|
ادخل ومش هتندم
هاى يا جماعة ازيكم وعاملين ايه فى الاجازة وبعد اللى جرالنا فى الثانوية العامة
وعلشان كلنا مخنوقين وتعبانين وقرفانين تعالوا نفك شويه ونتكلم مع بعض جايز نرتاح شوية ونتعرف اكتر على بعض وياريت كمان نبقى اصحاب مستنية ردودكم وياريت اى حد عنده مشكله (غير الثانويه العامه)ممكن نتكلم مع بعض وانا ربنا يقدرى واساعد اى حد ياريت تقبلونى صديقتكم واكيد مش هتندموا والله ملحوظة: ياريت اى حد من المنصورة يقوللى جايز نطلع صحاب ولا حاجة مستنياكم |
انا اسمى محمد
من الدقهلية بس مش من المنصورة وانا فى ثالثة ثانوى علمى رياضة وكنت جايب 95 وكدة كدة ضايع ممكن اتشرف بالتعرف عليك |
ا اهلا بيك يامحمد
انا كمان رياضة 2 ثالثة ثانوى برضة تخيل وكنت جايبه 93و5 وضايعة ضايعة برضه ممكن تتكلم اكتر انا معاك |
انا احمد من المنوفية وكنت جايب السنة اللي فاتت 96.5 علوم وربنا يستر لو في حد علوم او رياضة عايز يتعرف يدخل
|
رائع جدا موضوع التعارف ده !!
انا مصطفى من المنوفية وكنت جايب 98.5 فى سنة ثانية وربنا يستر احب اتشرف بيكم!!! |
وانا والله يشرفنى ان اتعرف على اى حد من رياضة
لان هم المظلومين وكمان مش هقولك ان من بعد الامتحانات ان الايام بتكرر نفسها والواحد زهقان انما هقولك ان الدقيقة هى الى بتكرر نفسها واليوم زى عشر سنين انا فى وحدة تامة مش لاقى حد اتكم معاه لو انت عايز ان احنا نكمل كتابة فى الموضوع دة ان معنديش مانع لو انت عايز تكمل على الاميل يبقى افضل هو انت جايب كام بالضبط انا جايب 95.3 احسن النتيجة بتاعتك مش واضحة قوى |
انا شوفت النتيجة خلاص 93.5
والله انا مش عارف اقولك اية ربنا معاك ومعايا انا كمان المهم شوف لو انت عايز تكلمنى على الاميل ماشى لو انت عايز تكمل فى الموضوع دة ماشى |
انا محمد السعداوي من كفر الشيخ
وعلمي رياضه 2 وكنت جايب 92.5 إحجزولي معاكوا في رحلة الضياااع |
انا اسمى اسماء طب انتم زعلانين ........المفروض ان انا انتحر انا كنت جايبة 70فى المية بس انا ادبى
|
بالنسبة لرحلة الضياع الثمن غالى جداااااا
وبالنسبة ليك يا اسماء ربنا يوفقك بس اكيد انتى السنة الى فاتت يعنى عادى هو اكيد انتى ذاكرتى مثلنا بس المشكلة ان انتى لم تحلمى ماحلمناه ولم تراودك هذة الامال والطموحات يعنى اكيد موقفنا يختلف عنك .انا مش قصدى اقول اى حاجة الا ان انتى تعزرينا على خوفنا وقلقنا هو تقريبا احنا عندنا درسنا بيت الشعر ل اليا ابو ماضى بيقول وان كنت تشفق من حلول مصيبة هيهات يرجعه اليك تندم بس طبعا ده مش بايدينا اتمنى لكى حظا موفقا |
اقتباس:
|
انتى جبت النتيجة ازاى
|
احنا بنتكلم فى نتيجة السنة الماضية
وتوقعات هذة السنة على فكرة انا بسمى يوم النتيجة يوم النكسة |
انا هدير 3 ثانوي وكنت جايبه في تانية
98.5بس خلاص انا مضيعه حوالي 10 درجات في الفيزيا لوحدها ويارب اعدي 95 |
ربنا يوفقك هدير ادعى لنا
|
انا ساره من القاهره 3ث علمي رياضه وكنت جايبه 95%
وربنا بجد يستر انا مرعوبه جدا من يوم النتيجه ده وربنا معانا كلنا ياااااااااااااااااااااااارب |
كل واحد يقول هو هيعمل اية لو جاب مجموع مش كويس
|
انا ميسون علمى علوم لااسف وكنت جايبة فى تانية 98 ونص درجة
السنة دى بقى ادمرت تماما فى الفيزيا الحمد لله وخلاص حاسة ان الواحد لسه ايه علشان يدو ر عليه بعد كل التعب ده كلوا |
اولا اهلا بيكم كلكم انا مبسوطة بردودكم بس مش عاجبنى نبرة التشاؤم اللى انتم فيه
اللى حصل حصل خلاص هنعمل ايه لازم نعيش الواقع ونتعايش معاه كمان واى حد يحب يتكلم يتكلم براحته وانا بفضل اننا نكمل هنا ياuntil death بس انت لا قلت اسمك ولا منين ولو تحب سيب ايميلك وانا اكلمك وعلى فكرة انا بنت مش ولد |
:lol:ا انا عن نفسى متوقعة مجموعى اساسا وعارفة خلاص ان الموضوع فلت من ايدى
وراضيه الحمد لله كبر دماغك بقى هنعمل ايه اكتر من الى عملناه |
على فكرة انا مش اعرف ان انتى بنت الا الوقتى بس بس على العموم هو بالنسبة للتشاؤم لان مفيش حد عارف حجم المصيبة الى انا هطحط فيها لو جبت مجموع مش كويس المهم انا اسمى محمد ومن الدقهلية وعندى 17 سنه 6 شهور واكتر حاجة بحبها هى حب الاستطلاع وان انا اجمع معلومات عن اى حاجة وانا عندى كم معلومات كبير وبحب كمان اتعرف على ناس محترمين واحب كمان ان يكون ليا اصدقاء بجد بدل اصدقائى الخائنين تعرفو ياجماعة اصعب حاجة على الواحد ان صديقه يخونه والمشكلة كمان ان هو مش واحد بس كلهم كانوا متفقين عليا وعاملين عليا مؤامرة بس انا اكتشفتها بعد فوات الاوان المهم دة مش موضوعنا دة امليلى محذوف يا جميل على الياهو واحب اتعرف على الناس المحترمين بالنسبة ليك يا a_2007 انتى مقولتليش شو هو اسمك ولو حبيبتى تكلمنيى على الاميل للصداقة المحترمة انا معنديش اى مانع لو اى حد انا معنديش اى مانع بس ياريت يكون صداقة بجد |
فى مقولة بتقول ان مينفعش تصادق حد فى نفس مجالك وخاصة البنات لانهم بيغيروا من بعض ايه رائيكم
واكيد اكيد كلنا شفنا حركات ثانوية عامة والغدر والخيانة والانانية اللى فيهم بس انتوا ايه رائيكم فى الموضوع ده وهل جربتوه ولالا واتصرفتوا ازاى ياريت نتجاوب |
أنا سما علمى علوم جبت السنة السابقة 97.5% وربنا يستر السنة دى أحب أتعرف عليكم |
ازيكوا ............... عاملين ايه
انا محمد من الفيوم جايب 203 في ثانيه وفي ثالثه ربنا يستر الاهم انا عايز اقول ليكوا على حاجه مهمه جدا فين اسلامنا لا يجوز ان ولد وبنت يعملوا شات مع بعضهم خاصة على النت وقديجوز الكلام للمصلحه ليس على النت يا جماعه اطيعوا ربنا بقى عشان ربنا يكرمكم في النتيجه يعني ايه ولد وبنت صداقه محترمه هيتكلموا في ايه يعني ?????????وخاصة على النت لانها لا تعرفه ولا يعرفها يا جماعه اسمعوني كما تدين تدان زي ما هتتكلم مع بنت خللي بالك هتتكلم اختك او بنتك او زوجتك مع ولد ويا عالم هيقولوا ايه دعونا من هذا التبعير وهيا للفرار الى الله وترك الذنوب عشان ربنا يكرمنا معلهش يا جماعه متزعلوش من د يه حقيقه مره قليل اللي بيصارح نفسه بيها على العموم ممكن الاولاد يكلموا بعضهم والبنات تكلم بعضهم وسامحوني يا جماعه ممكن اخ متدين يذكر الادله على ذلك لاني مش متعلم الدين اوي واللي انا قولته ده غيره على اهل بيتي ومن منطلق الدين لانه لا يدخل الجنه ديوث ولربنا يمن علينا بعلم الدين وفهمه وتطبيقه وادي ايميلي لو في صديق مش صديقه عايزني في حاجه محذوف يا جميل |
اقتباس:
عندك حق |
انا اخت ليكى فى الله بس خريجة جامعه ممكن تقبلينى صاحبة لكى
|
عهو يعنى الصديق الى احترم صديقه
وصان العيش والملح والصداقة تنا اخت مقالب من الى بيسمو اصحابى هما تقريبا قربو يقضو على حياتى ولسة اثرهم موجود عندى انا مش عارف اعمل اية |
انا كرهت حياتى بسببهم
|
على العموم شكرا عالنصيحه انت عندك حق طبعا احنا ما قصدناش وكمان هو مكنش يعرف انى بنت
بس هو شكله متضايق جدااا ياريت انت تساعده وتبقوا اصحاب واى حد محتاج اى مساعدة احنا كلنا اخوات واللى متضايق ممكن يتكلم واحنا هنسمعه هو ده كان غرضى مش اكتر |
على العموم انا متاسفة لو وصلتلك حاجة غلط
انا والله مقصدتش وبالنسبه لuntil death متفكرش فى اى حد باعك اكيد هما مايستهلوش اللى انت عمله فى نفسك واكيد ربنا هياخدلك حقك ومش هيسيبهم وقول حسبى الله ونعم الوكيل فيهم وبس |
اهللا بيكى ياzmzm وياريت انت تقبلينى صاحبتك بس احب اتعرف اكتر
ونصيحة اخيرة ليك يا until death اكيد زى مافى ناس وحشة زى اصحابك اكيد فيه ناس كويسه وان شاء الله تتعرف على ناس كويسه وتتصاحبه اوعى تستعجل والله العظيم اما كمان ياما حصلتلى المواقف دى ومن كذا حد كمان ودلوقت معايا بجد اصحاب ماتتعوضش ربنا يخليهملى ويرزقك باصحاب احسن من اصحابك |
انتو عارفين المشكله هى ايه
ان انا كنت عارف ان هما مش بيجبونى طوال الوقت . بس زى مايكون هما عطينى منون مغناطيسى واكتر من واحد قالى ان هما مش بيحبونى .بس المشكلة ان انا مكنتش باسمع لحد على العموم خلاص انا مش هصاحب حد تانى خالص انا خلاص كدة كفاية عليا . انا مش مستعد ان انا اتعرض لمواقف تانية وفى حاجة كمان .ان هما خرجوا كل اسرارى .وياريت كدة وبس .هما زودوا عليها وقالوا كلام محصلش . وخلونى فى نظر كل الناس حيوان بعد ما كان كل الناس تتمنى ان هى تمشى معايا وتصاحبنى بس انا بقول كل دة علشان انصحكم نصيحة ان السر لو بقى بين اثنين مبقاش سر وان مفيش اوسع من صدرك لسرك هو فعلا الواحد لما يشكى لحد همومه ممكن يخفف عن نفسه.بس المعانه الذى الواحد بيتحملها لو انه لم يشكى لاحد افضل من المعانه الى هتيجى لما الواحد يشكى لحد صدقونى انا متاكد ان مفيش حد حساس الى انا حاسه الوقتى لان المثل بيقول الى جرب مش زى الى سمع |
انا محمد من المنصوره
مدرس فيزياء والله حاسس بيكم وباليأس الي داخلكم وعلي فكره انا مش كبير اوي 26 سنه يعني ينفع اكون صديق مش مدرس ودا الي خلاني اشترك في الموضوع |
اهلا بيك يااستاذ محمد
انا كمان اسمى محمد بس الفيزياء السنة دى كانت قتل ولا ايه هو رئيك |
ازيكو
أنا دودو من المنصورة |
انا عندى فكرة كويسة
حانا ممكن نكون مجموعة هتبقى من عشره اشخاص وهنتكلم فى قضايا ومشكلات مختلفة وهنكون شات على الاميل واول عشرة سوف يتقدمون بوضع اساميهم بعد هذا الرد هما الذين سكونون اعضاء هذه المجموعة الذى سوف يكتب اسمه ويكتب كلمة انا معاكم سوف يتم اعتماده ضمن المجموعة ووكمان ممكن يسيب اميله ولو كان اميله سر مش عايز حد يعرفه ممكن يرسله ليا على الخاص وانا سوف اقوم بالربط بين اعضاء المجموعة انا اسمى محمد من الدقهلية ودة اميلى |
بلاش تشاؤم وعسى ان تكرهوا شيئا وهو خير لكم
|
أنا مريم
الغربيه 3ث علمى رياضه 2 كنت جايبه فى تانيه 97 بس فى تالته انا خلاص تاقلمت مع حقيقه انى داخله اداب او تجاره ونسيت حلم الهندسه والموضوع بقى كله ضياع بلد ضايع وحق ضايع وشعب بيتهان كل يوم ونايم وكرامه منسيه ولقمه عيش مخفيه خلاص انا بقى اللى هاطلع واكون الزعيمه والمجدده استسلمت للواقع ودفنت احلامى ونمت فى بياتى الدائم الذى سينهيه الموت اعيش فى عالم ميت افكر فى حساب موتى على كل هذا الاستسلام والصمت احيا معذبه الضمير ولكن مفيش فايده والواضح ان انا هاتبع الطريقه المنتشره بين عالمنا الضايع النوم والواسطه فلامجال للنشاط والعمل |
على فكره رغم اننى يائس احيانا . بس كل ده علشان خيانة اصحابى ليا لكن مش علشان الدراسة
هو صحيح انا زيكم ضايع كدة كدة وانا كنت جايب 95 ولكن انا عندى من التصميم والارادة القوية مايعادلكم جميعا . وانا مش هتخلى عن احلامى مهما كانت الظروف . لان الواحد لو انكسر من اول مرة يبقى مش هيعرف يكمل فى وسط الغابة وارجو منكم جميعا الاطلاع الموضوع دة مهم جداااااااااا اوالموضوع ده بعنوان ابليس يتوضأ http://www.thanwya.com/vb/showthread.php?t=54140 اما بالنسبة ليك يا ahmed_20005 و محمد ابولبن انا اضفتكم الى الاميل وان شاء الله لما تكتمل المجموعه هعرفكم على بعض وانا فى انتظار مزيد من الاعضاء الى المجموعة |
انا طبعاا معاكم وايميلى هبعتهولك بعدين عالخاص
|
انا اسمى احمد
من اسكندرية ثالثة ثانوى علمى رياضة و كنت جايب فى تانية 98 بعون الله مش فاضل منهم دلوقتى غير 92 :rolleyes: الحمد لله المشكلة عندى اقل شوية لأن احلامى كلها ما ضاعتش .. هو ممكن نقول ان نصها بس او اكتر من نصها بشوية هو اللى ضاع كان نفسى اوى قبل ما ادخل الثانوية العامة انى ادخل هندسة عشان الاقى مستقبل كويس و شغل كويس و بعد تانية ثانوى كان نفسى اوى احافظ على مجموع السنة اللى فاتت ويزيدوا 5 درجات بالمستوى الرفيع واعدى 99% كنت حاسس انها مش صعبة وانى اقدر بس نقول ايه بقى خلاص .. وبرضوا باقول الحمد لله انى لسه ممكن ادخل هندسة و مش كل حاجة ضاعت غير ناس كتير موقفهم اوحش بالنسبة للمجموعة ممكن ادخل معاكم ايميلى هو |
اقتباس:
الدنيا مش وحشة بالدرجة اللى انتى شايفاها دى .. انتى بس ممكن تكونى شايفاها من جنب واحد او شايفاها غلط الملل و الفراغ دايما بيوصلوا الواحد لاحساس شبه ده .. بس مش بيبقى حقيقى ممكن بعد كده لما تحصل فى حياتك حاجات تانية و تقابلى ناس تانية و تشوفى دنيا تانية تنسى اللى فاتت و ترجعى احسن من الاول ان شاء الله انما ما تعتمديش على احساسك دلوقتى .. وان شاء الله النتيجة تبقى حلوة و 97 كويس جدا فى علمى رياضة مهما حصل السنة دى المجموع بتاع تانية مع المستوى ممكن يظبطها وارجو انك تقبل منى النصيحة :) |
انا آيه من المنصوره وكنت جايبه 95.6 بس حاسه انى بجد مضيعه السنه دى وكل مافتكر منظر ورقه الفيزياء واللى كاتباه واللى انا مش كاتباه فيها افضل اضحك اوى بس خلاص الحمد لله هاعمل ايه يعنى اكتر من اللى عملته
|
يارجالة الموضوع بتاعتنا هما بيشيلو منها الى هما عايزينوه
بعد اذن الادارة يعنى اما ان تشيل الموضوع كله او تسيبه كله |
هما بيشيلوا المشاركات ليه اصلا
ايه العبط ده يالا شيلوا المشاركه دي كمان ربنا يشفي كل مريض لاحسن المرضي كتروا اوووووووووووي |
انت كدة سيتم حذفك من المنتدى
|
المهم احنا عايزين نكمل المجموعة تقريبا حنا5 لسه خامسة ممكن ترسل ليه على الخاص احسن المشرف هيحذف الاميل
انا مش عارف هو الاميل فى المنتدى حرام تقريبا الكلام ده مش فى شروط المنتدى انا ان شاء الله هراسل المدير العام للمنتدى لما نشوف ياجماعة انا هقولكم طريقة حلوه تعرفو بيها اميلى انظر لاسمى فى المنتدى اوكى اعمل _ فى نصف الاسم وبعد كدة ضيف 17 فى الاخر وطبعا على الياهوو ههههه انا مش عارف ايه الالغاز دى |
حانت حتوحشني والله يامحمد لان شكل عضويتي هتتحذف المهم انا سجلتك عندي وفعلا الغاااااااااااااز ولا امتحان الفيزيا والرياضه السنه دي
|
عادى سجل تانى بدل 20005
اعملها 2005 ههههههههههه |
ووالله فكره كويسه بس اصلا لو حذفوا عضويتي هما حريين خسروا عضو مميز هههههههههههههههه
لو حذفوا عضويتي مش هاسجل تاني ياعم انا اصلا ماغلطتش |
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.