|
زميلكم رايح تانية طب ان شاء الله تحت امركم فى اي استفسار
اي استفسارات يا شباب انا تحت امركم في التنسيق او التحويل او ادخل جامعة ايه او خلافه
استشارات يعني و لو في سؤال على طب بالذات من عنيا |
ممكن اعرف الدراسة فى طب سهلة ولا صعبة والتقديرات نظامها ايه
|
انا لو كتبت في التنسيق رغبة اولي طب القاهرة مثلا والرغبة الثانية طب اسيوط ومجموع القاهرة اقل من اسيوط وانا مجموعي يجيب اسيوط كده انا حدخل اي واحدة فيهم ؟؟؟؟؟؟!!
|
اولا الف مبرووووك مققدما
دراسة الكلية عموما سيبنا من صعبة و سهلة لكن اكبر بكتيير من ثانوي بمعني هنخالص المنهج من هنا تلاقى الامتحان عليه شهر مثلا على اول مادة يعني لو مكنتش مظبط كل المواد هوب مش قدامك فرصة غير في اخر ايام قبلها اخر السنة لازم تبقى عارف انك داخل على حاجة جديدة بلاش يبقى في نفسك رهبة و اسال دايما اللى اكبر منك نصيحتي ليك و اللى قالهالنا دكتور من الدكاترة السنادي تذاكر ساعة في الاسبوع تجيب جيد ساعة في اليوم جيد جدا 6ساعات في اليوم ترتب ع الدفعة و بايدك الاختيار التقديرات حسب مذاكرتك مفيش ظلم كفاية عليك الكمية لو انت طالب شاطر و بتذاكر اول باول و بتراجع مراجعة دورية مبرووووووك عليك بتفوت و مشيت في طريق احباط بلاش تمشي الطريق ة احسنلك و انا معاك و توكل على الله وحده |
اقتباس:
|
اقتباس:
بس اهم حاجة تكون في نطاقك الجغرافي من الجامعات المسموح بها جغرافيا انا مثلا كان ليا منصورة و زقازيق حاولت اكتب القاهرة بس الموقع مكنش بيرضى كان بيكتبلي غير مسموح بيها جغرافيا بس مادام نفسك في القاهرة اقبل في اي جامعة و حول ورقي بوصل نور او فاتورة تليفون جامعة القاهرة فيها كتير من الصعيد و و الله كل التحويل الورقي بيتقبل خدها مني كلمة و بالتوفيق يا رب |
اقتباس:
ثانيا دة رد مينفعش ترد بيه على واحد اكبر منك و كل همه كان انه يساعدك بس التمسلك العذر مثلا لو فهمت من كلامي "لو انت طالب شاطر و بتذاكر اول باول و بتراجع مراجعة دورية مبرووووووك عليك بتفوت و مشيت في طريق احباط بلاش تمشي الطريق ة احسنلك" ممكن فهمت اني بقول انك بتفوت و مش شاطر و كدة انا و الله ما قصدي اي حاجة من دي انا قصدي اقولك بلاش تفوت حجات و ذاكر اول باول عشان الكلية عاوزة كدة و يا رب تبقى احسن من مية و الف زيي كمان و تبقى اشهر دكتور في مصر و تبقى دكتور خلوق لا تتطاول على مريض او دكتور و تذكر اهم من انك تبقى دكتور شاطر الاخلاق عشان ربنا يرزقك الثواب العظيم و جزاكم الله خيرا و غفر الله لك و اشهد الله اني سامحتك دون اعتذار |
اي استفسار؟؟
|
لا شكرااا ربنا يكرمك علي قد تعبك :)
|
انا في تلاتة طب و الدكتر جزاه الله خير بيساعد ف ربنا يكرمه بجد بالنسبة للطلاب الي جايبة مجاميع عالية و ربنا كرمهم لأن في الأول و في الأخر دة كرم من عند ربنا , كلية طب كلية صعبة جدا و مش سهلة و محتاجة صبر و جهود الثانوية العامة بالنسبلها تفاهة هيا كوم تاني الكلية صعبة يعني مش سهلة و مفيش حاجة في اي كلية سهلة بس كطب فهيا للمرة المليون محتاجة حد منظم و بيعرف يستحمل الضغط و صحته كويسه و اهم حاجة يكون حابب الكلية مش داخلها اسم و استخسار مجموع
الكلام دة مش بقوله احباط و لا خوف الكلام دة اتقالي اول ما دخلت و اسوأ منه بس صممت اني ادخل لاني كنت حابة الكلية و حب اني يبقى ليا علم ينتفع به و انا حد مش مستواه وحش انا الحمد الله برتب و امتياز بس التحذير واجب و بجد فكر مية مرة قبل ما تقول انا هدخل لانهم 7 سنين محترمين و الدراسة مش صعبة في الفهم لا هيا هجمهااا كبير و بتمتحن فترات طويلة كلية تعبها كبير يعني في حلو زي ما فيها صعب اللهم بلغت اللهم فاشهد و انا بعتذر يا دكتر لو أحبط فيكلامي حد بس الكلام دة لازم يتقال |
اقتباس:
|
اقتباس:
و جزاكم الله خيرا يا دكتور و الله ينفع بيكك و توصل للي بتحلم بيه يا رب و خلينا نقول يا أ.د مش بعيدة على ربنا |
اقتباس:
و لا ننسى "لو علمتم ما في الغيب لاخترتم الواقع" و شكرا للمرة الثانية |
اقتباس:
و يا رب نباهي بيك كل سنة و تبقى الاول على دفعتك |
اقتباس:
|
اقتباس:
الحمد لله راضية باللى كتبهولي ربنا ولا شكر على واجب انا عجبني طريقتك ف الرد على زميلنا يا ريت الكل يتعامل بنفس الطريقة دي |
يا دكتور ممكن نعرف بالنسبة لسنه الامتياز فيها فلوس ولا لا
وبتخصص ازاى |
اقتباس:
اما التخصص فله طريقين اما تكون من المية الاوائل او ايا كان العدد بيزيد او بيقل حسب الجامعة بس عندنا في المنصورة حوالى 120 واحد بيبقوا ليهم وظيفة في الجامعة يعني هيبقى مدرس مساعد و ضيف عليهم خمسين هياخدوا فترة تدريب 3 سنين و بيفكروا يمدوها ل خمسة و ياخد اثناء الفترة دي الماجستير و مجرد ما تتدرب فب الجامعة بتبقى تخصصت مثلا باطنة او جراحة او او نسا من غير ما تعدي على سنتين التكليف كدة يبقى اللي بيستفيد من التخصص على طول عن طريق الجامعة 170 واحد باقى الدفعة الالف الباقيين بياخدوا سنتين تكليف بعدها بيقدموا على موقع الوزارة على النيابات يعني التدريب برضه بس في وزارة الصحة و ياخد خلال فترة النيابة الماجستير بس مش من حقه يبدا ماجستير و هو في التكليف يبقى اللي مش بيتعين بيتاخر سنتين على ما يتخصص و بس و لو في حاجة مش فاهمها قولى و نصيحتي اجتهد و نظم وقتك و خليك في المية و عشرين الاولانيين |
اقتباس:
|
حضرتك المحسوبية مابتلعبش دور اصلاقا عشان دول كتير اوي لو في حقوق مثلا وواحد بس اللي بيتعين ممكن يحصل حاجة زي كدة و مش شرط برده
الموضوع الفيصل فيه مش الظلم او العدل الموضوع الفيصل فيه ان الطالب يوصل لدرجة الشطارة اللي تاهله انه يبقى احسن من غيره و دة تحدي اصعب من ثانوي لازم نبقى عارفين اننا رايحين من اوضه الدرس -معلش يعني انا برضه كنت زيكم السنة اللي فاتت- لمكان واسع كله شمس هلاقى اصحابي بتوع هندسة و الكليات التانية عايشين براحتهم و بيذاكروا في الاخر دة ممكن عندهم اما طب مش كدة خالص طب يعني اذاكر من اول يوم طب يعني ما فوتش حتى اول ربع ساعة في المحاضرة لان الدكتور او الدكتور بيقول هتكلم عن كذا لو معرفتش هو هيتكلم عن ايه هتضيع علينا فهم كتير جدا و انا اتعرضت لموقف محرج اول السنة بسبب حاجة زي كدة طب يعني انام و انا مذاكر اللي خدته النهاردة طب يعني مش اذاكر و ارمي ططب يعني اذاكر و بكرة اقرا اللي ذاكرته و بعده اقرا اللى ذاكرته قراية بس مش مذاكرة تانية و الموضوع دة خاصة في الفسيولوجي اما بعد بعده خلاص بقى اقرا اللي \اكرته امبارح و اول بس فهمت؟؟ و مش بس كدة اقرب فرصة افضى فيها اراجع حاجة خايف منها و نحذر جداااااااااااااااااااا الدرجة مش بس مذاكرة التشريح لازم انزل اشوف الجارات و اذاكرها كويس لان امتحانها عليه درجات كتير "العملي" و كذلك الهستولوجي لازم اشوف الشرايح كويس و الفسيولوجي لازم اذاكر العملي بتاعه كويس و خلى بالك في بعض النظري مرتبط بالعملى و دي مش مشكلة او انت مذاكر كويس اما لو مش مذاكر كويس هيبقى لازم تعرفها تاني لو مش متخيل الموضوع دلوقتي اوي مش مشكلة لما تعدي اسبوعين او تلاته في سنة اولى اقرا المشاركة دي تاني ممكن تستفيد بيها اكتر و خلى بالك المذاكرة محترمة و قيمة و مادة دسمة للمخ عاوزه فهم سيبك من انها سهلة و حفظ لا لازم افهم و اوعى يختلط عليكم الامر و تفتكروا ان مذاكرة الكلية قراية ههههههههههههههههههههههههههههه غلططططططط مذاكرة الكلية حفظ بس مش بالنص زي الادب و الاحياء طريقة اسمها items يعني العوامل التي تحافظ على الضغط فى المعدل الطبيعي مثلا اربعة كل واحدة تحتها كلام كتير بس لازم اعرف العناوين كويس اوي و احفظها صم و الكلام اللي تحتها افهمه كله و بالقراية الكتير بعد المذاكرة هيثبت لوحده ان شاء الله و بالتوفيق و اي سؤال انا موجود |
ولا ننسى ملك تجميع الدرجات
كتاب MCQ اللى بنستلمه مع الكتب لما بنشتريها كتاب القسم بينزله فيه اسئلة اختياري على المنهج لكل فصل و كل او 90% من اختياري المد يير و الفاينال بيجي منه لازم يتحل اكتر من مرة و الحاجة الغريبة نعلم عليها عشان مننساهاش و غالبا الغريب بيجي منه في الامتحان بس عادي هو موجود في الكتاب بيقول ياللي يذاكرني و نحاول نسال اي حد اكبر مننا على مذكرة امتحانات السنة اللي فاتت اكيد هيكونو محتفظين بيها لسة و يستحسن يكون اكبر بسنة واحدة عشان لو خلصنا شابتر مثلا او اي كمية نبص في الامتحانات نشوف ايه السؤال او الفكرة اللي بتتكرر يعني مثلا في التشريح حاجة اسمها lymphatic drainage of breast لقيتها بتتكرر في كذا امتحان اقوم كاتب عليها امتحان او اخلى بالي منها و انا براجع تاني عشان في landmarks في المنهج بتتكرر كل سنة و الاهم من كل دة التوكل على الله و ارضاؤه و الصلاة و ارضاء الوالدين تاتيك الدنيا و هي راغمة و اجعل نيتك لله و لمساعدة الفقراء حتى في التعيين اجعل نيتك انك عاوز تتعين عشان تتدرب في الجامعة كويس و تبقى دكتور كويس متأذيش مرضاك مش بقول ان اللى مش بيتعين مش كويس بس التعيين أدعى للشطارة ان شاء الله و اي استفسار ... |
و اخر نصيحة بلاش نعمل like لاي صفحة طبية مضحكة لانها ممكن تحبطنا اوي اوي اوي
يبينلك الحياة سودة لمجرد انه يعمل كوميك و اللي بيشوف الحياة سودة بيبقى الموضوع صعب عليه نفكر في المذاكرة الماديات مش مهم ان طالب يتكلم فيها ولا ايه؟؟ و يستحسن نعمل delete account احسن و اريح |
اقتباس:
. وجعله الله في ميزان حسناتكم :) |
اقتباس:
|
سؤال بقا معلش ضرورى ضرورى
انا حاليا محتارة جدا بين طب القاهرة و طب عين شمس فى ناس بيقولولى خليكى فى القاهرة علشان اسهل و ناس بتقولى لا عين شمس شهادتها معتمدة اكتر من القاهرة يا ترى حضرتك شايف اية |
اولا و ثانيا و ثالثا الاستخارة
رابعا الكلام القائل بان عين شمس معتمدة اكتر من القاهرة ملوش اي اساس او دليل ممكن عشان الاسم حلو و ليه رنة و جامعات مصر كلها غير معتمدة عالميا بل معظم جامعات العالم و الا مكانوش عملوا المعادلة الامريكية و البريطانية و خلافه الحاجة الوحيدة المعتمدة هي شطارة الدكتور و علمه بس و عشان اختار ادخل جامعة ايه يبقى لازم معايير اختار على اساسها 1 القرب من البيت 2 الدكاترة افضل فين؟؟ "القاهرة تكسب" 3 المستشفيات افضل فين و دة مهم كمان تلت سنين ان شاء الله لكن نحطه في الاعتبار لو حضرتك من القاهرة يبقى من وجهة نظري القاهرة افضل اما لو حضرتك مش من القاهرة يبقى بلاش غربة بلاش غربة بلاش غربة انا في مدينة جامعية الغربة عذاب و بتعطل عن المذاكرة لو في افضل جامعة بس نفسيتي تعبانة مش هعرف استفيد من الجامعة دي اوي يبقى لو انا بعيد عن القاهرة يبقى افضل ليا اني اروح اقرب جامعة ليا اروح البيت بدري و مستريح مش تعبان من سفر اذاكر اللى اخدته و اشوف اهلى كل يوم ولا ايه؟؟ و برة القاهرة كل الجامعات زي بعض و مستوي الدكاترة واحد بتفرق بس المباني احلى فين !! و ممكن النظافة من جوة برضه بس الحجات دي مبتفرقش قد ان الواحد يرود بدري و مستريح الخلاصة لو انا من محافظة اخرى اروح اقرب جامعة من البيت من القاهرة و الامر سيان اروح القصر العيني افضل حسب ما اسمع من زمايلي اللي هناك مش متضايقين من حاجة اما لو بعيد اوي عن ج القاهرة و عين شمس اقربلي خلاص عين شمس و استفيد باني اروح بدري و مستريح بس القاهرة ككلية طب افضل و انا بكرر موضوع بدري و مستريح دة لاهميته الفعلية لانه بيتكرر كل يوم و بياثر على المذاكرة بشكل مباشر و اخيرا الاستخارة و جزاكم الله خيرا |
اه انا عارفة ان جامعات مصر كلها مش معتمدة
بس هنا الدكاترة بيقولوا ان جيد فى عين شمس بتناظر امتياز فى القاهرة و انا اللى محيرنى انى انا ساكنة على نفس البعد من الجامعتين بعنى الطريقين مش مسببين اذمة فموضوع الاختيار دة موترنى جدا و خايفة اخد قرااااار و ارجع اندم عليه كل الدكاترة اللى بينصحونى بينصحونى بعين شمس بس فى نفس الوقت بيقولولى ان الفرصة ليا هتبقا اعلى فى القاهرة علشان اطلع من اوائل الدفعه و التوفيق طبعا بايد ربنا و انا يردة عمرى فى حياتى ما دخلت الدمرداش او القصر العينى فمعرفش الدنيا فيها اية |
انا عارف التردد دة و كنت فيه السنة اللي فاتت
بس اقولك حاجة عندنا في الدقهلية زمان لما كنا في اعدادي امتحانات الرياضة بتاعتنا كانت اصعب بكتير من كفر الشيخ مثلا نفس الطالب اللي يجيب الدرجة النهائية في كفر الشيخ هو اللى ممكن ينقص في الدقهلية كدة يبقى الدقهلية عبقرية بتطلع طلبة عباقرة لممجرد انهم بينقصوا في امتحانات صعبة و لو امتحنوا امتحان اسهل شوية هيجيبوا درجات كتير؟؟؟ اكيد لا جامعة عين شمس امتحاناتها تقيلة جدا و انا شفت مذكرة امتحاناتهم تقيلة اوي اوي اتقل من المنصورة بمراحل غير كدة الدكاترة فيها معتقدش انهم يتميزوا عن دكاترة القاهرة و مستشفى الدمرداش مش افضل من القصر العيني و موضوع جيد تساوي امتياز دة لمجرد ان امتحاناتهم صعبة و الفرصة متساوية في ان الطالب يكون من الاوائل شريطة ان يصل الى مستوي علمي افضل من زمايله سواء في القاهرة او عين شمس و مستوي الطالب هو الفاصل الاستخارة ثم التوكل على الله |
و للامانة
عين شمس صعبة و القاهرة مش سهلة |
و الله بجد فعلا كلامك مظبوط و مقنع
و اكيد يعنى زى ما حضرتك بتقول ان عين شمس صعبة و القاهرة مش سهلة دى كلية طب يعنى اكيد لازم الواحد يبذل مجهوووووووود عالى ايا كانت الجامعة اية و باذن الله اعمل استخارة و اللى فيه الخير ربنا يقدمه باذن الله و بجد متشكرة لحضرتك جدا جدا جدا و اسفة لو كنت تقلت على حضرتك بس انا اول مرة اشوف حد فى طب بيفيد طلبة اصغر و بيشجعهم دايما لما حد بيكلمنى حد من طب بيشجعوونى على طب اسنان و صيدلة و ينفروا الواحد من الطب البشرى فبجد شكرا لحضرتك جدل |
لا شكر على واجب
و توكلى على الله لازم كل واحد يدخل الحاجة اللى بيحبها عشان ميتعبش لو حضرتك رغبتك صادقة في دخول كلية الطب لمساعدة الناس فهى في رايي الافضل لك إن شاء الله و ربنا يوفقكم جميعا و انا موجود ول في استفسار عن حاجة تانية |
التوبيك جميل فعلا ومعلومات قيمة ونصائح مخلصة من إنسان يحب عمل الخير وإن شاء الله سوف يجازيك الله كل خير يا دكتور مصطفى
هل ممكن يتم نقل التوبيك إلى قسم كلية الطب البشري لأني أعتقد أن هناك سوف يراه عدد أكبر من طلبة الطب الجدد وحتى تعم الفائدة على الجميع |
جزاك الله كل خير يا دكتور ..
انا ان شاء الله ناوية علي طب .. بس محتارة بين طب الاسماعيلية و طب القاهرة .. الاتنين غربة بالنسبة لي لاني من السويس |
اقتباس:
|
اقتباس:
ثانيا حضرتك بتقولى ان الاسماعيلية بالنسبة لحضرتك هتبقى غربة و بالتالي لو حضرتك من اي محافظة تانية غير محافظات القناة من اسيوط مثلا كنت هقول لحضرتك ادخلى اسيوط طبعا عشان تروحي بدري و تبقى مع اهلك لو حضرتك رحتي طب الاسماعيلية هتعيشي مع اهلك و تروحي و تيجي كل يوم طبعا طب الاسماعيلية و خصوصا ان حضرتك بنت و الغربة متعبة ليكي و اسالى مجرب و انا ولد ما بالك بالبنات اما اللي انا فاهمه من كلام حضرتك ان طب الاسماعيلية هتكون هي ايضا غربة إذا فالخيار الافضل هو القاهرة طبعا انا السنة اللي فاتت غيرت رغباتي كتير بين المنصورة و الزقازيق و الاسماعيلية عشان النظام الامريكي و كدة و استقريت على الاسماعيلية و جتلي فعلا و ترشحت ليها بس بعد نتيجة التنسيق كنت بسأل ناس برده فسألت مدرس مساعد بجامعة الزقازيق عن الاسماعيلية قالي انها "ضايعة|" على حد تعبيره و ان زمايلهه هناك مدرسين مساعدين و بيقولو كدة فلما التحويل الالكتروني فتح حولت المنصورة و قد كان و ها أنا بها فنصيحتي و معلش لو اتكلمت كتير بس انا بحب اوضح الصورة كاملة لو الاتنين غربة يبقى القاهرة و اقعد في مدينة او في مكان امان و معلش اهلك هيوحشوكي شوية بس اخلصي النية لله و ذاكري دون كلل او ملل و ربنا يوفقك و لو في حاجة مش واضحة انا موجود على المنتدي |
و دي مشاركة واقعية برده من دكتور جراحة شاب
"من الاخر الى داخل فاكر انه هيلاقى الطب زى هاوس او جرايز اناتومى يبقى يشوفله كلية تانية من دلوقتى سيبوكم من الهبل بتاع المسلسلات الاجنبى وروحوا انزلوا مستشفيات مصر وشوفوا الواقع بتاع الطب فى بلدكم السبب الوحيد الى يخليك تخش طب انك تكون على يقين انك هتفشل فى اى حاجة تانية فى حياتك خلص الكلام" كلام واقعي برده |
الله يبارك فيك ..
طب و ايه النظام الامريكي ده ؟؟ و ده موجود في اسماعيلية و بس ؟؟ |
اه في الاسماعيلية بس و في المنصورة باسم نظام المنصورة مانشستر ب عشرين الف في السنة
و اعتقد تمم تطبيقه خلاص في اسكندرية بس مش متاكد و دة نظام غير نظام الطب في مصر عموما اسمه problem solving قائم على البحث حضرتك تقدري تقري عنه كتير ع النت و عن مميزاته و عيوبه بس نظام الطب العادي في مصر طلع دكاترة شطار كتير و لسة النظام دة يعتبر جديد يعني و النظام الاامريكلا الى حد ما غير كافى لانى اسيب القاهرة و اروح اسماعيلية الكلية و المستشفيات و الدكاترة من حيث شرحهم مش اوي اللي نعرفه احسن من اللى منعرفوش و استخيري ربنا طبعا و اسالي ناس تانية غيري برضه بس اللي انا بقوله لحضرتك خلاصة سؤال و قراية كتير |
اي استفسار؟؟
|
أنا عايز أعرف امتى الطالب بيبقى (طبيب) بمعنى أنه يقدر يشخص الأمراض البسيطة ويصف روشتة أو حتى يعمل اسعافات وعمليات خياطة بسيطة - لو توفرت الأدوات - .. بمعنى آخر لو فيه حالة طوارئ في قطار أو طائرة أو في منطقة نائية ومحتاجين طبيب ولكن مفيش غير طالب في كلية الطب امتى يكون عنده الخبرة والقدرة على عمل اللازم؟ هل في سنة ثالثة أو رابعة طب مثلا؟
|
ﻟﻮ ﺳﻤﺤﺘﻮ ﺃﻧﺎ ﻋﺎﻳﺰ ﺃﻋﺮﻑ ﻓﻰ ﺳﻨﺔ ﺃﻭﻟﻰ ﺟﺎﻣﻌﺔ ﺍﻟﻘﺎﻫﺮﺓ
ﺑﻨﺸﻮﻑ ﺟﺜﺚ ﻣﻴﺘﻴﻦ ﻛﺎﻣﻠﺔ ﻭﻻ ﺑﻨﺸﻮﻑ ﺩﺭﺍﻉ ﻟﻮﺣﺪﻩ ﺃﻭ ﺭﺃﺱ ﻟﻮﺣﺪﻫﺎ ﻭﻛﺪﺍ ؟؟ .. ﻭ ﻟﻮ ﺑﻨﺸﻮﻑ ﺟﺜﺚ ﻛﺎﻣﻠﺔ ﻣﻤﻜﻦ ﻧﻤﺴﻜﻬﻢ ﻋﺎﺩﻯ ؟؟ |
اقتباس:
اما تشخيص الامراض البسيطة فله طريقين اولا ان حضرتك تنزل مستشفى عادية الشغل فيها رايق و تتعرف على الدكاترة و تقولهم انك جاي تتعلم راقبهم و شوفهم بيكشفوا و شوف الامراض الشائعة اللي هي اكتر حاجة هتشوفها و اكتر حاجة منتشرة و شوف العلاج اللي بيكتبه و في مدة شهر مثلا هتكون كونت فكرة كويسة بس منصحش بكدة قبل اولى او تانية طب على اقل القليل عشان يبقى عندك و لو جزء ضئيل من معرفة طبية تقدر تبني عليه و تناقش على اساسه مع الدكاترة و الطريقة دي خليها في الاجازة الجاية او اللي بعدها عشان ماتتعطلش عن مذاكرتك و متستعجلش على انك تبقى دوك الطريقة التانية و الاضمن بعد خامسة لانك هتكون مخلص باطنة و اطفال فهتبقى بمعنى الكلمة دوك ناقصك بس جراحة و نسا و يا رب تبقى الدكتور اللي بتحلم بيه |
اقتباس:
و الجثث ممكن تلمسهم عادي بس و انت لابس gloves :) و بالمناسبة مفيش راس في سنة اولى :):giljotiiniug3: و شكرا |
اقتباس:
على فكرة أنا مش الطالب اللي داخل الكلية .. أنا والد طالبة داخلة أولى طب ولكني متفاعل معاكم وبشارك بنفسي لأنك طبعا مقدر فرحة الأب لما ابنه أو ابنته بيكونوا متفوقين .. أنا آسف كان لازم أعرفك من البداية وأرجو ألا تتضايق من أسئلتي |
هوا الطب السنة دي هيخضع لتوزيع جغرافي ؟؟
كتير دخلوا الموقع و مش بيقبل طب القاهرة لازم اسماعيلية الاول |
اقتباس:
بجد انا سعيد جدا بأب زي حضرتك و يا رب لما اكون اب ان شاء الله اكون زي حضرتك و اكون متعاون مع اولادي بالططريقة دي و اسئلة حضرتك على عيني و راسي و تحت أمر حضرتك في أي وقت و بالمناسبة اقتراح حضرتك اتنفذ بالفعل و نقلت الموضوع لقسم كلية اللطب البشري و بينت في الاول ان دي فكرة حضرتك فشكرا |
اقتباس:
بما ان حضرتك من السويس ييبقى الاسماعيلية رغبة اولى لانها مجموعى أ و القاهرة مجموعة ب حضرتك اكتبيهم بالترتيب دة طب الاسماعيلية ثم طب القاهرة و هتجيلك الاسماعيلية ان شاء الله ثم حولى بعدها تحويل الكتروني بكل سهولة لو مجموع حضرتك جايبها و دة غالبا اللي بيحصل بيبقى القاهرة و الاسماعيلية ليهم نفس المجموع و لو في مشاكل لا قدر الله هتحولى ورقى و التحويل كله بيتقبل كل اصحابي اللي حولوا ورقي حتى برة النطاق الجغرافي تحويلهم اتقبل ما بالك حضرتك القاهرة في نطاقك الجغرافي مجموعة ب ماتقلقيش من حاجة |
اقتباس:
ان شاء الله .. طمنتني فعلا .. بعد النتيجة باذن الله هحول القاهرة ان شاء الله مجموعي يجيب طب القاهرة ... انا الحمدلله جبت 100 و ما اعتقدش هتاخد اكتر باذن الله .. جزاكم الله كل خير ..:078111rg3: |
اقتباس:
بالتوفيق ياا دكتورة |
معلش سؤال تاني يا دكتور ..
ازاي التحويل الالكتروني ؟ و لو حولت بقدر ادخل المدينة الجامعية في القاهرة و لا لا ؟ |
| جميع الأوقات بتوقيت GMT +2. الساعة الآن 11:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.