![]() |
مهزلة كتاب bit by bit سنة خامسة والسبب وزارة التربية والتعليم
نزلت لاحد اشهر المكتبات للسؤال حول كتب bit by bit للمرحلة الابتدئية منهج time for English وتفاجئت ان موظف المكتبة يقولي الى نزل هو كتاب الصف الخامس ونزل اول ثلاث وحدات فقط بمبلغ سبعة جنيهات طبعا اهو مكسب ينزلوا كتاب تاني بعشرة جنيه ولاحاجة يبقي كده عملوا مكاسب هائيلة وطبعا الاهالي مصدقت الكتاب نزل واشترته
الكارثة فين , انا اصلا مدرس انجليزي فى احدي مدارس اللغات وادرس منهج English time الى هو نفس المنهج الحالي ولكن بطباعة اسوأ وتطبيقه على سنوات المرحلة الابتدائية مباشرة دون تدريج , اشتريت الكتاب من اجل معرفة هو عمل ايه لتأكدي ان الوزارة لم تنزل اصلا مواصفات امتحانانية كما انه اصلا لم ترسل نشرات للمدارس بتغير المناهج او حتى عقد دورات تدريبية للمعلمين بالمناهج الجديدة , طبعا الكتاب الى نزل لاانصح به احد الان لانه مجرد كلمات لاول ثلاث وحدات واسئلة من ابداع المؤلف لان اصلا مافيش مواصفات وبالتالي اكيد سيضطر الجميع شراء نسخ اخري تكون فيها مواصفات الامتحانات الجديدة نصيحة بلاش تشتغلوا من الكتاب مع الاولاد حاليا الى ن تتضح الرؤية , وكل سؤالي لماذا لم يتم الكشف عن مواصفات الامتحان ولمناهج الجديدة وهل هى سر حربي ؟ ام انه كالعادة يقع الشعب فريسة لاطماع اصحاب الكتب الخارجية لتحقيق مكاسب على حساب الاهالي الفقيرة |
لو عاوز رائ كتاب Myfriend تبع سلسلة قطر الندي ممتاز و العيب اصلا علي الوزارة اللي موفرتش الدليل ولا الموصفات ولا التدريب الخاص بالمنهج
|
وياما نشوف ونسمع مهازل اكتر من كدة
|
مش هو ده اللى الانقلاب ...... ولسسسسسسسسسسسسسسسسسسسه
|
بارك الله فيك
|
و الله انا ساعت ما شوفت الكتاب ده و شوفت مواصفات الامتحان اللى فيه عرفت ان تعليم اللغة الانجليزية باظ و ها نشتغل محفظين مش معلمين الله يحرق الوزير على اللى فكر يغير المنهج بالطريقة دى تصوروا اول خمس اسئلة فى الامتحان استماع و اسئلة الاستماع اسئلة خطيرة معقولة تبقى استماع ازاى بس و مفيش اختيارى فى الامتحان و لا قطعة و لا ترقيم و امتحانات هباب |
اتفق معكم تماما
لكن بما ان نحن مصريين وهذا قدرنا الحل نحفظ لاولاد الكلمات ونذاكرهم قواعد بشكل عام حتى تصل المواصفات |
فعلا الكتاب من اسوأ ما رأيت واخراج الكتاب سئ جدا للاسف الواحد فى الحصه عمال يلف ويدور ومش عارف اوصل لهدف للدرس حسبنا الله ونعم الوكيل
|
المؤلف كان بيبدع ولكن المواصفات زى امتحان خامسه السنه الماضيه والكلام ده من مستشار فى التربيه والتعليم
|
بالنسبة لي اشتريت سلسلة قطر الندى اولى ورابعة وخامسة وسته لكن للاسف بردوا واضح إنهم كانوا مستعجلين جدا علشان يلحقوا السوق وهو فاضي فخرج الكتاب بتنسيق جميل ومحتوى ضعيف وأخطاء كتير جدا في معاني الكلمات . يعني لابد من الانتباه لمن سيستعمل قطر الندى لهذه الاخطاء مثل أن يكتب bin بمعنى دبوس وهو pin والمصيبة الاكبر في المعاني العربية غير الدقيقة
|
للي بيقول انقلاب
المنهج مقاوله اخوانيه بحته اخدوا المنهج الي تم ايقاف استخدامه في المدارس الخاصه وتم التعاقد عليه في شهر فبراير الماضي و تم بدء الطباعه في شهر ابريل الماضي ايضا يعني لو محتاج توجه لوم لوم النظام السابق يا استاذ |
ازاي يعني مقاولة
ازي مقاولة يعني ؟؟ وهل عندك دليل على الكلام ده ؟
|
اقتباس:
انقلاب مين يا حاج انت مغيب فعلا اللى اصدر قرار تغيير المناهج ده هو ابراهيم غنيم بتاع الاخوان فى عهد الاخوان وكتب الحكومة بالمنهج الجديد كانت بتتم طباعتها من شهر فبراير اللى فات انت نايم فى البطيخ وجاى تقولى انقلاب ههههههههههههههههههههههههه |
معلش سؤال بس العيب دة ف كتاب سنة خامسة بس ولا كل الفرق
يعنى سنة اولى وتانية؟؟ |
كل واحد اخوانجى هيقول انقلاب وصاحب الخراب الاول للتعليم هو العبد الابق محمد ابراهيم صاحب تغير المنهج وبعدان يتمحكو فى الانقلاب
|
فعلا هو صناعه اخوانيه من شهر فبراير
|
اقتباس:
|
اول جروب يضم معلمى اللغة الانجليزية للمرحلة الابتدائية على مستوى الجمهورية
https://www.facebook.com/groups/513764125371988/ |
اقتباس:
لو سمحت يا مستر انا نزلت دليل المعلم من المنتدى بس مفيش فيه aims ,learning aids , new language ,...............etc هو بادئ warm up على طول فانا مش عارفه هنحضر ازاى على اى طريقة يعنى وبما ان حضرتك بتدرس المنهج ده فممكن تساعدنى ولو بنموذج تحضير لدرس واحد فقط وجزاك الله خيرا |
المسئول عن تغيير المناهج ليس الوزير
الوزير يعتمد فقط قرار لجنة تطوير المناهج وقرار تغيير المناهج خاصة للغة الانجليزية متخذ منذ 2010 و مناقصة الكتب الجديدة كانت فى أواخر 2010 فازت بها مكتبة الشروق أى قبل ما يمسك الاخوان و لذلك لم يوقف الوزير الجديد المناهج الجديدة لأن الاخوان ليس لهم يد فيها المشكلة الان أنة تم أرجاء تغيير مناهج الاعدادى للعام المقبل و ستتغير كلها دفعة واحدة المصيبة الحالية هو عدم تغيير مواصفات الامتحان للمناهج الجديدة حيث أن مستشار المادة يرى أن نظام الامتحان ليس لة علاقة بالمنهج بصفة عامة المنهج أحسن بكثير من منهج Hand in Hand و لكن أعتقد السبب الرئيسى فى التطوير هو توقف المعونة الامريكية عن دعم كتاب Hand in Hand لان قرار تدريس الانجليزى للصفوف الثلالث الاولى كان بسبب المعونة فقط و ليس خطة للدولة |
فعلا الكتاب من اسوأ ما رأيت واخراج الكتاب سئ جدا للاسف الواحد فى الحصه عمال يلف ويدور ومش عارف اوصل لهدف للدرس حسبنا الله ونعم الوكيل
|
اقتباس:
ياعم هوا كل مانتكلم في حاجة تقولولنا هو دا الانقلاب .. ماتغيروش الموضوع إحنا بنتلكم في حاجة تخص أولادنا .. |
اول جروب يجمع معلمى اللعة الانجليزية للمرحلة الابتدائية وكل المهتمين من مدرسى الاعدادى والثانوى والسادة الموجهين
https://www.facebook.com/groups/499220246834204/ |
انا مع احترامى لحضراتكم ان المعلم يرفض دوره كموصل للمعلومه فقط لان هو الوسيط بين المنهج والطالب
|
فعلا جميع الكتب الخارجية سيئة جدا وخاصة bit by bit وبعيدة جدا عن المنهج خاصة فى كتاب work book
|
كل الكتب الخارجيه السنه دى رديئه للغاية ولكن افضلهم واسوأهم هو " بت باى بت "
|
طب ممكن حد يشوف المعاصر و يقول لي راءيه فيه ايه ؟؟؟؟؟؟؟؟؟ ابني في سنه سادسه و لسه محتاره اشتغل معاه من ايه """"" ارجو الرد للاهميه
|
يا أستاذ الإخوان راحوا خلاص ها نفضل نعلق أخطاء الفشل عليهم لحد ايمتى؟ هذا يسمى تخبط الحكومة الحالية وانحطاط التعليم وضياع ابني وابنك وانت بتدافع عن حكومة فاشلة بسبب كرهك للإخوان!!!!!!!!! انسى الإخوان وأخطائهم القاتلة لأن عصرهم راح وفكر في من يخرب بلدنا تحت مسمى اليمقراطية
|
اوووووووووووووووووووف ع القرف يعنى خلاصه الكلام ايه الموجه مقاليش ان فى تغيير فى اي حاجه قال نزلى المناهج وهاتيهالى ع فلاشه ههههههههههههههههه بصراحه استفدت منه جامد قال تعليم وتقدم احنا فئران تجارب من يوم مااتولدنا لحد ماانموت وهما بيجربو فينا
ولا حد فاهم حاجه وكله بسطرمه وانتو بتتخانقو ربنا يصبر اولياء الامور ع الهم دا يلغو السنه كلها وخلاص هى بايظه بايظه اصلا |
معاك حق في كل كلمة قولتها
|
وللأسف أيضا سلسة نيو جيم كل تدريبتها وامتحانتها ليست على المواصفات المقررة من الوزارة.
ما العمل؟؟ |
أولا السلام عليكم ورحمة الله أرجو من الاخوة الكرام عدم الخلط بين السياسة والتعليم عايزين نكون عميين ونحكم على كل الامور بالعقل والجكمة والمنتدى بتاعنا لازم يفضل كدة شكرآ
|
أنا مدرس لغة إنجليزية وأنصح بالإلتزام بالكتابين المدرسيين فقط لإن فيهم تدريبات رائعة لكن الكتب الخارجية طبعاً شغاليين على نظام التلقين حتى فى المحادثات عمرك شفتوا محادثات بتتحفظ بدون فهم يا جماعة يا ريت تعملوا بالنصيحة أو إما تلجأول لكتاب فوق الرائع يسمى المحور لطلبة التجريبى واللغات فى تدريبات جميلة ومتنوعة إضافة إلى أنهم فاهمين شغلهم جداً والله الموفق . |
الأستاذ أمير الحرية هل يوجد كتاب المحور في المنهج الجديد؟
|
جميع الأوقات بتوقيت GMT +2. الساعة الآن 08:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.