|
"السينما.. والشلة.. والنت كافيه"
تقول لوالدك بمسكنة: "بابا بابا.. أنا عاوز تلاتين جنيه عشان درس العربي". يرد عليك في حنان: "وماله يا حبيبي.. اتفضل أهم.. ربنا يوفقك". صوت داخلي شرير: "هيييييه.. هاروح السينما النهاردة.. بابا أصلا مايعرفش إني مش باخد درس عربي أساسا!" *** تسألك والدتك في حدة: "كنت فين يا بنت لغاية دلوقت.. الساعة 11 بالليل".. تردين عليها في سرعة بعد أن حفظتِ هذه الجملة مائة مرة: "أبدا يا ماما.. أصل كان عندنا محاضرة إضافية خلصت الساعة 9 والمواصلات كانت زحمة موت.. يادوب على بال ما جيت!" ترد والدتك في طيبة معهودة: "طيب حمدا لله على السلامة.. يلاّ غيري هدومك بسرعة عشان أحط لك الأكل".. تقبلينها وصوت داخلي شرير يردد: "هيييييييه ضحكت عليك!.. المحاضرات خلصانة أصلا من الساعة 3.. بس كان لازم أقعد مع الشلة شوية وإلا أطق أموت كده!" *** تقابل صديقك "أنور" الذي لم ترَه منذ سنوات طويلة.. أحضان وقبلات.. وفينك فينك.. عاش من شافك.. عاش من شافك ثم يقول لك: هيييه وإنت بتعمل إيه في الدنيا دلوقت يا "أبو حميد".. أنا باشتغل في شركة "هاكونا ماطاطا" للاستيراد والتصدير.. وإنت؟ بعد أن شعرت بالإحراج لكونك تخرجت في الجامعة منذ أربع سنوات ولاتزال بلا عمل تقول له: تمام الحمد لله فل الفل.. فاتح "نت كافيه" في شبرا وواحد تاني في حلوان.. وبافكر أفتح واحد كمان في "توشكى".. إنت عارف هناك الشباب نفسه يلعب Games! "بالتوفيق يا "أبوحميد" نشوفك بقى.. باي".. باي.. ثم صوت داخلي شرير: "قال هاكونا ماطاطا قال.. عامل لي فيها Lion King!.. عاوزني أقول له إني عاطل عشان يشمت فيّ.. ده بعده!" *** لو كنت شاطر بقى تعرف تطلع لنا العامل المشترك في المواقف التلاتة اللي فاتت؟ طبعا مش البنت ولا الولد ولا "أنور" ولا "أبو حميد" ولا حتى "هاكونا ماطاطا"! برافو عليك... هو فعلا ده.. "السينما.. والشلة.. والنت كافيه" هم طبعا في المطلق كده مالهمش أي علاقة ببعض.. بس في المواقف الثلاثة دول بيجمعهم حاجة واحدة مؤكدة أن كلهم.. كذب.. أيوه كذب ماخدتش بالك من ده ولا إيه؟ في المرة الأولى كذب.. عشان تعمل حاجة من غير ما حد يعرف.. وفي المرة الثانية كذب.. عشان عملت حاجة ومش عاوز حد يعرفها.. وفي المرة التالتة كذب.. عشان مش عاوز تظهر حقيقتك اللي مش ولابد قدام واحد صاحبك.. طب تعرف إنك لما بتكذب طاقتك بتروح على الفاضي؟ آه والله العلماء هم اللي بيقولوا كده.. أثبتوا بالتجارب إن الإنسان لما بيكذب فإن المنطقة الأمامية العليا من رأسه يحدث فيها نشاط كبير تكشفه صور الأشعة المغناطيسية.. وهو ما يعني أن الإنسان عندما يكذب فإنه يستخدم طاقة أكبر مما يستخدمها في حالة الصدق.. يعني تقول الصدق توفر صحتك وطاقتك.. تقول الكذب طاقتك تروح في الهوا وصحتك تبقى بعافية ولا مؤاخذة! والسؤال هنا: هو إنت بتكدب ولاّ لأ؟ بتكذب على مين؟ على أصحابك وحبايبك وأصدقائك ولاّ على أسرتك.. والدك ووالدتك وإخواتك.. ولاّ رئيسك في الشغل أو أستاذك في المدرسة أو الجامعة؟ طب ماسألتش نفسك إنت بتكذب ليه؟ سألت؟ وإيه كانت الإجابة؟ ويا ترى الكذب ده أصبح عادة عندك ومش قادر تتخلى عنها في أي حاجة بتعملها في حياتك ولاّ لسه الأمر ماوصلش للمرحلة دي؟ السؤال هنا الكذب في حياتنا "أساسي" ولاّ "كماليات"؟ |
الانسان يولد صادق برئ لايعرف معنى للطرق الجانبية لكن المجتمع هو اللي بيغيره
مثلا ابسط شئ الابن لما يلقى ان ابنه مش بيرد عليه لما يكلمه بيقولوا تعالى عشان اشتريلك كذا في الحقيقة هو مش هيشتري شئ إذا الانسان هيحصله تضارب في الشخصية ازاي يقوله لا تكذب وهو أصلا يكذب؟ أنا عن نفسي عمري ماكذبت على أحد ببساطة معرفش!! معرفش امثل الانسان اللي بكرهه اجتنبه ومش اقوله اكرهك ادبا معه والانسان اللي بحبه احترمه ولا أرفض له طلبا يمكن اوقات اعمل شئ فوق طاقتي ومش بحب اعمله لكن احرج أن يظن الآخر أني اضمر له كراهيه |
اقتباس:
متشكر على مرورك يا جميل اللى نور المنتدى |
شكر ا على التوبيك الرائع ده
بجد والله كلامك صح بس ياريت تيجى على كده وبس وعلى التلاتين جنيه والله فيه اكتر من كده بكتيررررررررررررررررر |
اقتباس:
مرسيه على المرور اللى نور الموضوع |
اولا انا بشكرك على التوبيك الرائع
ثانيا انا معاك فى كل كلمه انت قولتها دة فى ناس بدخدع اهاليها طول السنه على انها بتاخد دروس ومبتدخدش وبتروح فى اى حته ومرة تانيه شكرا على الموضوع الرائع |
اللى بيخبى حاجة لازم يعرف كويس اوى انها غلط وانه خايف الناس تعرفها عشان مايتعاقبش او مايتقالش عليه انه شخص مش كويس --- اقتباس:
اقتباس:
|
مرسى كثير على موضوعك ده وعلى فكره انت مواضيعك كلها جميله
لكن انا الحمدلله مش بكذب على اهلى ولا على اصحابى ولا على اى حد لانى مش محتاجه اكذب وانا اصلا مش بحب اخرج كثير ولو حبيت ما فيش حد بيقولى حاجه ارجو ان لا اكون طولت فى الموضوع وارجو ايضا ان تتقبل مرورى |
شكرا موضوع جميل والله يصف حالة الشعب المصرى
|
اقتباس:
فى الزمن اللى احنا عايشينه الكذب بقا اساسى مفيش حد اسمه مبيكذبش بس كذب عن كذب يفرق والكذب مش المواقف اللى انت بتقولها دى بس الكذب فى المواقف دى اسهل بكتير من غيره وبيبقا امر اضطرارى قل الصادقون وكثر الكاذبون وكفى ان النبى (ص) يقول الصدق يهدى الى الجنة والكذب يهدى النار فايهما تهوى فاسلك طريقه شكرا على الموضوع |
موضوع هاااااااااااااايل
بس انا مستغرب حاجة هو لسه فيه دروس ب30 جنيه شكلك اتخرجت من مده وعموما انا بشوف الكداب ده شخص غير مسئول بيتهرب من اي مسئولية اوحمل عن طريق الكذب وشكرا مرة تانية عل الموضوع |
انا مضطره اسفة اقوللك ان الكدب بقي اسايي عند بعض الناس
اصلا لسانهم خد علي ان ميطلعش من بقهم كلمه صدق كله كدب كدب كدب وعند بعض الناس كماليات ودول قله شويه اصل الغالب في الكدب وكده يا ابيض يا اسود يعني يا بكدب يا مبكدبش اصل الحلال والحرام مبيتجزأش مفيش حاجه اسمها رمادي في الدين بس بجد موضوع رائع شكرا لحضرتك |
زاك الله خيرا وكفاانا الله شر الكذب
|
اقتباس:
thanxxxxxxxxxxxxxxxxxxxxxxxxxxxxxxx |
اقتباس:
صدق رسول الله ( صلى الله عليه وسلم ) عليه افضل الصلاه والتسليم وجزاكى الله كل خيرااا |
اقتباس:
الاجمل هو مرور حضرتك اللى نورالموضوع ومرسيه على المرور |
اقتباس:
متشكر على المرور جداااااااااااااا |
اقتباس:
متشكر على الافاده وجزاك الله كل خير |
اقتباس:
لا موش متخرج من جديد ولا حاجه انا لسه خارج من سنه 3 السنه دى ومتشكر على المرور |
اقتباس:
مرسيه قوى ع المرور الجامد ده thanxxxxxxxx |
اقتباس:
جزاك الله كل خير |
موضوع هايل و الله
و الكذب ده اسوا حاجة فى الدنيا و اكتر حاجة بكرهها هى الكذب |
اقتباس:
thanxxxxxxxxxxxxxxxx |
الموضوع احلى من الرائع
|
الكدب ده شىء خطير جدا
انا بكرهه جدا ويمكن مشكلتى يا شباب انى مش بعرف اكدب ولا اكون منافقة وده بيزعل كتير منى انى صريحة ولا اقبل الغلط او الكدب ميرسى على الموضوع اللهم اجعلنا جميعا من الصادقين واحشرنا مع الصديقين والشهداء |
اقتباس:
سانكس مرسيه كتير على مرورك |
اقتباس:
اولا عمر ما احد يزعل من الصراحه ثانيا متشكر على المرور |
| جميع الأوقات بتوقيت GMT +2. الساعة الآن 12:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.