رسالة ترحيب بطلاب الصف الاول الثانوى
 

السلام عليكم ورحمة الله وبركاته

كل عام وانتم بخير

مرحبا بكم فى مرحلة جديدة وان شاء الله معنا تكون افضل مراحلك التعليمية


الاستاذ / محمود طه
الاستاذ / محمدسرور
هما مشرفى قسم الرياضيات

نمد لك يد المساعدة فى اى وقت تحتاج فيه الينا

ومعنا نخبة ممتازة من انبغ المدرسين وافضلهم على الاطلاق سيشاركونكم مسائلكم واستفسارتكم

1- الاستاذ محمد كامل فودة
2- الاستاذ خليفة
3- الاستاذ عبد الحميد فتحى
4- الاستاذ احمد الديب ابو زياد
5- الاستاذ مدحت سلام
6- الاستاذ عادل مجاهد مصطفى
وباذن الله نريد ان نتعرف عليكم ايضا من خلال كتابة طموحاتك فى الثانوية العامة

فمرحبا بك معنا فى هذا الصرح التعليمى الرائع

ا

شكرا جدا ليك يامستر


وشكرا ليكم جميعا

وانا نفسى اخش علمى رياضة

ان شاء الله

وكمان نفسى ابقى مهندسة

ربنا يستر ويحققلى حلمى

ان شاء الله يتحقق حلمك وتبقى مهندسة أد الدنيا
بس ساعتها ابقى افتكرينا

ولكن نتمنى نشوف منك المجهود اللى تحققى بيه حلمك
ان شاء الله

السلام عليكم
شكرا لكم علي طرح الموضوع
انا بإذن الله علمي رياضة
واتمني ان ادخل هندسة

ربنا معاكم يارب
وتخلصوا منها علي خير
وتكون سناتكم احسن مننا يـــــــــــــــــــــــارب

ان شاء الله تدخل هندسة وتخرج منها بعد 5 سنوات بتقدير ممتاز

السلام عليكم
نفسي ادخل علمي علوم
وادخل كلية صيدلة ان شاء الله
وعندي سؤال::
هو نظام ان الثانوية العامة سنة واحدة وتيرمين هيطبق علي انهي دفعة؟؟؟
وشكرا ليكم جميعا

ميرسى على الموضوع الجميل ده
ا

انا ناويه علمى علوم ان شاءا الله

ونفسى اروح طب اسنان

صيدلة ....يعنى حقن وعلاج طعمه مر ..........ههههههههههه

ربنا يوفقك

ان شاء الله النظام اخر كلام انه حيطبق على طلاب اول ثانوى السنة دى

ربنا يكرمك ان شاء الله وتحقق هدفك

وربنا يجعلنا معاكم سبب ولو صغير للوصول لاحلامكم

ربنا ينولك احلامك ولكل مجتهد نصيب

طيب سؤال على الماشى بما ان الموضوع طب اسنان

الانسان عنده كام سنه ( اسنان)

احسلنكم حولو على طول صنايع وابعدوا عن الثانوية دي

شكرا ليك يامستر ولتشجيعك

وطبعا هافتكرك ان شاء الله بكل خير

;);););)

اانا نيتي علمى رياضة ومن بعدها هندسة القاهرة وان لم يكن تبقي دمياط او فنون تطبيقية
ادعولى بقي

ادعولي
 

:rolleyes:انابقي ان شاء الله علمي علوم ان شاء الله هدخل كليه صيدله جامعه اسكندريه بس ادعولي ربنا يوفقني انا واصحابي

ان شاء الله هندسة جامعة القاهرة

بس ايه علاقة القاهرة بدمياط

انا لما شوفت صورتك قلت دكتورة اطفال

بس مش مشكلة ممكن ( صيدلة قسم دواء اطفال ):D:D

اطيب الامنيات بالتوفيق

ميرسي جدااا




بس في قسم دواء اطفال

طبعا لا يوجد حاجة اسمها قسم دواء اطفال

دى دعابة علشان صورتك

ربنا يوفقك

مش عايز اقولك انه لا توجد مقارنة بين الرياضة فى اعدادى والرياضة فى ثانوى

الرياضة فى ثانوى متعة ليس بعدها متعة

وسيبك من كلام الجرايد

اتحدى لو حد من اللى بيكتبوا عن الامتحانات وصعوبتها انه يحل مسألة هايفة

وربنا يوفقك ومرحبا بك معنا

انا بقه نفسى ادخل علمى علوم
واكون دكتوره ان شاء الله صيدله
واتمنى لكل واحد منكم انه يحقق حلمه وربنا يوفقنا جميعا
يارب ياداليا تدخلى الى انتى عوزاه

ان شاء الله تكونوا اصحاب فى صيدلة

ان شاء الله نشوفك فى اجزخانة بعد 8 سنين تكون بتاعتك

بس انا ملاحظ ان الغالب عايز يدخل صيدلة طيب مين اللى حيدخل طب علشان يكتب الادوية :D:D

اطيب الامنيات بالتوفيق

طبعا انا هقول رائيى كتير من البنات وانا اولهم بيكون خائفين من اى حاجه
انا عن نفسى بخاف من الدم والتشريح والحاجات دى
فاكيد هدخل طب صيدله طبعا لانى جبانه
صح ولا ايه

صح يامنى

ربنا يحققلك حلمك وحلم كل الى داخلين ا ثانوى

انا داخلة 1\ث و كنت عايزة اعرف ايه نظام 1\ث الجديد و كمان نظام الثانوية العامة السنة الواحة حيطبق علينا و لا ايه؟ و بجد ميرسى لكل المدرسين اللى بيساعدونا و اللى حطوا الموضوع ده لينا و انا حلم عمرى انى ادخل صيدلة علشان كده ناوية ان شاء الله على علمى علوم و ربنا يعنا كلنا على الثانوية العامة

انا داخلة 1\ث و كنت عايزة اعرف ايه النظام الجديد؟ و كمان نظام الثانوية السنة الواحدة حيطبق علينا و لا ايه؟ و بجد ميرسى لكل الاساتذة اللى عملوا المنتدى دا لمساعدتنا و انا نفسى ادخل صيدلة القاهرة علشان كده ان شاء الله ناوية على علمى علوم

ان شاء الله اخر كلام ان النظام الجديد بتاع السنة الواحد سيطبق عليكم انتم

نظام اولى ثانوى الجديد دة نظام بيقسم الطلاب الى مجموعتين
الاولى تدرس ثلاث مواد فقط بالاضافة للعربى والانجليزى والرياضة واللغة التانية
والاخرى تدرس ثلاث مواد مختلفة عن مواد المجموعة الاولى بتالضافة لنفس الاربع مواد الثابتة

دة فى الترم الاول
والترم التانى يتبدل مواد كل مجموعة مع المجموعة الاخرى

ان شاء الله نشوفك فى صيدلة باذن الله