اللي رايحين اكاديمية الشروق
 

كل سنة وانتم طيبين وان شاء الله يكون عيد سعيد عليكم

كل اللى رايحين اكاديمية الشروق يكتب اسمه والمحافظه و المعهد اذا كان هندسة او حاسبات او اعلام , واللى عنده اسئله يحطها وهنحاول اللى يعرف يرد عليه

انا جالى حاسبات الشروق ان شاء الله ^_^
بس بجد يا جماعة خريجى حاسبات الشروق بيلاقو شغل زى الحكومى ؟؟ :(

حضرتك اغلب شغل حاسبات تقريبا بيكون في شركات خاصه مش هتفرق معاهم عام ولا خاص
اللى هيفرق امكانيات الشخص واهم حاجه تاخدي كورسات هتساعد جدا في شغل
وعلي فكره خريجي حاسبات عددهم قليل يعني دي فرصة اكبر للشغل

وان شاء الله ربنا يوفقك فيها

ربنا يطمن قلبك يا رب :(
اصل الناس كلها بتخوفنى منها عشان هبقى خريجة معهد و كدة :( مع انها افضل اكاديمية موجودة و سمعتها حلوة جداا :bosyht9:
طب معلش حضرتك تعرف حد متخرج من حاسبات منها هناك و بيشتغل ؟

أنا في رايح تالت سنة هندسة في الشروق و أعرف ناس هندسة وحاسبات اتخرجوا واشتغلوا سيبك من الكلام ده ..
هتنوروناااا :)

دة نور حضرتك :022yb4: :022yb4: ربنا يطمنك يا رب :)

اصل الكلام على موضوع خريجة معهد دة بيخوفنى اوى :(

اه انا اعرف واحد خريج حاسبات خاصه (مش فاكر الشروق او العاشر ) وشغال في شركة خاصة
بس بعيدا عن دا كله انا بشوف في النت وظائف كتيره لمهندسين برمجيات والمرتب بيكون في حدود 2000 الى 5000 الف حسب الخبره والشركات دي مش بتهتم اذا كان الشخص خريج معهد ولا كليه المهم شغله
وعلي فكره اعرف ناس للاسف مش بينجحوا اصلا لان حاسبات صعبه للناس الى مش بتحب الكمبيوتر والمجال دا , لو حضرتك بتحبي الكمبيوتر والبرمجه حاسبات هتكون ممتازه ليكي , كمان الشروق اعتقد ممكن تطلعك تدريب دا هيساعدك بدل الكورسات

مهندس احمد , حضرتك قسم ايه
وعايز اعرف نظام الدراسه هناك ماشي ازاي وطلاب بيتقسموا ازاي لان عدد اللى داخلين اعدادي اكتر من الف هو في مكان لكل واحد ولا ايه

ربنا يستر بجد انا تعبت من التفكير فى موضوع معهد دة و الله :(
بحب المجال جدااااااا بجد و كان نفسى تيجى حكومى بس الحمد لله على كل شئ :blush:
بس التدريب دة فى العاشر بس على ما اعتقد فى الترم التالت
هى الشروق كمان فيها تدريب الحمد لله :022yb4:

انا في حاسبات الشروق وداحل سنه تانيه ان شاء الله :)
لو عوزتي حاجه كلميني
وبالنسبه للخريجين ف انا اعرف واحد لسه متخرج السنه اللي فاتت وشغال وتقريبا بياخد حوالين ال 3

العبد لله متخرج السنادي من كمبيوتر ساينس الشروق ,,, بالنسبة لموضوع معهد او كلية في مجالنا الكلام ده مش بيفرق بالنسبة للشغل كل الموضوع متعلق بأنت كويس في ايه وبتعرف تعمل ايه حاولي تقري كتير وتركزي في حاجة معينة عشان دنيا البرمجيات ملهاش حدود,,نصيحة اخيرة بالنسبة للدكاترة خديهم علي قد عقلهم وخصوصا مجدي الحناوي :rolleyes:

ربنا معااااك يا رب :022yb4:
طب اية اخبار الدراسة هناك يعنى شرحها و مناهجها جامدة و لا اية النظام ؟؟؟؟؟؟
و هو كان شغال واسطة و لا طبيعى :(

مبرووووك يا بشمهندس :av4056bb7jp3: :av4056bb7jp3:
عقبالنا يا رب :022yb4:
طب اية نظام الدراسة هناك جامدة و بتفهم و لا اى كلام و مع نفسك كورسات :(
( مجدى الحناوى ) ربنا يستر :d
مجال البرمجة واسع فعلا و تحفة فى نفس الوقت :) :) بس رأى حضرتك اية اكتر مجال احسن بالنسبة لفرص العمل فى مصر ؟ :)

انا جالى هندسة الشروق بس عندى مشكلة بالنسبة للسكن

بالنسبة للدراسة هتلاقي اسم المادة حلو وجميل تيجي تشوفي المنهج اللي الدكتور بيشرحه هتلاقيه تقريبا شبتر او اتنين من مناهج ال Mit والناس العملاقة في المجال ده بس ما عدا الدكتور احمد العباسي هينخفوكوا بالحفظ وطول الكورس بتاعه بس امتحاناته بتبقي سهلة من الاخر ودكتور احمد قبودان ده راجل من العلامات في الشروق لازم تستفيدي من علمه رجل علامة بمعني الكلمة " من الاخر لازم تقري كتير مع نفسك واكيد هتحتاجي كورسات وده هيبقي تبع ميولك انتي عايزة تشتغلي في ايه
بالنسبة للمعيدين هتلاقي بشمهندس احمد سرور و مها طلعت ومحمود عيد دول لازم تحضري معاهم محترمين جدا وهتسفيدي منهم
بالنسبة للشغل عندنا في مصر اكتر حاجة ماشية هي الويب والموبايل لانه سوق تجاري بالدرجة الاولي

حضرتك بالنسبة للسكن في الشروق انا سكنت هناك 4 سنين بالنسبة موجود المدينة الجامعية بتاعت الاكاديمية بس نصيحة لوجه الله حاولي تخليها اخر اختيار عشان سكنها متعب بمعني الكلمة
لازم تروحي الشروق وتحاولي تشوفي بنات اللي بيسكنوا وهتلاقي بنات كتير بتدور علي سكن في الفترة دي السكن ده بياخد بالظبط 10 دقايق مواصلات لحد الاكاديمية

انا داخل حاسبات الشروق
 

انا جاتلى حاسبات الشروق وانا بحب مجال البرمجة والتقنية بصفة عامة ومتابع لكل جديد من فترة طويلة جدا واكتر حاجة مريحانى نفسيا ان المناهج فى حاسبات مناهج عالمية ودى نقطة مهمة جدا وهتريح الواحد من فزلكة الدكاترة وكمان فى ناس طمنتنى ان الدراسة فى الشروق والعاشر ممتازة واحسن من بعض كليات الحاسبات الحكومية
انا عملت الجروب دا لاى حد داخل حاسبات الشروق اهلا وسهلا بيه
groups/509724165763152/

لا عاديه والدنيا سهله

لو عايزه تبقى كويسه ف حاجه اشتغلى كورسات من النت والكلام ده كله وكده كده اول ما تخشي ان شاء الله هتلاقينا ف استقبالك ونقولكوا تعملوا ايه :)

انا هبقى موجود من اول يوم ياجماعه

انا اسمي احمد عبد الفتاح وانا ف اتحاد الطلاب ,,

لو اي حد عايز يسال ع اي حاجه يقدر يكلمني ف اي وقت انا موجود :)

http://www.facebook.com/ahmedafatah95

انا دخلت حاسبات ومعلومات الشروق "علوم حاسب" رغم اني جايب 90 % وكنت ممكن ادخل هندسة بس انا شايف ان الحاسبات افضل من وجهة نظري انا لاكن من وجهة نظر المجتمع ان احنا فشلة وجامعات خاصة ولما نتكلم مع حد منهم بيعرف هو قد ايه كان تافه :)
انا لسه داخل اولي وربنا يكرمنا ويوفقنا يارب