|
الدبلومة المهنية ببني سويف 2014
1 مرفق
جدول محاضرات الدبلومة المهنية ببني سويف أرجو مزيدا من التواصل
الملف المرفق 103184 |
يا ريت يا جماعة اللي في دبلومة مهنية ببني سويف ننسق مع بعض
|
أنا دبلومة مهنية تخصص تخطيط وتطوير مناهج ، ياريت لوحد يرفع جدول المحاضرات على الموقع ولكم جزيل الشكر
|
[b]ايه الأخبار ياجماعة هو مافيش جديد ولا جداول ولا أى حاجة ، ياريت اللى عنده جديد ، ولكم جزيل الشكر
|
أنا ذهبت الى بنى سويف أمس الاربعاء ،سألت الموظفة بالدراسات العليا وقالت لى أن الكارنيه هيطلع 15/12 وجدول المحاضرات معلق بالكليه ، واليكم جدول المحاضرات (تخصص تطوير مناهج )
يوم الأحد : نظرية المنهج من 1-3 ، تطوير المنهج من3-5 يوم الأثنين : أساليب تدريس من 1-3 ، التقويم ونظم الامتحانات من 3-5 يوم الاريعاء : تطبيقات منهج من1-3 ، تخطيط منهج من 3-5 وأنا تحت أمركم و نرجو التواصل بيننا حتى تعم الفائدة ، ولكم جزيل الشكر |
شكرا استاذ عاشور حضرتك مواعيد العملي سألت عليها
|
هل التقديم مفتوح لحد دلوقتي يا استاذ محمد و لا ؟
|
ان شاء الله الاسبوع القادم سوف أذهب الى بنى سويف حتى أعرف مواعيد العملى،وأى جديد سوف أبلغكم به
|
شكرا لك استاذ عاشور وبالنسبة لموضوع التقديم قفل من حوالي ثلاثة اسابيع
|
وأنا أشكرك ايضا يا استاذ محمد ، وأرجو المزيد من التواصل والتعارف بيننا ، ومن كل الاخوة حتى تعم الفائدة بيننا
|
ان شاء الله واي جديد اعرفه سوف اقوم بنشره ان شاء الله
|
عايزين نجعل الصفحة دى خاصة بالدبلومة التربوية
ننشر اى اخبار عن الدبلومة |
أنا ذهبت الى بنى سويف اليوم وقابلت فى الكلية مجموعة من الزملاء عددهم حوالى 20 تخصص تطوير مناهج وحضرنا محاضرة الدكتورة سهام حنفى فى مادة التطبيقات حوالى الساعة 2 وعملت الدكتورة كشف وسجلت فيه اسماء الحاضرين وشددت على موضوع الحضور والغياب وقالت لازم الحضور 75% حتى لا تحرم من الامتحان وسألت الدكتورة على مواعيد العملى فقالت لنا الدكتورة : مافيش عملى فى قسم تطوير المناهج ودى أهم مصلحة وقالت أن كتاب التطبيقات هينزل بعد أسبوع وحددت لنا الدكتورة ميعاد المحاضرة هيبقى يوم الأربعاء القادم الساعة 2 فى مدرج 2 فى الكلية القديمة, وانا تحت أمركم لأى استفسار
|
ياريت كمان جدول تكنولوجيا التعليم تربية سوهاج
|
سلام عليكم انا عايزة مواعيد محاضرات الدبلومة المهنية قسم التربية الخاص مواعيدالعملى
|
هى المواد العملى اية ومواعيده اية
|
لسه مواعيد العملي منزلتش وتقريبا هتنزل الترم الثاني
|
الدكتورة سهام قالت لنا فى المحاضرة : انه يوم 19/12 سيتم عمل وتجهيز لجان الامتحانات نصف العام لطلاب الكلية وبالتالى لن يكون هناك أية محاضرات بالكلية لطلبة الدبلومة ، أى ستكون أجازة لنا الى ما بعد انتهاء الامتحانات التى سوف تبدأ يوم 29/12 ، وكمان فيه نشرة معلقة بالكلية بأن الدفعة الأولى من الكارنيهات سوف تسلم يوم 10/12 الثلاثاء بمبنى المعامل بالكلية القديمة شارع صلاح سالم الساعة 12 ظهرا ، وياريت أكون أفدتكم ولكم جزيل الشكر
|
شكرا لك استاذ عاشور وبالطبع منشوراتك تفيد الجميع
|
عايزين نعمل صفحة على الفيس باسم الدبلومة المهنيه تخصص مناهج اللى موافق
|
كل الجهود مشكوره
وعاوزين نعرف مين من حضراتكم شعبة(التخطيط التربوى وأقتصاديات التعليم):078111rg3::078111rg3: |
ذهبت اليوم الى بنى سويف ،وقابلت بعض الزملاء فى الكلية ، لكن اعتذر الدكاترة عن محاضرات اليوم
ولم يحضروا بسبب سوء الأحوال الجوية،علمنا أن آخر يوم فى المحاضرات هو يوم الخميس 19/12 |
استاذ عاشور انت فين
|
أنا تحت أمركم دائما ، معلهش كنت مشغول جدا بالمدرسة تجهيز امتحانات نصف العام والكنترول، ولكن أنا معكم دائما ، ذهبت الى بنى سويف يومى الأحد والأثنين وأخذنا محاضرات ( أساليب تدريس ) للدكتورة مديحة وكانت الدكتورة لذيذة جدا معانا وكل اللى يجاوب يأخذ درجات ،وطلبت مننا الدكتورة بحث نجهزه فى فترة الاجازة لأنها كانت اخر محاضرة لها حتى العودة بعد انتهاء امتحانات نصف العام لطلاب الكلية، والبحث يكون باللغة الانجليزية عن اساليب التدريس والمدرس والتلميذ
|
يعنى مفيش محاضرة الاثنين القادم
|
مفيش محاضرة أساليب تدريس لكن فيه محاضرة (تقويم ونظم امتحانات ) للدكتور محمود نصر وهتكون فى الساعة الثانية والنصف فى الكلية القديمة بشارع صلاح سالم فى مدرج 3 ، وذلك يوم الأثنين القادم وطلب مننا الدكتور تحليل وحدة من الكتاب المدرسى لأى صف من الصفوف على حسب تخصص كل واحد منا وذلك فى ورقة فلوسكاب ، حيث يتم تقسيم الورقة الى ثلاثة أجزاء رأسية من أعلى الى أسفل ويكتب فى الجزء الأول المفاهيم والجزء الثانى المبادى ( القواعد ) والجزءالثالث المهارات ، وقالنا : ان اللى ما يجبش هذا التحليل معه يعتبر غائب واللى يغيب اكثر من نصف المحاضرات لن يدخل الامتحان ولو لف حول نفسه مهما عمل ، ويا ريت أكون أفدتكم واىاستفسار أنا تحت أمركم ولكم جزيل الشكر
|
ياجماعه حد شعبة تربيه خاصه
|
ذهبنا اليوم الى الكلية واخذنا محاضرة تخطيط مناهج ، وكانت آخر محاضرة فى الترم الأول وتبدأ المحاضرات فى يوم 2/2 باذن الله تعالى ، و انت يااستاذ عصام جاد عامل ايه افتقدناك فى محاضرة اليوم ، فهى كانت محاضرة لذيذة والدكتور عبدالرحمن كان مرح جدا معانا وقضناها ضحك وهزار
|
كان عندى اكثر من حقنه مينفعش اسيبه وان شاء الله نلتقى فى الترم الثانى
|
نلتقى على خير باذن الله ، المهم سلملى على محمد سعيد و عماد ، هتوحشونى أوى ، وخلينا على تواصل دائما ، لأنكم من الناس اللى بعزهم أوى .
|
اليوم انتهت امتحانات الصف السادس ، وسوف نتفرغ لحل الشيتات بتاعت مادة ( تطوير المناهج ) ومادة (تطبيقات تربوية ) وكمان نشوف البحث اللى طلبت مننا الدكتورة / سهام حنفى اللى هو التعليق على 3 رسائل موجودين بكتاب ( تطبيقات تربوية ) للدكتورة سهام ، وكمان ترجمة ورق الانجليزى للدكتورة / مديحة والبحث اللى طلبت مننا الدكتورة عن طرق التدريس ، ويا ريت نتواصل مع بعضنا حتى تعم الفائدة ، وانا عارف ان كل الزملاء بيتواصلون معا على جروب الدبلومة المهنية ، ولكن انا ليس عندى ايميل للتواصل معهم .
|
كل عام وأنتم بخير ، بدأت محاضرات الدبلومة المهنية ( تطوير مناهج ) ، يوم الأحد القادم الدكتور/ محمد موسى
من الساعة 2-5 ، ويليه الدكتور/ عبدالرحمن ( تخطيط المناهج) |
ربنا يبارك فيكم ......... جزاكم الله كل خير ،
|
السلام عليكم .. كنت عايزة أعرف أخبار الدبلومة المهنية شعبة إدارة مدرسية ضرورى جدا .. أرجو الإفادة
|
الدبلومة المهنية تربية خاصة
انا روحت اليوم الكلية وجبت جواب التربية العملي بعد ما دفعوني 100.5 اولاد ..........
العملى هيكون يوم الاربعاء مكتوب في الجواب مدرسة الأمل للصم |
عاوز اعرف الورق المطلوب لتقديم فى الدبلومه المهنيه العام الحالى ومعياد التقديم
|
التقديم بتربية بني سويف يكون على موقع الكلية ع النت تابعى الامر هذه الايام .... اما عن الاوراق فبعد تسجيل بياناتكم تطبعوا ورقة التقديم التى سجلتم بها ويكون محدد فيها الاوراق والرسوم والموعد ...
اما عن الاوراق فهي : - الليسانس (اصل) - شهادة ميلاد (اصل) - كعب عمل لغير العاملين (اصل) - 4 صور شخصية + صورة البطاقة الشخصية وصورة الموقف من التجنيد للذكور |
| جميع الأوقات بتوقيت GMT +2. الساعة الآن 10:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.