالكتب وبتقل من سنه لسنه :)

4 - مميزاتها مجالات شغل كتير ومش محتاج اني اوصف او امجد فيها :)

5 - اكيد بنسبه كبيره جدا :)

هتلحق اقاليم بس فيها مجازفه كبيره بقى :) ولازم تجازف بقى :) وان شاء الله خير

هتلحق علشان المجاميع ف النازل :) ومجموعك الانجلش بظبط xD
يلا ان شاء الله خير :)

انا جايب 385.5 من غير مستوى يعنى 87.44
وجايب 8.5 فى المستوى انجلش و مجموعى بالمستوى 362 يعنى 88.29
وجايب فى الانجلش 46
ومجموعى الاعتبارى 408
ممكن الحق تجارة انجلش ولا !!
واقدم فى القاهرة ولا عين شمس انا استحالة ادخل تجارة عربى ف أقدم فين علشان ابقى ضامن ولا اخدها من قاصرها و أقدم خاص !!

ليك تجاره انجلش وضامنها جدا كمان متقلقش لان السنه اللي فاتت خدت مجموع اعتباري 402 واكيد هيقل كمان علشان مجاميعكم السنه دي ف الضياع متقلقش هتلحقها :)

انا ادبي و جايب 87.2 و 47 في الانجليزي بالمستوي و جايب في المستوي 7.5 ممكن الحق القاهرة عشان قريبة

ربنا يبشرك بالخير يا معلم :d

ياترى عندك فكره عن تجاره انجلش القاهره اخدت مجموع كام السنه اللى فاتت
وهى كويسه ولا لآ ومصروفاتها كام
مع الشكر

أشكرك جدا على تعبك معانا

أنا جايب 86.95 % علمى رياضة وجايب فى الإنجليزى 47 من 50 والمستوى الرفيع 8.5 من 10 ... هل فى إمكانية إنى ألحق الكلية ؟؟؟

وعايز أعرف أكتر عن تجارة إنجليش إدارة أعمال من حيث المواد اللى هدرسها ؟؟ وهل ممكن أعمل حاجة بعد إنتهاء الدراسة تخلينى أحسن فيها ولا ؟؟؟

القاهره ليا واحد صاحبي هناك السنه اللي فاتت هو كان علمي رياضه وجايب 90 الميه واتقبل فيها بس فرع الشيخ زايد ومصاريفها 7000 ع ما اعتقد :)

ليك تجاره انجلش عين شمس :)
بالنسبه لاداره اعمال ده قسم التخصص لسه ف سنه رابعه يعني لسه بدري اوي :)

التنسيق مش هيقل لدرجة دى يا ريس والادبى اعلى من العلمى فى المجاميع

الفكره مش ف درجه بس ف كمان ناس مش بتخش انجلش علشان الفلوس وكمان السنه اللي فاتت فضل تنسيقها يقل لحد 88 كمان وفي ناس دخلت بعد الميد تيرم بسبب المصاريف ففي فرصه للناس دي انها تخش :) وطلبه ادبي بيركزوا ع اعلام والسن واثار مع اني شايف ان تجاره انجلش بتساويهم وبالعكس احسن من كليات فيهم وفرصه العمل فيها اتقل من دول :) ع العموم هو ربنا يقدم اللي فيها الخير لكل الطلبه الواحد بيحاول يساعد :)

هو انا الكومنت بتاعي مش باين ولا ايه xD و المجموع الاعتباري 404.5 للمعلومة

انا 93.4 وجايب في الانجلش 48 والمستوى 8.5 و حاسس اني مش هلحق الهندسة في المرحلة التانية والحاسبات مش عارف مستقبلها ايه بس هي تجارة انجلش ايه نظامها و ليها شغل ولا ايه :(

القاهره معتقدش بصراحه :( لان اللي مزود مجموعك الاعتباري درجه الانجلش :) وعين شمس كانت من 402 السنه اللي فاتت وقلت قبل امتحانات الميد تيرم بس مش فاكر لكام :) بس دي عين شمس مش القاهره :)

انت طبعا داخل الكليه وحاطط رجل ع رجل لو قررت يعني

بص مستقبلك منتهاش عند هندسه والله انت نفسك كنت داخل هندسه بالاسم مش داخلها وناوي تتخصص ايه والدنيا دي اي حد بيجتهد ف اي حاجه حببها هيعرف يشتغل فيها وهيوصل فيها مهما كانت ايه في فرق بين حاسبات وتجاره دي محاسبه وحاسبات شركات والحاسبات دي برامج وتكنولوجيه فرق شاسع شوف انت حابب ايه اوي فيهم وقرر والاتنين ليهم مستقبل لو انت حبيته واجتهد فيه :)
انت لو دخلت كليه اداب وطلعت مدرس علم نفس مشهور زي اللي كانوا بيدوك ف ثانوي هتكسب دهب هي دي الفكره مش اكبر شهاده هتنجح وهتبقى محصلتش برده اجتهاد فكر كويس لان ده قرارك النهائي ومن رايي هندسه فعلا مش هتنزل مرحله تانيه اللي هتبقى ف مرحله تانيه هي هندسة زراعيه :) وبالتوفيق ليك وفي اختيارك :cool:

يعني كده ملحقش عين شمس حتي ؟ و لو دخلت القاهرة و كقبلتش انجليزي ينفع احول عين شمس

طيب هو المستوى اللى بتتكلم عليه لازم انجليزى ولا ينفع مستوى عربى و هو يضيف عادى فى المجموع الاختيارى ولا لا ولو كان لا كده المجموع هيقل هل ده هيبقى ليه مجموع خاص ولا هيعدوها

لو سمحت انا ادبي و جايب مجموع من غير مستوي 346.5 يعني 84.5% و جايب 7 في المستوي و مجموعي بلمستوي 348.5 يعني 85% بظبط و المستوي الرفيع لغة انجليزية و درجة اللغة الانجليزية 46 اقدر ادخل تجارة انجليزي عين شمس ؟

تلحق عين شمس :)

انجليزي بس اللي بيضاف :)
بس لو الكليه مش لاقيه عدد وعاوزه تجيب ناس علشان تحصل فلوسها بيجمعوا كلوا وخلاص :)
السنه اللي فاتت واحد صاحبي جمعوله مستوى الرفيع جغرافيا بالغلط :)

صعب جدا :( بصراحه ممكن تلحق بنها اقاليم لكن عين شمس معتقدش :)

لو سمحت عايزه اعرف ممكن اخش تجاره انجلش انا جايب 90 % بالمستوى وفى الانجليزى جايب 40.5

امر ضروري جدا وجز الله خيرا من يرد علي سوالي
 

اخويا علمي رياضة وجاب 89.3 وجاب انجليزي 43 ومجموعه الاعتباري 409.5 هل يقبل تجارة انجلش القاهرة او عين شمس وجزي الله خيرا الللي يتكرم ويجاوبني لان هو في حاله نفسية لانه كان جايب 95 في تانية وقل في تالته

ليك بس تنسيق مرحله تانيه بس لو قفل مرحله اولى خلاص :(

قصدي ان الكليه بتفتح التنسيق الداخلي شرط 85 % ف الانجلش يعني 42.5 من 50

محصلوش العدد اللي هما عاوزينه بينزلوا التنسيق ل 40 زي السنه اللي فاتت

لكن انت مجموعك مفهوش اي حاجه وليك تجاره انجلش :)

يقبل ف عين شمس باذن الله هي كانت واخده من 410 علمي :) السنه اللي فاتت مجاميع علمي واقعه السنه دي :) يعني داخلها باذن الله ميقلقش

وبالنسبه للنفسية :) مش نهايه الدنيا احنا معانا ف الكليه ناس 98 و 97 ملحقوش طب ودخلوا تجاره انجلش ومعاايا ناس جايبين مجاميع هندسه وفي تجاره انجلش :)

اخى الفاضل
كان لى استفسار عن كليه تجارة انجلش
انا مجموعى بالمستوى الرفيع 88.4
و المجموع نفسه 358.5
علما ان المستوى الرفيع جغرافيا
و مجموعى فى اللغه لالنجليزيه 44
وانا كنت فى مدرسه لغات

فهل يتم قبولى فى عين شمس
ولا ايه
وبردو السوال عن المصروفات و مجال العمل وكدة وشويه معلومات

مثل هى بتحتاج امتحانات فى التقديم يعنى اختبار انجليزى وحاسب الى وحجات زى كدة ولا دى اشاعات اصل كله بيفتى
و بالنسبه للتخصص بيبقى فى انهى سنه وناس بتقولى ان الخارجيه احسن تخصص من حيث الشغل
وهى مش موجودة فى عين شمس موجودة فى حلوان


و الاهم من كدة كيفيه التقديم يعنى اقدم ازاى يعنى اقدم تجارة و بعدين احول شعبه انجليزى

بس كدة وشكرا .

فى انتظار رد حضرتك

تمام الرد ع اسئلتك كلها بالتدريج وحضرتك تسال براحتك ف اي وقت

اولا مجموعك الاعتباري 402.5 وهي قبلت السنه اللي فاتت 402 ونزلت تاني :)
يعني هتقبل باذن الله :)

المصروفات 5500 بتقل من السنه للسنه مش ثابته :)
مجال العمل كثير جدا ليك بنوك شركات حاجات كتير الاهم جدارتك وكفاءتك دي اهم حاجه يعني :) واعرف ناس بتشتغل بعد التخرج ب 6000 بواكي بس دول كانوا اوائل الكليه وفي ناس بالواسطه بتعمل كل حاجه :)

مفيش امتحانات ولا اي حاجت ده هو اختبار طبي واصلا ملوش لازمه حاجه روتينيه كل الكليات بتعمله وبتعدي لو مركب نظاره بعد الشر عنك طبعا مش عيب يعني :) بيكتبوا ان نظرك 6/6 :d

التخصص ف اخر سنه سنه رابعه وهو تخصصين فقط يا اداره اعمال يا محاسبه :)

تجاره خارجيه تخصص خاص بجامعه حلوان :)

التقديم هتكتب رغباتك واكيد هيجيلك تجاره عربي جامعه عين شمس بعديها بايام بتروح الكليه بالورق بتاعك اللي انت جبته من مدرستك اللي هو 6 صور و شهاده ميلاد ونتيجه الثانويه وشهاده التجنيد اتاكد من دول انا مش فاكرهم كويس بصراحه :) وبتقدم ع دخول تنسيق داخلي وبتدفع 150 جنيه علشان تقدم وبعديها بيعلنوا اسماء اللي قبلوا ف الكليه :) وبس وان شاء الله تكون من المقبولين وبالتوفيق ليك

ال 3 درجات هيضافوا ع المجموع الاعتباري اللي هو " مجموعك + الانجلش مره ثانيه + المستوى الرفيع من بعد ال 5 درجات "

بصراحه فرص التاني احسن كتير من الاول :) الاول يعني نص نص بين البينين لكن الثاني ضامن بنسبه 99 ف الميه :)

لو سمحت انا مجموعى 373 بالمستوى يعنى 90.9 وجايب فى الانجليزى 40.5 وانا ادبى انشاءالله ينفع اخش تجارة انجلش

انا جايبة 341.5 في الثانوية العامة من غير المستوى الرفيع وبالمستوى الرفيع 344 يعني 84%
وانا جايبة 48 في الانجلش ومستوى رفيع انجلش جايبة 8 في امل ادخل تجارة انجلش القاهرة او عين شمس ولا لا ؟ عشان انا كاتبة في الرغبات اول حاجة تجارة القاهرة وبعدها عين شمس بعد كدة حلوان خايفة مقبلش في القاهرة وادبس في تجارة عربي حد يفهمني اعمل ايه .

السلام عليكم و رحمة الله و ببركاتة
يا جماعة انا جديد ف المنتدي و دا اول موضوع ليا
انا ف سنة 2 ثانوي علمي و علمي علوم ان شاء الله
و نفسي ادخل تجارة انجلش
صحصح معايا بقي
انا عاوز اعرف كل كل حاجة عن تجارة انجلش بس كل حاجة تكون عن السنة دي و السنة ال فاتت يعني عاوز اعرف
مصاريفها مستقبلها و المواد ال فيها و علي فكرةانا كنت عربي طول حياتي هل دة هيعملي مشكلة ف الكلية و هل هيتعبني و هتعود علية بعد قد اية كدة
بس ارجوكم تردوا عليا بسرعة و شكرااااااااااا

السلام عليكم و رحمة الله و ببركاتة
يا جماعة انا جديد ف المنتدي و دا اول موضوع ليا
انا ف سنة 2 ثانوي علمي و علمي علوم ان شاء الله
و نفسي ادخل تجارة انجلش
صحصح معايا بقي
انا عاوز اعرف كل كل حاجة عن تجارة انجلش بس كل حاجة تكون عن السنة دي و السنة ال فاتت يعني عاوز اعرف
مصاريفها مستقبلها و المواد ال فيها و علي فكرةانا كنت عربي طول حياتي هل دة هيعملي مشكلة ف الكلية و هل هيتعبني و هتعود علية بعد قد اية كدة
بس ارجوكم تردوا عليا بسرعة و شكرااااااااااا

باذن الله اكيد :)

صعب اوي تلحقي القاهره مجموعك الاعتباري 395 وعين شمس قبلت السنه اللي فاتت 402 ونزل التنسيق تاني ل 390 ممكن تلحقي عين شمس ع الحركرك زي ما بيقولوا وربنا يوفقك :)

نورت الموضوع :) ومدام عاوز تجاره انجلش مدام انت لسه ف 2 ثانوي حول ادبي احسن ومواد اسهل :) وهتقبل من مجموع اقل ومصاريفها ومستقبلها انا قولت قبل كده مصاريفها 5500 ومستقبلها برده خير مقدرش اقولك انت هتشتغل فين ده حسب تعبك انت يعني بس مجالات شغل كتير

والعربي مش هيعمل معاك ازمه هتتعلم متقلقش :)


اي استفسار يريد بقى تضيفوا الفيس بوك لاني مش بخش كتير

FB/MrKmnGa

اختصار الاكونت وبالتوفيق :)

لو سمحت انا مجموعى 348 من غير مستوى و فى الانجليزى 46 و مستوى انجليزى 9 هينفع تجارة انجليزى القاهرة ؟ ولو مقبلتش هينفع اقدم بعدها فى تجارة انجليزى عين شمس او حلوان ؟

اها بظبط حتى لو كتبتي ف الرغبات كليات عاليه ونزلتي لتجاره بعديهم التنسيق هيختارلك تجاره :)

احتمال كبير متلحقش القاهره وكمان لو ملحقتش مينفعش تحول خالص ينفع تحول عين شمس اي كليه تانيه غير تجاره يعني اداب حقوق كده لكن تجاره لا :)

انا ادبي و جايبة 85.6 % و 47 في الانجليزي و 8.5 مستوي هلحق ادخلها ولا لا

باذن الله اها ^_^

انا مجموعى الاعتبارى 397.5 الحق اى تجارة انجليزى ولا صعب .. :d
سؤال بردو لو انا كتبت تجارة و متقبلتش انجليزى يبقى انا كده ادبست فى تجاااااارة ؟؟؟