الأزهر يصرف 20 مليون جنيه .. بمناسبة عيد الأضحي
 

الأزهر يصرف 20 مليون جنيه .. بمناسبة عيد الأضحي
كتب محمد زين العابدين:
وافق الدكتور أحمد الطيب شيخ الأزهر علي صرف مبلغ 20 مليون جنيه اعانة للفقراء والمحتاجين المقيدين بقاعدة البيانات الخاصة بالازهر بمناسبة عيد الاضحي المبارك. اوضح الشيخ محمد العبد مدير عام الحسابات الخاصة ان عدد المستفيدين من الصرف حوالي 80 الفا ما بين اسر وافراد. مبينا ان اخر موعد للصرف 13 اكتوبر المقبل بجميع مكاتب البريد علي مستوي الجمهورية. اوضح مصطفي هندي مدير ادارة الزكاة بالحسابات الخاصة انه تمت مضاعفة المبلغ المنصرف للضعف للمرة الثانية علي التوالي من 12 مليونا الي 20 مليونا وذلك طبقا لتوجيهات فضيلة الامام الاكبر برفع المعاناة عن جميع المحتاجين وتفعيل دور الازهر الانساني والاجتماعي.

يعنى هيصرف على الفقراء من الموظفين بالازهر

ام فقراء الامة المصرية؟

يا ريت توضيح

المدرسين هيكون لهم زكاة ولا ايه بالضبط؟

فقراء الامة المصرية

الاثنان معا فقراء الامه المصريه وممكن العمال فى المعاهد

يا جماعة المدرسين مساكين وليسوا فقراء

يالللا ما احنا فلوسنا كتير مش عارفين نوديها فين ولا فين

المهم انها شيكات بتطلع وبتتحسب من ميزانية موظفى الازهر الشريف جدا جدا جدا

اعانة للفقراء والمحتاجين المقيدين بقاعدة البيانات الخاصة بالازهر

ربنا يكتر الخير ويارب ارفع البلاء والغلاء

جزاك الله خيرا

يعنى هم عاملين زى القرع يمدوا دائما لبره طيب يشوفوا فقراء الازهر وهم كثر

سبحان الله
عجبت للازهر فعلا
عارف اللي بيتفشخر
هو ده اللي تذكرته الان
ليس من المعقول عدم صرف 50% للمدرسين عن شهر 5و6
وعدم مساوتنا بالتربية والتعليم
بحجة عجز الميزانية

ونفاجئ ب20 مليون جنيه يخرجوا للفقرا
طيب يدي الناس حقوقها الاول

لا حول ولا قوة الا بالله العلى العظيم

اللهم ارفع الغباء وكل ما يؤدى الى الشقاء عن المدرسين يا كريم

نفهم ان الازهر مليان فلوس
وفضيلته منشف ريقنا
ربنا يعطيه من صنف ما اعطانا

الاول ولاقوة الابالله

فين حقوقفنا

والله معارف اقول ايه لا حول ولا قوة الا بالله

جوعتونا ربنا ينتقم منكوا
واللله الواحد بينكسف من نفسه على حاله شغالين بقالنا 20 سنة فى الازهر والله ماقدرين نكفى بيوتنا
اكل ودواء ومستللزمات الحياة اليومية
ربنا على الظلمة
ربنا يورينا فيهم يوم
ربنا مايهنيهم على قرش بيسرقوه من حقوقنا
ربنا يسلط عليهم كلاب السكك تاكلهم
الواحد من كتر ما بيدعى عليهم مش لاقى وقت يدعى لنفسه
يا رب ارحمنا يارب اغننا عن سؤال اللئيم

جزاه الله خير عن هؤلاء الفقراء يا جماعة احنا احسن من غيرنا لينا مرتب حتى لو كان قليل لكن هناك من لا يملك قوت يومه الحمد لله على كل شىء وعلى فكرة انا مدرس على الدرجة الرابعة فى الازهر ومرتبى لغاية شهرين فاتوا 498 جنيه وربك يبارك للقنوع . فاحمدوا ربنا وادعوا للناس الغلابة بالرحمة من مسئولين الدولة لأنه من لا يرحم لا يرحم وهم بالحق احق الناس للمساعدة وليس نحن المدرسين يا شيخ .

نعم نعم حسبى الله ونعم الوكيل

الكلام ده لو هيتصرفو للفقراء بالفعل وليس للمسئولين الكبار بحجة الفقراء