مؤشرات الحد الادنى من جريدة التحرير
 

المؤشرات الأولية لتنسيق القبول بالجامعات فى ضوء المجمع التكرارى لمجاميع الطلاب -قبل إضافة درجات المستوى الرفيع- كشفت بوضوح عن تراجع أعداد شريحة الطلاب الحاصلين على أكثر من 95% عن العام الماضى حيث حصل على تلك المجاميع 9.3% فقط من إجمالى الناجحين، مقابل 11% العام الماضى. بينما بلغ أعداد الطلاب الحاصلين على 389.5 درجة فأكثر هذا العام 31 ألفا و866 طالبا مقابل 41 ألفا و26 طالبا العام الماضى الأمر الذى قد يؤدى إلى استقرار الحد الأدنى للقبول بكليات القطاع الطبى عند 399.5 درجة بنسبة 97.5% وبانخفاض قدره نحو 3 درجات عن العام الماضى. كذلك من المتوقع أن يشمل الانخفاض باقى كليات القطاع الطبى مثل كليات الصيدلة التى قد ينخفض الحد الأدنى للقبول بها إلى 393 درجة بنسبة 95.9% مقابل 96.6% العام الماضى بينما يتوقع وجود أماكن خالية ببعض كليات الهندسة والحاسبات أمام الشريحة الأولى من طلاب المرحلة الثانية، حيث يقتصر إجمالى عدد الطلاب الحاصلين على 94.27% 386.5 على 39642 طالبا مقابل 51 ألفا و319 طالبا العام الماضى، علما بأن القبول بكليات الهندسة توقف فى العام الامضى عند تلك الشريحة من المجاميع، بينما توقف القبول بالمرحلة الأولى عند 384 درجة وحصل فى العام الحالى على 369 درجة «90%» 89 ألفا و158 طالبا قبل إضافة درجات المستوى الرفيع.

يعني في امل ان اللي جايب 386ونص ممكن يلحق هندسة ؟

اكيد وعلى ضمانتى بس متنسنيش فى الحلاوة وبلاش قلق
بس اكتب كل كليات الهندسة لان كل واحدة بتفرق عن التانية فى حدود درجة او نصف درجة علشان تضمن

يااااااااااااااارب واكيد طبعا هكتب ك حاجة بس لو جالي هندسة تانية غير اللي انا عايزها سهل التحويل ولا لا

صيدله ايه اللى كانت 96.6 السنة اللى فاتت انتم بتألفوا
صيدله كانت 98
طب بيطرى 97
جبتوا 96.6 دى منين الله يحرقكم بطلوا تلعبوا باعصاب العيال حسبى الله ونعم الوكيل

اه طبعا حسب التوزيع الجغرافي

انا 95.7 تفتكرو هلحق ايه وعلمى علوم:(

ياجماعة حد هنا يعرف يجيب ازاي ترتيبو ع علمي رياضة؟

ان شاء الله علاج طبيعي او طب بيطـــــري

اقسم ترتيبك على الجمهورية على 4 وده ترتيب تقريبى

ادخل علي موقع جريدة الوطن وأدخل رقم جلوسك وهتلاقي أسفل الصفحـة التنسيق المتوقع وترتيبك علي مستوي والجمهورية
اقسم ترتيبك علي 4

ما بتتحسبش كدة يا استاذ احمد دى ليها نسب تانية خالص بس فيه مواقع هتنزل التنسيق على كل شعبه

ماشي انا قسمتو طلعت الحداشر الف بس ده ع اساس ايه ونسبة صحة الحوار ده قد ايه

الهندسة هتاخد 17 الف وانت تقريبا 11 الف يعنى ان شاء الله هندسة والحسبة دى تقريبية
وان شاء الله هندسة متقلقش

93.5 % يدخل هندسة ؟؟

طيب ممكن تقولنا المواقع دى عشان انا جايبه 95.7 علمى علوم وقلقانه
لاسف انا اتسخفت
كنت ف تانية97.8
بقين 92%ف تالتة
والاتنينبالمستوى بقو 95.7%

طب دلوفتي بنتي عملتها وهي 15 الف وحاجه بس هي جايبه 92و3 ممكن تلحقها ولا ايه او ممكن تلحق حاسبات

98.5
الحق بترول ؟ :(

اولا السنه اللى فاتت صيدله حد ادنى كان 402 ... ثانيا هندسه استحاله تقل عن 94% وده كلام على مر كل السنين اذا كانت 2008 مش كدا انا بس بقولك يا ريت متوهمش الناس عشان احنا السنه اللى فاتت سمعنا نفس الكلام ونفس الكدب وفى الاخر التنسيق ظبط الناس فى الاخر ده كله كلاااااااااااام الحقيقه بتتقال فى النتيجه يا ريت منقولش كلام من جرائد عشان كلهم كدابين

ازاى يابيه استحالة تقل عن 94 انش اء الله هتبقى 92 او اقل لان المجاميع فى الارض
وبلاش فلسفة

فلسفه على فكره انا مش بتفلسف وحضرتك متسمعليش كلمتين جرايد وتيجى تتكلم 92 % احنا سمعنا قبلك الكلمتين دول والسنه اللى فاتت قالوا ان هندسه من 92 % وكانت 94.7 انا مش بتفلسف وعارف كلامى كويس ولو التنسيق هيقل هيبقى 94 % او 93 % ونص بالكتير واللى متعرفوش ان تنسيق علمى علوم بس هو اللى هيقل انما رياضه ديه استحاله يا اما نص درجه لان امتحان الرياضه كان كويس بالنسبه ل 2012 وبرغم ذلك كان صعب انا مش بحبطك بس نصيحه متسمعش كلام جرايد وشوف التنسيق واستنى على تنسيقك لما نتيجته تظهر

هو موقع الاستاذ وبيكون فيه مواقع تانية بس مش عارف ايه وبتنزل الترتيب بالظبط اللى على اساسه بيتحقق التنسيق
بالنسبة لمجموعك معلش ونصيبك كدة انا مش عارف ممكن تدخلى ايه بالنسبه للسنه دى بس ايا كان اللى هتدخليه فالبتوفيق ليكى

كل واحد بيعمل توبيك ويفتي من دماغه ويقول أي كلام والطلبة الغلابة بيتعلقوا بأي أمل

إلى باعة الأوهام: حراااااااااااااااااام تفتي في حاجة أنت مش عارفها

كلامك مظبوط وانا قلت كلامى ده والناس بتفتكر اننا بنحبطهم بس ميعرفوش ان الجرائد كلها كدب فى كدب زى مقالوا ان الاول 99.3 وزى السنه اللى فاتت لما جه تنسيق فاق التوقعات

كليه علووووم

مهو عشان كده بيسموها توقعات عشان مش عارفينها و بعدين يا سيدي خلينا نتعلق باي امل احنا طايلين

لأ بكدا اقولك مبروك يا باشا هندسه ان شاء الله ادام 392 وحاسبات اخرها 382 حد ادنى متقلقش

يا كبير انت ممكن تتقبل الموضوع انا اتدمرت السنه اللى فاتت ديه بسبب التوقعات ممكن انت تتقبل الموضوع فيه ناس تانيه ممكن تنهار فبلاش واستنوا نتيجه التنسيق

دا كلام وزى ما اسلام قال دوول باعة الاوهام

كلامك صح قعدوا يقولوا الاول جايب407 وقعدوا يسرحوا بينا واكلام ده

تصدق وتآمن بالله انا عمرى مشفت مجاميع رياضة عالية كدة زى اللى عندنا مع ان بلدنا صغيرة الاول جايب 100.1 % وفوق ال 95 % كتير جدااااااااااا بطلو تبصوا للجرايد والكلام اللى ملوش لزمة ده واستنو لحد التنسيق ماينزل