مستخسرة مجموعى :(
 

يعني ايه مستخسرة؟ هو المجموع ده فلوس؟ هتستفيدي ايه بالمجموع اصلا بعد كدة؟ ادخلي اللي انتي عايزاه حتى لو بياخد 50% !!

ماهو اللى انا عايزاه مش هعرف ادخله خلاص اللى هو السن :(

ومش لاقيه بديل

لسه التنسيق منزلش
ولو ربنا مقدرش شوفي البدائل واختاري اكتر حاجة مناسبة ومتبصيش عالمجموع

يارب يارب الواحد تعب خلاص

لا هتلحقيها ان شاء الله انا ال محتار جايب 93% ومش هلحق اقتصاد

لا هتلحقي ألسن مستريحة كمان لو مالحقتيش لا قدر الله يبقي عليكي وعلي تربية

والله انتي نفس حالتي بالظبط
انا جايبه 91.95%
وبرده نفسي في السن اوي وحاسه ان التنسيق مش هينزل في ادبي وحتي لو نزل مش هجيبها برده
ومش عايزة ادخل تربية مبحبهاش وبرده تجاره قليلة اوي ع مجموعي
حاسه اني تعبت ع الفاضي :*

بجد ؟ ازاى عرفت منين ؟ بجد محتاجه اتطمن
وعلى فكره انت مجموعك ممكن يدخلك اعلام كويسه وتخصصاتها كتيره ولو مش عايزة السن برضه كويسه ربنا معاك ومع كل المحتارين :bosyht9:

لا تربيه لاء حرااااااام

بس بجد عايزة حد يطمنى على اى اساس اقدر اخش السن مستريحة

يارب التنسيق ينزل يا نورهان يارب عشان نلحق ندخلها انا هتشرد لو مدخلتها انا لا عايزة تجاره ولا تربيه ولا اداب مش قبلاهم ومعتقدش انى هستريح فيهم :o

ربنا يستر انا عماله اتعصب ع خلق الله وقرفت الناس عندي في البيت :(
انتي منين يا دنيا

ع فكره تربيه انجليزى حلوه جدااا لو مش لحقتى السن انا بردو جايبه 91.95 وادبى وان شاء الله هدخل تربيه انجليزى وتجاره انجليزى حلوه بردو اوى مش تبصى ليها ع انها اقل لا بس فرصتها كويسه لو اجتهدتى فيها وجيبتى تقديرات بتشتغلى فى بنوك وشركات فى ناس بتاخد السن وبتقعد ومش بتلاقى شغل بس زى مابقولك انتى لو مش لحقتى السن ادخلى تربيه انجليزى تجاره انجليزى اداب انجليزى الكليات دى كويسه جدا وفرصتها بتبقى كويسه

وانا كمان مش طايقة نقسى :(

انا من القاهره وانتى ؟

كلامك صح بس ده مايمنعش من انى لازم ابقى داخله حاجه انا قبلاها اداب وتربية هطلع مدرسة وتجاره انا ماليش فى الرياضة اساسا

كلامك مظبوط ولو مجاتليش السن هضطر ادخل اداب واللى فى الخير يقدمه ربنا انا تعبت بقى واسيب الموضوع على الله كل اللى يجيبه ربنا كويس :unsure:

انا جايب 95,37% علمي علوم هل الحق بيطري في اي مكان

فكري في تجارة انجليش جميلة جدا ..وربنا يوفقك ..واستخيري ربنا ..وربنا هيكرمك ان شاء الله

انا من الدقهلية

وع فكرة انا بدأت دلوقتي افكر في تربية و تجارة انجليزي بس مايله لكليه تجارة اكتر وفي نفس الوقت تربية مجموعها عالي من 90 باين فعايزة ادخلها عشان مجموعها عالي بس :/
طب انتوا ايه رأيكو في كلية اثار ؟؟

تجاره انجلش جميله وعلى عينى وعلى راسى بس انا ماليش فى الرياضة ومش هعرف امشى فيها :(
على العموم اشكرك ع النصيحه

لا هو لو ع المجموع يبقى اثار اعلى من تربية اولا اثار ممله وفيها 3 تخصصات اثار مصريه -اسلامية-ترميم اثار
انا بصيت على منهجها صعبه جدا والحفظ بتاعها ملهوش اخر ده غي رانك بع ما تتخرجى شغلانتها مش مضمونة اعرف ناس خريجى اثثار اشتغلو مدرسين !!
طب وايه لازمتها بقى مندخل تربيه ارحم

بالنسبة لتجاره ناس كتير نصحتنى بيها بس انا للأسف ماليش فى الرياضة والمحاسبة بس لو انتى مستريحالها انصحك بيها شغلانتها كويسه خصوصا لو جايبه تقديرات كويسه
استخيرى ربنا واتكلى على الله
اما انا بالنسبالى استقريت على اداب انجلش

انا داخل تانيه تجارة انجليزي وبقولك بعد ما اخدت فكرة عن المواد بتاعت الكليه اولا الكليه معظم الناس فيها بروحو تخصصين يا اما محاسبه ودول الاغلبيه او ادارة الاعمال المحاسبه عبارة عن قواعد لتسجيل البيانات والارقام بتاعت الشركات قوائم وكده بتحفظيها ملهاش علاقه بالرياضه اللي في دماغك بتاعت التفاضل والجبر والكلام ده وادارة الاعمال ماده مفهاش ارقام اصلا كلها حفظ وفهم زي علم النفس مثلا مع اختلاف المواضيع

باقي المواد بقي
قانون تجاري:كله حفظ وملوش لزمه
اقتصاد:بيعتمد علي الفهم وفيه مصطلحات وعلاقات بيانيه ودي اهم حاجه فيه العلاقات البيانيه
انجليزي:بتدرسي جرامر او مواضيع تجاريه تحفظيها بالانجليزي
رياضه:وهي دي الماده اللي انتي مش بتحبيها بس هتلاقي فيها حجات مكررة من ثانوي هتسهل الموضوع عليكي

كل المواد دي بتخلصي منها بعد اول سنتين وبتتخصصي في تالته في المحاسبه او الادارة

يعني الرياضه ماده واحده كل ترم ومش هتاخديها في تالته ورابعه يعني مش هتبقي عقبه كبيرة قدامك فكري وربنا معاكي

طب ايه احسن تجارة عربي ولا انجليزي
ونهين شغلها احسن
وهوا اللي بيدخلوا تجارة انجلش اكتر ولا عربي :)

تجارة انجلش احسن ومطلوبين في الشغل اكتر بس برضو تجارة انجلش لازم يبقي واخد كورسات وتقديرو كويس مش يبقي جايب مقبول وعايز يلاقي شغل

و عدد الطلبه في تجارة انجلش اقل من عربي بيامه