|
93.4 ادخل ايه
انا جايب 93.4 ادخل هندسة خاصة الشروق ولا حاسبات و معلومات ولا تجارة انجلش ودرجتي في الانجليزي 48 والمستوى 8.5
ارجو الرد سريعا قبل المرحلة التانية تبدأ |
حاسبات ومعلومات
|
انا عايز اعرف ايه افضلهم في المستقبل و الشغل وكده
|
كلهم حلوين شوف انت بتميل لايه اكتر
|
انا بحب الرياضة اوي يعني همشي في هندسة ان شاء الله لو دخلتها بس عايز اعرف المستقبل عشان بس الهندسة الخاصة هتبقى مشوار في اكاديمية الشروق
|
حاسبات ومعلومات هي المستقبل.
لو بتحب الرياضة + الكمبيوتر + البرمجة |
حاسبات افضل
+استخير ربنا واسأل ناس اكبر منك دخلوها |
اقتباس:
|
اقتباس:
انا شايف كدة فعلا بس الناس بتميل لهندسة عشان الاسم بس |
اقتباس:
بالنسبه لي ولاى حد لان فيها مجالات كتير وهو انت عشان الناس بتدخل هندسه يبقى عشان الاسم لا حول ولا قوة الا بالله هو انتو بتحسسونى ان المهندس ده ملهوش اى لازمه ولا بيلقى فرصه عمل ولا اى حاجه وبتاع حاسبات ده مستقبل مضمون 100% وكمان ليه سسمعه ف سوق العمل ياجماعه بطلو هرى وبطلو تفتو كتير الله يرضى عنكم |
حضرتك دي حاجة ترجع ليك لو حابب هندسه ومصمم عليها فانصحك بالشروووووق انا اخويا متخرج منها وبامتياز ! ولو حابب حاسبات فهي حاجة تانيه خالص واسمع ان مجالها كويس بردو بس اكيد مجالات الهندسه اوسع !
وبالتوفيق ان ش الله |
على ما أظن ان الحاسبات احسن من هندسة الشروق لانها مهما كانت هندسة وبتاع بس فى الاول والاخر اسمها هندسة خـــــــــــــــــــــــــــــــــــــاص ودى حاجة كبيرة اوى وممكن تجيلك هندسة اقاليم.
|
يعني هندسة خاص وطالع بامتياز وبفهم في مجالي وممكن تحضر ماجستير وكل ده مش هيشغلوني ليه وكمان معايا كارنيه النقابة وكمان انا في الرياضة 2 جايب 45من 50 وكان مككن اجيب اكتر من كده بس غباء بقى الامتحان والتوتر و اعرف عيال جايبة 41 رياضة وداخلة هندسة يعني مش احسن مني انا ضيعني مواد تانية منها لله وشوية اهمال مني الصراحة انا السنة اللي فاتت كنت جايب 97.8 وربنا عايز كده وخلاني انزل كل ده بس انا عارف نفسي احسن من اي حد دخل هندسة حكومة يعني مش كل اللي دخل خاص فاشل اعرفوها دي بقى واخيرا قدر الله وماشاء فعل
|
اقتباس:
|
قدامك " حاسبات - اعلام - السن "
|
بص معاك مقدرة تدخل هندسة خاصه محترمة .. "الشروق - العاشر"
يبقى هندسة .. ودى اصلا مش محتاجة كلام .. وعلى فكرة لو تقدر تدقع 15 الف فى السنة ادخل "معهد تكنولوجيا وهندسة الطيران امبابة" كلية هندسة تبع جامعة القاهرة "حكومة" بس بمصاريف وكمان تبع وزارة الطيران المدنى شغلها عالى وفيها اقسام حلوة هندسة طيران ميكانيكا باور كهربا باور مدنى معمارى اتصالات والكترونيات |
حاسبات او اى كلية خاصة او علوم
|
انا جايب 93.17 هل ممكن الحق حاسبات ؟
|
بس انا شوفت على اليوتيوب كتير عن هندسة امبابة و شايفها قديمة ومهملة و بيشتكو منها فهل انت معايا في هندسة الشروق و معتمدة من جامعة ايه ولا مع نفسها
|
خش الشروق نصيحة أنا فييها لو عايز أي اسئلة أنا معاك أهو
|
أنا كان عندي نفس الاختيارات دي على فكرة و اخترت الشروق عن نفسي ,,
وفكك ملي يقولك خاص والجو ده قدم قوي يعني سيبك من أي حد بيحقدوا عليك عشان تدخل هندسة فبيكرهووك فيها ,, |
اقتباس:
|
اقتباس:
انا جايب 93.7 وبرضو محتار زيك وبفكر فهندسة خاص وسيبك من اي حد يقولك دي خاص ومش خاص لان زي مقالك صاحبنا ان معظم الناس بيحقد بس مايمنعش ان فيه ناس واخدة موقف من االخاص انا لو فتحو قدرات همتحنها واخش فنون عمارة وانا انصحك بيها لو بتحب معماري لكن لو دماغك فحاجة تانية يبقي طبعا خش هندسة خاص |
انتيموا لا انا بحب الهندسة المدنية عشان كده عايز ادخل هندسة
|
اقتباس:
وبتاخد كارنيه النقابة زي أي حد |
اقتباس:
|
ريح دماغك خالص وقد فى فنية عسكرية لايما حاسبات ومعلومات
حرام بجد الفلوس اللى بتندفع فى كليات الهندسة + حرام إنك تغرم اهلك اما لو كنت انت مريض ايام الدراسة او حصلك ظروف اثرت فيك " ظروف جامدة " انت ممكن تطلب من اهلك يدخلوك خاص يعني انا ليا واحد صحبي قعد طول السنة يذاكر وقبل ما يخش امتحان مادة عمل عملية الذايدة وكانت بطنه هتنفجر لو كان استني نص ساعة والكلام دا قبل امتحان المادة دي ب 8 ساعات عشان تكون عارف وراحو بيه المستشفى الواد عمل اللى عليه لكن ظروف طارئة مثل دي اثرت عليه فقام ابوه قاله هدخلك الكلية الخاصة اللى انت عاوزها والواد اختار انه يخش حاسبات ومعلومات خاصة على ما اعتقد كدا فانت لو كانت حصلك ظروف طارئة انت ممكن تطلب من اهلك انك تخش هندسة خاص لو عاوز او لو انت ذاكرت وطلعت كل جهدك ايام الدراسة ودخلت الامتحان عملت برضه اقصى ما فى جهدك يعني عملت اللى عليك ممكن برضه تطلب من اهلك انهم يدخلوك هندسة خاص لو محصلكش حاجة وعمال تلعب طول السنة مثلا يبقى متطلبش حاجة من اهلك وقدم فنية عسكرية لايما تخش حاسبات ومعلومات وربنا معاك + ان الشغل بعد الكلية دا بيبقى نصيبك انا بقول الكلام دا ليك ولغيرك والله اعلم افتح الرابط اللى جاي دا " ليك فرصة تانية انت وغيرك انكم تخشوا هندسة بس بعد دراسة عامين بجد واجتهاد " http://www.thanwya.com/vb/showthread.php?t=536519 ومساء الفل يا ريس |
| جميع الأوقات بتوقيت GMT +2. الساعة الآن 05:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.