|
من فضلك ... كفايه (( قـــلــــــــ أدب ــــــــــة )) !!!!
من فضلك .. كفايه (( قـــلــــــــ أدب ــــــــــة )) !!!! شعار كويس ياريت كل الناس تتبعه بعد التوبيك ده قـــلــــــــ أدب ــــــــــة إنك تروح للمسجد ببجامة نوم وإنت بتروح لأصحابك بطقم مكوي وبارفان اللي في دولة تانيه يشمه قـــلــــــــ أدب ــــــــــة إنك تتصل على أصحابك كل يوم وعادي تقعد معهم نص ساعة أو أكثر بينما عمك أو خالك أو عمتك أو خالتك بقالهم شهور ما سمعوش صوتك !!! قـــلــــــــ أدب ــــــــــة تلف بعربيتك بالساعات و ما تخليش شارع إلا هريته وحفظته من كتر المشي فيه وكل اللف ده غالبا لأسباب ( قليلة الأدب ) (بينما أهلك لوعاوزين يروحوا مشوار ساعة واحدة) تقول لهم : والله مش فاضي!!!!!!! قـــلــــــــ أدب ــــــــــة إن الواحد يضبط ساعته على أي ميعاد وهو إلا مواعيد الصلاة!!! قـــلــــــــ أدب ــــــــــة إن الواحد يشتري الأغاني بالشيء الفلاني ويسمعها لكن يستحيل إنه يشتري شريط إسلامي ولو بخمسه جنيه أو والله حتى لو بنص جنيه مش شاريه قـــلــــــــ أدب ــــــــــة أن الواحدة تقعد على التليفون ساعة وتقعد في صلاتها دقيقه!!!! قـــلــــــــ أدب ــــــــــة إن تطلع البنت من البيت وهي غرقانه في البارفان وشبه مش لابسه حاجة >>وتستغرب عالشباب اللي ماشي وراها وبيعاكسها؟؟!!!!!!! قـــلــــــــ أدب ــــــــــة قلة أدب انك تكون قاعد في القهوة وتسمع الأذان ومن بعده الاقامه وأنت مكانك وكأنك متثبت بمليون مسمار على كرسييك !!!! قـــلــــــــ أدب ــــــــــة انك تشوف صديقك في ورطه ومتساعدوش قـــلــــــــ أدب ــــــــــة انك تشوف صديقك في خطأ..وتجامله وتقوله بإن هو الصح قـــلــــــــ أدب ــــــــــة لما ترفضي شريط إسلامي او نشره إسلاميه..بينما لو حد بيهديكي شريط أغانى بتبقي مش عارفه تشكريه إزاي؟؟ قـــلــــــــ أدب ــــــــــة عندما نسهر ساعة على النت وما نصليش ولو ركعة لله قـــلــــــــ أدب ــــــــــة انك متعلم وحاصل على شهادة عليا......ومش عارف حاجه عن دينك !!! قـــلــــــــ أدب ــــــــــة لما تعمل حاجه غلط وحد يقولك ده غلط وتجادل وتتكبر أكنك ما بتغلطش.. قـــلــــــــ أدب ــــــــــة إن الكبير يكون بيتكلم وتقاطعه... وتتكلم أنت بداله قـــلــــــــ أدب ــــــــــة إن الواحد يشوف ( قلة الأدب ) ولا يقولش عنها ( قلة أدب ) منقووووووووووووووووووووووول |
:dوالله عندك حق فعلا
الواحد بيشوف سلوكيات غريبه فعلا ويا سلام لو انت بقا قاعد على التليفزيون وجه برنامج دينى تلاقى الواحد من دول يحول ايه هوا لكن لما يجى فيلم او اغنيه تلاقيه متشوق اوى انه يشوفها حاجاااااااات كتير وافعال غريبه بنعملها وفى الاخر نقول العيب على مين ميرسى ليكى يا قمر على التوبيك الجميل اوى ده ويارب يهدينا ويهدى كل المسلمين |
مشكور على المجهود
لكن الموضوع مكرر |
لما الموضوع مكرر ... دخلت ترد ليه .. مجرد سؤال
ومن ثم .. ممكن لينك الموضوع المشابه .. (( من كان يؤمن بالله واليوم الآخر ......................... فليقل خيرا او ليصمت )) |
قلت ادب اني اشوف موضوع زي ده ومش ارد عليه
واقول جزاكم الله كل الخير |
وجزاك مثله
شكرا ع الرد والمرور العطر |
و الله كلامك صح
و الف شكر لموضوعك الجميل |
والله انا حاسس اني اتشتمت كتيييييييييييير قوي النهارده
شكرا جزيييييلا |
متشكره ع المرور والردود الجميله
======================== لا يا عاشق القلم مش تقول كده ... ده انتا على راسنا من فوق |
والله عندك حق يا نانيس ويارب ياثر في اللي بيعمل كده وجعله الله في ميزان حسناتك |
موضوع متميز اوى واسلوب جميل
شكرا يا نانيس. |
الموضوع جميل
وفعلا ده بيحصل دلوقتى كتير بس الحمد لله مش معايا |
اقتباس:
وانا دخلت قولت لحضرتك شكرا على المجهود وهو مكرر الفيصل هنا بئا علشان خواص البحث مش شغالة الاستاذ االسادات او مصطفى والاسطورة لانهم شافه الموضوع ده قبل كده ده اذا مكنش السادات كان منزله قبل كده واتحداكى انك تقولى ان ده موضوعك وفعلا غلط ان الواحد يشوف قلة الادب وميقلش عليها قلة ادب وعلشان كده انا بقول ان قلة ادب اننا ننقل مواضيع ومنكتبش تحتها كلمة منقول علشان نحفظ حق اللى كتبها شكرا على النقل مرة تانية |
اممممممممممم
برضه انا تقريبا شفت الموضوع دا قبل كدا مش مشكله ع العموم شكرا انا خايف اقول مكرر كفايه اللي حصل مع اسلام :p |
يعني هوا حد قال لحضرتك ان انا اللي كاتباه
وبعدين انا مش قديمه في السايت ده اوي لدرجه اني اعرف كل المواضيع ومش المفروض اني قبل ماكتب توبيك افتح 100 الف موضوع عشان اتأكد انه مش مكرر |
شكرااااااااااااااااااااااااا يا قمر ع الموضوع
ربنا يكرمك يارب |
اقتباس:
|
جزاكي الله كل خير
|
اقتباس:
تفتكرى مين فينا اللى رد بطريقة مش كويسة وحاضر هجبلك اللينك بتاع الموضوع القديم |
واضح انك مش شفت الرد اللي بعد كده
واهو قدام حضرتك (((يعني هوا حد قال لحضرتك ان انا اللي كاتباه وبعدين انا مش قديمه في السايت ده اوي لدرجه اني اعرف كل المواضيع ومش المفروض اني قبل ماكتب توبيك افتح 100 الف موضوع عشان اتأكد انه مش مكرر))) وياريت ترجع للتوبيك وتشوف كلمة منقول منورة تحت عشان محدش يتكلم بس |
خلاص خلاص خلاص
فيه ايه يا اسلام ايه يا نورهان فيه ايه يا جماعة انتوا قلبتوها شكلة في ايه ؟؟؟؟!!!!؟؟؟؟ اسلام مقلش حاجة غلط بس قال انه مكرر و مع ذلك شكرك مفهاش حاجة نورهان و انا اللي بعتزرلك ايه يا جماعة في ايه يا نورهان مش مستحملة اي كلمة من اي حد ليه احنا كلنا اخوات في ايه و ع العموم انا بعتزرلك يا نورهان نيابة عن اسلام مع اني شايف انه مش غلطان شكرا علي الموضوع بجد رائع و ياريت متزعليش مني اخوكي في الله شريف الخضري |
اقتباس:
احنا لسة متفقين اليوم اننا نكون مجموعه لحل المشكلات بهدوء ارجوك حاول تفهمها بهدوء بلاش انفعال اتفقنا |
اقتباس:
ده حضرتك حتى من لجنه فض الشكل زى مابيقولو فخلاص مكرر ادينا استفدنا و افتكرنا ماشى فى رعايه الله |
انا اسف ياجماعة
الموضوع رائع وممتاز ومش مكرر انا اللى غلطان |
لالالالالالالا ولا تزعل نفسك
انا اللي غلطانه اني حطيت موضوع هنا اساسا انا اللي غلطانه لما شفت حاجه كويسه ومفيده قلت اجيبها لاخواتي في المنتدى انا اللي غلطانه |
شكرا يا قمر ع الموضوع
جزاكي الله خيرا قلة ادب صحيح |
والله انا مش عارفه الموضوع كبر ليه
متهيالى ماكنشى ليه لازم كلمه مكرر عشان فى حاجه اسمها مشرف هو اللى يكرر اذا كان الموضوع مكررر ام لا وهو تحت اسمه على ما اعتقد لقب عضو وانتى يا نانيس لما يكون فيه موضوع مكرر او يتقال عليه انه مكرر ابقى اكتبى تحته مكرر معلشى عشان بس المشاكل والحساسيات اللى ملهاش اى داعى وياريت الموضوع ينتهى مش كل شويه مشاكل |
اقتباس:
شكراا نور على اختيارك للموضوع الجميل ده بس ماينفعش انك تطلبى من الناس يكتبوا منقول وانتى ماتكتبيهاش اقتباس:
اقتباس:
مش كدة ولا ايه ؟!! --- ما علينا :) --- المهم شكرا مرة تانية على الموضوع :) فعلا حاجات غريبة وقلة ادب مش كفاية عليها جزاكى الله خيرا |
والله بجد عندك حق
دى فعلا قلة أدب شكرا على الموضوع الهام |
مابقاش موضوع !!!!
ليه يعني يا نانيس .. ما انا ياما رديت على مواضيع مكررة باشكر الكاتب ع المجهود بس بانبه انه مكرر محدش كان بيزعل مني .. ده كله بس عشان نساعد المشرف لأن المشرف مش كل موضوع هيدخله هيبحث عنه ويشوف اذا كان مكرر ولا لأ -------------------------- والف شكر ع المجهود وجزاك الله خيرا يلا خليكوا حلوين والعبوا مع بعض :D:D:cool: |
والله كمان قلة ادب ان الواحد يفضل حوالى عشر دقايق يقرأ حوارات مالهاش لزمة
اولا نورهان كتبت منقول ودى امانه ثانيا يا جايد كان ممكن ببساطة تدور على كلمة منقول بدل ما تحرج نفسك وتحرج نورهان معاك ومعلشى انى ادخلت بس هوا الموضوع فعلا يستاهل يكتب اكتر من مية مرة |
اقتباس:
زى الامة والمدافع الاوحد عن العضوات ولا هى منظره ولفت انتباه وخلاص مكنش مكتوب منقول غير لما قولت منقول وياريت بئا كل واحد يخليه فى نفسه مش كل واحد داخل عاملى فيها نانسى يطبطب ويدلع |
ههههههههههههههه
نانسى اطبطب وادلع ربنا يهدى ويهدينا |
اقتباس:
|
امممممممممم
انا عندي تعليقين صغنانين بس :d اولا مش معني ان موضوع مكرر يبقي صاحب الموضوع يزعل م اللي يقولهاله او يبطل يحط مواضيع ويتضايق انا جاتلي فتره تقريبا كنت كل اما احط موضوع يطلع مكرر وكل اما يقولي واحد كدا بشكره وبطلب من المشرف ان وجد مشرف اصلا انه ينقله للمواضيع المكرره عادي الموضوع ميستهلش ثانيا مش معني ان واحد قال ان الموضوع مكرر يلاقي الناس كلها سابت الموضوع وعماله رد عليه وتقريبا الردود معظمها مجامله عشان ولا بلاش يالا مش مشكله بالتوفيق للعضوه ف الموضوع القادم وان شاء الله ميطلعش مكرر وياريت اشرف يصحلح موضوع البحث الضارب عشان اي عضو قبل اما يحط موضوع يبحث اذا كان مكرر ولا لع جزاكم الله خيرا :) |
جزاكى الله خيرا
|
جزاكى الله خيرا
|
اقتباس:
وبعدين انا عايز اقول رايى بقى فى اللى حصل بصراحه المرشد مش غلط هو ممكن غلطته الوحيده انه قال انه متكرر بس اعتقد انه قالها بنيه صافيه يعنى مش كان لازم الرد القاسى دا عليه يا نانيس والظاهر كدا ان نانيس شايله من المرشد شويه فى اى حاجه والله اعلم بس الرد اللى هى ردته دا مش عشان خاطر الموضوع وانه قال انه متكرر وكدا فى حاجه تانيه اكيد المهم ياعم المرشد انا لا بتدخل فى حاجه ولا عامل فيها نانسى عشان متزعلش ولا حد يزعل منى انا قلت الحق |
ميرسيييييييييييييييي
|
عادى يا جماعة ناس كتير بتقول ان الموضوع حلو بس مكرر ياريت بلاش الحساسية الزيادة دى احنا اخوات مع بعض محصلش حاجة.
|
اعتقد اننا المفروض نبطل نمارس هوايتنا بقى اللي هيا ندخل الموضوع ونسيبه ونتخانق عشان حاجة تانية خالص
ممكن حد يعتبر تدخلي ده قله ادب عشان العملية تكون مناسبة لبعضها هو الموضوع رائع وفكرته لذيذة جدا وظريفة ومنطقية اشكرك يا نانيس وياريت نحترم اسلامنا ونتقبل الاخرين بارائهم بصدر رحب شوية اشكركم احبائي |
Thxxxxxxxxxxxxx ya Nanes
|
وبعد طول حوار
وخروج عن اللوائح والبتنجان موضوع مكرر اسفين على التاخير |
| جميع الأوقات بتوقيت GMT +2. الساعة الآن 11:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.