عاوز أنقل المشيخة أو القطاع
 

ممكن لو سمحتم اللي عنده فكرة يقولي الخطوات المختصرة للنقل للعمل بالمشيخة أو القطاع علما بأنني معلم انجليزي ثالث .

حضرتك من أى محافظة

شوف لك واسطة جامدة فى المشيخة او القطاع

أخى الكريم أرجو الإبتعاد عن مثل هذه التشبيهات حتى لا نقع فى المحظور
وفقنا الله وإياك

طبعا انا لا اقصد المعنى الذى جاء فى ذهنك حاشا لله ولكنك تعلم ان هذه المناطق دخولها ليس له علاقه بالجهد والكفاءة على الاطلاق اما دخول الجنه فالبعمل الصالح والاجتهاد وليس فى الامر اى تشبيه اخى العزيز وحاشا لله ان يكون مقصدى التشبيه

يا أستاذ... خليك بعيد عن الأماكن دية... نصيحة مش أكتر

أنا من الغربية يا أستاذ عوض . بس ممكن اغير اقامه عادي .

ليه طيب يا أستاذ حاتم ؟

ابعد عن الشر وغنيله

ما أنا قلتلك يا أستاذ شعبان... نصيحة مش أكتر... وبلاش نتكلم أحسن!!!

اعتقد دي مش محتاجة سؤال يعني لان معروف ان الرواتب بتختلف في القطاع والمشيخة لان الحوافز تكون 500 ف المية . والموضوع مش محتاج لصراحة وقلة صراحة يا استاذ . دا استفسار ربنا قدرك وعرفت الرد اتفضل والا ما تعلقش الناس معاك . ولا انت شايف ايه

مش قصدي أزعَّلك يا مستر... يس أديك قلتها بنفسك الحوافز أدّ كده... وغيرها... فيبقى ده عَدل إن المدرس اللي تعبان وبيركب مواصلتين وتلاتة وأربعة وأكتر كمان في اليوم الواحد (دا غير اللي بيسافر)... وبيشتغل مع الطلبة لحد ما يتخنق منهم ومن العملية التعليمية كلها بسبب قلة أدبهم.. والمعاملة الردئية من شيخ المعهد.. ومن الموجه.. وفي بعض الأحيان من أولياء الأمور... وفي الآخر راتبه كله ما يكملش ربع اللي بياخدوا الواحد من اللي قاعدين في المكانين دول... هذه واحدة... أما الأخرى: فاعلم يا مستر إن المكانين دُول فيهما كمية فساد ومحسوبية ووساطة بدرجة لا تتخيلها أنت ولا أنا!!! يعني باختصار مش بياخدوا الأكفء ولاّ اللي ها يشتغل بما يُرضي الله... علشان كده أنا نصحتك إنك تبعد عنهم... وما كنتش عاوز أكَّلم علشان صورة الأزهر متتشوهيش أكتر وأكتر...
وأنا بقولك الكلام ده وأنا واثق منه جداً... يعني مش إدعاءات ولا إفتراءات... وأسف إذا كنت زعلتك.

ليه
 

في النهاية مارديتش علي سبب رفضك رغم اني راسلتك ع الخاص يا سيد حاتم. عموما جزيت خيرا علي نصحك الذي لم اجد تفسيرا لمضمونه.

واسطة يا استاذنا ولو لاقيت ابقى لاغينى