|
تعديلااااات خطيرة فنظام الثانوية العامة 2013\2014 :(
قال محمد سعد، مدير التعليم الثانوى بوزارة التربية والتعليم، أن القرار رقم 88 والخاص بتنظيم الدراسة والامتحان بالصف الثالث الثانوي، تم إجراء بعض التعديلات عليه، حيث كان من المقرر دراسة الطالب بالأقسام الثلاثة "علمى علوم، وعلمى رياضة، وأدبى" لستة مواد، إلا أنه بعد التعديلات أصبح هناك 7 مواد أساسية فى كل قسم، دون وجود أية مواد اختيارية.
وأوضح سعد، خلال الاجتماع الذى عقده المكتب التنفيذى لإتحاد طلاب مدارس مصر، بحضور أحمد موسى مدير إدارة الاتحادات، وأحمد بهاء الدين، الرائد العام للاتحاد الجديد، اليوم الأربعاء، مواد كل قسم والدرجات المخصصة لكل واحدة منهم. وأشار إلى أن هناك 3 مواد يدرسها طلاب الصف الثالث الثانوى جميعا دون إضافتها للمجموع "التربية الدينية، والتربية الوطنية، والاقتصاد والإحصاء"، و3 مواد يدرسها جميع الطلاب أيضا مع إضافتها للمجموع "العربى، واللغة الإنجليزية، واللغة الأجنبية الثانية". ولفت مدير التعليم الثانوى إلى أن مادة اللغة العربية خصص لها 70 درجة فقط بدلا من 100درجة، وسيمتحن الطالب المادة بورقة واحدة بدلا من ورقتين، واللغة الإنجليزية خصص لها 50 درجة فقط بدلا من 75 درجة، و40 درجة للغة الأجنبية الثانية بدلا من 75 درجة نظرا لصغر المحتوى الدراسى بها. أما مواد "علمى علوم"، فكانت الفيزياء، والأحياء، والجيولوجيا والعلوم البيئية، والكيمياء، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة". ومواد "علمى رياضة"، فكانت الكيمياء، والفيزياء، والرياضة التطبيقية، والرياضة البحتة، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة". وأخيرا مواد القسم الأدبي، التاريخ، والجغرافيا، وعلم النفس والاجتماع، والفلسفة والمنطق، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة". بصوا بقى انا عاوزة اشوف ارائكوا انا من ساعة ما سمعت الخبر ده و انا هيحصلى حاجة .. هو احنا ليه بيعتبرونا فئران تجارب:slap1qk6::stickjo4: ده فى طلبة ابتديت درووس .. حسبى الله و نعم الوكيل :(:mad::angry2::(:angry2::mad: |
المصدر ..موقع كايرو دار
|
جيولوجيا والعلوم البيئية ايه ولا رياضة بحتة دى كمان !!! حاجة تخلى الواحد يتجنن هو الناس دى معندهاش قلب لا وكمان عاوزيين يخلونا ناخد الاقتصاد و الاحصاء مادة غير اساسية هى ناقصة !!!!
|
اول حاجه شكرا ليكي على الموضوع
بس هوا ايه الفرق بين الرياضه التطبيقيه والرياضه البحته |
اقتباس:
|
ايه الهبل ده فى الاول كانت من 450 وبعدين 475 واخيرا بقت 400 ؟؟؟؟؟؟؟؟؟؟؟؟؟؟؟ انا حاسس ان كده وحش اوى الصراحة علشان يكون تعليم بجد ويدى كل واحد حقه المفروض العربى 200 الانجليزى 200 الفيزياء 100 الاحياء 100 الكيمياء 100 الرياضة 100 الجيلوجيا 100 الفرنساوى 50 الاقتصاد 50 الاحصاء 50 التاريخ 100 الجغرافيا 100 علم نفس وفلسفة 100 علشان كل واحد يعرف مستواه ويقضوا على موضوع 99% الكتير ده ويكون الامتحان 5 اسئلة اجبارية وتوزيع الدرجات كبير بحيث اصغر معلومة تكون ب3 درجات فى الامتحان وكل سؤال فيه 5 درجات للمتفوقين من اصل 20 بالنسبة لمواد التخصص مش النظام العبيط اللى الامتحان كله عبيط وفى الاخر اللى مذاكر 50 واللى مش مذاكر تلاقيه 49. التعليم بدأ يتخلف جدااااااااااا اكتر ما هو متخلف |
ممكن رابط الموضوع فى كايرو دار ؟
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
انا والله مش فاهمة بس يارب يطلع خطأ الخبر دا هيبقى ضغط علينا اوى انو يزودلنا الجيولوجيا أنـا أسمع انها صعبة وكمان الاقتصاد والاحصا !!
بس ف نفس الوقت هى حياجة كويسة انهم يقللوا درجات المواد خصوصا العربى اللى كان عليه 100 درجة .. ربنا يستر بقى انا علمى علوم امـا الرياضة بقى فمش عارفة يعنى إيه رياضة بحتة وتطبيقية دى !! ربنا معانا |
هو النظام مكنش عبيط هو الوزارة مكنتش بطبق صح كان كل امتحان بوجهة نظر المستشار اللي حطه
وبعدين مش كل الناس بتجيب 50 واللي مش مزاكر مش بيجيب 49 دفعة السنادي اللي مزاكر واللي مش مزاكر مجاميعهم نازلةوالامتحانات اصعب من اي سنة عدت بمعني اخر التصحيح زبالة ومش عادل ,,, وشكرا |
اقتباس:
|
ايوة يعنى انا عاوز افهم....
انا طالب علمى علوم حدرس عربى وانجليزى وفيزياء وفرنساوى واحياء وكيمياء ايه المادة السابعة بقى؟ |
إبني
عبدالرحمن امين اتحاد طلاب ادارة الوايلي - عضو المجلس العام لاتحاد طلاب المدارس - يقول ان اجتماع مدير التعليم الثانوي مع المكتب التنفيذي مجرد مناقشة ولم يصدر قرار نهائي بعد |
دة كلام فاضى وناس مش لاقية اللى يلمها كل واحد ييجى يجرب فينا شوية ويمشى
|
القرار اكثر من رائع ولكن ظلم لشعبة رياضة لان الرياضة البحتة تقيلة جدا جدا جدا
اما بالنسبة لعلمى فالموضوع بقى عادل جدا لان الاحياء لوحدها سهلة والجولجيا مش صعبة للدرجة دى انا عن نفسى اتمنى ان يكو الخبر صحيح |
بس حكاية ان الاقتصاد والاحصاء تكون على الكل دى صعبة شوية ومش ممكن تحصل
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
استاذ محمد سعد احنا قابلناه وطلبنا منه الطلبات دي تقريباً من حوالي سنتين (ايام ما كان في مظاهرات جامدة قدام وزارة التربية والتعليم)
كنا طلبنا منه ان درجات اللغات تقلّ فيما يخص علمي ، ودرجات المواد العلمية تزيد عشان هي الفيصل في دخول الكليات العلمية وتحديد المستوى انا شايف ان التعديلات معقولة نوعاً ما (بغضّ النظر إن تفكيري تغير وبقيت شايف ان اللغة العربية لازم يكون عليها اهتمام أكبر من كده ومحتوى اقوى) خصوصاً إن الموضوع اصبح متركّز حول المواد العلمية الرياضيات التطبيقية هي غالباً الميكانيكا |
اقتباس:
|
اقتباس:
المادة تاخد حقها بنوعية الاسئلة .. والناس تبطل الامتحان صعب |
اقتباس:
يارييت تقرا المشاركة كويس معروووف فى معظم امتحانات النظام القديم ان اسئلة التميز مش بتزيد عن 5 درجات من الامتحان كله منهم 3 درجات ممكن يتحلوا يبقى بيساوا اللى دور على معلوماته ومذاكرته من كذا كتاب وتعب وسهر باللى ذاكر نص مذاكرة وتلاقى فى توززيع الاسئلة قال نص نص نص نص طيب فى معلومة مهما كانت عبيطة تبقى بنص درجة ؟؟ زى ما قولت لما الاحياء مثلا تبقى من 100 و5 اسئلة اجبارية 20 درجة للسؤال نعرف نفرق بين اللى مذاكر صح واللى مذاكر نص نص بوضع اسئلة للمتفوقين فى كل سؤال اجبارى الدرجات هتكون 98...96...94 وهكذا فى باقى المواد بالتالى هيقضوا على المجاميع التكرارية الكتيرة اوى وكل واحد يعرف مستواه |
اقتباس:
|
من وجهة نظري : طالب علمي رياضة المستفيد الاكبر ، لان الرياضيات 2 عبارة عن بحتة ( جبر وهندسة فراغية وتفاضل وتكامل ) وتطبيقية ( الميكانيكا ) فمفيش جديد بالنسبة له
ده بالعكس هو اترحم من مذاكرة الجيولوجيا وبالنسبة له الاقتصاد والاحصاء هيكونوا اسهل أما طالب علمي علوم مش كل المدرسين بتدي درس احياء وجيولوجيا فممكن يضطر الطالب إلي انه ياخد درس احياء ودرس جيولوجيا ..... وبالتوفيق لكل الطلاب |
ربنا يستر ويقدملنا الاحسن يا رب
|
هو فين لينك الخبر
|
اقتباس:
|
اقتباس:
والله فرصتكوا حلوة اوى تجيبوا 100% |
اقتباس:
|
اقتباس:
|
اقتباس:
|
انا كطالب من طلاب علمى علوم شايف ان احنا اكتر ناس اتظلمنا بقرار زى ده لان كده حرام اشمعنا احنا بس اللى ندرس جيولوجيا وطلاب علمى رياضة لا هما مش علمى بردو اما بالنسبة لادبى مش هتفرق معاهم لان علم النفس والفلسفة مفيش اسهل منهم غير كده هما درسوا نص المنهج بتاع المادتين فى سنة تانية وهياخدوا انصاف المناهج الباقية انما احنا عمرنا مادرسنا جيولوجيا وهناخدها لاول مرة وكمان منهج كامل مع الاحياء انا مش فاهم الناس ديه بتفكر ازاى انا لحد دلوقتى مبداتش دروس وهبدا بعد العيد ان شاء الله وبقرار زى ده انا بفكر احول علمى رياضة وخلاص امرى لله لان ربنا بيقول رحم الله امرؤ عرف قدر نفسه وانا مش قد الكم ده من المواد وبكره حاجة اسمهما جيولوجيا لانها اخت الجغرافيا بالظبط وانا فاشل فى الجغرافيا جبت فيها فى سنة اولى ثانوى 16.5 درجة مع ان بابا مستشار المادة بس فى الازهر بس انا مش داخل علمى عشان يجيبولنا مواد ادبية يرخموا بيها علينا مش ناقصة صراحة انا شايف ان رياضة اسهل ولو القرار ده اتطبق بشكل رسمى هاخد قرارى واحول علمى رياضة بعد ما اتفقت مع المدرسين وربنا يستر والحمدلله الواحد متفوق فى الرياضة بس كنت داخل علوم عشان عندى امل ونفسى احققه بس بالشكل ده هيبقى صعب اوى وحسبى الله ونعم الوكيل فى اللى بيخطط وبيجرب فينا !!!!!
|
ابني عضو اتحاد طلاب مدارس مصر
بيقول الكلام ده مناقشة مفيش قرار رسمي صدر بذلك حتي الآن ولن نسمح بزيادة مواد الثانوية العامة |
اقتباس:
اولا احب اشكر حضرتك على اهتمامك وتقديرك لاهمية الموضوع بس احنا كده كطلبة محتاسين لانه خلاص هنبدا الدروس وفى ناس بدات بالغعل ومفيش قرار منظم للثانوية العامة للسنة الجاية فياترى هنفضل لحد امتى فى مناقشات واذا كان فى قرار هيبقى امتى ولاهيتم الاعتماد على القرار 88 القديم من غير تعديل ياريت حضرتك لو عندك اى معلومة تفيدنا وشكرا مرة تانية على اهتمامك |
اقتباس:
انتوا بتدرسوا نص المناهج يعنى سهلة جدا عليكوا انتوا مكبرين الموضوع اوى.يالهووووى :o |
اقتباس:
وكمان تانى مرة انتوا مالكوا ان شالله انتوا تدرسوا 60 مادة وهما يدرسوا 3 انتوا كلياتكوا بتاخد من مجموع وهما كلياتهم بتاخد من مجموع تانى خالص |
اقتباس:
الا ان مفيش حاجة اسمها اتحاد طلبة اصلا هما بياخدوهم كده تحصيل حاصل يعنى هما ميقدروش يعملوا حاجة فى اى قرار الوزارة تاخدوا .ولا الوزارة تسمعلهم اصلا |
اقتباس:
|
اقتباس:
يضيفوا منين يعنى معندكش غير منهج المستوى الرفيع ولو هيضيف كان قال بس مش هينفع عشان انت درست نص كتاب الميكانيكا وعشان يضيفلك منهج زى ده هيخسر ملايين فى طباعة كتب جديدة لحضرتك تانى حاجة انت بتقول ان احنا لينا كلياتنا و وانتوا ليكم كلياتكم ماشى متفق معاك بس لا قدر لو حد علمى علوم جاب مجموع مش قد كده واضطر يدخل كلية ادبية مش هيعرف لان بتوع علمى رياضة والادبى هتكون مجاميعهم فى السماء عشان موادهم اقل واسهل منه وبالتالى مش هيلحق حاجة ويبقى بخ يبقى اتظلمنا ولا لا ؟؟؟؟ |
اقتباس:
لعل وعسى يكون الوضع اتغير |
اقتباس:
|
يا جماعة انتوا فهمتونى غلط انا اصلا مخلص ثانوية عامة وبحاول اهديكوا واظبطكوا بس انتوا مش عارف كده مش على بعضكوا بصوا انا قولت قبل كده علشان تتفادوا اى قرارات غريبة تحصل من الوزارة استغلوا 2 فى مذاكرة 3 انا اقنعت ابن عمتى يعمل كده وكان بياخد معايا دروس 3 وبيذاكر هو 2 ابن الايه خلص الاحياء والفيزياء والكيمياء وقصة العربى والنحو والبلاغة وهو مأسس نفسه فى الانجليزى يعنى الواد ضامن الترتيب ع الجمهورية :av4056bb7jp3: على العموم اى استفسارات ...خناقات ..اشتغالات..ان شاء الله احاول اساعدكوا |
صعب انه نذاكر منهجين في سنة واحدة يا مالفوي احنا لو قدرنا علي منهج تانية اساسا يبقي تمام والوزير معندوهوش ادني احساس بال مسئولية كل وزير بيهد اللي عمله قبله وبيطلع قرارات من غير ما يرجع للطلاب او حتي المدرسين وكده بيحط اللي هيدخلوا علمي علوم في مازق لان منهج الجيولوجيا كبير وانا علم داخل تانية والله اعلم علي ما ادخل تالتة هيكون النظام عبارة عن ايه
|
اقتباس:
و خلى كمان بتوع الادبى يشربوا كل المواد مش يختارو السهل و يسيبو الفلسفة بس الوزير ليه مخلى الاقتصاد و الاحصاء اجبارى على علمى و ادبى المفروض كان يخلى الاحصا لعلمى و اقتصاد لادبى |
اقتباس:
ممكن تقولى القرا ساوى بين بتوع علمى علوم وعلمى رياضة ازاى !!!!!! وازاى بتوع الادبى شربوا كل المواد ماهما كده كده دارسين نص منهج الفلسفة وعلم النفس وهياخدوا انصاف المناهج الباقية اما بالنسبة انهم كانوا المفروض يخلوا الاحصاء لعلمى والاقتصاد لادبى فانا متفق معاك تماما فى الحتة ديه بس تلاقيهم عملوا كده عشان الطلاب كلها تدرس المادتين لان ده فى نظرهم افضل من الفصل بينهم وغير كده هما مش فارق معاهم حاجة ما احنا اللى هنلبس !!!! |
up
up up up up |
| جميع الأوقات بتوقيت GMT +2. الساعة الآن 11:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.