موضوع يا ريت يفضل مفتوح
 

:confused:بسم الله.........يا جماعة طبعا كلنا عيشنا ايام لذيذة ...كتير منا بيحبوا صحابهم....كتير برضضه اتصدموا فيهم...........انا نفسي لقيت ناس جدعان .. وناس يدوب ..مذكراتي وكشاكيلي ووبعد كده ملاقيهمش ......
ماتيجوا نفضفض
النتيجة قربت ومفروض منشيلش حقد لحد انا عن نفسي هادخل هنا واقول واوصف شخصية ساعدتني وانا ميين ليها .. وشخية استغلتني ..وانا مو طايقها
بس بشرط كل الي هيوصف هنا اي شخصية وحشة يطلع مسامحها ...يعني هنسامح الناس الي استغلونا بس بعد ما نفضفض ونقول الي في نفنا ..وبعد كده العين بالعين ...
وادينا بنملي وفت فراغنا

انا هاتكلم عن وحدة صحبتها اوي واستغلتني اسمها نهال

انا عن نفسي مفيش اي واحده صاحبتها طلعت كويسه موش عيب فيا بس انا دايما موش هقولك بعملهم كل حاجه بس انا بحس انهم طلبوا مني طلب ليه معملهوش انا اهلي كانوا بيقولوا عليا عديمه الشخصيه يعني عشان اصحابي بيستغلوني في حاجات لمصلحتهم وبيعملوا معايا مواقف كتير قوي سيئه لدرجه الكراهيه بس انا دايما ببقي مسامحاهم يا تري دا عيب فيا ولا انا اللي صح؟

لأ طبعا أنتي صح الصح ...لكن برضه مش كل الصحاب وحشيين ..اكيد فيهم ناس مظلومين..وقد قال تعالي "وقليلا منهم يشكرون" يعني الناس الكويسة موجودين واحنا لازم ندور عليهم ....على فكره ...صفة التسامح دي صفة هايلة ....واكيد الشخص الي بيسامحكتير ده شخص عظيييييييييم اووي
انا شخصيا مبسمحش الا لو الى غلطان في حقي جاني واعتذر...ممكن تعرضي نماذج للشخصيات الى مو لذيذة دي ...من غير اسماء ..يعني ..احكي موقف ونشوف مين الى غلطان..

بصى الصاحب المستغل لصاحبه بلاش منه دى تبئه مصحباكى لمصلحه وبعديت انك متسامحه دة مش عيب ده يدل على طيبه قلبك والتسامح مايدلش ابدا عن انك معندكيش شخصيه بالعكس لكن فى حاجات ماينفعش التسامح فيها

التسامح صفة عظيمة بجد ..اوحش حاجة فيا اني باخد وقت طويييييييييييييييل اوي على ما اسامح

لا يا اية ..متبقيش قاسية ..لازم تعرفي تنسي عشان ربنا بيحب عبده المتسامح ..ازاي تسامحي وانتي لسه فاكره يعني... وكمان ميرسي اوي على ردك ورد اندر تاكر ...ويارب يا رب نجيب مجاميع عالية أمييين ...ونسامح كل الناس

اهم حاجه بتسامح فى الاخر بس طالما اغتذرك خلاص عادى

ان شاء الله هتسامح بسرعه

انا بتصطدم جامد أصلي فبزعل أويييييييييييييي

بص انت ممكن تكوت عصبى فعلشان كده مبتسامحش بسرعه لكن لما بتهدى وتفكر صح بتسامح

اهم حاجه انك تقدر تسامح

انا كتبت حكايه ودي طويله قوي وفجاه بعد ملبعت ارسال متبعتتش اكتبها تاني ولا في طريقه استعيدها

في برضه مثلا يعني صحبتي اهي واحده مع ان كلهم كدا لا اتصال ولا رنات ولا تطمن عليا حتي وساعه ماتبقي عاوزه حاجه ان كان بقي كتب ورق درس معين حبيبه قلبي وانا الصراحه عادي بساعدها بس انتي كنتي فين قبل كده مانا كنت عاوزاكي وقبل كده قلتلها اتصلي عليا عشان انا عاوزاكي في حاجه واحنا تليفوننا استقبال وفي اليوم دا كنت بعيط وتعبانه فعلا نفسيا ودي ولا كاني صحبتها ولا اي حاجه في حين انا والله بتلاقيني دايما جنبهاوموش هي دي بس لا واحده تانيه بس هزاتني بقي في الشارع وكانت متضايقه وهي برضه نفس الحال الاولانيه وبقولها مالك يا بنتي في ايه انت مالك سيبيني في حالي مالكيش دعوه اتصلت عليها في البيت بعد مارجعنا علي اساس اطمن عليها رجعت ولا لا وقلت معلش يمكن فعلا في حاجه تعباها قفلت السكه في وشي ومتصلتش غير لما كانت عاوزه تحجز درس ودا طبعا عن طريقي يعني بس صالحتها بعد كده

والحاجه اللي كانت تعباها الثانويه العامه

زى مقلتلك الصاحبه الى زى دى مالهاش لازمه قلتها احسن لانهم ملهمش دعوة بالواحد الا لما يعوزه يعنى زى مانتى قولتى بالظبط لكن التسامح موجود فى حاجات طبعا ماينفعش فيها التسامح لكن فى حاله صاحبنك دى خففى علاقتك بيها وحاولى متكلميهاش خالص

انا والله ما بحاولش ابين اني كويسه علي طول لكن انا فعلا بقول حاجات حصلت ان جيتوا للحق انا كنت عاوزه حاجه زي كده انا تقريبا ما بحكيش لحد حاجه ودايما كتومه وبعيده عن اهلي واخواتي تسالني ليه اقولك معرفش عاوزه بجد حد يقوللي ازاي اكسب صداقه اهلي مع اني جربت كل طريقه بس موش عارفه هل المشكله فيا اني بخاف منهم ولا فيهم لانهم ماحاولوش يربوا مني موش عارفه

بصي بقي ....ممكن تكون كانت عندها ظروفمنعها انها تطمن وتتصل ..لازم نلتمسالأعذار...لكن...كل الامور لما تنخبط بلكن بتتلخبط..انتي لازم تواحهيها تقوليلها ده في وشها ..اعتذرت اوكيه ..ما اعتذرتش اريح...التسامح كويس اوي لو متحولش ضعف ..

علشان كده حاولى تقربيى من اهلك و خصوصا لو عندك اخت بنت او اخ ولد حاولى تقربى منهم تكلميهم وتشوفى رايهم هبفرق معاكى كتير اوى حتى لو هما ماحولش يعملوا كده انتى حاولى مش هتخسرى حاجه

وربنا يوفقك

انتي كويسة اوووي بجد ومدام بتسمحي كتير اكيد ربنا راضي عنك ...ونصيحتي ليك ان اي واحدة زعلتك جامد .. تروحي وفي وشها تقوليلها الي مزعلك منها وبعد كده خلاص اعتذرت نرجع اصدقاء معتذرتش ..خلاص..........
يا ريت كمان مو انتي بس كلنا كل صحابي الي على الموضوع نقرب اكتر من ربنا كل المشاكل حتزول ..ايه رايكم نعمل نظام نخلص القران قراة قبل النتيجة ما تطلع

بس انت عارف هي لو قعدت شويه عشر دقايق مثلا اقصاها ربع ساعه مكنش هيحصل حاجه انا كلمتها قبل كده وكانت عندنا حاله وفاه وسمعتها ليه هي متعملش كده لعلمك انا موش متضايقه منها لان فعلا جايز تكون عندها ظروف فعلا منعتها من انها تكلمني بس موش الموقف دا بس صدقني دي مواقف كتيره وانا كتبتها بس المشكله اني كتبتهم وبعد كده بعتها بس متعرفش بقي راح فين

انا موافقه

انا شخصيا بحب صحابي جدا ومش بحب ازعل حد منهم انا لما بتنرفز على حد بيكون غصب عني وبادني متضايقة اوىىىىى لحد لما اعتذر لها لكن الغريب ان الاشخاص الى بتضايقنى بابقى كرهاهم وباحاوا ابعد واحسسهم بكدة بس دايما يبقو مش حاسين
والي بيضايقنى ان انا باتعامل مع اصحابي كانهم ناس اعرفهم من زمان اما لو جيت على قرايبي تلاقي العكس لية مش عارفة اصل انا مش بندمج اوى معاهم ودايما بيسالو ويتدخلو في حجات انا مش بحب حد يتدخل زيادة عن اللوزوم والمفروض ان كل واحد يعامل الناس زي ما بتعاملة معلش طولت عليكم اخيرا ربنا يسترها في النتيجة وكلنا ان شاء الله نحقق املنا

على ايه بالظبط

طب انا حكيت ليه انتوا ما حكيتوش انا عاوزه اسمعكواومتشكره قوي علي ردودكم انتوا عارفين انا لما حد بيعمل معايا موقف وحش انا عن نفسي اه ببقي وقتها زعلانه بس دايما بقول سامحيها عشان بعد كده ربنا يسامحك جايز الواحد يفكر ويقول كرامتي بالعكس انت كرامتك محفوظه بس لما انت تسامح وتنسي هتحسس اللي قدامك فعلا بالغلط بتاعه وهيحس باندم بعد كده انا جايز الصديقه الوحيده اللي انا مصاحباها الصراحه يعني هي موش بنت لا هو راجل ويبقي صاحب بابا وفعلا بحس انه بابايا صدقوني بجد التسامح جميل قوي علي العموم انا عارفه اني طولت عليكم قوي هو موش قوي وبس هو انا رزلت بس الفكره عجبتني فعلا دا رسولنا قال خيركم من يبدا بالسلام ماهي معناها سامح انت وصدقوني بجد فعلا والله والله ربنا هيسامحك علي حاجات كتيره غير كده برضه عشان لو حد زعلان مني برضه يسامحني عشان انا اخاف اموت وحد غضبان عليا تصبحوا علي الف خير بقي انا عن نفسي هدخل بكره لو موش عاوزني انا مستعده مدخلش السلام عليكم يا شباب

علي قراه القران كله قبل النتيجه فاكرني مجنونه ولا ايه؟

سكرة شخصيتك حلوة اوووووووووووي ...الناس الي بتضايقك لازم تقوليلهم في وشهم ...مش تحسسيهم لان معدش في احساس اصلا..وممكن بقمة الذوق والاتيكت ..نقول انا زعلانة من حضرتك عشان موقف كذا ..وبعد كده نسامح...مش نفضل شايلين ..حلو اووي انك بتتعاملى مع صحابك كانهم ناس من زمان ..لكن برضه اكيد في حد في قريبك ..بس انتي مو واخدة بالك ...ربنا بوفقنا كلنا ويهدينا كلنا يارب

يا سلام لا طبعا هو المجانين هم الي بيقرو القران ...ده انا بقول نقرا عشان ربنا يباركلنا في النتيجة ويسترها والا بذكر الله تطمئن القلوب على العموم ميرسي

لا انت فهمت غلط

لا طبعا ازاى دا انتى منورنا

وبعدين كل واحد بيبئه محتاج يحكى لحد وارجوا انك متكونيش زعلانه من حد

اندر تاكر حسسني وانا بقول موافقه اني مجنونه لانه موش عارف احنا بنتكلم عن ايه فهمتني ولا لأ لو سمحت رد عليا ومتفهمش غلط

لأ انا موش زعلانه صدقني تصبحوا علي خير هدخل انام

لا لانى سئلتك من شويه موافقه على ايه ومردتيش
وانتى من اهله

وانا بردوا داخل انام

تصبحوا على خير

انا خمس دقايق اقطر واحاي احكي.......وايه يا جماعة محدش قال رأيه اننا نختم سوا القرأن فبل النتيجة عشان ربنا يستر و يوفقنا واعصابنا تهدي...ايه مو عجباكم الفكرة

صحبت تلك الشخصية اوي...بجد بجد ..كانت شخصية جدعة...وبعديييين...زعلت على حاجة تافهة...واتصلحنا بعد كتيير...المهم...كان في مسيو هي دايما بتشتموا وتقول استحالة اخد عنده وياما اتناقشنا في الموضوع ده....وبعدييين اتصدمت جامد لما لقيت الشخصية دي تاني يوم معانا في الدرس كنت همووت ولا قالت ولا اي حاجة ...مش قادر اسامح ... وهي كمان مش اعتذرت ...ايه رأيكم

انا كرهتهم كلهم معلش مش هقدر اكلم

السلام عليكم احب اقول لمصطفي اني موافقه علي ختم القران معاك وممكن نبقي نحدد مع بعض النهارده ان شاء الله دا اولا ثانيا انا اظن ان البنات كلهم لأ موش كلهم صراحه معظمهم لما حد بيضايقها بتتضايق بسرعه بس بقي بتفرق من واحده للتانيه ممكن بنت تكتم غضبها دا ومتظهروش يعني عشان محدش يقول عليها اماصه لا وفي بنات بقي العكس متكلمكش وتخاصمك وتعمل حاجات تضايقك فتردهالك وفي برضه في نفس الوقت واحده تبقي متضايقه منك وموش عاوزه تكلمك ومخصماك ومتضايقه بس لما تصالحها خلاص يبقي خلاص ياباشا المسامح كريم انا بشوف كده من زمايلي ولعلمك الميس الدين بتاعتي قالتلي الكلام دا بالضبط برضه لكن زميلتك وانا افضل لفظ الزمايل بين الاولاد والبنات هي موش قصدها انها تعمل حاجه زي كده موش قصدها تضايقك ولا تغيظك لأ معتقدش يعني ثم انا عاوزه اقول حاجه يعني دا انت اللي قلت ماتروحي تواجهيها طب ما تروح تواجهها وتسالها هي عملت كده ليه والله ان حسيت انها تستاهل انكم تبقوا زمايل خلاص خير وبركه حسيت انه مينفعش خلاص مع الف سلامه لان اللي بيضايق البنت فعلا كرامتها لو انت ضايقتها او انها ملقتش فرصه تقولك انها رايحه ودا الاحتمال اللي جايز ودا رايي يعني فمعلش المسامح كريم يا مصطفي وشوف راي اصدقائك التانيين اللي معانا والله اعلم

ماشي
 

يلا نبدأ بتلت اجزاء من الاخر

خلااااااااااااااص
 

بصوا يا جماعة ربنا ناعم علينا بالسمع والبصر والافئدة والفهم واجهزة الكمبيوتر وغيره وغيره الحمد لله الحمد لله ....
يعني مش كتير اننا نقرا 3اجزاء في اليوم احنا فاضيين
النهاردة 0عم...قدسمع...وتبارك...9
انا عندي فريبي في السعودبة يدعولي ويدعوا لكل الي دخل معايا في الموضوع وكل الي هيشتغل معايا في حكاية القران دي......معلهش مهتبعكوش اوووي لاني مسافر بس هحاوول اخش كل شوية ...اشوف حكاية القران دي مشيت ولا ايه
وفقنا الله جميعا
سلام وابقوا ادعولي
السلام عليكم..................

اول حاجه احب اشكر ال حط الموضوع لانه بجد جميل
بالنسبه للموضوع فى انا بقول ان صفه التسامح صفه حلوة اوى لان احنا فى دنا لازم نسامح ونسامح
بجد حلو اوى لما نخلى قلوبنا بيضه تجاه الناس
وبجد يا جماعه الموضوع خطوة حلوة لى اى حد عمرو ما فكر انه يسامح حد يمكن كان غلطان فى فى يوم من الايام
حلو بدا صفحه جديده مع الناس ال يمكن غلطو فينا وجرحونا
بس دا ما يمنعش ان يكون فى شى من الحذر من الشحص دا
وبالنسبه للسوال فا انا الحمد لله عمر ما حد استهذء بيا او استغلنى
الحمد لله انا علاقاتى حلوة اوى مع الناس
لانى بحب اعامل زى ما احب انى اتعامل

بس

.................................................. ...........
 

ميرسي توتي لوف....انا داخل من لاب توب واحد قريبي وافتكرت اني هلاقي حد ينعش املي في حكايةة القران دي...اتكسفت..عمال اقوله عامل شغل جامد....يلا...سلام بقي استمتع باجازتي

ربنا يسترها...ربنا يباركلك في ولدتكيا بوسي وفيكي كتيير اوي بيتكسف يحكي لولدته....عموما سلام جميعا

انا بقى صحابى دول حيوانات.ومش كلهم يعنى.اتنين بذات منهم.الاتنين دول بيستغلونى استغلال سئ جدا عشان انا كنت عبيط من فترة قريبة كده فى حكاية الفلوس دى.انا الحمد لله رب العالمين مش محروم من اى حاجة ومبسوط جدا بعيشتى ومرتاحين ماديا يعنى والحمد لله رب العالمين.لكن هم عينهم ذى القناصة مبترحمنيش وبسبب حسدهم شربت حاجات جامدة شوية من تعب بقى وزهق وارف يعنى كانت فترة وحشة لما كانو بيحسدونى فيها يعنى.لكن انا قلبى ابيض جدا ومسامحهم كلهم باردو وربنا عارف.وشكرا على الموضوع.

جميل منك يا دكتور 2008 انك تسامحهم بصوا يا جماعه يعني اه احنا عاوزين نصاحب ناس كتيره ونبقيايد واحده بس لازم اللي انت بتصاحبهم دول تبقيحذر منهم انا بعملكده دلوقتي لان محدششعارف اللي فينفوس الناس مهما كان قدامك كويس اه اصحاب بتحبوا بعض بتخافوا عليبعض مافهاش حاجه بس نبقي حذرين ومتيقظين شويه ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه...............جري ايه يا ymymym نمتي علي حكاية حفظ الرأن يعني ..........عملتي ايه في النتيجة

لا ما نمتش انت اللي ما بتدخلش غير كده انا بقرأ قران مع اخواتي لو عاوزين ابقي معاكم انا عن نفسي مستعده فورا وعشان ماتقولش جري ايه يا يميميم خلاص خد انت الجزء الرابع والخامس والسادس وانا هاخد الاول والتاني والتالت اوكيه بس خليك جدع وكمل وانا قلتلك اني موافقه ونبتدي من النهارده النهارده يوم التلات يبقي تخلص كله الاربعاء اللي انا قلتلك عليه ماشي هتلاقيني كل يوم الساعه تلاته الصبح موجوده

فعلا يا يم يم يم انا معاكى فى كلامك لازم نكون حريصين ومتسا محين فى نفس الوقت

لان فعلا محدش يعرف الى فى نفوس الناس

مش معنى كده انهم كلهم وحشين لا اكيد زى مافى الوحش فى الحلو واكيد انتى فى شخص معين وشخصين انت بتستريحلهم و ويكونوا اصدقائك او زى اخواتك وتكون اسرارك معاهم ده حلو جدا بس اهم حاجه تكون واثق فيهم ومافيهمش طبع الخيانه

يا اهلا يا مرحبا بالناس الحلوين

مرسى يا قمر

ها ايه الاخبار عندك اى مشكله ؟

لا ابدا عادي انا كان نفسي ادخل هندسه وربنا موفقنيش وانا داخله مرحله تانيه موش اكتر تخيل اصحابي بعد ما خلصنا امتحانات ولغايه يوم النتيجه ما اتصلوش عليا وفي يوم النتيجه نفسه قال ايه رايحين يتصلوا عليا عشان اجيبلهم النتيجه انت رايك ايه ؟؟؟؟؟؟؟؟؟؟؟؟؟؟؟ غريبه صح موش كده انت عارف يا اندر تاكر انا مين صحبتي بنت اختي اللي عندها سنه ونصف بحسها بتفهمني ساعه ما ببقي متضايقه بلاقيها تيجي وتعض تمسح دموعي والله ما بهزر ولما ابقي فرحانه بتضربني اقلام علي وشي دا علامه الفرحه عندها تضرب علي الوش وتقول هيه عسوله قوي اظن دي هي اللي انا اضمنها والله انها تكون صحبتي وبحكيلهل علي كل حاجه عمري ما خبيت عنها اي حاجه وانت ايه اخبارك وانت عملتها عند مين اسمه ايه الدكتور يعني؟