|
اية اجمل حاجة فى الثانوية العامة
ياترى اية اجمل حاجة فى الثانوية العامة انا الحمد للة جايبة مجموع كويس بس مش عارفة اية اجمل حاجة فيها:D:D:D:D:D:D:D:lol::lol::lol::lol:
|
هى بصراحه انا حاسه انها بقت حلوه بعد ما خلصت
يعنى كنت بضايق من النزول كل شويه واللف على الدروس وكنت بتمنى يوم فاضى اقعد فى البيت بس دلوقتى بقى نفسى انزل والف تانى عالاقل كنت باشوف اصحابى كل يوم |
مش هقول رأيي في شئ لم اجربه
الحمد لله على نعمة الأزهر سنة واحدة فقط.... |
الكل محتار عشان كدة محدش بيرد
|
احلى حاجة بجد الدروس والخروج والهزار مع اصحابى .
|
أحلى حاجة اننا بنبقى علطول مع صحابنا و بنهزر لحد التهييس...!
و كمان كلنا بنبقى حاسيين ببعض و هما سنتين ( أو أكتر او اقل ) مهمين جدا فحياة كل واحد ... و أحلى حاجة لما نبقى مع مدرسين مخلصين بنعزهم زي اللي كنت معاهم السنادي!!! |
بصى هقولك الثانوية متعة لما تلاقى نفسك جايبة مجموع عالى يدخلك اى كلية يعنى انا مثلا والفضل لله تعالى مجموعى عالى فبجد طبعا حسيت بسعادة فى يوم النتيجة صحيح كنت فى شوية زعل للظلم فى بعض المواد لكن لما لقيت مجموعى97.6% ويدخل اعلى كلية اكيد سعيدة لكن بجد انا وكلنا تعبنا مووووووووووووت فيها عذاااااااااااااب بعد ما تخلص وتبقى فى كلية قمة ان شاء الله تلاقى نفسك عايزة ترجعى تانى ثانوى فعلا انا بقول الكلام ده نقلا عن اصدقاء ليا دلوقتى ما شاء الله فى كلية قمة
|
كلامكوا حلو
بس انا يمكن محستش بالايام الحلوة دى والخروج مع اصحابى والدروس وكدة لانى نقلت من مكان لمكان طبعا جوه مصر فبعدت شوية عنهم ودة اثر عليا جامد وعلى مذكرتى طبعا وخلانى استهترت شوية لانى بعدت عن المنافسة والتشجيع مع اصحابى بس الحمد لله واقدر اقول انى طلعت منها بعظة وهى انى مستهترش وابعد تماما عن الكسل الموضوع حلو اوى وكفى |
بص يا سيدى الموضوع ده للناس الى جابت مجموع حلو مش للناس الفشله الى زى حلاتى جايبه 93.7 بالله عليك ده مجموع انيل بيهم ايه دول وشكرا |
احلي حاجه فيها انها تخلص بقي
|
و الله انا لسة في تانية و عكيت الدنيا
انا مش شايف حاجة حلوة خالص |
دايما اختى بتقولى ان الثانوية اسهل مرحلة هيا مرت ببيها على ألقل احنا عارفين احنا المفروض نذاكر ايه لكن هما فى الجامعة تايهين اووى
وبجد انا علشان جبت مجموع كبير فأنا مبسوووووووووطة اوووى و صدقونى مرحلة روووووووووووووووووعة فعلا كفاية اننا بنحس اننا فعلا لينا مكاننا و وضعنا و فعلا لينا حد يهتم بينا و بنعرف حاجات اكتر و اكيد طبعا بنعرف الدنيا بجد و بقابل اصحابى اللى بحبهم وصدقونى امتع احساس وقت المذاكرة والسهر كانت ايام جمييييييييييييييلة اوى و يارب ارجعلها و خلاص هانت كلها كام يوم و ابدأ سنة 3 ثانوى و بجد لما تحب المذاكرة هتستمتع بيها اوى هيا ملله اوى بس انا كنت دايما بحاول اعمل كام حاجة تحببنى فيها |
احلى حاجة بالثانوية العامة رقتها ونعومتها
|
احلى حاجة فى الثانوية انى بشوف اصحابى كل يوم ونهزر
ونضحك مع بعض وننسى هم الثانوية لكن يا خسارة مجامعنا السنادى اختلفت اوى وكل واحد هيبقى فى وادى لوحده ولما ندخل الكلية هيقل التواصل اكتر وكل واحد هينشغل بحاله |
احلى حاجة فى الثانوية مش موجودة اصلا
وبعدين هو لسة فى اصدقاء علشان يحببوكم فى الدراسة ربنا يستر ويعدى سنوات الدراسة الباقية على خير |
احلى حاجة فى الثانوية
صحبنا والمدرسة بجد هيوحشونى موووووووووووت |
A7la 7aga El As7ab
|
اقتباس:
|
بجد أجمل حاجة انك بتكتشف صحابك اللى ما بيخافوش عليك ولا انت فارق معاهم مع انى عرفت واحدة بتحبنى اوى
|
basma2
انتى موجودة دلوقتى |
أنا بقى جايبه الحمد لله 99 تالته علمى علوم والحمدلله من الاوائل على محافظتى لكن مش شايفه ان فيها اى متعه صراحه كانت اصعب ايم مرت عليا كنت ساعات بحس انى مخنوقه اوى لدرجة انى كنت بتمنى الموت فى بعض الاحيان يااااااااااااااااااااااااااااااااه دى كانت ايم الهى لا يرجعها
|
اقتباس:
|
شهيدة الفيزياء
ممكن تتكلمى معاياشوية وانتى جبتى كام فى الفيزياء |
اقتباس:
|
أحسن حاجة فى الثانوية
الناس اللى عرفتهم فيها والنط من على سور المدرسة وكنا بنتمشى حولين المدرسة والدروس واللى فيها ياااااااااااااااه كانت أيام |
اصحابى والمدرسين اللى بحبهم ومش هشوفهم تانى
|
اجمل حاجة فى الثانوية انه خلصت وخلصنا منها بخير الحمد للة
|
اجمل حاجة فى الثانوية
اننا بناخد فلوس الدروس ونطلع نتفسح بيها وانا كنت احلى واحد يعمل كده وعشان كده مدخاتش هندسة زى ما اخويا كان عايز انا دخلت اللى بحبه اداب انجليزى |
ياجماعة ممكن حد يتكلم معايا شويه
|
أيوه انا الحمدلله كل المواد جايبه فيها الدرجه النهائية حتى العربى لكن الفيزياء عللى الرغم انى كنت باخد فيها درسين فنقصت فيها 5درجات
انا اللى مزعلنى انى الحمدلله المواد كلها مش ناقصه فيها حاجه حتى والله الاحصاء لكن تقول ايه النصيب |
احلى حاجة فى الثانوية العامة الخط اللى هناخده ده دى احلى حاجة فى الثانوية العامة
|
اجمل حاجة حبيت الثانوية علشانها الاحياء بموت فيها وللاسف جبت48.5اما الفيزياء عمرى ما حبتها زيها وجبت 49.5 يااااااااااااااااااااااااااااااااااااااااااااااااا اااااااااااااااه جميلة اوى(علشان محدش يجى يضربنى انا دلوقتى رايحة 3بيطرى مش معاكم يعنى)لس مكملتش كنت بحس فيها بمتعة ........مكنتش بزاكر اووووووووى........اهم حاجة افهم فى الدرس.................امممممممممممممممم المدرسين بيحبوا جنانى................يعجبنى ان الاستاذ يسالنى مجاوبش يفكر انى مخبية عليه.............لكن مش هنسى يوم قاسى حسيت فيه بالندالة فى كل لحظة عشتها فى مصروسبت بلدى التانية(ليببيا)
|
حد عايز اى استفسار تانى
|
اجمل حاجة فى الثاوية ان الواحد كان عايش على امل المجموع الكبير اللى يدخلنى اى كلية بحلم بيها لكن لما طلعت النتيجة حسيت ان الثانوية دى اسود ايام حياتى بالمناسبة انا جبت 91 علمى رياضة يعنى ضايع
وداعاااااااا للهندسة |
احلى حاجة اننا فى الفترة دى نبقرب من ربنا اوووووى وبنبعد عن حاجات كتير غلط كنا بنبعدها انا عن نفسى فى فترة الثانوية العامة دى خلتنى اعرف ربنا اكتر من الاول الحمد لله وممكن غيرت فيا حاجات كتير وبجد اى حد داخل ثانوية عامة ونفسوا ربنا يوفقوا عليه انوا يتقى الله ويتوكل عليه
|
بجد يا جماعة انا احلى ايام فى حياتى
ايام الثانوية كانت كلها جميلة بس المزاكرة كانت ارخم حاجة هههههههههه |
اول مرة احس بالفشل وبجد دى احسن حاجة يعنى .. قدامى فرصة تانية السنة الجاية :( |
طبعا ردى غريب اوى
انا بقى مش هاقول ان احلى حاجة اصحابى لا انا هاقول ان احلى حاجة فى الثانوية انى اصحابى مطلعوش اصحاب او الاكتر من كدة انهم مطلعوش بنى ادمين من لحم ودم زينا الحمد لله مش عارفة هدخل ايه بعد ماكان كل الناس بيندونى بشمهندسة مش عارفة هيندونى ايه بعد كدة ممكن المرحومة او المغفور لها الحمد لله احلى حاجة فى الثانوية انى لوحدى ومبقتش حتى اثق فى نفسى وفقدت القدرة فى الحكم على الاشياء:)
|
اجمل مافى الثانوية هى الاصحاب
منهم اصحابى حتى الان وقد مرت على هذه الصداقة اكتر من 26 سنة ايام جميلة مستحيل تتعوض تانى |
انا بقى مش شايفه انها فيها حاجه حلوه خالص
دى كانت ايام زى الزفت |
احلى ما فى الثانوية العامة انها تجربه صعبه بنعيشها بنجرب فيها الضغط والاعصاب والتعب بنحط فيها الهدف وبنحاول نحققه بنقرب فيها من ربنا بنشوف فيها خوف اهلنا علينا واملهم فينا بنتعلم يعنى ايه تكون المسؤليه يعنى ايه ابنى مستقبلى بجد على قد ما المذاكرة متعبه وبتكون اصعب مع ضغط الاعصاب بس الثانويه كبرتنى حولتنى من بنوته صغنونه مش شايله هم لبنت بتفكر كل لحظه ف مستقبلها وبتخطط لحياتها ..... ببساطه كرهتها بس مقدرش انكر فضلها عليا
|
احلى حاجة فى ثانوية عامة تعرف على اصحاب جدبدة شخصيات مختلفة عنى خالص وهى تجربة نتعلم منها وخلاص وكويس جدا انها عدت وكما عمرها محتتنسى ابدا وانا مش عارفة حشتقلها وله لا
|
احلى حاجه فيها
انت هاتخرج منها كانك مش فاهم اى حاجه خالص بس الحمد لله اهى عدت خلاص بصراحه تغوووووووور |
عدم الشعور بالتعب عندما تحصل على مجموع باهر
|
الثانويه حلوتها بعد ما تخلص
لكن طول ما انت فيها بتبقي قررررررف انا الحمد لله جبت 98.3 % ونفسي ادخل تالته |
اجمل حاجه فيها مادة الرياضيات !!
|
انها بتودى الجامعة:d
|
انا هاخش
اهوووو وهااقولكم ولو ماحصلش نصيب يبقى انتحررررررت والسبب واضح ههههههههههههه نيمو |
اقتباس:
عند حق والله |
احلى حاجة انها خلصت و الحمد لله على خير ... بس يارب تكمل على خير والكل يدخل اللى هو عاوزة
|
| جميع الأوقات بتوقيت GMT +2. الساعة الآن 03:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.