|
استفسارات عن حقوق انجليزى يا ريت تساعدونى
بعد اذنكم ياجماعة أنا عاوزة أعرف معلومات عن كلية حقوق انجليزى يا ريت لو حد فيها أو حد يعرف حد فيها يقولى ايه طبيعة الدراسة فيها وهو أنا المفروض أكون جايبة كام فى الانجليزى عشان أقبل فيهاويا ريت لو حد يعرف أي حاجة عنها يقولى عشان أطمن
ومعلش سؤال كمان هو أنا لازم أكون فرنساوى فى الثانوية العامة عشان أدخلها ولا إيه؟؟؟؟ |
يا جماعة بليز عاوزة أعرف اراءكم وشكرا يا مستر محمود
|
بصى يا بنتى
انا فعلا معرفش عنها حاجة خالص ومافيش معلومات اكيد بس هنقول حكاية الفرنساو ى دى اعتقد اه بس تقريبا مبيمنعش دخولها بس لازم تمتحنى فيها ،، تقريبا - عشان حكاية القانون الفرنسى لانى فاكرة السنة اللى فاتت كان فيه طالبة المفروض تكون اتخرجت من حقوق جت للمسيو اللى بيدينا عشان يشرح لهاشوية عشان تقريبا كانت هتمتحن فرنساوى عشان تطلع لهاشهادة التخرج الله اعلم بس انا قلت ارد عليكى بدا ما انتى لوحدك بس وخلى بالك انا قلت " تقريبا " و لم أؤكد شىء اطلاقا ربنا يوفقك ،، وادعى لاختك بقى ان شاء الله ربنا يوفقها هى كمان ملاحظة : اعذرينى لو الكلام ملخبط لانى منمتش من امبارح خااااالص والسلام عليكم ورحمة الله وبركاته http://www.te3p.com/vb/uploaded3/30893_11179959825.gif |
ميرسى يا عسل ربنا يخليكى الحمد لله حد رد عليا أنا بس كنت عاوزة أعرف معلومات عنها خصوصا انى كنت ألمانى السنةاللى فاتت وسمعت انها كلية كويسة ومستقبلها حلو و ميرسى ليكى تانى مرة وادخلى نامى بقى عشان تفوقى... :):):)
ويا ريت ياجماعة لو حد تانى عارف أى حاجة يقولى عشان استريح |
مش عارفة انا تانى
بس كان ليا واحدة زميلتى ليها اخ فى حقوق انجلش المشكلة بس انى معييش رقم تليفونها يعنى عشان اوصل لها محتاجة وقت وشوية بحث كدة اذا عرفت اوصل لها مش ناسياكى ان شاء الله غير انى عارفة الشعور لما حد يسأل وميلاقيش حد يعبره بيبقى عامل ازاى :D:D:D فعشان كدة بحاول ارد ولو حتى انى مش متأكدة او عارفة |
ميرسى على ذوقك واهتمامك ربنا يخليكى
|
ايه يا جماعة مبتردوش ليه معقول كلكم محدش سمع فيكم عن حقوق انجليزى ولا مطنشين وخلاص
|
|
شكرا ليكى يا زمردة بس أنا كنت عاوزة حد مجرب عشان يقولى رأيه وعموما شكرا ليكى تانى مرة على إهتمامك
|
ايه يا جماعة محدش بيرد ليه معقول المنتدى كله ميعرفش حاجة عن حقوق انجليزى
|
انا فى حقوق عين شمس
اى سؤال تحت امركم |
حاضر
انا اصحابى فيها بس محولتش استفسر اكتر هسالك واقولك |
اقتباس:
وكنت عاوزة أعرف كمان المفروض أكون جايبة كام فى الانجليزى عشان أدخل حقوق انجليزى؟؟؟؟ وكنت عاوزة أعرف رأيك ايه أحسن حقوق انجليزى ولا تجارة انجليزى؟؟ شكرا لاهتمامك |
اقتباس:
|
اولا: مفيهاش حاجة اذا دخلتى كليه حقوق وانتى المانى بس هتروحى تمتحنى فى كلية اداب فى خلال اى سنة من السنوات الاربعة امتحان فرنساوى عشان تخدى شهادة التخرج
وكلية حقوق( انجليزى او فرنساوى) اعتقد مجموعهابيكون من 94% دة بالنسبة لجامعة القاهرة |
اقتباس:
شكرا يا سمر على ردك |
:) بصى يا جميل
عن ثقة لانى حاليا فى حقوق وانا جبت لك الشروط كمان من موقع الكلية 1 ) يقبـل بالشعبة الطلاب الحاصلون على الثانوية العامـة أو ما يعادلها في العام الجامعي 2008/2009وعلى أن يكونوا مقبولين بكلية الحقوق جامعة عين شمس وفقاً لقواعد التنسيق. 2 ) لا يقـل مجموع درجـات الطالب في اللغة الإنجليزية في الثانوية العامة عن 42.5 درجة بمعدل ( 85 % ) ,ويجوز لمجلس إدارة الشعبة النزول إلى 40 درجة بمعدل ( 80% ) عند الضرورة. 3 ) الدراسة بالشعبة نظامية . 4 ) يجوز الالتحاق لخريجي المدارس العربية بالشروط السابقة ( مع اجتياز اختبار القدرات الذي تعقده الكلية إذا قرر مجلس إدارة الشعبة ذلك ) . وبالنسبة لاخر شرط يعنى لو انتى فى مدرسة عربى مش لغات يبقى الاول تروحى امتحان اختبار القدرات فى اللغة وبشرط بردو تكونى جايبة 42.5 فى الانجلش:) اقتباس:
على حسب حبك للدراسة مثلا حقوق بتعتمد على الحفظ وتجارة فى اجزاء منها حفظ واجزاء رياضة اى كانت اللغة شوفى انتى حابة اية وتقدرى تمشى فى دراستة واختارى بس تاخدى بالاراء مثلا اللى توضح لك الفرق بين الدراستين ومجالات شغلهم ومستقبلهم المنهى انما الارداء اللى تقول دى سهلة ودى صعبة ودى وحشة ودى حلوة لالا:D وربنا يوفقك يا جميل ان شاء الله |
اقتباس:
ألف شكر ليكى على ردك الصراحة مش عارفة أشكرك ازاى لأنى كنت قلقانة من حكاية الفرنساوى دى أوى وميرسى ليكى يا قمر تانى مرة على ذوقك:) |
ياااااااااااااااااااه
أنا كنت فين من زمان على فكرة أنا ناوى ادخل حقوق انجليش بس لسه هقدم فى التنسيق بكرة ان شاء الله اول حاجة هكتبها حقوق عين شمس طبعا وان شاء لو جت هقدم فيها عادى بس اسحب استمارة حقوق انجليش ويارب يوفقنا كولنا بس هى كلية حلوة وربنا يكتبهلنا يارب |
ميرسى يا أحمد على ردك وربنا يسهل
|
اقتباس:
عايز اشكر بس زمردة على اللينك ده علشان استفدت منه كتير شكرا زمرة شكرا welcome |
العفو يا أحمد وأنت بجد شرفت الموضوع
|
طيب انا ممكن افيدك لان انا في حقوق انجليزي سنة تانية دلوقتي
مين حيث القبول هي الشروط اللي في الموقع دي تعتبر نظرية انما في الواقع مش بيكون فيه امتحان ولا حاجة هي مسالة مجموع ..انتي بتقدمي حقوق عادي وبعدين في الكلية بيكون فيه تنسيق داخلي تاني للي عوزين حقوق انجليزي او فرنساوي بيتحسب فيه مجموع الانجليزي الاساسي و المستوى الرفيع مرتين مثلا لو حد جايب 390 و مجموع الانجليزي عنده 45 و المستوى حاجة غير الانجليزي بيكون مجموعه في الكلية 390+45+0 = 435 ...وعلى هذا الاساس بيرتبو الناس المتقدمين و بيقبلوهم وموضوع الالماني مش مشكلة اطلاقا ممكن تدخلي حقوق انجليزي بس تقريبا في سنة تانية بتحتاجي تعملي امتحان او حاجة بسيطة كدة بالنسبة للدراسة في الكلية بيكون تقريبا نص المواد عربيو النص التاني انجليزي كل سنة و بالنسبة لجامعة القاهرة خصوصا بيكون المواد العربي في الترم الازل و المواد الانجليوي ممتدة تتمتحنيها في الترم التاني كل مادة من 20 ..وفي قسم انجلزي بتكون التقديرات عالية نسبيا يعني مثلا بيكون في امتياز و كتير جيد جدا لان معظم الطلبة فيها بيكونو فوق 90% الكلية بيكون ليها مصاري حوالي 4000 جنيه بس بيكون في اعفاءات يعني مثلا الي بيجيب امتياز بيدفع 2000 بس و هكذا... واخيرا المستقبل...مستقبل الكلية كويس جدا واحسن من غيرها كتير خصوصا اللي بيجيب جيد جدا او امتياز لان بيكون في مجالات كتير للعمل اتمنى اكون افدتك |
اقتباس:
ميرسى أوى يا محمد وشكرا على الافاده:) |
انا جايب 92 % و داخل حقوق انجلش انشاء الله
|
اقتباس:
ألف مبروووووووووك وعقبال البكاليريوس :):p |
حقوق انجليزى بجد كلية تحفة تحفة بجد احسن من اعلام ميت مرة وسياسة واقتصاد انا متهيالى مش شرط الفرنساوى بس لازم تجيبى فى مجموع الانجليزى 85 وبتاخد كحد ادنى 92 في المية
|
اقتباس:
شكرا يا زبادو على ردك وربنا يوفقنا كلنا:) |
انا كنت عايز اسال هى مصاريف الحقوق الانجليزى بكام وشكرا يا Welcome وان شاء الله تدخلى حقوق انجلش
|
اقتباس:
يا ريت لو حد متأكد يفيدنا |
5 ألاف لعين شمس
و4 ألاف للقاهرة كل سنة |
بليو يا جماعة حد يرد عليا انا صحبتى جايبة مجموع كلى 86% و جايبة فى الانجليزى 46 و نص هينفع تدخل ولا لاء
|
اقتباس:
بصى هى جامعة ايه؟؟ على العموم فى عين شمس انا قدمت أنا جايب 88 % و45 فى الإنجليش الحمدلله انا قدمت فى الإنجليش عادى خالص بس هما هياخدوا منك الورق وبعدين هيقولوا ليكى هما يتصلوا بيكى وفى فى عين شمس تنسيق للإنجليش لوحدة لسه هيظهر فى اول 9 يدوب خلى صاحبتك تلحق تقدم وان شاء الله تقبل |
| جميع الأوقات بتوقيت GMT +2. الساعة الآن 11:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.