|
أكمّل أحياء ولّا مفيش أمل حد يساعدني
السلام عليكم ورحمة الله وبركاته
يا جماعة أنا جبت 95.6 % وأنا تانية ثانوي محتارة أكمل أحياء ولّا رياضة 2 وأنا بكره هندسة ورياضة 2 جدااااااااااااا ونفسي أدخل صيدلة من زمان بس يا ترى لو كمّلت أحياء وشديت حيلي ممكن أجيب مجموع صيدلة خاصة إني مش عارفة التنسيق السنة الجاية هيبقى إزاي وشكرا ليكوا |
حد يقولي رأيه عشان أنا محتااااااااااااارة
|
ما تدخليش حاجة انتى بتكرهيها مهما كان لانها صعبة وما بيمشيش فيها غير الى بيحبها انا معاكم ان شاء الله من اول السنة الجاية لغاية يوم الامتحانات اى طلب او اى استفسار او حتى لو عاوزين اشرحلكم حاجة انا موجود بأذن الله تعالى وايميلى موجود فى الملف الشخصى اولا تخليكى مع الدكتور هشام من اول السنة وانتى هاتقفلى اى امتحان احياء يجيلك ثانيا انا معاكى فى باقى المواد بأذن الله والاحياء كذلك فى امان الله |
اولا ازاى عايزه تاخدى رياضه وانتى مش بتحبيها
خدى احياء باذن الله ولازم فعلا تتابعى مع الدكتور هشام |
ماتدخليش رياضه اتنين ...
كملى احياء وان شاء الله ربنا يوفقك فيها بس بينى وبينك انا لو مكانك هكمل ادبى ...مش عشان مجموعك وحش لا انتى مجموعك ممتااااااز ..بس عشان احافظ عليه وكملى احياء وشيدى حيلك وان شاء الله تلحقى صيدله ..وقبل راى اى حد ..صلى صلاه استخاره |
اقتباس:
هو الواحد يحقق حلمه ولا يحافظ على مجموعه؟ ولا يدرس حاجة ماتتناسيبشى معاه لانه عاوز يحافظ على مجموعه |
لازم تكملى احياء وتصممى انك تجيبى مجموع صيدله وانشاء الله ربنا معاكى
|
واوالله يا بنتي حاجة تحير وتطير العقل ، ابنتي مثلك تماما
تموت الأسد في الغابات جوعا ولحم الضأن تأكله الكلاب الذين اشتروا الامتحانات أو الغشاشين في اللجان أرى كملي على بركة الله وانت مش خسرانة حاجة يونس عمران |
والله يا بنتي حاجة تحير وتطير العقل ، ابنتي مثلك تماما
تموت الأسد في الغابات جوعا ولحم الضأن تأكله الكلاب الذين اشتروا الامتحانات أو الغشاشون في اللجان هم الذين حصلوا عل أعلى الدرجات إلا القلة من الطلبة المتفوقين ربنا يبارك فيهم ويمنع عنهم عين الحاسدين أرى كملي على بركة الله وانت مش خسرانة حاجة يونس عمران |
كملي ولا تخافي الفرق بينك وبين 98% هذا العام 5 درجات تأتي في المستوى الرفيع إن شاء الله أو في أي مادة أخرى
|
بصى بقى انا عندى وجهت نظر تانيه خالص عن اللى اتقالت
اولا مجموعك بالنسبه لعلوم مش وحش وجميل وبالنسبه للرياضه جميل جدااااااااااااااااا انتى شفتى رياضه 2 عشان تحكمى عليها رياضه 2 دى لا مؤاخذه يعنى اللى مش يجيب فيها 50 يبقى فيه حاجه غلط على فكره انا كنت جايب فيها 49.5 بس ظلم والله بصى من الاخر رياضه اتنين اى حد بيفهم هيجيب ال 50 انا قصدى اقولك باختصار تحبى تمسكى العصايه من الحرف وتقع منك ولا من النص لو كملتى علوم الاحتمال هيبقى ضعيف شويه انما رياضه مهما نزلتى فى تالته ان شاء الله هتجيبى هندسه انا بنت عمتى كانت جايبه فى تانيه 98 قولتلها والله تحول رياضه والله سبحان الله جات نزلت فى تالته وجابت كله بتاع 95 وكسر يعنى هندسه اكيد ان شاء الله ع العموم انا قولت وجهت نظرى وياريت تردى عليا وتقوليلى انتى مقتنعه بيه ولا لا ؟ |
اقتباس:
احم احم هههههههه |
اقتباس:
لا من زمان و الحكايه نفسها مش سهله انا بابا دكتور فى حاسبات و كان هندسه و بيستعجب من العيال و اللى بيعملوه و ان النجاح لو زاد عن ال50% يبقى رضا فمتقوليش لو سمحت سهله الا لما نشوف حضرتك معيد _باذن الله _ و صراحه علوم اضمن و اسهل انها تجيب فيها درجات وحكايه العصايه بتبقى هيه بتمسكها من الطرف لو دخلت هندسه و خدت السنه على سنتين ده راى كملى علوم لو ميولك كده وبرده مش لازم صيدله بس فى رعايه الله |
اقتباس:
طبعا يا مان الرياضه دى ماده العباقره بصراحه وانا الحمد لله بحس انى منهم حتى فى الكليه مجبتش جيد غير فى الرياضه والميكانيكا الحمد لله :):) |
نفس النظام معيا بس الحمد لله قررت اخد احياء
|
اقتباس:
دى رياضه 2 لذيذه جداااااااااااااااااااااااااااااااااااااااااااااااا ااااااااااااااااااااااا ياريت ادرسها تانى والله ويمكن انا عشان عبقرى شويه شايفها سهله :p:p هههههههههههههه مش شرط عشان قلت سهله اكون معيد فى الكليه وبعدين ياعم مش ليك دعوه بيا انا مهندس فاااااااااااااااااااااااااااااااااشل :p:p هى الهندسه مش صعبه خالص والله اطلاقاااااااااا بس عايزه الناس اللى بتذاكر وانا مش وش مذاكره بس نصيحه بلاش هندسه جامعه اسكندريه عشان دى الجحيم بعينه :p:p لا والله الهندسه اسهل من الثانويه العامه عشان انتوا مفكرين الثانويه صعبه فخدتها مقياس معلش بس الثانويه اتفه مما تخيلت بكثيرررررررررر وياسيدى بلاش مشوار العصايه دا خالص لو مضايقك |
انا شايفة يا جماعة ان كل واحد وقدراته يعنى العبقرى فى الرياضة بينجح اوى فى الهندسة بس لازم يفشل فى الكليات العلمية
واللى ميوله علمية يبقى يستحيل يقدر يكمل رياضة لو مش شايفة نفسك فيها ابعدى عنها دى اصعب بكتير من بتاعت تانية ثانوى |
اقتباس:
|
بصي انا مش عايزه احبطك ولا حاجه
صدقيني مجموعك حلو ماقدرش اقول عليه وحش بس انا تقريبا السنه اليل فاتت عملت نفس الموضوع في نفس الميعاد كنت جايبه 96.3 ومتردده برده كتير قاللي كملي علوم وكتير قالو رياضه وقله قالو ادبي صدقيني بس اللي قالولي رياضه كانوا اكتر ومنهم اخواتي واهلي كلهم بس انا قلت لا مش هتخلي عن هدفي وعاندت في الكل وكملت علوم جبت السنه دي 92 تقريا وبالمستوي وكده مجموع السنتين بالمستوي 95.12 يعني لاصيدله ولا علاج طبيعي حتي الحمد لله قدر الله وماشاء فعل مش ندمانه بجد علي قراري لان الندم مش بيفيد بشيء مع العلم اني عمري ما كرهت رياضه بالعكس انا بحبها جدا وقفلت رياضه واقتصاد واحصاء الحمد لله لو كنتي بتحبي الرياضه كان كلامي ليكي هيختلف بس مش بتحبيها يبقي كملي علوم ويمكن ظروفك تبقي احسن من ظروفي وفي النهايه ادعولي عشان محتاره ادخل علوم وللا السن ربناا ييسر |
اقتباس:
والان اصبح كلامى حقيقه مانا قلت كدا من الصبح اللى مجموعه محيره يدخل رياضه وهو مستريح :p:p وبعدين نصيحه منى بقى بلاش كليه علوم الكليه دى جهنم بعينها والله انا اصحابى اللى هما فيها ناوين يتجوزوا ويخلفوا وعيالهم يدخلوا كليات ويتخرجوا ويشتغلوا ويتجوزوا ويجيبوا عيالى وهكذا يعنى واصحابى اللى هما بقى اجداد الاطفال دى لسه موجودين فى العلوم بجد كليه صعبه جدااااااااا |
بصى يا اروى المجاميع السنة دى كلها فى النازل و مجموعك كويس يعنى يدخلك احياء و انتى مستريحة
و حتشوفى الصيدلية السنة دى حتاخد من كام |
انا اقل منك شوية
بس هاخد احياء مع انى بحب الرياضة بس انا نفسى ادخل صيدلة لان الكيميا اكتر مادة بحبها فخدى احياء وان شاء الله ربنا هيوفقنا والظاهر ان التنسيق هيقل |
شوفي يااروي
امني مدام بتكرهي الرياضة ونفسك تدخلي صيدله يبقى تكملي احياء انا اعرف واحدة جابت في تانية 95.3 وكله قالها تخش رياضة بس هي صممت انها تحقق هدفها ودخلت علوم وجابت في السنتين على بعض97.6 يبقى انتي المفروض تعرفي هدفك فين وتشدي حيلك السنة الجاية في علوم وتدخلي صيدلة بأذن الله ومتنسيش درجة المستوى بتساعد كتير ولازم تصلي استخارة قبل ماتقرري اي حاجة |
| جميع الأوقات بتوقيت GMT +2. الساعة الآن 02:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.