|
كشف اسرار متفوقى الثانوية العامة موضوع متجدد95%- 98%
بسم الله الرحمن الرحيم السلام عليكم ورحمة الله وبركاته ملحوظات - ارجوا تثبيت الموضوع لارتفاع درجة اهميتة والشئ الاخر ارجوا من كل قارئ للموضوع ان كان مهتم ان يقرا كل كلمة فى الموضوع لان يعلم الله مدى فائدة وقدر كل كلمة فيه. -برجاء عدم الرد او التعليق عن اى مواضيع جانبية بين الاعضاء الرد فقط يكون عن الموضوع او المشكلات. -اتكلم فى هذا الموضوع للمرة الثانية المرة الاولى تم نقلها على هذا المندى بعنوان انا والمذاكرة وهواك لكن للاسف ومع احترامى لناقل الموضوع جزاه الله خير تم نقله بشكل وصورة خاطئةلكن قدر الله وما شاء فعل. -بكل صدق تقريبا لن تجد اى موضوع فى هذا المجال يقوم بتفسير العناوين بصورة موضحة تعين القارئ على فهمها لكن فى هذا الموضوع قمت بمراعاه ذلك الجانب بدقة . الدرس الاول صورة عامة من حق اى انسان مجتهد انه ينال الشئ اللى تمناه لكن للاسف الشديد ان للاجتهاد قواعد مبنية على الخبرة فان كان التعب والاجتهاد من انسان واعى وعارف اللى بيعملة ايه هيجيب نتيجة فعاله اما للاسف معظم الناس بتتعب على القاضى ليه؟!!!!!!!!!! للاسف لانه بيهلك طاقة كبيرة جدا فى مكان غير صحيح وكل شئ فى الدروس القادمة مش تستعجل. بكل صراحة لمعظم الطلاب المتفوقين اسرار وخطط تختلف من شخص لاخر ومن عائلة لاخرى ونقول فايدة الاسرار والخطط دى اية: -اهم شئ الخطط دى بتوفر الجهد -ثانى شئ بتزود التركيز -ثالث شئ بتدعم الثقة بالنفس وللاسف الشديد ان الاسرار دى بتورث من الشخص لاخوة او من الاب لابنة او الاقارب ولا تفشى على الملأ لان معظم الناس مش عاوزا حد يبقى احسن منها او من اهلها وطبعا الناس العادية : -واحد بيتمنى يدخل كلية محترمة لكن مش عارف ازاى. -واحد شايف ان الثانوية العامة دى كارثة وحاجة معقدة ...................... واحد جبان طبعا. -واحد مخة كويس لكن مش فاهم يعنى ايه ثانوية وبيطبش لغاية ما يتوه وينسى التركيز. -واحد مسكين عمال يزاكر ليل ونهار غلط ويتعب نفسة على الفاضى. لا......................... والله الثانوية العامة مش محتاجة الا حاجتين فقط خطط وجهد فيه عزيمة واصرار !!!!!!!!!!! دى سنة واحدة بس اللى هتتعبها وبعد كدا .........................../ انا بقا الحمد لله عاوز الناس كلها تبقى كويسة واهلها تفرح بيها علشان كدا جمعت كل الاسرار بتاعة الناس المتفوقة خلاص الدراسة فى الجامعة وقلت والله لاقولها على الملا لكن الناس بشرط ان يكون عندهم عزيمة . ليه هتعب فى الثانوية شوف كل شئ ارزاق من عند الله ومش بنقلل من قيمة حد لكن نبص بقا على الواقع انا بتعب علشان اكون انسان متميز الناس تقدر قيمتى عاوز ابقى دكتور دخلى كويس اعيش اهلى عيشة كويسة اتجوز دكتورة //مهندسة// وابنى يتفاخر بيا مع احترامى لكل الفئات لكن هذا هو واقعنا اليوم ابقى مهندس محترم محدش يقولى انتا معهد شروق او عاشر بالفلوس ملكش لزمة بتعب علشان ابويا وامى واخواتى يتفاخروا بيا قدام كل الناس الحاج محمد خلف الدكتور فلان بتتعب علشان تزيد من مكانه عيلتك اختك يخطبها دكتور محترم يقول عاوز اناسب الدكتور الفلانى .................... وبالنسبة للبنات اقل شئ يجيلك عريس فى مكانة كويسة وطبعا كل شئ ارزاق لكن فى الغالب الدكتورة بيجيلها دكتور عرفت ليه انتا المفروض تتعب دلوقتى علشان ترتاح طول عمرك . اول اقل شئ علشان تتعب من اجل حاجة ليها قيمة بدل ما اتعب فى معهد كفاية انتاجية اتعب فى صيدلة. قبل ما اختم اول درس نتفق على شئ ليكم عليا اى مشكلة مهما كانت ان احلها باذن الله بالامكانيات اللى موجودة وليا عليك انك تسمع كلامى فى حل حرف من اللى انا بقوله مش عاوزك تطور اضعب الايمان اتبع المنظومة بالظبط وقلى مشاكلك اول باول. محدش يرد على الموضوع الا بزكر تعديل او مشكلة عندة او اقتراح عاوز تشكر اشكر الله فقط |
الدرس الثانى تمعن فى كل كلمة
نظرة عامة على المجتمع وتاثيرة "مهم جدا" نتكلم كلام مش هتسمعة من حد نظرة المجتمع تختلف من بلد لاخرى لكن للاسف الشديد ان نظره المجتمع المصرى تبنى على مساله التفاخر بين الناس بمعنى انى بشتغل علشان اكون اكتر من فلان او علشان اشترى كذا او يتقال عليا كذا. ومن هذا الكلام بسرعة هتلاقى الكلام انا مش عاوز اكون احسن الناس لا اللى بيتقال انى مش عاوز حد يكون احسن منى من هنا يبدا الشر مبدا الخبث والتخابث . ومن مبدا الخبث تلاقى بقا كل واحد بيزاكر من ورا التانى ويوهمة انه مش بيزاكر علشان يدمر عزيمتة وصعب تلاقى حد بياخد بايد صاحبة المسكين ويدلة على الطريق الصحيح . نيجى بقا على اهم نقطة فارقة!!!!!!!!!!!! انتبه دور البيت والاسرة ليه فى الغالب والغالب يعنى مش كل الاحيان تلاقى ابن الدكتور دكتور او مهندس او أخو الواد الشاطر اللى دخل كلية الطب يتقال عليه ماشاء الله هيدخل ورا اخوه كليه الطبوالمدرسين يميزوه بين الطلبه علشان خاطر اخوه وتلاقيه فعلا دخل الطب وراه طبعا باذن الله ودا مش شرط فى كل الاحيان لكن فى الغالب بيحصل تعالوا معايا نفسر الكلام دا. التفسير: فعلا سهل جدا ان بن المهندس او الدكتور يكون متميز لكن مش علشان كلام الناس اللى بيقول ابوه مخه نضيف دا كلام الناس العاميين اصحاب الضلال انتا زيك زى اشطر واحس طالب لكن الفارق الوحيد هو تدعيم الاسرة ليك هو ابوة دكتور عرف يعنى ايه كلمة مزاكرة وازاى يزاكر فدعم ابنة التدعيم الايجابى الصحيح اللى فى مصلحتة مش اب كل شوية :انا عاوزك تدخل طب انا عاوزك عاوزك عاوزك ......استنى هو بمزاجك ابنك هيدخل الطب يا عم الحاج فى نظام للتفوق انتا ساعدت ابنك باية بالفلوس ****ها قول لابوك كل الناس عندها فلوس وبتصرف على عيالها مش انتا ابو العريف هل انتا يا حاج راعيت ابنك وهو بيزاكر بطلت تتخانق مع الحاجة وتدمر الحاله النفسية لابنك هل انتا ساعدتة بوقوفك جنبة نفسيا ولا كل شوية عاوزك عاوزك شايف ابن فلان. يا شباب اى حد ابوه يقوله شايف بن فلان// رد عليه بسرعة وقوله شوفت انتا الاول ابوه قبل ما انا اشوف ابنه رد على ابوك بالزوق والادب ومش تسكتله يدمرك نفسيا بمثل هذا الكلام قلة بن فلان ابوة عمله كذا وكذا هل انتا عملتلى كذا زى ما ابوه عمله علشان ابقى احسن منه بس بالله مش تبص على واحد ابوه جبله عربية والكلام الخايب ده لا بص على واحد ابوه جابله كتاب ابوه راعاه وهو بيزاكر بطل زعيق وخناق ابوه محسسة انه مهتم بالهمة الصعبه اللى هو فيها ..... كدا الكلام . التدمير النفسى من اولياء الامور اصعب شئ على الانسان انه يلاقى اهلة مضعفينة ومصغرينة ومقللين من كرامتة بين الناس فين الأب اللى يقف جنب ابنة حتى ولو غلط يقف جنبة قدام الناس ومش يجرحة قدامهم لكن جوة البيت ياخدة على جنب ويفهمة انه غلط والصح ايه وينصحة بلطف مش يهفة قلم على وشه قدام اصحابة والناس عرفتة يعنى ايه اب وام الواحد يعزهم لكن للاسف من الطفولة كتير من الشباب بيكون محطم نفسيا ضرب او انضرب ظلم او اتظلم دا يما اهله ضده ظلمت يضربوك ويشتموك انتا عيل مش متربى اتظلمت يهزؤك اية اللى خلاك تقرب منه بدل ما يروحوا يجبولك حقك. دا مش كلام/// فاضى دا بياثر على نفسية كل الطلبه لانة من هنا تاتى العزيمة والثقة بالنفس فى واحد يحس ان اهل بيتة معاه بيساعدوه ويعنوه يقوم يعزم اكتر مرة لنفسة ومرة لاهله علشان يفتخروا بيه وواحد تانى يحس انه اهلة مش مهتمين بانة فى سنة خطرة محتاجة الاهتمام والمراعاه وهى الثانوية **اللى يشغلى تلفزيون واللى يتخانق واللى يزعق ............ طيب الحل ايه؟ انتظروا الدرس اللى جى بالحلول |
مـــوضوع يستحق التثبيت الحقيقة مجهود رائع جدا .. بارك الله فيك وشكرا جزيلا اتمنى التوفيق لكل من فى الثانوية .,, |
:006et4:فعلا يستحق التثبيت كلام ولا اهم فى السنة دى
|
الدرس الثالث
الدرس الثالث حل المشاكل الاجتماعية اول هام علشان محدش يتساءل ويقول هى فين اسرار المتفوقين اولا للعلم بالشئ انا الان فى اهم نقطة تؤثر على الطالب فى الثانوية العامة وهى: 60% من مشاكل طلاب الثانوية العامة هيا فى الاصل مشاكل اجتماعية او ما ترتب عليها علشان كدا كان لابد وان ابدا بزكر بعض المشاكل الاجتماعية والحل النموذجى لها ونبدا مع بعض وركز برجاء التركيز هناك معلومة مهمة وهى ان فترة الثانوية العامة فرصة عظيمة لكل طالب انه يغير من نفسة للافضل ويصنع لنفسة شخصية جديدة قوية يحظى بها بالقبول بين الناس ازاى -واحد مش عامل لنفسة شخصية وكل اللى حواليه مستهترين فيه دى فرصتة الوحيدة انه يبدا يقوى من اسلوبة ويغير من نفسة لان فى الفترة دى القبول عند الناس تجاه الشخص دا بيكون فيه سرعة استجابة وغفران لما سبق . -واحد مقصر من حق نفسة ومش عارف امتى يكون انسان كويس ويكون ليه اهدافة يسعها ن اجلها الفترة دى احسن فترة ليه علشان يعمل لنفسة اهداف يلاحظها كل اللى حوايه ويساعدة فى تحقيقها. -واحد بيعمل اخطاء كتير ومش عارف يرجع عنها يقدر فى الفترة دى يغير من نفسة للافضل وهيلاقى الناس بتغفرلة وتبصلة بصة وقار واحترام. لان الفترة دى الشاب بيبقى فى مفترق طرق حياتة بالناس اللى حواليه بتبدا تلاحظ شكل حياتة هيمشى ازاى فمنهم من يلاحظ الطالب دا مثلا بدا يتظبط علشان خاطر عاوز يدخل كلية الهندسة مثلا البنت دى بدات تبقى عاقلة وتسيبها من الهبل اللى كانت بتعملة الواد دا كان بيشرب سجاير واتظبط لانة عاوز مجموع. اذا الحل يكمن فى فرض شخصيتك الجديدة على كل الناس اللى حواليك حتى ان اهلك اول ناس هيبدئوا يلاحظوا انك بدات تتغير وفى سر ركزوا معايا والله ان اهلك بدا يلاحظوا تغيرك للاحسن هيبداوا يساعدوك بغصب عنهم ويقفوا جنبك ويعطوك اهتمام وان وضح العكس انتا هتحس بعدم قيمتك وحقارة شخصيتك. فشوف اهم نقطة لازم تكون فى الطالب المتميز وسر من اسرارة هيا الثقة بالنفس واكتر من كدا بقا هو ايه فى وجهة نظر الناس وهتلاحظ الفرق : فى طالب لما يتكلم كل الناس تسمع وتنتبه لكل كلمة من كلامة وفى طالب تانى لما يقول رايه ويتكلم يلاقى الناس عاملة نفسها مش سمعاه دى ولا مدياه اى اعتبارودة وحدهاه كفيل بتدمير الشخص نفسيا ويبقى يقابلنى لو عرف يزاكر او يبنى خطة اذا مهمتنا من دلوقتى ازاى يكون رايى مسموع وشخصيتة قوية بين الناس وقبلهم بين نفسى. ازاى لما اتكلم يتسمع كلامى ولما حد ياخد الراى يرجعلى واهم من كدا اكون واثق من نفسى لما اخطط واواجه الموقف دا هينعكس عليك وتقدر تواجه اى مشكلة فى حياتك ومشكلتنا دلوقتى هيا مشكلة المزاكرة ورهبة حل الامتحانات ونظرتك لشخصيات الطلبة حواليك اللى هما زمايلك. نقول سر اكيد واجهتة: دايما هناك من اصحابك هتلاقى على وش اللبن قشطة يعنى خلاصة كل دفعة او جيل 5 او 6 عيال ما شاء الله معروفين من صغرهم انهم هما دول بتوع طب وهندسة وتلاقى دايما ان العيال دى شخصيتها قوية فى الغالب وعندهم ثقة فى النفس وعمر ما حد فيهم قبل على نفسة اى اهانة من حد من زمايلة ودايما لما تبصلهم تبدا تكون عندك رهبةمنهم و من الدراسة وتقول هما دلولى بتوع المجاميع واطب والهندسة وانا هتنيل على عين اهلى. هو دا السر شوية الطلبة وش الكريمة زى ما بيقولوا دولى هتلاحظ انهم متكتفين وعملين شلة مع بعض ويبداوا هما اللى ينشروا فكر رهبه المزاكرة ويحسسوك بالعجز كل ما تشوفهم صح ولا مش صح........ اكيد صح الدرس الجاى ان شاء الله هعرفك بقا ازاى تكسر حاجز الرهبة من شلة الطلبه دولى وحاجز الرهبة من المزاكرة والخوف الشديد من فتح صفحة الامتحانات والرهبة منها ............ وطبعا اكيد دلوقتى لو حد من الطلبة دولى قرا الموضوع نفسة يولع فيه وفيا لانة بيتلزز وهو متكاتف مع وش الكريمة وخلاصة الجيل وعمال بقا يتخابث ويحطم فى عزيمة الطلبة المساكين وفعلا بيوصلوا للهدف المرجو من مكر الليل والنهار . . . . انتظروا الدرس الجاى وبرجاء ارجع تانى اقرا الدرس دا بتركيز علشان خاطرى |
اقتباس:
|
الدرس الرابع
الدرس الرابع حل المشاكل الاجتماعية مع الاسرة بكل بساطة اقدر اقول اننا ممكن نتكلم فى الموضوع دا بالعقل ونفسر بالراحة معظم مشاكل الطلبة وشكاويهم وتردى روحهم المعنوية خاصة فى سن الثانوية بتكون نتيجة الضغط العصبى من الكلام بتاع امك ومرات ابوك ............ تيجوا نفسر بالراحة. ليه امك او ابوك ولازم نذكر الام الاول لدورها العظيم فى التدمير النفسى للواحد كل شوية بتسمم بدنك بالكلام بتاعها؟ التفسير ونركز : شوفوا السر يكمن فى عملية الفرق الكبير بين الجيل بتاع الاباء والامهات والجيل بتاع الطلاب الا ما ندر بمعنى الفكر والافكار وللعلم مهما حصل لابوك وامك ...............وركز مهما حصل فكرهم هو هيظل فكرهم مش هيتغير والحل فى المشكلة دى هو المسايسة تسايس امك وابوك خودهم على قد تفكيرهم القديم بالراحة اكيد ابوك اكبر منك بكتير فشوف التفسير الصحيح ابوك بيعاملك على اساس تفكيرة القديم ازاى::: نقول ازاى الفكر زمان بتاع الناس ان الطالب لو اتنصح او غيظتة بذكر طالب اشطر منه يقوم يتغاظ منه ويزاكر وكتر الزن ممكن يجيب نتيجة ودة كلام كان كان كان صحيح ايام زمان لعدم نضوج الفكر وعدم وجود تطور عقلى لكن دلوقتى الفكر دا غلط ********* معظم الطلبه اصبح فكرهم مختلف محتاج اللى يساعدة ويحس بية والااااااااااااااااااااااااااااااا هيعند هيعند ويعمل العكس ودا اللى بيحصل مثال ممكن واحد يتعقد ممكن واحد شاطر كويس يعند ويقول والله ما انا مزاكر .................... وهكذا فمعلش استحمل وهنقول دلوقتى ازاى. طيب لو كان هذا ابى ام تلك امى لكن من المتفوقين!!!!!!! تصور بدل ما امك عماله تسمم بدنك كل يوم بكلامها هيا بتعمل كدا علشان فعلا نفسها تشوفك انسان كويس او///// ركز او تفش غلها اللى انتا سببتهولها بقرفك لاهلك وعدم اهتمامك تقوم تفشة فيك عندا وتعكر دمك بقصد وفعلا انتا تستاهل بس دا مش صح لانها بكدا بتدمرك نفسيا كتر الكلام دا كفيل بتدمير اشد الطلبه تفوقا . لكن لو كانت الام كل شوية بتزن على دماغ ابوك روح هات للواد كتاب روح كلمة شوف الكتب اللى عاوزها ايه / ابوك من غير ما يقولك يقوم مفضيلك غرفة خاصة بيك ترتاح فيها لوحدك وتلم فيها كتبك وعدتك وسريرك لا حد يدخل عليك يعكر دمك ولا حد يلعب فى كتبك ........... بالله روحك المعنوية وقتها هتكون ايه وامك لو شافتك بتزاكر وحد طلع صوت تقوم تكله بسنانها وتقوله واطى الصوت البشمهندس بيزاكر . طيب هل ابوك وامك غلطانين؟ والله بكل صدق اقولك الحقيقة وهى والله لو اهل لاحظوا منك بالاجتهاد والعزيمة والله هيقفوا جنبك بكل قوتهم وان لاحظوا عليك الا مبالاه وعدم الاهتمام هتسمع الكلام اللى يسم البدن. طيب ازاى اعمل دا ؟ بكل بساطة مش تقلق ولا تشيل فى نفسك اعتبر انى اخوك الكبير وهتولى امرك بتسخير الله بعد معاونته وكرمة اذا مش هخليك تجهد نفسك ولا تخاف ولا تتوه العكس هبدا اشرحلك الخطط واقولك الاسرار وكمان الكتب اللى المفروض تزاكر منها وبس ومش كدا لا السر هفشيلك سر مفاتيح الكتب دى ازاى تزاكر منها وتركز فى محتوايتها وتقدر تحصل اكبر قدر من فايدتها وللعلم ناس كتير بتزاكر من كتب بطريقة غلط بيزاكر كتير لكن النتيجة الربع فمفتاح الكتب سر لا يعلمة الا الناس اللى قلنا عليهم . هنا وركز جدا فى تعاملك مع اهل بيتك كن حذر ابدا من الفترة دى قلل من الهزار وقلل من ظهورك بين الناس والاسرة دايما خليك فى غرفة المزاكرة بتاعتك ومش تقلق هنعمل جدول يوميا فكل دقيقة مش هتقدر تضيعها لانك عارف ان الدقيقة دى فى الجدول بتعمل فيها ايه اذا معظم الوقت تكون جوه غرفتك وهتلاحظ فى اول فترة مراقبة اهلك ليك وبجد فعلا لو لاحظوا انك ببتعب وتتغير للاحسن والله هيساعدوك صدقنى كل اللى حواليك هيساعدك . فشوف يبن الحلال السنة لسة طويلة بس الايام بتجرى لو بدات معايا ح وبعزيمة هتنجز وهتحس دا جوة قلبك ولو نفضت خلاص بالله مش تتعب نفسك وتفتح صفحة الموضوع لن مش ترجع وتقول ليه يا رب مش خلتنى مهندس زى فلان اتجوز وجاب عربية او دكتور زى فلان ........... تيقن ان ربنا مش بيظلم حد وسخرمى اساعدك. ولتانى مرة اللى عندة اى مشكلة يكلمنى على الخاص مش تقلق مفيش اى مشكلة فى الدنيا مش ليها حل ومش تياس مش عاوز متفوق ولا كنت متفوق لكن عاوزك بس عندك عزيمة وانتظروا الدرس القادم skype: Workstation1988 |
الدرس الخامس
الدرس الخامس كيف تحل عقدك بالراحة كدا عقدة الاسرة والتعامل معاها يعتبر الى حد ما حلناها عن طريق اجبار الاسرة على توقيرك واحترامك وذلك لما بيلاحظوا عليك بداية الاهتمام والتركيز فى المزاكرة مع الخوف والحرص عليها وقلنا كمان نقلل من الهزار وياريت من كترة التعرض للناس . نيجى بقا على عقدة مهمة وهيا ليه لما تشوف الطلبه اللى قلنا عليهم اللى زى ما الناس بتقول عليهم هما دولى وش الكريمة "الدحيحة" بتتعقد وخاصة وركز لما يتجمعوا مع بعض ويكونوا شلة وتيجى تقرب منهم تحس ان الدنيا معقدة وان بينهم اسراروالسكك تتوه والموضوع كبير وتحس بالعجز وان الناس دى معدياك بالف سنة وانا ضايع وهما اللى هيفلحوا. نفسر بلطف شوية: فعلا لو قربت من الطلبة دى هتحس بكدا فعلا ليه لان الناس دى قاصدة تعمل كدا فى بعض بيحاولوا يتوهوا بعض علشان محدش يسبق التانى وخد بقا عندك سر جبار وركز معايا وهو ان الطلبة دى بالحركات اللى بتعملها بتحاول تجس نبض بعضها مثلا يتارى احمد وصل لغاية فين فى مادة كذا يترى محمد بيزاكر المادة دى ازاى او من كتب ايه وكمان بالنسبة بقا للطلبة المساكين يبدئوا يبثوا فيهم روح الرعب والتوهان . طب الحل ؟ الحل يكمن فى كونك تصدقنى ان موضوع الثانوية العامة موضوع بسيط تعالوا نفكر مع بعض اية اللى بينك وبين اى حد من الطلبة الدحيحة؟ الاجابة علشان تتطمن هيا !!!!!!!!!! ورقة اسئلة الامتحان!!!!!!! هيا هيا نفس الورقة اللى بتتحطلة بتتحطلك وفى نفس الوقت ومن هنا بسرعة كل ما تشوفهم او تحس بقلة القدرة والامكانيات لما تقارن نفسك بيهم ارجع بسرعة وقول انا متاكد من نفسى جدا اعملوا اللى انتوا عاوزينة وبينى وبينكم ورقة الاسئلة حتى ولو حفرتم بير بترول دايما رددها انا واثق من نفسى هزاكر صح واتبع الخطوات السليمة وازاكر من الكتب اللى بتحقق اعلى فائدة واللى انا هرصهالك مش تستعجل. اذا الموضوع بسيط *هو دحيح مش تقلق هخليك دحيح اكتر منة باذن الله والعبرة مش بكترة وقت المزاكرة وانما العبرة تكمن فقط فى طريقة المزاكرة الفعاله الصحيحة وافتكر دايما وردد لنفسك قبل ما تحبط" اللى بينى وبنهم ورقة الاسئلة ودى مهمتى ". وبكدا اكون سربتلك سر عظيم عن شلة الطلبة الدحيحة وليه بيعملوا كدا فى بعض وازاى بيقدروا يسيطروا على الضعفاء اللى بيستسلموا ليهم لانها قاعدة اوعى تنساها " محدش بيحب حد ابدا يكون احسن منه " الا من رحم الله من الناس وهم قلة. بالله مش العقدة دى اتحلت خلاص |
للأسف فكرة حلوة تنفيذ سئ
الجواب بيظهر من عنوانه فكرة الموضوع حلوة لكن فيها أخطاء شنيعه !!
اقتباس:
اقتباس:
اقتباس:
|
الدرس السادس
.................................
|
سامحونى انا حاسيت بالموضوع دا انى ممكن اسبب خلل فى الطبيعة ما هو لازم يكون فى طالب متميز ومتفوق وطالب على قد حاله مش ينفع الطلبه كلهم يكونوا متفوقين والا اكيد هيحدث خلل فى الطبيعة بالعقل لو كل الناس عرفت الاسرار هتتميز وبكدا عدد الطلاب المتميزين هييد ويبدا الخلل وكمان انا بكدا هظلم الطلبه المتفوقة لان بدون تعب من الطلبة العادية ممكن يغطوا على تعب وجهد الطلاب المتفوقة دى ................ سمحونى اللى يقدر على شئ يعملة بنفسة ابحث بنفسك وشوف ايه اللى فى امكانياتك واطلع على الكتب وهيا جوة المكتبة وشوف اللى يناسبك منها ......................... والله الموفق والمستعان |
هيييييييح وح
|
اقتباس:
إيه الهرى دا :blush::blush: |
ياريت الموضوع يتثبت فعلا وعلفكرة الى بتقول عليه فى موضوع الدحيحة وكدة بيحصل حتى فى الجامعة يعنى موضوع للجميع ياريت يستمر لان عرضه كمان بطريقة مشاء الله متابعين مع حضرتك
|
وعليكم السلام ورحمة الله وبركاته ما شاء الله .. موضوع هادف وبالتأكيد لا يخلو من فائدة .. ورأي الطالب المتميز يكون له وجهة نظر معينة فلا بد من الاستفادة منها، حتى وإن رآها البعض غير شاملة لأن كل شخص يكون له هدف معين، والغالب في حال الطلبة هو ما يتحدث عنه الموضوع نتابع بشدة .. أكملوا بارك الله فيكم وجزاكم الله خيرًا تــم التقييم |
موضوع جميل جداااا وان شاء الله الجميع يستفيد بيه تحياتي :rolleyes::rolleyes: |
الدرس السادس وهو درس مخصص للبينين فقط اما للاسف البنات لانعدام المعلومات عن هذا المجال عنهم تقليل درجة المؤثرات العاطفية الملهية وكسر حدة الشهوة خلق الله الانسان وزين له الشهوات المتعددة وكما ذكر فى القرءان الكريم فهناك شهوة المال وشهوة النساء وامتلاك الانعام......... الخ فالشهوة لها معانى كثيرة لكن فى ارتبطت كلمة الشهوة ككلمة معرفة بشهوة النساء خاصة بين الطلبه ....طب ليه؟ نفسر بالراحة: علشان تفهم موضوع الشهوات دة لازم تركز معايا فى كون ان لكل سنة وله حكمة وشهواتة فمثلا الطفل مثلا شهوتة فى لعب الاطفال او اللعب من صحابه والرجل بعد التخرج بعدة سنوات يبدا يشتهى المال ويشتهى امتلاك السيارات والانعام ركز بقا ونظرا لان الطالب فى الفترة دى بيكون معول على اهله ولا يمتلك قوت يومة واشد من كدا ونتيجة الى الضغط العصبى والنفسى من صعوبة الفترة اللى هو فيها من مزاكرة ومراقبة الاهل والناس واشد كدا وركز وهو ان معدل النمو فى الفترة دى يكاد يكون اكتمل وفى قمة عاليه يبدا ضغط هذه الشهوة لانها فى المستطاع لدى الطالب فتتوحد قوه الشهوات عندة الى شهوة واحدة وهى تفريغ الضغط فى النواحى العاطفية وال***ية كما انه يؤهيا له ان فى طريق هذه الشهوه الراحة والهدؤء ........... وطبعا لو يفهم الكلام اللى جاى هيعرف ان دا بيلهيه عن بناء مستقبلة وتفريغ طاقتة فى شئ غير مفيد فى هذه الفترة. اذا الحل ايه؟ سر من اسرار الطلبه المتفوقة: طالما ان كلنا عارفين ان فى الفترة دى ونتيجة الضغط العصبى بتكون حدة الشهوات متجمعة فى نقطة واحد فشوف بقا الطالب المتفوق بيهرب منها بايه ................ العملية بسيطة جدا وهى ظبط النفس الطالب المتفوق دا اللى انتا بتقول عليه دحيح بيهلك كل طاقتة فى المزاكرة شوف بقا هو بيحاول يشوف اى حاجة بيحبها ويشتهيها يشركها مع شهوة النساء اللى عندة لغاية ما يوصل ان الشهوة او الشهوات التانية تفوق حدة شهوة النساء كمثال: -واحد شهوتة يعنى حبة ان يشوف اهلة مفخورين بية وانة راضاهم وافتخر بنفسة كونة دخل كلية محترمة زى الطب او الهندسة يقوم يشتهى المزاكرة لانها هى السبيل الوحيد لهدفة. -واحد تانى ممكن يشغل نفسة بحب التكنولوجيا والتطور يقوم فى اوقات الفراغ بعد المزاكرة يفتح النت ويقرا عن التكنولوجيا. -واحد بيحب الرياضة ومشارك فى منتديات يقوم يوجه بعد طاقتة فى حبها. . . . . الخ لكن هتسيب شهوة النساء والغراميات تسيطر عليك مش تقول اصل دا دحيح وانا عمرى ما هكون زيه لا تقدر واهو حلتلك مشكلة ممكن تستهلك نص طاقتك او اكتر . لكن نصيحتى فى كونك تشتهى هدف معين تحققة وتوجه اغلب طاقتك فى المزاكرة لانها هي السبيل الوحيد لهدفك. |
الدرس السابع تجهيز غرفة العمليات الخاصة (المزاكرة) اظن اننا بفضل الله كدا حلينا معظم المشاكل وفكينا العقد باسلوب عقلى بسيط بعيد عن التعقيد اذا من دلوقتى تسمى الله علشان هتبدا تزاكر مزاكرة لاول مرة هتشوفها وهتحس بمتعة جبارة ولذه وان الدنيا سهلة. فكرك هيكون ايه لو اديتك لفه خيط معقدة وملعبك مع بعضها وقلتلك فكها و لفها لفة مظبوطة وليك 100 جنية هتعمل ايه؟ -فى واحد مشكين هيتخض ويقولك يا عم بلا قرف بلاهم ال100جنية. -فى واحد تانى يبدا يفك ويفحر وهو عمال ينفخ وعمال بيقول ايه ام القرف دا وهبا يقوم ويقولى عاوز 50 جنية انا حاولت على قدر المستطاع. -فى واحد تانى ابن لئيمة من يومة بيمسك لفة الخيط الملعبك ويقول والله لو هدنى فى امك سنة هفكك باذن الله يعنى هفكك وبدا بكل بساطة يدور على طرف الخيط ويفكها جزئ جزئ لغاية ما خلص من غير تعب واخد 100 جنية. 100 جنية هيا المجموع ولفة الخيط هى المزاكرة ولعبكتها هيا لعبكة المواد. نبدا بقا من دلوقتى نكشف اسرار المزاكرة وبسرعة احب جدا اعرفك حاجة انى لو سيبتك دلوقتى مش هتعرف تزاكر صح وعندك حق شوف سر من الاسرار ان المزاكرة مش لعب عيال لتزاكر صح لاما مش تتعب نفسك ومن هنا نقدر نقول ان المزاكرة الصح لازم من اشياء نعملها علشان تعينا عليها واول شئ. غرفة العمليات الخاصة وهى غرفة المزاكرة لابد وان يكون للطالب اثناء فترة الثانوية العامة غرفة خاصة به تحتوى على مكتبه اللى بيزاكر عليه+ سريرة اللى بينام عليه+ جهاز راديو ومش تستعجب هنوضح+ اضاءة كويسة+ مفتاح الغرفة علشان محدش يدخل يلعب فى شئ. حاول بقدر المستطاع ان اهلك مش قدروا يساعدوك بغرفة لوحدك حاول انتا تساعد نفسك حتى ولو بالعافية ازاى بالعافية؟ سامحنى الشاطر اللى عاوز حاجة لازم يكون صعران وسامحنى فى اللفظ مثلا مش عندك غرفة لوحدك واهلك مش راضيين بسرعة دور على غرفة الضيوف وروح ارمى الانترية او الركنة اللى فيهم فى الشارع وحط سريرك فيهم ............ هيردوا عليك ويقولولك ضب الضيوف ....رد بسرعة قلهم مستقبلى ولا الضيوف احنا مش عاوزين ضيوف السنة دى انا عاوز الغرفة دى علشان ازاكر صح وارفع راسكم............ تعرف بالله لو طلعت جرئ وعملت كدا بادب مش بقلة ادب ابوك هيرفعلك تعظيم سلام ويقول فى سر الواد دا راجل . يا اوياء الامور اتقوا الله الضيوف اللى انتم موفرين ليهم غرفة اولى السنة دى ولا مستقبل ابناءكم اللى هما مستقبل بلدنا. طيب بيتنا على قدنا مفيش امكانية خالص اقولك الحل مش تقلق كل شئ محلول بتزاكر فى غرة مشتركة مع اخواتك اعمل ستارة بينك وبينهم تكون حواليك وانتا بتزاكر تحس فيها بالتركيز.............. اظن مفيش اقل من كدا. ليه بقول غرفة لوحدك ؟ تعالوا نفسر : غرفة لوحدك معناها انك هتنام فى الوقت اللى انتا مخطط تنام فية لا حد يزعجك ولا يدمرلك خططت //// غرفة لوحدك يعنى انتا لو سيبت ورقة ورجعت هتلاقى الورقة اللى انتا سبتها فى نفس مكانها/// غرفة لوحدك يعنى انتا هتزاكر بتركيز من غير ما حد يفتح معاك كلام ويشغلك // غرفة لوحدك تجمع فيها كتبك وتمارس فيها كل انشطتك. بالنسبة بقا لموضوع الراديو اسهل حاجة الايام دى تقدر تتحكم فيها هيا الراديو لما تفصل بين فترتين مزاكرة هتفتح الراديو 5 دقائق وتقلب المحطات ومش تقلق هتزهق من بعد 5 دقائق تقوم كدا عملت جو رفرش وترجع تزاكر اما الكمبيوتر والانترنت صدقنى صدقنى مش هتعرف تعمل كنرول على نفسك وهتضيع وقتك. والله الموفق |
أيــوة كدا بقى
متابعين معاك وجزاك الله خير |
ازاى موضوع زى دة متثبتش لغاية دلوقت؟ باذن الله حنكلم الادارة ولازم يتثبت باذن الله
|
موضوع جميل جدااا
كمل متابعه معاك :022yb4: |
الدرس الثامن السريه التامة والبعد عن مثبطى الهمم السريه التامة وهو شرط من شروط التميز ولما كان من عظم شأن السرية فانها اصبحت شرط هام لشتى اشكال التفوق فممكن لو قرانا او شاهدنا عن الشركات الكبيرة لابد من وجود اسرار لهذه الشركة تحتفظ بها لنفسها فقط فقط بحيث تتميز عن الاخرين كذلك فان من اشد البشر سرية هم فئة رجال الاعمال واصحاب الشركات .................كذلك فان الطلاب المتميزين يتميزون بعامل السريه التامة فى كل تحركاتهم . فوائد السرية؟ طبعا السرية اثناء فترة الثانوية وفى الحياه عامة لها فوائد عظيمة زى اولا بالسرية هتشعر بالاكتفاء الذاتى والشعور بالرضاء لانك بتزاكر لنفسك وعلشان نفسك مش بتزاكر علشان اقعد اثرثر بالكلام انا زاكرت امبارح كذا لانك فى الحاله دى هتبدا تزاكر للناس ومش لنفسك وبكدا هتزاكر غلط ............وعلشان كدا شلة الطلاب الدحييحة متلاقيش طالب منهم يقعد يثرثر لا هتلاقية واحد من اتنين لاما ولد تقيل رزين فى كلامة واما واحد بيتوه الكلام ويعمل تمويه عن الكلام اما اللى بيقعد يثرثر كتير دا مش هينفع اصلا اذا السرية مطلوبة. شئ اخر علشان حسد الناس والعين ودا مذكور فى القرءان والحسد ياتى فى الغالب من اولياء امور الطلاب اللى على قد حالهم هتلاقى اولياء الامور(مش كل الناس) بغصب عنهم لما يشوفوا ابنهم فاشل وصاحبة ممتاز بيغيروا وبغصب عنهم ممكن يحسدوا .................. ودا طبعا مش كل الناس يعنى الموضوع موجود حتى ولو بنسبة ضعيفة. ودايما حط فى بالك ان مش من حق اى حد ابدا انه يتدخل عن خصوصياتك انتا زاكرت ايه او وصلت لغاية فين او بتزاكر من كتب ايه كل واحد حر اذا لا تسال ولا تجاوب مش تحاول تسال حد عن خصوصياتة ولا تسمح لحد ابدا ان يتدخل فى خصوصياتك زاكر لنفسك ولاهلك . موضوع مثبطى الهمم هتلاقى الطلبه المتفوقة دايما شلة مع بعضهم ودا فى الغالب ليه؟ الطالب الذكى وقت الجد وركز وقت الجد هتلاقية مش واخد باله ولا مركز الا فقط مع الطلبه المتفوقة زيه يشوف هل هما معدينة فى المزاكرة ولا لا ويجس نبضهم اما الطلبه المساكين اللى تايهين فى الدنيا مش حاسين بقيمة الوقت ولا حتى الاستفادة منة. ليه انتا بتصاحب الطالب الفاشل ؟ شوف علشان نتكلم بصراحة ومحدش يزعل الطالب الفاشل مش عاوزك تكون احسن منه هتلاقية كل شوية مقلل من همتك وقدراتك مثال يا عم فكك يا عم ارحم يا عم يا عم هو لو عاوز مصلحتك كان قلك يبن الحلال انتا واد شاطر واهلك منتظرين منك حاجة كويسة ابعد عنى وروح زاكر لكن عمرك ما هتلاقى حد كدا كله حاليك تعالى ننزل نلعب كورة . اذا صاحب الطالب المتفوق!!!!!!!!!!!!!!!! وزى ما الرسول صلى الله عليه وسلم بين فى حديث حامل المسك ونافخ الكير والله لو صاحبت الشاطر المتفوق اضعف الايمان هتستفاد منة حاول تغار منه بس مش تحقد عيه وانما تغار منة وتتمنى له التفوق من قلبك لكن الطالب الفاشل هيضيعلك وقتك ويدمرك. وسامحونى انى المرة دى مش مركز وانا بكتب الموضوع المرة دى لانه بيستهلك طاقة جبارة من الواحد الكلام دا مش منقول ولا متسجل فى ورق انما متجمع فى مخى من سنوات طويلة وقت ما كنت بدرس فى الكليه لكن الله غالب |
الدرس التاسع سر عظيم جدا تنظيم الوقت حد يقولى ايه هو تنظيم الوقت؟ الكلام المعروف بتاع الناس كلها المحفوظ هو انك ترتب يومك وتنظم مواعيدك وتعمل جدول يلم العمليه دكلها وتمشى عليه بنظام كدا تكون عملت تنظيم للوقت بتاع ................... صح ولا مش صح. الكلام دا صح لو انتا مدير فى شركة لا تعالوا بقا ولاول مرة نكشف سر عظيم جدا هتعرفة بجد سر تمنه غالى . تنظيم الوقت بالنسبة للطالب: هو عمليه ايجاد اطول وقت او فترة متصلة من اليوم تقدر تزاكر فيه باستمرار باعلى درجة من التركيز وبحيث يكون ملائم تماما للمود بتاعك والجو العام حواليك(الفترة دى تكرر كل يوم) وهو يختلف تماما من شخص لاخر حسب طبيعتة وطبيعة البيئة اللى عايش فيها وكمان اكبر زمن لعمل رفش خلالها يكون ربع ساعة وغالبا والافضل ما تكون هذه الفترة من العاشرة مساءا حتى الثالثة صباحا وهناك اشخاص اخرى تستغل فترة ما بعد الفجر . شوفت بقا يعنى ايه تنظيم الوقت الفعلى بالنسبة للطالب انا بقا بأرشح فترة بداية الساعة العاشرة ليه؟ الفترة دى الجو بيبدا يهدئ والناس واولهم الاطفال بيناموا اذا دا هيساعدك على التركيز وكمان هيساعدك على الجلوس على الكرسى بتاعك اطول فترة اما سيدتك مثلا لو سمعت صوت الناس هتسيب المزاكرة وتنزل تقف على الناصية تشوف اللى رايح اللى جاى . اذا المهمة الصعبة بتاعتك انك تبحث عن اطول فترة كل يوم تكون متصلة بدون تقطعات طويلة بحيث تتعود انك تكون لازق فيها على الكرسى ومش تقعد تتفطفط وتنطط من حتة للتانية وطبعا دى مش حاجة سهلة لازم تقعد تجرب وتبحث عن الفترة دى وقلنا دى بتختلف من واحد لواحد . دا الموضوع باختصار وسامحونى علشان انهاردة انا ربنا اللى يعلم بيا . وياريت علشان خاطرى الناس اللى مش عاجبها الكلام دا من حقهم مفيش مشكلة لكن لنفسك اما مش تجبر غيرك انه يقتنع بوجهة نظرك فى غيرك المعلومات دى ممكن تنفعه وانا اعترف انى بشر اصيب واخطئ لو حد شاف انى غلطان انا مستعد اتراجع وانقشة فى الصح واعيد كتابتة ويبقى ساعد مش يقعد يثبط الهمم اظن كدا بالله ربنا شهد بالنية. . . . . . . .. . . |
تسلم بجد على تعبك معانا و نصايحك الجميله
بس عندى تعليق بسيط معلشى مش شرط يكون حوليا طلبة متفوقين عشان اتفوق بالعكس اخطر ناس هم دول عشان مش كلهم بيكون نفسيتهم كويسه و ممكن يوهموك انهم بيعملو حاجات و هم اساساً بيعملو حاجات تانيه خااالص لان اكيد طالما هو متفوق مش هيحب انك تتفوق عليه وده حتى لو محترم و اخلاق بيبقى الحتة ديه موجوده فيه انا اقصد من كلامى انه مش لازم اربط تحفيزى بصحابى اربطه بهدف معين اسعاله وعندى سؤال فى حتة السرية انا معاك ان السريه مهمه بس للاسف فيه ناس بتبقى قريبه مننا اوى وبيقعدو يسالو فى تفاصيل كتيير و مش بنعرف نهرب منهم وبنضطر نتكلم عشان مينفعش نكدب وناخد ذنب كده السريه مش هنعرف نطبقها و معلشى انا عندى فضول اعرف جبت كام فى الثانويه و دخلت كلية ايه ؟ |
اقتباس:
كان ممكن يكون احسن لو كلمتنى على الخاص علشان مش نلخبط الناس اللى متابعة المشكلة ان اسئلتك عبارة عن انك ملخص الدروس وبتقولها ما انا فى الاول فى شرح حل العقدة بتاعة الطلبه الدحيحة قلتلك اللى انتا بتقولة وبعد كدا فى الدرس الثامن بعد حلتلك العقدة حولتك الى واحد منهم علشان تدخل بينهم وتلقط اساليب التفوق ما هو لازم تتخالط مع الناس دى لانهم عندهم قدرات جبارة .............وحكاية ربط الحاجة بصحابك انا مش بربطك بصحابك لا انا بحفزك بيهم لان من االاكيد ان لك طاقة هتنفذ طب ازاى تشحنها بالتحفيز والغيرة الكويسة الخاليه من الحقد . وقلنا عن موضوع السرية ان مش من حق حد ابدا انه يستجوبك وياخى لو اتزنقت مش تكدب لكن توه الكلام وموه فيه او قله مش قادر اركز معاك لو طلع بجح قلة ملكش دعوة خليك فى حالك. موضوع انا جايب كام ودخلت كلية ايه مش هيفيد لكن اقدر اقول انى بفضل الله جل وعلى وحدة حققت هدفى المرجو وذلك بالاخذ بالاسباب والتغلب على المصاعب بالاستعانة بالله . ارجو ان الصورة تكون وضحت لو احتجت مساعدة كلمنى على الخاص واكونت سكاى بى موجود اسفل الدرس الاول وربنا يوفقكم جميعا . . . . . . |
عايز استفسر عن حاجة معينة ممكن ؟
|
يا جماعة انا عاوز الدروس تكون تحت بعضها الماقشات داخل الدروس هتلخبط الناس اى حد محتاج اى استفسار ياريت يكلمنى على الخاص . Skype account: workstation1988 فى اى وقت . . . . |
الدرس العاشر حل مشكلة صعوبة الحفظ وثقلة سلاح المزاكرة (الورق الابيض) اولا ما تستعجبوش لو قلتلكم ان الورق الابيض من اشد ادوات التفوق وكل خطط ومنظومات المزاكرة هتنفذ باستخدام الورق الابيض فشوف معايا: الورق الابيض هتكون كل مزكرتك عليه فقولك حكمة خليها فى مخك الى الابد اللسان خوان بمعنى لو هتستخدم الطريقة الشفوية فى المزاكرة هتلاقيها طريقة مؤقتة وبعد ساعات وليس ايام هتنسى اللى حفظتة اذا مزكرتك من دلوقتى هتكون على الورق الابيض تخليه جنبك على طول . معلومة مهمة : لسانك بيستخدم عينك فى الحفظ وبالتالى يبنى على السرعة الكتابة وهى ايدك بتستخدم المخ وبالتالى مبنية على التفكير والتأنى. شوف اقل شئ يوم الامتحان مش بيقولك سمعلى الاجابة لا هتلاقية رمالك ورقة اجابة وقالك حل بالكتابة اذا بحل الاسئلة على الورق الابيض فيه فوائد كثيرة ومنها: -بتكسر حدة الكسل لانك كل اجابة هتضطر تصبر وتكتبها خطوة خطوة بدل ما تقلبها فى ثانية بلسانك او عينك. -هتلاقى نفسك كل اجابة بتضطر تكتبها بتانى وبالتالى جرب كدا هتلاقى نفسك حفظت بسهولة. -الورق الابيض بتسجل فيه خططك وملاحظاتك. -الورق الابيض بتلخص فيه حل الاسئلة الصعبة الطريقة اللى وقت ما تراجع عليها تانى تفهمها من نفسك لانك انتا الللى شرحتها لنفسك وبطريقتك. . . الخ. اذا للورق الابيض فوائد بس بالله مش تستلم للكسل اللى كل شوية هيقولك يوه هشترى ورق واقعد اكتب يا عم فكك اللسان اسهل. طيب كتير من الناس بتشتكى من الحفظ الحل ايه ببساطة حل المشكلة بسيط اولا حاول الاسئلة والمسائل العادية والصعبة شوية تسمعها كتابة مرة واتنين وركز بعد ما تسمعها مرة واتنين ارجع سمعها بلسانك بس بعد ما تسمعها كتابة طيب الاسئلة الصعبة جدا. الاسئلة الصعبة جدا نقسمها على مراحل شوف بقا الذكاء بيقولك اية هيا صعبة قوم جزئ الصعوبة بتاعتها وحاول تضعف وتقلل منها ازاى انتا عندك حجر كبير عاوز تكسرة هل تقدر فى مرة واحدة تكسرة اكيد حاجة صعبة الحل انك تكسر الحجر نصين وبعد كدا تكسر كل نص ربعين بالظبط الاسئلة المعقدة هقوم احفظها بالعين مرة واتنين بعدها اقوم اسمعها كتابة مرة واتنين هتلاقى العملية بقت اسهل للنص بعد كدا ارجع سمعها شفوى تانى لتالت مرحلة بكدا هتلاقى الحكاية بقت سهلة جداااااااااااااااا. شوفوا والله فى الغالب ان اجمل فترة للحفظ الشفوى بتكون بين العصر والمغرب وخاصة لما تكون فى اماكن مفتوحة زى السطح او البلكونة حاول تستغلها فى الحفظ النظرى لانها بتكون رخمة وانتا محبوس بتزاكر جوة الغرفة ودا سر فى كون الفترة دى ممكن تضيعلك اليوم كلة . وفعلا فى الغالب فترة ما بين العصر والمغرب لو احسنت استخدامها هتظبط اليوم ولو المود بتاعك باظ هتاثر على باقى اليوم فحاول فيها تزاكر فى مكان مفتوح. والله الموفق . . . |
اقتباس:
عندك فيس ؟ |
شوف انتا عاوز ايه واكتبة ؟
|
فين بقية الموضوع ..
|
اى موضوع ؟
|
الدرس الحادى عشر سر جديد كتب الثانوية العامة ومفاتيح الكتب اقولكم على سر بس محدش يزعل ودى تعتبر وجه نظر على المستوى الشخصى مش بجبر بيها * عمر ما طالب متفوق اعتمد على المدرس بنسبة اكبر من 10% الا فقط فى مادة زى الرياضيات ممكن توصل 60% ومن الاشخاص بيعتبروا ان المدرس عبارة عن فهرس منظم بينظم تسلسل المادة * المهم النصيحة انك فى مزاكرتك لابد وان تعتمد على الكتب الموثوق بها ومن ناحية الخطط ومواقيت المزاكرة اعتمد على خطط انتا اللى تناسبك انتا وملكش دعوة بالمدرس نهائيا وقبل كل دا اهم شئ الاعتماد على الله عز وجل فى الامر كلة من اوله لاخرة لان الله هو الموفق والمستعان. ثانيا لكل كتاب مفتاح والامر مش معقد هفتاح بسيط يعنى مش حاجة معقدة واعنى بالمفتاح طريقة المزاكرة ونام تعاملك مع الكتاب اما الكتاب كدا وخلاص هيكون زيه زى اى كتاب. نبدأ ونسمى الله بسم الله الرحمن الرحيم مادة اللغة العربية : ومعدلك هيكون من 27 اذا كان مستواك وجهدك متوسط الى 29 لو كنت بجهد عالى وذلك عن اساس المادة من 30 اللغة العربية لابد من كتاب المعلم الشرح + كتاب المعلم مراجعة نهائيه واتصرف وجيبة من بتاع الكتب القديمة او واحد اكبر منك المهم كتاب الشرح يكون معاه كتاب المراجعة حتى ولو السنة دى غير اى سنة قبلها فبردة هينفع. ونتفق على شئ فى العربى : كتاب المعلم كبير جدا فى العربى بالذات وزخير جدا بالمعلومات اللى هتبلك لان والله ما هتصدق انك لو زاكرت التمارين فقط تقدر تجيب 27 من 30 ........ طيب مزاكرات الاستاذ خليك زكى بعد ما تخلص مزاكرة الدرس من المعلم وتتقنة جداااااااااا فى خمس دقائق بص بعينك على المزكرات بتاعة المدرس وخد منها الاسئلة اللى تحس انها تضيف جديد اما لو عاوز ترميها فى الزباله ارميها. وبصفة عامة اى استاذ وعلى فكرة الاستاذة لهم منا كل توقير واحترام ............ والدى مدرس المهم اى استاذ بيكون المزكرة من تنتيش من الكتب الخارجية ودا بيشتت الافكار . مادة الفيزياء: ممنوع تاخد فيها درسين ولا تزاكر من حاجتين تحزيرررررررررررررررررر خطير مادة الفيزياء هو مدرس واحد يكون كويس( لو 2 مدرسين كل واحد هيشرح بطريقة مختلفة عن الاخرى هيعمل زى ما اكنك اخد 2 مضد حيوى فى نفس الوقت هيقفوا مفعول بعض على الفاضى) وكتاب المعلم المراجعة قبل كتاب الشرح هيغنيك عن كل شئ مزكرات الاستاذ مهما كانت قوية هتشتت افكارك كتاب المعلم منظم الافكار وموحدها بتسلسل دقيق وهتلاقى ان كتاب الشرح كاتبلك تحت كل صفح الاسئلة اللى جت من الصفحة دى فى الامتحانات وشكلها وصياغتها شكلها ايه ركز الفيزياء مش سهلة لكن هنكسر صعوبتها باذن الله خطوه خطوه المهم تركز. مش عاوز اطول وهكمل الدرس اللى جاى ان شاء الله المهم اقرا الدرس دا مرة واتنين . المهم انا مشاركاتى على الفيس مش تسمح ليا اضع اى رابط المهم اللى يقدر يبحث عنى بنفس الاسم مضاف اليه ات ياهو هيلاقينى وانا هقبل الاضافة او اى حد ابعتلة الرابط بالميل ويحطو هو او الاخ المشرف بالله يحاول يساعد باى حاجة بدل ما هو متوهنا ومش راضى يثبت الموضوع او ننقل الموضوع فى اى منتدى تانى وخلاص. . والله الموفق |
اقتباس:
|
بصراحة انا شايف اننا نفتح باب المناقشات داخل الموضوع وان شاء الله الكل يستفاد كل اللى عندة اقتراح او مشكلة يعرضها ............ واحاول بقدر المستطاع اساعد فى حل المشكلة لكن مبدئيا اقتراحاتى هتكون على المستوى الشخصى لانى بشر اصيب واخطئ بمعنى حط فى مخك ان اقتراحى ممكن مش يناسبك بنسبة 100% لكن ممكن يساعدك بشرط انك تكيفة وطوعة على حسب طبيعة مشكلتك وظروفك الاجتماعية .... الخ ............. ونسمى الله واللى عنده مشكلة يكتبها. |
الموضوع اكثر من رائع
|
اقتباس:
مشكلتي الملل احيانا من المزاكرة لكن اعود واشعر بالندم اعمل ايه علشان الاحساس بالملل |
اولا نركز شويه مع بعض ونحاول نبص على الموضوع نظره صحيحة زى ما الناس المتفوقة بتشوف وتقرر فعلا تكرار الشئ كل يوم ومع الضغط النفسى يؤدى حتما للشعور بالملل علشان الناس كلها تطمئن الشعور بالملل دا كل الناس بتحس بيه لكن تعالوا نشوف الفرق فى واحد بيشعر بالملل ويقوم يعالجه وواحد تانى الملل يسيطر عليه ومش يعرف يزاكر تعالوا نحل مشكلة الملل بكل بساطة . واول شئ نسال سؤال وركز معايا هل ممكن الملل يجيلك ايام الامتحان او بمعنى ادق مثلا ليله الامتحان هل ممكن تشعر بالملل؟ الاجابة استحاله طب ليه؟ افسرلك شوف لانك ايام الامتحان بتبقى خلاص عرفت حدود المادة وعرفت الوقت اللى فاضل ليك قد ايه وعرفت ان كل دقيقة هتعمل فيها ايه فعمرك نهائى ما تفكر ولا تشعر بالملل خالص مفيش وقت خالص تفكيرك كلة ازاى اخلص فى خلاص الوقت الضيق دا. بسرعة نحل المشكلة دى بعمل عمليه تمثيل او تشبية هنحاول نخلى معظم اوقاتنا ذات اهمية ونجدول مواعيدنا بحيث ان حضرتك تبقى عارف ان الوقت دا المفرو اعمل فى اية فحتى لو جالك الملل عمرة ما هيقدر يسيطر عليك لسبب وهو انك عارف لو ضيعت الساعة دى هتضيع او تاخر الجزئ اللى مخطط ليه يتزاكر فى الساعة دى وبالتالى عمليه جدولة الوقت بخطة اسبوع يعنى بحط خطة اسبوعية منظم فيها ساعات كل يوم فى الاسبوع وموزعها على قطع وجزئيات المنهج. بالتالى هتمل ازاى وليه . فى نقطة اخرى وهيا سر عظيم ركز معايا سر من اسرار المزاكرة هو عمليه التنويع يعنى مش واحد يدنه يضغط نفسة فى مادة معقدة زى الفيزياء معظم الايام ومعظم الاوقات ........لا لا دا غلط كبير لازم تعمل جدول تنوع فيه شتى انواع المواد وقتها هتحس بلزة المزاكرة. واعلم تماما طول ما انتا حاسس ان غرفة المزاكرة الجميلة بتعتك غرفة عمليات خاصة بيك بتجددها كل شوية ومنظم فيها وقتك هتحس بلزة الشغلانة دى اما لو انتا مشتت نفسك هتحس بالعذاب والملل والقرف وفى ناس لما تدخل غرفتها بتقول ايه ام القرف دا . اظن كدا فهمنا الملل بيجى ازاى حل المشكلة دى اية عاوزين نعيد ونفسر من تانى انا مستعد |
لو سمحت يا استاذ محمد
حضرتك بتقول الخطة المنظمة فممكن حضرتك تقولي ايه هي ضوابطها .. و خطواتها ؟؟؟؟؟؟ |
كلام من ذهب مبدئيا موضوع الخطة المنظمة هو قلب المزاكرة الصحيحة الموضوع كبير جدا بس احاول الخص فيه وبردة اللى عندة مشكلة ينبهنى واعيد بتفصيل شوية. المهم الكلام اللى هقولة دلوقتى تاكد تماما وبكل ثقة انك مش هتسمعة من حد خاصة وانى هتكلم معا بالعامية مزاكرة منظمة يعنى مزاكرة صح تزاكر فيها وتحصل منها اعلى فائدة. انتا بتزاكر ايه؟ سؤال وبساله لكل واحد هو انتا لما تقعد على المكتب بتزاكر ايه الاجابة اللى اخته انهاردة طبعا الكلام دا كلام مش صحيح بمعنى ان كل الناس العادية بتعمل كدا ومفيش تميز فيه . طيب الناس المميزة بتعمل ايه؟ اقولك وركز اولا الناس المميزة قبل ما تقعد على الكرسى بتبقى عارفة هتزاكر ايه ووقتية المزاكرة الصح ركززززززززززززززززز لازم تزاكر اللى اختة فى الدروس بتاعة النهاردة وتحل الواجب بتاعك وبسرعة تبدا تراجع على القديم حتى ولو من اسبوع واليك الخطوات : 1- تبدا تزاكر الحجات القديمة بنظرة سريعة بعينك. 2- بسرعة ترجع تدور فى الامتحانات وطبعا من الكتب اللى حضرتك محضرها بتاعة المراجعة واتصرف وهاتها( وبالله مش تكرر كلام العيال الفشلة هجيبهم منين؟ هو اخر السنة لسة جه علشان الكتب تطلع) وحتى لو المنهج اتغير مش تقلق المستشار اللى بيألف الكتاب بيبدل الاسئلة على نفس الوزن لانه خبير المهم تكشف على جميع الاسئلة اللى على الجزئ القديم فى كل الامتحانات السابقة. 3- حاول تحل وجرب نفسك. 4- اولا مش تقلق هتلاقى نفسك مش عارف تحل حاجة خالص. . . . من هنا يبدا التميز هتبدا تتميز عن صحابك الباقيين ازاى جاهز ولا لأ . . 5- هتبدا تبص على شكل وجمال ورونق الاجابه من كتاب المعلم لانه مجاوب على جميع الامتحانات الاجابة النموزجيه بتاعة الوزارة اللى بتتوزع عليها الدرجات ركززززززززززززززززززززز هتلاقى على كل اجابة طريقة وشكل توزيع الدرجات اللى الوزارة حطاها فى نموزج الاجابة اللى بيتصحح طبقا ليه وممكن تلاقى سؤال اجابتة مكونة من جزئين وكل جزئ علية درجة معينة معظم الطلاب المغفلين ما يعرفوش الحتة دى هيجاوب بنص اجابة ويخسر الدرجات الباقية مع انه مجاوب صح لكن مغفل مش يعرف ان هناك تكملة وبكدا كتبا المعلم هيدربك ودا مفتاح من المفاتيح اللى وعدتكم بيها ..........كتاب المعلم الوحيد اللى موزع الدرجات وبيوريك ازاى الدرجات بتتوزع على الاجابات وبكدا الطالب الدحيح عارف ازاى بيجيب 99% عرفتوا السر. 6 - والاهم بقا هنااااااااااااااااااااااااااااااا بعد ما سيادتك عرفت ازاى اسئلة الجزئ القديم بيجى عليها ازااااااااااااااااااااااااااااااااااى اسئلة الامتحان ارجع زاكرهاااااااااااااا بالراحة وباتقان وداااااااااا سر عظيم جدا نادرا ما يعرفة الطلاب بعد ما تشوف ازاى بيألف سؤال على الجزئية دى لما ترجع تزاكر هتلاقى سيادتك بتزاكر باتقان. انا هكتفى انهاردة بالجزئ دا لكن الموضوع ليه اكتر من 3 او جزئيات. وبالله لو حاسس انك مش مقدر قيمة الكلام بتاع الدرس دا ارجوك وفر على اهلك مصريفهم عليك . .... . . . . . والله الموفق . . . . |
لو سمحت انت علمى رياضه و لا علوم ؟!
و كتاب المعلم كيميا ليه اجابات لكل درس و لا اجابات لامتحانات الثانوية وليه محدش نصحنى بيه قبل كده . كله بيقول الامتحان او مندليف و ايه اللى بيميز كتاب المعلم عن الكتب دول من وجهة نظرك ؟! |
لو سمحت انت علمى رياضه و لا علوم ؟! انا مخلص ثانوية عامة 2004/2005 و كتاب المعلم كيميا ليه اجابات لكل درس و لا اجابات لامتحانات الثانوية؟ نظام كتاب المعلم الشرح تحت كل صفحة بيكتب الاسئلة الوارده عليها فى الامتحانات السابقة اما كتاب الامتحانات كاتب تمارين ونمازج امتانات وكمان امتحانات وكل دول محلولين حل نموزجى اضافة الى الامتحانات السابق موزع عليها الامتحانات وليه محدش نصحنى بيه قبل كده؟ محدش زى مين . كله بيقول الامتحان او مندليف و ايه اللى بيميز كتاب المعلم عن الكتب دول من وجهة نظرك ؟! اولا كتاب المعلم مش من اقوى الكتب لا دا هو اقوى كتاب ممكن تشوفة فى مرحلتك اولا كتاب المعلم اللى وعة مستشارين فى المادة/// كتاب المعلم كتاب منظم ومحطوط بنظام متكافئ/// كتاب العلم كتاب متكامل يحتوى على معلومات جبارة// كتاب المعلم مش هتشوف كتاب زية كاتب كمية الانمازج والامتحانات مش كدا وبس ومجاوب عليها. اخيرا مفيش كتاب هتلاقية موزع درجة الاجابة عليها الا كتاب المعلم. وبعد الاخير كتاب المعلم كتاب معظم الطلبة المتفوقين كل المدرسين بيبعدوا عنة لانة كبير ومجهد ليهم وكمان بيغطى عليهم. بعد بعد الاخير لما تزاكر منه وتقارنة باى كتاب تانى انتا شخصيا هتعرف الفرق وليه انا اخترتة ليكم. |
تمااام بس انا مش فاهم ليه مش رضيت تقول انت جبت كام و دخلت كلية ايه هى لو قليله مش مهم يمكن حصلتلك ظروف و لو عاليه هتشجعنا وكمان انا سالت انت علمى علوم ولا رياضه مش دفعة سنه كام ما علينا تسلم بجد على اهتمامك و نصايحك ربنا يجزيك خير ديماً و يوفقك :) |
مجهوووووووود رائع ربنا يجعله فى ميزان حسنات حضرتك
انا مشكلتى انى انا ازهر ..يعنى شعبه عامه +المواد الشرعيه+المواد العربيه كام ماده متفرعه المواد كتير جدا مش عارفه انظم اى حاجه لحد دلوقتى ماشيه مع الدروس وخلاص بذاكر قبل ماروح الدرس وده طبعا غلط ...والمدرسين يقولولنا سيبيكم من الشرعى وركزو فى الثقافى ..لكن فعلا اللى محتاجين نركز فيه هو الشرعى عشان بجد صهب وتقيل وعايز افهم كل كلمه قبل ما احفظ ..مش عارفه اوزع اى حاجه .ومحدش فادنى فى حكايه تنظيم الوقت ..انا لسه فى اول السنه ومبدأتش فى حاجه فعليه ..وحسيت ان اى حد اجى اساله عن كيفيه اذاكر المواد الكتيره دى يدينى كلام سطحى مبيفدنيش نهائى ..ارجو الافاده مستنيه رد حضرتك |
وحضرتك مكملتش مفاتيح الكتب زى الرياضه مثلا .. احل كتير ولا اعتمد على كتاب المدرسه ؟؟
|
لوسمحت ممكن اعرف ازاى احفظ اكبر قدر من كلمات الانجليزى ومنسهاش وايه الشروط اللى المفروض تكون فى مدرس الثانوية العامة؟
|
اولا مش لازم تعرف عنى لكن خد منى الى هيفيدك ومع ذلك علشان ترتاح انا الحمد لله كنت علمى رياضة هندسة القاهرة ........ نيجى بقا للناس بتوع الازهر ونفكر بالراحة كدا اى مشكلة مهما كانت كبيرة لها حل والحل دا بيترتب عليه المجهود والعزيمة. حلا مشكلة بسيط جدا اولا نبدا بالأهم ثم المهم ازاى ...... عندك مواد كتير نشوف المواد اللى عليهم المجموع اية ثم المواد اللى عليهم اكبر درجات ايه. بعد كدا نرتب خطة رائعة وبسيطة ركزوا معايا طبعا الاسبوع مكون من ايام واليوم مقسم من ساعات هنقسم المواد كلها على الاسبوع ومثلا 12 مادة هتلاقى تقريبا كل يوم فية مادتين وفى يوم فى مادة واحدة . . . . تيجى بقا حضرتك تحط فى الوقت اللى قلناه قبل كدا فى تنظيم الوقت اللى هو فى الغالب من 10 مساءا الى 3 صباحا هنقول من :10-12 هتخلص اللى اختة انهاردة وتزاكرة وتحل الواجب بتاعة. ومن الساعة 12 وعشرة دقائق (العشرة دولى راحة) الى الساعة 2 صباحا تكون زاكرت المادة الكبيرة ومن 2 وعشرة صباحا الى 3 ونص صباحا تكون زاكرت المادة السهلة. نوضح اكتر: عندك مواد مثلا : فيزياء//رياضيات//كيمياء//لغة عربية//انجلش//فرنساوى//.....الخ. الغبى اللى هيزاكر الفيزياء +الرياضيات فى نفس اليوم هيمل وهيتخنق وهيتعقد ومش هيزاكرهم صح لكن الذكاء بيقول نزاكر مادة تقيلة معاها مادة خفيفة ......... ازاى السبت: مزاكرة دروس اليوم+ فيزياء(مراجعة)+ انجلش (مراجعة) الاحد: مزاكرة دروس اليوم+كيمياء(مراجعة)+ لغة عربية(مراجعة) الاثنين: مزاكرة اليوم+ رياضيات(مراجعة)+فرنساوى(مراجعة) الثلاثاء: نفس يوم السبت الاربعاء: نفس يوم الاحد الخميس:نفس يوم الاثنين الجمعة: خد ساعتين راحة عيش فيهم +ارسم خطة الاسبوع التالى+لخص اللى انتا خايف تنساه مع الزمن من كل المواد+رتب غرفتك+حل امتحانات وكل جمعة اختار مادة تحل عليها. ومهما زادت عدد المواد نرتبهم ونوزعهم على الايام بنفس الطريقة. اظن مفيش اسهل من كدا وبردة اللى عندة مشكلة فى الجزئية دى مش يتكسف قول واتكلم مصلحتك اهم من كل شئ ودايما اتعود عند مصلحتك فى الثانوية كون انانى وصعران وحريص عليها انتا الاهم. . . . والله الموفق والمستعان |
اقتباس:
مبدئيا عملية النسيان لازم منها لان ابونا ادم نسى فكتب الله علينا النسيان لكن الذكاء هو تقليق نسبة النسيان وذلك فقط بالتكرار والتكرار بالمزاكرة والحفظ الصح والحفظ الصح لابد وان يكون بالكتابة او ممكن تراجع اللى قناه سابقا فى عملية حفظ الاشياء الصعبة وبتكون على مراحل لكن انصحك ابعد عن السان لانة خوان ومبنى على الملاحظة اما التسميع على الورق مبنى على الفكر . موضوع اختيار المدرس دا موضوع كبير جدا لكن للعلم دور المدرس فى معظم المودا بالنسبة للطالب المتمي لا يتعدى 40% والكتاب الخارجى 40% والطالب 20% لكن الواحد بيحس اذا كان المدرس دا كويس ولا لاا لكن شوف الطالب المتفوق بيروح لمين وخليك وراه ولا تعمد على المدرس اعتمادا كليا لان دا من اسباب ضياع معظم الناس. واللى مش عاجبة الكلام دة هيعجبك دلوقتى غصب عنك !!!!! مادة الكيمياء مكونة مثلا من 8 فصول الفصل الاول : 20 صفحة كلام بسيط الفصل الثانى: 30 صفحة صعب سنة . . . الفصل الخامس: كبير وتقيل والاتحان معظمة بيجى منه الفصل السادس: معقد شوية. طبعا معظم الطلبة بدنها نايمة منتظرة المدرس باشا قبل نهاية السنة بشهر لما يفكر يقول عاوزكم تراجعوا . هيبدا المدرس يقول يا شباب راجعوا على الفصل الاول . قال الكلام دا ولسة فاضل شهر على الامتحان+ اداك اسبوع تراجع فيه+اعصابك الى حد ما كويسة الاتحان لسة بعيد+ تقدر تزاكر كويس. نشوف الفرق : الطالب المسكين :فعلا بيروح ياخد اسبوع وحالتة النفسية تمام عنب وبيزاكر الفصل الاول (فرحة امه بية). نيجى بقا على الطالب بن الذين: دا بقا عارف سكتة صح متدرب بيقولك فكك من المدرس انا هزاكر الفصل الخامس الصعب اللى بيجى علية معظم اسئلة الامتحان وياخد الاسبوع بكل تركيز بيزاكر صح لسة بقا شهر على الامتحان وقبل الدرس بساعة يراجع نظره على الفصل الاول وحتى لو اخدله عصايتين مش مشكلة هو عارف انه صح. بعد مرور اسبوعين فاضل خلاص اسبوعين او اقل على اخر السنة يجى المدرس يقول للشباب عاوزكم فى يومين تنجزوا الفصل الخامس مفيش وقت الامتحانات على الابواب نشوف تانى كدا الطالب المسكين اللى ماشى مع المدرس : فاضل اسبوعين المواد كلها فوق دماغة مش عارف يزاكر ايه ولا منين حتى الفصل الخامس هيقلبة بنظرة مع ان الامتحان معظمة جاى منة واليومين مش هيكفوا ولا هيعرف يعمل حاجة ...غرق . الطالب الباشا: طبعا الزعيم زاكر الفصل الخامس فى اسبوع وحالتة النفسية عنب يبدا فى اليومين دولى يزاكر الفصل الاول بكل تركيز وبدا ينظم نفسة فى كل المواد وهيروح الدرس فارد جناحاتة مخلص بقا كل المواد. اللى كان معترض رد عليا مين بقا الباشا |
اقتباس:
لربنا يجعله فى ميزان حسناتك |
اقتباس:
افدتني ربنا يبارك فيك الكلام قيم |
| جميع الأوقات بتوقيت GMT +2. الساعة الآن 12:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.