تم فتح تنسيق المرحلة الأولى الجمعه العاشرة مساءاً
 

الوزير بيقول كلام و فيه كلام تاني بيتنفذ على العموم أنا مش مرحلة أولى بس أحب أعرف الناس اللي مرحلة أولي أن التنسيق بتاع المرحلة الأولى أتفتح النهاردة الجمعه الساعه 10 مساءاً بتوقيت القاهرة
ألف مبروك و أتمني لكم التوفيق

والله الوزارة ديه ما فيها تنظيم ولا نظام و ماشيه بنظام الكوسة سواء وزارة التربية و التعليم أو وزارة التعليم العالي أو وزارة الدولة للتنمية الإدارية اللي مشرفه على برنامج التنسيق الإلكتروني

يعنى نقدم امتى دلوقتى ولا بكره ان شاء الله؟؟؟

لو كنتي مرحلة أولى يبقى ممكن تقدمي من النهاردة ما دام خلاص فتحوه وجربي دخلى رقم جلوسك و رقمك السري و لو البرنامج بتاع التنسيق قبل أنك تدخلى و ماطلعتلكيش اي رسالة زي ( عفواً هذه المرحلة ليست المرحلة الخاصة بك ) يبقى تمام جربي كده وردي عليا قوليلي نفع ولا لأ مع أني متأكد 100% أنه ينفع على العموم زيادة تأكيد أتصلي بالرقم ده 19468 ده بتاع التنسيق و أسأليهم

يعني يا مان مش لازم الواحد يلتزم بشرايح المجاميع اللي هما كاتبينها ؟
أنا لما كلمت 19468 قالولي لازم ألتزم بشرايح المجاميع حتي لو داخل من كمبيوتر في البيت عشان الضغط على الموقع

عشان الضغط على الموقع

آه هي العملية تنظيمية مش اكتر كأنه طابور لكن الموقع بيسمح لك عادي ..وممفيش أى شيء ..يعني هما بيقولوا للناس

نظموا نفسكم علشان تعروفوا تسجلوا مش اكتر ..

طب انا عاوزه الجدول حد يكتبلي الموقع يا جدعان ارجوكم

اتفضلي ده الموقع

http://www.tansik.egypt.gov.eg/Application/main.aspx

وسهل جدا ...الشغل فيه..

سلام

الموقع
http://www.tansik.egypt.gov.eg/
أو
https://www.tansik.egypt.gov.eg/Application/main.aspx

حضرتك تقصدي جدول المجاميع ؟؟ على العموم مفيش حد بيلتزم بيه وكله بيدخل في أي وقت عادي

تكون بالنسبة للمجموعة العلمية يوم السبت 19 يوليو الحالى للحاصلين على مجموع 405 درجات فأكثر والأحد 20 يوليو للحاصلين على مجموع 396 درجة لأقل من 405 درجات والأثنين لمجموع 392 درجة لأقل من 396 درجة والثلاثاء لمجموع 388 درجة لأقل من 392 درجة ثم الأربعاء للحاصلين على مجموع 384 درجة لأقل من 388 درجة والخميس لمجموع 379 درجة لأقل من 384 درجة والجمعة للحاصلين على مجموع 375 درجة لأقل من 379 درجة.
أما بالنسبة للمجموعة الأدبية فتبدأ يوم السبت الموافق 19 يوليو الحالى للحاصلين على مجموع 377 درجة فأكثر ثم الأحد للحاصلين على مجموع 368 درجة لأقل من 377 درجة والأثنين للحاصلين لمجموع 360 درجة لأقل من 368 درجة والثلاثاء لمجموع 351 درجة لأقل من 360 درجة والأربعاء لمجموع 344 درجة لأقل من 351 درجة والخميس لمجموع 338 لأقل من 344 درجة والجمعة لمجموع 334 درجة لأقل من 338 درجة.

صح.............كلامك

ياجماعه طيب بليز هيا فيها مشكله لو اتأخرت فى ملئ الرغبات انا ملحقتش النهارده وكمان ياريت حد يفهمنى بعد كده ايه اللى المفروض يحصل .

لأ بصي ده تنسيق ألكتروني يتم عن طريق برنامج (تطبيق ويب) مكتوب بلغة ال Asp.net
بالمناسبة اللي مصممينه فسم هندسة الحاسبات جامعة القاهرة
وده مش اللي بيقدم الأول بيلحق كلية لأ اللي بيقدم يوم السبت زيه زي اللي بيقدم يوم الجمعه مفيش فرق
وعلى فكرة نتيجة التنسيق الكمبيوتر هو اللي بيعملها عن طريق برامج أي أن لا دخل للعنصر اليشري في نتيجة التنسيق

انا مرحلة اولى ادعولى ادخل هندسة انا خايفة ملحقهاش انا جبت 91.8

فيه في المرحلة التانية أماكن في هندسة و حاسبات وأنتي مرحلة أولى معنى كدة أن مجموعك يجيب هندسة
ولكن كل ما يكتب في الجرائد هي مجرد تكهنات فمجاميع الكليات تنقص و تزيد بحسب الطلب عليها يعني عدد المتقدمين لها و أبضاً مجاميعهم
بالتوفيق أن شاء الله

يعني اشطة اقدم بكرة بدل يوم الاربعاء :::: اشطة جدا :: بس مش هطبع الورقة :d

شكرااااااا الله يخليك طمنتنى

عادي يا مان أنتا ممكن ما تطبعش الورقة غير لما تثبت على ترتيب معين رغباتك بعد كده في الأخر تطبعها
أو لو مش عندك برنتر في البيت ممكن تدخل على موقع التنسيق من أي نت كافية و تدخل رقمك السري و حيظهرلك الرغبات اللي أنتا أخترتها في البيت و بعد كده تعمها برنت من النت كافيه

ووادعوا لاخي يارب يدخل الهندسة جايب 91.7
يارب يامجيب الدعوات لا سهل الاماجعلته سهلا .وانت تجعل الحزن اذا شئت سهلا .يالله يا عالم الغيب يسر ها علي اخي وحقق له مايتمناه ياقادر علي كل شي ياكريم.

حتى لو حصل ظروف كده ولا كده أطمني أنتي لو من القاهرة فيه هندسة المطرية (جامعة حلوان) و هندسة شبرا فرع بنها ( جامعة بنها ) دول بياخدوا مجاميع قليلة إلى حد ما و بدروه فيه معهد عالي حكومي أسمه المعهد العالي للهندسة و التكنولوجيا ببنها وده بردوا معادل من المجلس الأعلى للجامعات المصرية ببكالورويوس الهندسة التي تمنحه الجامعات المصرية

يعني أنا بقولك لو حصلت مفاجأت في التنسيق ولو لا قدر الله مجموعك مجبش دوول ولو أنه حيجيب أن شاء الله ممكن تدخلى حاسبات شغلها برمجة و مستقبلها على فكرة أحسن من هندسة

أنا طبعت ..الورقة ..وطبعا مش هغير لان تاني رغبة مضمونة هي اللى جاية ..لكن إيه فايدة طباعة الورقة..!.!.!؟؟؟؟؟؟؟؟؟

ديه ملهاشش لزمة : ديه بس علشان تكون عارف انت اخترت ايه : لو معندكش كمبيوتر في البيت : الورقة المهمة هي بتاعت الترشيح

على فكرة يا جماعه السنه ديه بطاقة الترشيح اللي هيا (نتيجة التنسيق) مش حتتبعت على عنوان البيت لازم تطبعوها عشان تروحوا تقدموا بيها في الكلية

ورقه ايه ياجماعه وبعدين انا مش عندى برنتر فى البيت فيها حاجه لو ماطبعتهاش ؟ وايه ورقه الترشيح دى كمان ؟ انا مش فاهمه اى حاجه والنبى حد يفهمنى علشان انا خلاص تعبت من الثانويه بكل اللى فيها

بطاقة الترشيح ديه هيا نتيجة التنسيق اللي حتتبعتلك على الإيميل أو في Sms
و ديه عشان تطبعها بعد ما تطلع النتيجة روح نت كافية و قول للراجل عايز جهاز متوصل ببرنتر عشان أطبع بطاقة الترشيح للكلية
وبس تدخل رقم جلوسك في نفس الموقع اللي انتا سجلت علية و حتبانلك النتيجة و تطبعها و تروح بيها للكلية أو المعهد اللي أنتا أترشحتله و تقدم بس لازم يكون معاك
1- الأستمارة البيضاء الدالة على النجاح
2- 6 صور شخصية حديثة
3- شهادة الميلاد أو مستخرج رسمي منها
4- صورة بطاقة الرقم القومي
6- أستمارة 2 جند من مكتب البريد للطلبة الذكور فقط
6-أستمارة 6 جند من قسم الشرطة التابع له للطلبة من سن 18 سنه طلبة ذكور فقط
7-بطاقة ترشيحك للكلية أو المعهد

مش عارفة بيقولى رقم الجلوس غلط ليه مع انى كاتباه صح :o

الله أنتي جيبتي كام ؟ و أدبي ولا علمي ؟
والرسالة اللي طهرتلك قالك فيها رقم الجلوس خطأ ولا الرقم السري خطأ ؟؟

ايوه يا جماعة موقع التنسيق بيعمل بكفاءة على الاسكبلورر بس

فيرفوكس و سفارى و الليله ده مش هيشتغل و هيقولك خطأ فى رقم الجلوس

على فكره يا جماعه انا مرحله تانيه بس روحت مع اصحابى مرحله اولى المفروض مجموعه يخليهم يقدمو يوم الاتنين حسب كلام الوزير
بس ال انا شوفته اليوم مدام انت مرحله اوله قدم فى اى يوم ومش مهم انت ده يومك ولا لا المهم تكون مجموعه من المرحله الحدده

انا بسجل بس بيقولى رقم سرى خاطئ اعمل ايه؟؟؟؟؟؟؟؟؟؟؟؟؟؟

الأول أنتي شغاله بأكسبلورر أيه ؟ Microsoft Internet Explorer ? ولا أيه ؟
تاني حاجه هل أنتي متأكده أنك مرحلة أولى ؟

انا شغاله microsoft internet explorer ومتأكده انى مرحله اولى وكل ماادخل الرقم بيقولى الرقم السرى خاطئ ومش عارفه اعمل ايه

بصي هو غالباً وللأسف أنتي تقريباً حتحتاجي لرقم سري جديد
وعندك حل من 3 حلول
الأول :- الأتصال بمكتب التنسيق عن طريق 19468 من أي تليفون أرضي بسعر المكالمة العادية و تقوليلهم أن أنتي مرحلة أولى و بتدخلى رقم جلوسك و رقمك السري في الموقع و بيقولك الرقم السري خطأ وهما يقولولك المفروض تعملي أيه

الحل الثاني:- أنك تروحي الكنترول الرئيسي بجامعة القاهرة عنوانه :- مركز الحساب العلمي - شارع ثروت - امام حديقه الاورمان - بجوار كليه الفنون التطبيقية و يكون معاكي بطاقتك الشخصية و أستمارة النجاح والرقم السري و تقوليلهم هناك المشكلة بتاعتك أو لو قولتلهم رقمي السري ضاع حيدوكي رقم جديد

أطمني أنا أعرف ناس السنه اللي فاتت ضاع رقمهم و جابوا رقم تاني من الكنترول الرئيسي

ميرسى اوى ياايمن انا دخلت بس عندى سؤال بالنسبه للرغبات انا جايبه 94.5 علمى علوم ومش عارفه تنسيق الكليات يعنى كليه علوم مثلا بتاخد من كام وكده ومش عارفه اعمل الرغبات على اى اساس

بصي في الموضوع ده
http://www.thanwya.com/vb/showthread.php?t=56207
ده كاتبينه النهارده في موقع مصري مشهور (عن الحدود الدنيا للمرحلة الأولى)
هو أنا مش عندي خبرة في كليات العلمي علوم
فسيكون الحد الأدني للقبول بكليات الطب‏400,5‏ درجة اي نحو‏97,6%‏ وطب الأسنان‏399‏ درجة‏96,99%‏ والصيدلة‏393,5‏ درجة والعلاج الطبيعي‏393‏ درجة اي نحو‏96,1%
أنا مش عايز أقلقك بس مجموعم ممكن يجيب علوم و فنون تطبيبقية و فنون جميلة و أعلام و ألسن و أثار وزراعه

يعنى ال48 رغبه اكتبهم على اى اساس يعنى اكتب الكليات اللى عايزاها وممكن مجموعى يجيبها ولا اعمل ايه ؟؟؟؟؟؟؟

في عندك حلين
الأول :- أنك تضحي بأماكن رغباتك الأولى و تكتبي فيهم اللي أنتي كنتي عايزاه زي طب صيدلة طب أسنان علاج طبيعي تمريض على فكرة كلية تمريض 5 سنين و مش بتكوني ممرضه لأ !!!! والحل ده طبعاً حيضيع منك أماكن من ال 48 رغبة

الحل التاني أنك تكتبي الكليات اللي حتيجي في مجموعك زي علاج طبيبعي (إحتمال مش شرط) !!! بعد كده تمريض بعدين علوم بعدين إعلام - بعدين ألسن

والقرار النهائي يرجع لكي

طيب ايمن لو انا كتبت الرغبات الاولى على اساس مجموعى والكليات اللى تنفع ذى السن مثلا وكتبت صيدله وطب بعد كده وتنسيق حاجه منهم نزلت هيكون احتمال الكليه اللى تجيلى ايه فيهم اللى فى الرغبات الاولى ولا ايه؟؟؟؟؟

و كتبتي ألسن بعدين صيدلة بعدين طب ومجموعك جاب الحد الأدنى للقبول في الألسن يبقى هي ديه اللي حتجيلك لو مجموعك مجبش الحد الأدنى للألسن و جاب صيدلة يبقى مش حيجيلك ألسن و حيجيلك صيدلة
ونتيجة التنسيق بتجيلك كلية واحدة بس مش كذا كلية !!!!

ميرسى اوى ياايمن معلش بقى تعبتك معايا

العفو مفيش تعب ولا حاجة

يا يا جماعة انا مرحلة اولى وجبت 94 ايه رأيكم اكمل علمي علوم ولا رياضة

يا جماعة في حد يعرف موقع لنتائج التنسيق ارجو الرد