|
هل توافق على قرار عودة السبت يوم عمل؟
بعد قرار وكيل الأزهر بإلغاء إجازة يوم السبت وعودته كيوم عمل، هل ترى أن هذا القرار يصب فى مصلحة الطلاب والمعلمين أم أنه ضد المصلحة؟ http://img812.imageshack.us/img812/3563/6ixm.jpg يرجى ذكر الأسباب 1- 2- 3- |
انا غير موافق للاسباب التالية: اولا: تعب ومشقة ومصاريف على المعلم والطلاب خاصة اللى بيركب مواصلات وجاى من بعيد ثانيا: بتزود ازمة المواصلات وسحب زيادة على السولار والبنزين اللى مش موجودين اصلا ثالثا: مشقة الحر ودراجات الحرارة المرتفعة فى محافظات الصعيد رابعا: يومين راحة فى الاسبوع افضل من يوم خاصة لمهنة زى مهنة المعلم والاهم فين راى المعلمين والطلاب واولياء الامور فى مثل هذا القرار؟ المفروض يكون فى مشاركة وديمقراطية فى اتخاذ الراى واجتماع على مستوى الجمهورية فى كافة المحافظات والراى يكون للكل زى الاستطلاع اللى انا عامله فوق ده. ولو تم الاتفاق سواء بالسلب او الايجاب يبقى اهلا وسهلا مش واحد قاعد فى مكتب هوب ياخد قرار هوب منشور بالفاكس واضربوا راسكم فى الحيط زى مناشير كتير اطبعت وفى الاخر اتبلت وشربوا ميتها! حضراتكم شايفين ايه؟؟؟؟؟؟؟؟؟؟ |
أنا موافق
والاسباب 1- ان المواد كثيرة والمناهج كبيرة 2- طول اليوم الدراسي بالنسبة للطلاب وخاصة تلاميذ الابتدائيه 3- المواصلات الصعبة في كثير من القرى والنجوع والكفور وخاصة في الصعيد ولاسيما الطالبات 4- الظروف الامنية الصعبة لان الطالبات والطلاب سيخرجون من المعاهد الساعة 3 عصرا والشتاء قادم والامن لما يعد كما كان 5- كيف يتسنى للطلاب ان يذاكروا ويراجعوا ويكتبوا واجباتهم اما بالنسبة لنا كمعلمين فان السبت اجازة مفيد لنا لاننا نرتاح فيه من عناء يوم تعب |
السبت عمل
تأخير في الترقيات رسوب وظيفي مميت تخلف اداري وتفكير عقيم اهمال وتردي في كل شيء لا ضوابط ولا قواعد تنظم حركة الترقيات وشغل الوظائف القيادية اكيد انت في الازهر |
اقتباس:
أوجزت وأصبت |
هو خلاص قرار اكيد؟
بالنسبة لي مش فارقة كتير لأنني أخرج للجامعة كل له مميزات وعيوب لكن طبعا يومين راحة في الاسبوع افضل من يوم. |
انا ضد عمل يوم السبت
اولا هيحس طالب الازهر انه مظلوم علي عكس طالب التربية والتعليم الذي ياخذ يومين اجازة ثانيا ضغط ع المدرسين والطلبه ثالثا تكلفه ع الدوله والمدرسين مواصلات ومصاريف |
لو فى عملية تعليمية جدية فى الازهر فانا اوافق وحتى لو نعمل الجمعة
لكن بما انه كلها تمثيلية وتضييع وقت فيبقى نرتاح يوم فى البيت احسن او اللى له شغل خارجى يشوف شغله |
هذا تخلف وتهريج ..... فى دول العالم كله عندهم يومين أجازة .... همن فالحين يقرفونا وبس ... حسبنا الله ونعم الوكيا
|
يوم السبت إجازة أفضل من جميع الوجوه
|
تهريج وعدم وعي
|
مش كفاية
هما عايزين ايه من مدرسين الازهر.....
1-مرتبات اقل من التربية والتعليم 2-شاغلين اعدادى وثانوى 3-بنراقب ونصحح اعدادى وثانوى 4- بنحضر وبنشرح وكمان بنغشش 5-طول الصيف امتحانات ..دور اول ...دور تانى فى جميع المواد...ودور تالت .............حرام كفاية ..كمان يوم السبت يتلغى والله حرام عليكوا |
هو شيخ الأزهر عايز ايه بالظبط عايز يدمر الأزهر بكل الطرق
|
يعنى فى كل حاجة دايماً متأخرين عن مدرسين التربية والتعليم
لكن فى الحاجة المتعبة دايماً سباقين ؟؟؟ |
أنا موافق أنا موافق
|
لا بكل لغات العالم احنا دايما تابعين للتربيه والتعليم اشمعنا دي يا اخي دا المرتب مابيوصلش ل5 في الشهروبيكون خلصان اليوم الاجازه يفرق معانا لاكن مع بتوع الدروس مش هيفرق كتير واذاكانوا بيقولوا علشان التعليم انزل ياشيخ وشوف المشاكل اللي مالهاش اول من اخر في المعاهد وحلها
|
قرر الغاء تجريد العلاوات صعب ارجاع عمل سبت سهل طب اعطو الاجير حقه
|
غير موافق
لأن الدراسة كلها ممكن تتأجل بسبب المشكلات السياسية ويجب أن يكون يوم السبت اجازة لأن معظم التوتر والمشكلات تحدث يوم الجمعة |
اقتباس:
انت ماذا فعلت للمطالبة بحقك .....انت تخاف ان ترسل فكس تشكوفيه من هذه السلبيات وتطالب بحقك انتم (اى معلمى الازهر )جبناء مصر ورجال التربية والتعليم هم(رجال مصر) اخى الجبان والخائف والمرعوب من المطالبة بحقهليس له حقوق والقرار صائب وصحيح وفى صف الطالب هو اخذ حقه ....خذ انت حقك معذرة فأنا جبان مثلك وكل من فى الازهر كذلك والا ماضاعت حقوقنا |
دلوقتى القرار ده مش فى مصلحة حد لا طلبة ولا مدرسين بالنسبة للمدرسين دا ظلم زيادة عن الحد يعنى احنا أقل من التربية والتعليم فى كل حاجة وكمان حيرتاحوا يوم عننا وطبعا بعد القرار المهبب بتأنيث المعاهد الناس حتبقى دايخة فى المواصلات طول الأسبوع ومش حتلحق ترتاح وتلاقى يوم السبت جه تانى أما بالنسبة للطلبة حال البلد زفت والأمن بيحاول قدر الإمكان يسيطر لكن برضه فيه عمليات إرهابية بتحصل الناس حتآمن تطلع عيالها ازاى يوم زيادة وخصوصا إن فى الأرياف الطلبة بتسافر لأن مش كل بلد فيها معاهد يعنى قلق ومصاريف ووجع قلب وكمان العيال كانوا بيستغلوا اليوم ده فى المذاكرة لأن أكيد بيرجعوا من المعهد والدروس تعبانين يبقى الأخ ده ريح مين بالظبط كله يدعى معايا منهم لله وربنا ينتقم منهم وحفكركم لو الحد الأدنى اتطبق فى الدنيا كلها حيحرقوا دمنا على ما ناخده فى الأزهر وحينهبوا ويقولوا مفيش بند منهم لله
|
انا غير موافق لعددت اسباب عدم تركيز الطلاب وخصوصن بعد الساعة12 يعنى الحصة 6 7 8 9 حصص غير مفيدة ملل الطلاب والمدرسين من طول اليوم يعنى سوف نخرج الساعة 3 عصرا
|
انا غير موافق للاسباب التاليةتعب ومشقة ومصاريف على المعلم والطلاب ومضيعة للوقت
|
انا موااااااااااااااااااااااااااااااااااااااااااافق
|
اقتباس:
أكيد كلام تمام |
لا اوافق حسبى الله ونعم والوكيل
|
انا مواااااااااااااااااااااااااااااااااااااااااااااافق
|
أنا أريد التحويل من الأزهر العقيم الممل
|
لن يطبق لان الدولة مش هتوافق وسبعود اجازة غصب عينهم
|
لا اوافق لان داه فيه اجهاد اكتر للمدرس والطالب وفى نفس الوقت مافيش اى عائد حرام والله
لازم اضراب عن الدراسة |
موافق طبعا لان في ناس زيينا كدة بتاخد 25 حصة فلما يدى 4 حصص في اليوم افضل من 5 حصص ويطلع عينه
|
اقتباس:
|
غير موافق
لان نظرا لسوء اوضاع المدرس واستغلال الادارة للمدرس وعدم اعطائنا حقوقنا...احنا ناس بتوع شغل بس مش كدة يعنى مفيش رحمة مجهود كبير بلا مقابل.....بالاضافة الى الارهاق الجسدى وزحمة المواصلات والارهاق المادى اما يبقى اليوم 6جنيه مواصلات يبقى الشهر ب حوالى 24 او 30 جنيه زيادة +الفطار اذا فطرنا+130جنيه مواصلات باقى الايام وناس كمان بتدفع اكتر فى اليوم يبقى الازهر يحسن اوضاعنا الاول وبعدين يفرض القرارات ال عايزها........والمفروض يعرض القرار دا فى استفتاء اولا للمدرسين.........ولا قرار شخصى من وكيل وزارة يحملنا مالا طاقة لنا به؟ اعطونا حقوقنا وحسنوا اوضاعنا وبعدين ابقوا اعملوا القرارات دى......حسبى الله ونعم الوكيل |
|
انا ضد العمل يوم السبت لكن احنا مابناخدش مواقف جدية
هو احنا ضعاف للدرجة دي مش كفاية المرتبات المتخلفة حراااااااااااااام نسكت على ظلم انفسنا |
لا للالغاء اجازه السبت
|
اقتباس:
اقتباس:
ياريت حضراتكم تشرفونا فى هذا الموضوع معلمى الأزهر يد واحدة ضد قرار إلغاء إجازة يوم السبت |
شيخ الأزهر كل سنة يكون الجدل السبت عمل أو أجازة وتضيع الوقت فى كلام فاضى!! ياريت شيخ الأزهر يشوف الترقيات وصرف نسبة 50%!! ومن الضرورى إختيار وكيل أزهر أول قرار له سيؤدى لمشاكل وثورة فى المعاهد!! |
اقتباس:
|
قرار غبي زيه زي قرار التانيث في معاهد الفتيات
|
اضراب شامل عن الدراسة لو السبت بقى دراسة
|
أنا ضد عودة السبت يوم عمل
لان من حق المدرس انه يستريح يومين حتى يستطيع أن يعطى الطالب حقه وهذا حق للمعلم مثل باقى موظفى الدوله ومثل موظفى كل دول العالم وطبعا الأزهر أحسن مؤسسة بتاخد قرارت بدون دراسة |
لا اوافق
يومين راحة فى الاسبوع افضل من يوم وانا عندى اولاد بحاول اتفرغ لدراستهم وكمان كل يوم مواصلات حرااااام |
لا لا لا لا لا لا لا
|
قرار ممكن يكون فاشل وممكن يكون غبي لكن الاكيد لن يعمل به وسوف يتم الغاءة
|
قرار غير مدروس والى عنده عيلين واحد فى التريه والتعليم وواحد فى الازهر يعنى يوم السبت البيت كلهمريح وواخد اجازه الا طالب الازهر تخيلوا الواقع النفسى على الطالب اول حاجه يفكر فيها ازاى يحول من الازهر ويتعقد فى عيشته قرار وكيل الازهر خاطئ وغير مدروس ويثير قلق وسط اولياء الامور والمعلمين والدنيا مش ناقصه
|
اقتباس:
|
غير موافق
فابناء الازهر ليسوا ابناء البطة السودة فماذا نصنع مع ابنائنا فى الازهر واخوه فى التربية والتعليم جالس فى البيت؟؟؟؟؟؟ |
التربية والتعليم بتقبض اكتر مننا وكمان ياخذوا يوم زيادة
كمان احنا بنسافر يعنى مصاريف زيادة كمان لو فية مصلحة بتقدر تخلصها فى يوم السبت علشان الطلاب يتساووا مع اقرناهم من التربية والتعليم |
بس لازم نشوف حل قبل بدء الدراسة لان بصراحة الواحد متعكنن على الاخر
|
التعليم الازهري فاشل فاشل فاشل فاشل
نداء للقائمين على الدولة اتمنى الغاء التعليم والتهريج والعبط والتخلف والغباء الازهري حرصا على مستقبل الدولة و على عقول أبناءنا |
| جميع الأوقات بتوقيت GMT +2. الساعة الآن 09:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.