عاجل للي مش عارف يعمل ازاى التنسيق الإلكترونى بكرة
 

انا مش فاهم اية حكاية الشرايح في المرحلة الاولي ؟ يعني بيقولوا من درجة كذا لكذا يوم الاحد وكذا لكذا الاتنين وهل من حق اي حد مرحلة اولي يقدم بكرة .؟

دية بتيقا لمكاتب التنسيق فقط انما التنسيق الأكترونى عادى الأيام كلها

الالموضوع ده بجد جه في وقته:022yb4::022yb4:
اولا
هو انا بدخل التنسيق واحدد انا انهي شريحة علي اساس مجموعي بالمستوى ولا من غير
ثانيا
انا مجموعي الحمد لله عالي بس المشكله اني عايشة في اسوان
وطب اسوان هيفتح السنة دي
يعني اكيد هينزل توزيع جغرافي
وترتيبي علي علمي علوم 123 وكل اللي قبلي ال23 نفس المجموع
يعني نعتبر 100 مكرر ونبقي خارج التوزيع الجغرافي ولا لأ
ثالثا
لو جاني طب اسوان احول طب القصر العيني احول ازاي
وهل هيكون ليا افصليه لان مجموعي عالي ولا ما تفرقش


وارتب معلش الرغبات ازاي
والف شكر علي الموضوع بجد ومستنيه رد حضرتك

الشرايح دى بتاعت الناس اللى هتروح المعامل الالكترونية عشان تسجل تنسيقها وده لان المعامل متستحملش كل الاعداد مرة واحدة فى نفس اليوم

لكن لو عندك كمبيوتر و نت فى البيت - وده اكيد- ممكن تسجل منه علطول و فى اى يوم من الايام المحددة للمرحلة عادى وف اى ساعة كمان انشالله الفجر

زى ما قلت اى حد مرحلة اولى ممكن يقدم بكرة من خلال موقع الوزارة بتاع التنسيق، لكن لو هتروح المعامل يبقى لازم تلتزم بمواعيد الشرايح

من الاخر كده اغلب الناس بتسجل فى البيت عادى و نادرا ما حد بيروح المعامل الا لو كان عايز حد متخصص يساعده فى تسجيل الرغبات.

أولا: بالمستوى، و مش شرايح، هى مراحل 3، المرحلة الاولى اللى هتبدا بكرة الحد الادنى للعلمى علوم 395 على ما اعتقد

ثانيا: لو انا فاهم صح يبقى انتى مش عايزة تدخلى طب اسوان و عايزة تدخلى طب عين شمس

أولا طب اسوان هينزل توزيع جغرافى، وانا بصراحة شايفها كلية كويسة و فيها امكانيات، و لو مجموعك جايبها هتدخليها، لكن لو مش جايبها هيجيلك كلية تانية بس مش شرط عين شمس ووفى الحالة دى تعملى تقليل اغتراب -لو هى مش عين شمس- و ادخلى طب اسوان وممكن تحولى لعين شمس من تانى سنة حسب الاعداد

ثالثا: انتى مش هترتبى الجامعات هى مترتبة جاهزة على الموقع و مستحيل تكتبى اى طب قبل طب اسوان لانه الاقرب لادراتك التعليمية

الترتيب المطلوب منك هو ترتيب الكليات، يعنى تبتدى بالطب الاول و تختارى كل الجامعات اللى فيه و بعديها اسنان مثلا و بعدين صيدلة وهكذا لحد ما تخلصى ال48 رغبة

انا عاوز اعرف تنسيق المرحلة التانية والتالتة بعد كام يوم

انا محتارة جدا ومش عارفة اعمل اي

دلوقتى انا مجموعى 86.95 يعنى مش عارفة اصلا هيجيبلى كلية اي

ومش عارفة ادخل كلية اي بالظبط يعنى انهى احسن كلية تجارة انجلش ولا سياحة وفنادق ولا لو مجموعى جاب الالسن اخشها ولا اي

لما المرحلة الاولى تنتهى هيحددو

حسب الميول، بتحبى انهى اكتر، الاقتصاد ولا اللغات ولا الاثار و انك تكونى مرشدة سياحية؟؟

موقع اعرف الرابط الي هعمل منه ترتيب الرغبات والسنه الي فاتت كان مش بينفع الا انترنت اكسبلور بس هو السنه دي كمان كدا وارجو كتابه الرابط

http://www.tansik.egypt.gov.eg/application/

شغال على كله عادى

هو احنا ازاى هنكتب الرغبات بكره واحنا منعرفش الدرجات الرسمية للتنسيق هنكتب على اساس المتوقع ؟؟

انت علمى ولا ادبى الاول؟ و جايب كام؟؟

انا ادبي المفروض اكتب ايه !!
يعني انا معرفش غير اني هكتب كدة
سياسة واقتصاد
اعلام
السن
اثار

مش عارف بعد كدة حكتب ايه !!

لأ انت تختار كل جامعات سياسة و اقتصاد و بعدين كل جامعات اعلام و هكذا لحد ما تكمل ال48

طيب 91% ادبي ممكن يجيلوه ايه

هو لازم اكمل 48 رغبة ؟!

تربية، أثار، فنون جميلة، تجارة، أداب، حقوق

ايوة لازم والا التنسيق مش هيتحسب

دلوقتى انا علمى رياضة جايب مجموع السنيتن 86 انت شايف اية الاحسن انا والله مصدوم مش عارف اختار اى حاجة بعد 94 ل 86 بس على العموم الجمد لله بس حاسس ان مفيش خاتبارت وانها هترسى على تجارة

ممكن يا اساتذة حد يقولى اكتب فى الرغبات اية انا علمى رياضة و جايب 96.46 % أكتب رغباتى اية من شبين الكوم

طيب انا جايب ٨١ ادبي و هبقي مرحلة اولي
ينفع مقدمش مرحلة اولي و اقدم مرحلة تانية و لا لا

انا ادبى وجايبه 91.46 نفسى فى السن والحمدلله جايبه 48 انجلش

شكرا جداااااا :)

طيب انا جايبة 83.2 ادبي يجيلي ايه ؟ ومجموع انجلش 45.5

انا من قنا وجبت 98.66 علوم وترتيبى على الجمهورية 4844 وعاوز طب القاهرة ومش عارف إيه موضوع الجغرافي ده وممكن لو جاتلى اى طب تانى احول للقاهرة ولا ايه ً؟؟؟؟؟؟

طيب دلوقتي انا من المنصورة وعايز ادخل تربية ومش لاقي غير تربية المنصورة مش لاقي تربية في الجامعات التانية

انا كل ما ادخل رقم جلوسي والرقم السري اللى فى استمارة النجاح والارقام اللى تحت وادوس الخطوة الثانية يطلع مربع فاضى وفيه اوك بدوس عليها مبحصلش حاجة واتاكدت من رقم الجلووس والرقم السرى كويس ومش عارفة اعمل ايه انا قلقانة اووى ارجو الرد ضرووووووووورى