|
كل اللي جالو تجارة عين شمس هاااام جدا
بسم الله الرحمن الرحيم مبروك لكل الطلبة اللي جالها تجارة عين شمس انا طالب بالكليه وفي الفرقه الرابعه بص بقي اولا بخصوص التقديمات :blush: التقديمات في الكليه مش هتبدء دلوقتي خالص غير لما يخلص تنسيق المرحله الثانيه ثم تحدد ادارة الكلية ميعاد لبدء التقديم بالكليه في العام الماضي كل ميعاد التقديم بالكليه يوم 4/9 ثانيا بخصوص الناس اللي خايفه من تجارة :o تجارة كليه لذيذه جدا تعتبر كلية الشعب وسهل فيها تجيب تقدير لو ذكرت نص المذكره اللي كنت بتذكرها في الثانوي واحلي حاجه كمان في الكلية اني مفيش اجبار في الحضور براحتك عايز تحضر سكاشن براحتك مش عايز برحتك برضو وكمان المحاضرات زيها ثالثا المواد اللي هتدرسه في الترم الاول :rolleyes: هي مبادئ محاسبه ماده لذيذه بتحتاج فهم بس مش حفظ مبادئ اقتصاد ودي ارخم المواد اللي بتدرسها في خلال الاربع سنين علوم سلوكيه ماده نظري وقريبه قوي من علم النفس بتاعكم رياضه بحته ودي مادة سهله وفهم وقريبه من رياضه 2 مبادي ادارة ماده حفظ بس لغه ادارة ودي بتعتمد علي مقدرة حفظك للكلمات الانجليزي اي حد عنده استفسار تاني ممكن يكتب كومنت او ممكن تتوصله مع بيدج اسرة النجوم احد الاسر المسئوله عن التقديمات بكلية تجارة جامعه عين شمس ده اللينك بالتوفيق للجميع :):):) |
طب تجارة انجلش انا عارفة ان ليها تنسيق داخلي.... بس المواد بتاعتها ايه نظامها؟؟ ولازم اجيب كام فى الانجلش عشان ادخلها؟؟
|
تجارة انجلش تعتبر نفس المواد بس انجلش
وبيبقي ليها تنسيق داخلي العام الماضي كان واخد 45 ثم انخفض لي 42.5 لسه لحد الان الكليه لما تنشر شروط الالتحاق بتجارة انجلش تابعي اللينك بتاع الموضوع ده او البيدج واول متنزل هتلاقيني رافعها |
بالله عليك تقولى , أنا دلوقت من دمياط وجاتلى الحمد لله تجارة دمياط هى واخدة السنة دى من 82 % هروح اقدم بردو بعد المرحلة التانية ولا ايه ؟؟
تانى حاجة : انا اصلا ناوية ع تجارة انجلش وعارفة انها تنسيق داخلى بس متعرفش هى بتكون ف حدود كم للأقاليم ؟ يعنى انا جايبة 353 " 86.1 % " وانجلش 46 ممكن الحق ؟ ولا كده هفضل ف عربى ؟ ولو مقبلتش فى تجارة انجلش اللى فى محافظتى ممكن اقدم لتجارة تانية على اساس الحق فيها انجلش و لا لأ سورى ع الإطالة و شكرررررررررررررررا |
انا اتكلمت علي تجارة عين شمس علشان اعرفها
لكن مش هقدر افيدك في في دمياط علشان لو قولت حاجه هكون مش واثق فيها |
هاااااااايل روح ربنا يكرمك
بس كان عندى سؤال انا جالى تجارة عين شمس بس انا كنت عاوز القاهره علشان اخش تجارة شعبة جورجيا فهل فى طريقه علشان احول للقاهره ؟ او فى حاجه فى عين شمس زى جورجيا فى القاهره ؟ |
التحويل الاليكتروني مش هيتقبل لانهم في منطقه جغرافيه واحد
حاول مع التحويل الورقي |
اقتباس:
شكرا ليك :078111rg3: |
اقتباس:
|
انا جالى تجارة عين شمس الحمد لله هو انت شعبة عربى ؟ ...اجيب منين استمارة جند 2 ؟ والف شكر ليك |
اه عربي
ال2جند دي تجيبها من كتب التجيند اللي في الحلميه لاشكر علي واجب ياعمر وده الاكونت بتاعي لو حبيت تتواصل بخصوص التقديمات https://www.facebook.com/ahmed.mokhtar120 |
اقتباس:
حلمية اية ؟ انا من القناطر الخيرية فى ناس بتقول اجبها من بنها ياريت تقبل الصداقة ع الفيس |
حاضر ياعمر
|
بخصوص الدكاتره بتوع الكليه لذاذ كده ولا بيستقصدو ويسقطوا الناس والتصحيح علي اد اللي حله ولا حظ ؟ ومعلش الشغل كمان تقريبا لازم جيد جدا سهل اجيب جيد جدا ولا ايه فيها ؟؟ ومعلش سؤال كمان لو قدامي هندسه خاصه تبقي احسن ؟؟؟؟ ارجو الرد ضروووووووووووري لو سمحت
|
اقتباس:
انا من رأي... الخاص ده احيانا لما بتيجي تقدم فى شركات ممكن متقبلش لانهم بيفضلوا الحكومي وبعدين المهندسين نادر اوى لما تلاقية شغال فى بلده .. هما عادة بيسافروا يشتغلوا بره فمش عارفة هما بيقبلوا الخاص او لا... اصل الموضوع ده حصل قدامي قبل كدة... وعلى فكرة بردة والله تجارة ليها مجالات شغل كتير وبالذات فى البنوك ومجالاتها واسعه... ع العموم ده رأى وانت تشوف ايه اللى هيناسبك وادخله طالما انت حابب تدرس هندسة..:) |
السلام عليكم
ارجو الرد انا لو قدمت فى تجارة عادى علشان ادخل شعبة انجليزى ولاقيت انى مش هاقبل معنى كده انى هافضل فى التجارة العادية ولا عادى ينفع احول الى الكلية اللى انا كاتبها بعدها فى الرغبات ولا ايه؟؟؟؟؟؟؟ يعنى ايه تجارة انتساب او اداب انتساب؟؟؟؟؟؟؟؟. يعنى ايه كلية اقليمية مثلا زى طب بيطرى الوادى الجديد اقليمى او طب بيطرى مطروح اقليمى ؟؟؟؟؟؟ ارجو الرد وشكرا |
تجارة انتساب دي حاجة كدة زي الخاص... وانت لو جبت تقدير كويس فى اول سنة بتتحول الى تجارة انتظام اللى هي حكومي يعني..
موضوع لو قدمت فى تجارة عربي... ده بيتحدد تجارة انجلش فيه على حسب درجتك فى الانجلش و لو مجابتش بتبقي في عربي بس موضوع تفضل فى تجارة او تحول بجد والله مش عارفاه والاقاليم دي بردوة معنديش خلفيه ع الكلام ده |
طيب تجارة انجلش السنة دى بتتحدد بالمجموع الاعتبارى ولا بدرجة الانجليزى بس؟؟؟؟
انا جايب مجموع اعتبارى 395,5 ودرجة الانجليزى 44 شكرا على الرد |
انا اعتقد انها ان شاء الله هتاخد بدرجة الانجليزي... هى السنه اللى فاتت كانت واخدة من 42.5
|
اقتباس:
يعني في دكاترة رزلين في تعملهم وفي دكاترة بتاخد الطلبه اللي ادامهم زي اولادهم وانا عن نفسي ولا بحضر للحلو ولا للوحش علشان الحضور في النهائه زي قلته محدش بيفهم حاجه من الدكاترة لان معظمهم معدين ال50سنه فعلقليتهم مختلفه عن عقليه الطلاب بكتير فصعب يوصلولك المعلومه علي عكس المعيد بيبقي سنه قريب من سنك وبيعملك زي اخوه الصغير وبالنسبه للتصحيح عندنا مفيش دكتور يقدر يسقط دفعه كامله في مادتها والتصحيح دائما بتبقي علي اد اللي حليته ويمكن ازيد في تجارة الاول علي الدفعه بيبقي جايب جيد جدا وبالنسبه للتقدير ده فلازم انك تاخد السنه من اوله دح لحد الامتحانات بالنسبه لنقطه هندسه مقدرش افيدك فيها اووي |
بخصوص التقدم لتجارة انجليزي :اولا لازم تدخل الاول تجارة عربي انتظام و من بعدها في تنسيق داخلي ...كيفية حساب المجموع الاعتباري للقبول ( مجموع الثانويه العامه + مجموع اللغة الانجليزيه + مجموع المستوي الرفيع انجليزي اكتر من خمس درجات ) بدء التقديم بتاع انجلش لسه متحددش اللي اعرفه انه فتح استمارة انجلش 100 ج تجارة انتساب مصاريفها 550 او650 ممكن تدفعهم علي قسطين انتظام 210 |
من فضلك
ما هى اجراءات التحويل ؟ وما موعد فتح التحويل الالكترونى والورقى التحويل من كلية تجارة عين شمس للقاهرة مع العلم انى من القليوبية (القناطر الخيرية) وانا كاتب فى الرغبات عين شمس بنها القاهرة هل ينفع اتقبل فى القاهرة واية حكاية عقد يثبت انك عايش فى القاهرة ؟ |
طيب ما ينفعشى ادخل شعبة انجليزى من تجارة انتساب ؟؟؟؟؟؟؟؟؟؟
انا مجموعى يجيب تجارة انتظام السويس فقط هى انا مش كاتبها فى الرغبات ينفع وانا من القاهرة ينفع ادخلها ولا لا وهل فيها شعبة انجليزى؟؟؟؟ شكرا |
سوف يتم فتح بابا التقديم العام لانتظام وانتساب وانجليزي يوم 18/8/2013حتي يوم 30/8/2013
لم يتم الاعلان عن فتح بابا التقديم الداخلي بعد للشعبه الانجليزيه مصاريف انتظام229 انتساب 546 مصاريف قسم انجليزي 5000 بدون الكتب ومصاريفالكتب 1500فقط |
اقتباس:
|
اقتباس:
انتي ممكن تكملي انتساب وتخدي كورس انجلش محترم كده وهيبقي تعتبري موازيه تجارة انجلش |
الاوراق المطلوبه
1-طلب التحاق وده الكلية بتدهولك 2-اصل المؤهل 3-عدد 6 صور شخصيه 4-صورة البطاقة 5-صورة شهادة الميلاد 6-صورة بطاقة الترشيح 7- بطاقة 2 جند للذكور فقط |
انا جالي تجارة انتساب عين شمس و كنت عايز احول لحقوق القاهرة هل ينفع وهتقبل في التحويل
ولو قدر الله وماتقبلتش , اية اخبار انتساب عين شمس ايه الفرق عنه عن انتظام والكلية حلوة ولا لأ وامتحانتها حلوة ولا لأ |
اقتباس:
انت لو دخلت اولي لو جبت تقدير جيد يبقي حلو عليك اوي في سنه تانيه وبعد كده لو جبت جيد يبقي انت راجل برنس بس هيا مش صعبه علي اد أنها عاوزه مخ نضيف انا جبت السنادي تقدير عام جيد جدا هوا نادر حد يجيب التقدير دا بس مش مستحيل |
اقتباس:
بس احسنلك خليك تجارة لان تجارة مستقبله احسن من حقوق وتجارة انتساب مش وحشه لو جبت جيد في اي سنه ممكن تحول لانتظام علي فكره شهاده التخرج مبكتبش فيها انتظام ولا انتساب |
اقتباس:
وبسمع ان تجارة عين شمس صعبة اوي |
اقتباس:
وعلي فكره لو ذكرت نص مذاكره ثانوي هتلاقيه سهله |
اقتباس:
يعني هاذاكر ازاي هفهم من ميين ؟ |
اقتباس:
اشهرهم كارفن abc سندباد بتلم كل اللي اتقال في المحاضرات وممكن تاخد دروس في المكتبات دي لو عايز لو مش عايز ذاكر الملازم اول بااول وان شاء الله تجيب تقدير عالي |
| جميع الأوقات بتوقيت GMT +2. الساعة الآن 05:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.