يوم السبت اللى اتلغى
 

انا ملاحظ ان معلمين الازهر مافيش حد فيهم دلوقتى بيتكلم على الظلم اللى وقع علينا من عودة السبت وزيادة وقت الحصة 50 دقيقة ومنشور بان تكون الحصص الاولى للقران والفقة والثقافى فى الاخر
ايه الظلم داه ههههههههههههههه وكمان مافيش خمسين فى المية بتاعة الكادر والمرتبات اقل من التربية والتعليم وبالذات للمثبتين حديثا والعلاوات المجردة
وصدقونى انا زهقت من الكلام لانى عارف ان ماحدش حايتحرك معلمى العار للاسف سكتوا على عودة السبت
بجد مش عارف هل فى امل ان المعلمين يعملوا حاجة ويكون ليهم راى فى يوم السبت داه داه مستحيل وان كان عندى امل

شوفوا انا كاتب الموضوع داه وعارف ان ماحدش حايعمل حاجة بس بنفس عن نفسى وخالاص

احنا اسفين يا مرسى
انا اقتنعت تماما ان رئيس حافظ كتاب الله وبيصلى هيكون ارحم من غيره
كنت معارض للاخوان ونادم على ذلك

انا معاكم وعايزة اشوف حل لمشكلة الغاء اجازة السبت

انت عضو نشيط بس شكلك لسة جديد معانا هنا بكرة هتعرفنا كويس اكتر من كدة

اضراب محدش يشتغل يوم السبت نروح وما ندخلش الفصول ايه رايكم

انا معاكم الحل فى الاضراب لان العمم دى مش فاهمة حاجة وحيقفلو الازهر بدرى كل يوم تلاقى افتكاسة جديدة وقرار عشوائى يياخدوه تحت التكييف ومش عارفين باللى بيحصل على ارض الواقع

للأخ صاحب العبارة :
احنا اسفين يا مرسى
انا اقتنعت تماما ان رئيس حافظ كتاب الله وبيصلى هيكون ارحم من غيره
كنت معارض للاخوان ونادم على ذلك
[l]
أولا: بالنسبة للـ 50 % بعض المعاهد صرفتها بالفعل محافظة مطروح وغيرها ، وقد وصل البند المالى المخصص لهل لجميع المناطق ، ولكن بعض الاداريين بالوحدات الحسابية بالمناطق ـ لحقدهم للمدرسين ـ لم يقوموا بتحرير استمارات الصرف ، ولكن بعض المناطق التى لم تصرف ، ستصرف الشهور الماضية مع كارت مرتب أكتوبر .
ثانياً : مادخل حفظ الرئيس للقرآن وصلاته بالسياسة ، أليس أغلب مدرسى الأزهر يحفظون القرآن الكريم ، وهل منعهم ذلك من اشتراكهم فى غش الطلاب فى الامتحانات ، أو تغاضى البعض عن الغش .
ومسابقة القرآن الكريم التى تتم فى أجازة نصف العام ، من يحكم فيها ، أليس كلهم حافظين للقرآن الكريم ، وأنت تعلم مايحدث فيها .
امتحان الطلاب الشفوى فى القرآن الكريم أليس فيه واسطة .
ياأخى تم اختيار سيدنا معاوية حاكم للشام ، ولم يكن أفقه الناس ، بل لأنه أجدر الناس للحكم .
وعفوا ... أيها الأعضاء الأخوان المسلمين ..
قال الشاعر
الصمت أزين للفتى من منطق فى غير حينه
فلم يتكلم الاستاذ صاحب الموضوع عن فضيلة مولانا أمير المؤمنين / الدكتور محمد مرسى ( له الفاتحة )

للتغلب على ما فعله الاداريين
اضافة ال 50% للمرتب هو افضل حل

معارض لالغاء اجازة السبت............كيف يصل صوتنا؟
وانا اعلم تماما انهم متأكدون من ان الغاء السبت عبء على المدرسين لكنهم لا يتذوقون مانشعر به فهم جالسون فى المكاتب المكيفة.........اما نحن فنقف فى الفصول المعدمة وبلا كراسى .....وهاجمتنا الامراض
والتى اطلق عليها امراض المدرسين
اما اللجان المرورية فدورها الوحيد التحويل للتحقيقات بدون النظر الى شكاوى المعلم ومتطلباته.ويتعاملون مع المعلم كأنه اداه وليس انسان..................حسبنا الله

لازم ياجماعة وقفة جادة نبعت كلنا شكاوى
مانفعش نعمل اضراب عن الدراسة
احمد الطيب عايز يشلنا عايزنا نبات فى المعهد
داه بينتقم منننا
لازم وقفة جادة اقترح ان اهم حاجة الاضراب

واضح ان الازهر لا يهتم بما نقول و انا واثق ان كل كلمة بتوصل لهم لكن هو ايه الهدف من كل ده
الهدف هو اننا نتكتم وما نتكلمش عن حقوقنا المنهوبة بكل بجاحة الهدف هو اخضاع معلمي الازهر المعروف عنهم عدم قبول الظلم و مسعيهم للمطالبة بحقوقهم تحت اي ظرف و خصوصا ايام الامتحانات المعروف عنها انه لا يمكن تأجيلها عشان كده كانوا بيوافقوا علي المطالب
لكن المرحلة دي هي سياسة التكتيف من بدري عشان نفقد أي أمل في الاعتصام أو الاحتجاج والتخويف بقرارات المنع من الاعتراض و التحويا للتحقيق ارهاب

انا متفق معاك يااستاذ ياجماعة لازم وقفة جادة
لازم كلنا نتحرك فى وقت واحد ونشوف حانعمل ايه

ياتري هانسكت علي البهدلة دي طيب وايه المقابل عشان الحد الادني دا حقنا وحق كل الموظفين يعني احنا ما بناخدش حسنة من الازهر
يا اخواني الاضراب
الاعتصام
عدم قبول الظلم بكل اشكاله حتى نشعر اننا بشر و لنا حقوق
انا اتكلمت قبل كده وقلت ان ال50%التربىة و التعليم بتصرفها بدون مشاكل لانهم عارفين انه لا مساس باموال المعلم عندهم اما احنا فالأزهلاية في نظرهم مجموعة يمكن السيطرة عليها فى ظل الظروف الحالية
لكن لا و الف لا لن نتهاون في حقوقنا بإذن الله
نحن لا نطلب شيئا غير مشروعا

لابد من الاتفاق و نشر الموضوع عشان ماينامش زى المرات السابقة

الله عليك ياريت كل معلمين الازهر يكونوا زيك
لازم ياجماعة وقفة جادة
حرام يوم السبت داه

يا اساتذة ممنوع الكلام بالسياسة كما تم اخبارنا من شيخ المعهد
الجميل ان وكيل المعهد بكل ثقة قال والله الى هيتكلم فى السياسة انا هبلغ عنة
الجميل ان محدش اتكلم الأدب حلو بردة

يعنى نسكت يعنى حرام عودة السبت دراسة داه منتهى الظلم
ملحوظة الى الاستاذ سعيد مدير المنتدى مش عايز يتكلم فى موضوع يوم السبت ليه
ومركز فى حاجات تانية داه شئ غريب اوى
ارجو انه يفهمنا ويوضح لينا هو والاستاذ مصطفى محمود

ياجماعة الخير عما قريب سيعود السبت اجازه وهذا ماعودنا عليه الازهريه بيفهمو ولكن ببطء لان المساواه فى الظلم عدل وعيب ان يكون التعليم العام السبت اجازه واحنالاوخد بالك محدش اتكلم عن السبت الاازهرنا ودا كل عام افيقو ياشيوخنا من سباتكم وحسو بينا.

لازم برده نعمل وقفة لالغاء السبت

نفسى اشوف رد فعل قوى اتمنى ذلك لازم ترجع كرامة المعلم فى الازهر

اخى الفاضل انا لست مديرا للمنتدى ولا احمل اى صفه غير اننى عضو مثلك بالضبط
وسؤالى هل حديثى سوف يغير فى الامر شيئا ؟؟؟!!!!!
وبالنسبه لى لافرق بين عودة السبت او يظل الوضع كما هو
ولكن حتى لاتزعل سوف انادى
نريد عودة السبت اجازة كمان اخبرك بان رئيس قطاع المعاهد بعد كثرة الشكاوى
من عودة يوم السبت وخاصه من طلاب الثانوى واولياء الامور
سوف يبحث هذا الموضوع مع وكيل الازهر

متشكر جدا يااستاذ سعيد

بالفعل نتمنى عودة اجازة السبت

رغم أنه لا توجد لى اجازة يوم السبت أصلا:d
لأنى أعمل فى معهد به فترتين صباحية ومسائية !:d

يبىق ياجماعة نقفل وقفة بجد والله انا مش اخوان
بس قرفان من اللى بيعمله احمد الطيب مافيش فلوس يوم سبت زيادة وعلاوات مجردة للمثبتين حديثا كل داه ونحن ساكتين
ثورة معلمى الازهر