هااااااااااام جدا خصوصا لطلبة 3 ث ( ارجووو الدخول )
 

معاك يا محمود والله عندك حق وأنا هبدأ من النهاردة في نهاية اليوم هكتب اللي ذاكرته واللي هذاكرة بكرة وانت تعمل كده برده وننافس بعض علي اللي يخلص هدفه بإتقان بس انا مش معاك ان احنا نحدد فصل معين نذاكره لان في ناس مقدمة وناس متأخره والظروف بتختلف من شخص للتاني فممكن واحد يكون وراه دروس ومدرسة ومش فاضي غير ٣ ساعات مثلا وواحد تاني فاضي طول اليوم فالظروف بتختلف فاحنا نكتب اللي خلصناه واللي ان شاء هنخلصه اليوم اللي بعده حتي لو كان فصل واحد حسب ظروف الوقت يعني ونحاسب ونشجع بعض .

تماااااااااام وانا مستنيك تكتب النهاردة زاكرت ايه انا لحد دلوقتى لسه مذكرتش اروح اذاكر بقا :028ja7::028ja7:

الفكرة مش هتنفع بشكل جماعى ممكن تنفع واحد لوحده بس

ايه ياد أنت محبط كده ليه ان شاء الله الفكره هتنفع وبعدين ده مجرد تحفيز فقط لا غير وخلي بالك في ناس كتير مبتعرفش تذاكر الا لما حد يشجعها وينافسها (افتكر دي)

ع فكرة لو لوحدك مش هتلاقى حافز زى ما تكون مع مجموعة يعنى لو انت كل يوم هتدخل علشان تكتب انا زكرت ايه هتلاقى نفسك بتذاكر بجد و فى حتة المنافسة جواك وتركيزك بيزيد علشان تكتب انا زكرت ايه ولو حصلتلك ظروف كمان ولا حاجة ملل او ارهاق او اى حاجة هتلاقى فى دافع المنافسة بيساعدك ع التغلب عليهم و ع العموم كل واحد حر انا هبدا انا و not masked
وكمان لو فى اى اسئلة تكتبها ونساعد بعض ان شاء الله وربنا يسهل لكل طالب علم طريقة ويحققلو هدفو فى حياتك
انا باذن الله مذاكرتى بتبدأ بالليل هبقا ادخل لما اخلص مذاكرة واكتب انا زكرت ايه

معاااك يا محمود علي طول الطريق ان شاء الله انا بذاكر تقريبا من الساعة ا بالليل لحد الفجر وبعد كده بيبقي عليا دروس وكده وممكن افضي كام ساعة بعد الدروس وبصلي العشا وارجع انام لحد الساعة ١ وده يومي فانا هنام دلوقتي والساعة ١ هبقي اقولك هذاكر ايه طول اليوم وبالليل هبقي اقولك إن انا نفذت اللي كتبته ان شاء الله ومنتظرك يا كبير

انا كمان نفس نظامك بس مع شوية اختلافات انا بنام دلوقتى وبصحا ع 12 لحد ما افوق واصلى ركعتين لو ربنا كرمنى يعنى لازم انت كمان تصلى ركعتين لله وبعدها بفضل صاحى لحد الصبح وانام الصبح ع الساعة 10 او 9 ع حسب يومى انا النهاردة هنام واصحا الساعة 1 ان شاء الله وهكمل لحد الصبح وخصوصا انى هروح المدرسة كدا اشوف النظام وارجع هو دليل التقويم دا اجيبو منين

انا ان شاء الله هذاكر الفصل السابع والثامن كيمياء واحل عليهم

ويلاااا اقوم نام علشان تصحا مركز

السلام عليكم

وعليكم السلام ورحمة الله وبركاته

انا ذاكرت النهاردة نص الصغيران بس مخلصتهوش عشان مكانش في وقت كبير

عاوز اعرف يا محمود انت خلصت الباب السادس والسابع ولا ايه واوعي تكون مخلصتهمش هتبقي ليلتك بيضة انا قولتك اهو بس اهم حاجة الضمير وانت بتذاكر والدعاء

خلصت السادس من قبل كدا وحليت عليه لكن فى مسائل كتير معرفتهاش لان افكارو مختلفة وكنت مذاكر قبل كدا نصف الفصل السابع جيت اراجع عليه لاقيتنى الحمد لله حفظو وكويس فيه يعنى منستهوش زكرت النصف التانى والنووووووووور قطع حسبنا الله ونعم الوكيل وفضل قاطع رحت صليت الفجر وقعدت بعدها شوية مجاش بردو فرحت نمت وبعدها صحيت رحت المدرسة النور قفلى اليوم حسبنا الله ونعم الوكيل

فكره جميله جداً يا شباب وطريقه تشجيع ملهاش حل , لما كنا فى ثانويه عامه كُنا عاملين موضوع إسمه " ماذا ذاكرت اليوم " ده كان بيحفزنى بشكل غير عادى وبفضله مع حاجات تانيه كتير بعد فضل ربنا الواحد حقق حاجه كويسه , وإن شاء الله تحققوا حاجه كويسه السنادى , ربنا معاكم :) استمروا فيه ^_^

http://www.thanwya.com/vb/showthread.php?t=539278

شوفى حضرتك كده في أول كومنت ده كان نظامى فى العربى وهتلاقى بعده فى كومنتات على الإنجلش
لو حضرتك عايزه حاجه تانيه إتفضلى تحت أمرك

ينفع يا جماعة انضم معاكم بس انا فى ازهر يعنى هيبقى فى مواد اكتر من عندكم والراى رايكم

جزاك الله خير

بس هوا انا نفسى مخدش درس في العربى بس خايفة من النحو والبلاغة وانا معايا ملخصات بس بتقف معايا اسئلة ومش بتكون متجاوبة وبضطر اروح درس عشان بس اسأل لكن بقدر افهم مع نفسى النحو والبلاغة وكذلك في الجولوجيا

فتنصحنى حضرتك بايه

مش عارف هى دى حاجه ترجعلك , بس النحو مش نظرى يعنى عايزه حد يشرح قدام منك القاعده ايه وبعدين حلى زى منتى عايزه فلو شايفه انك فاهماه كويس وبتعرفى تحلى اوك تمام , البلاغه امرها سهل جدا انتى لو جبتى مُذكره أو مُلخص ليها هتتلم معاكى لإنها أصلاً حاجات محفوظه إسطمبه واحده برده مع الحل هتلاقى الموضوع مشى .. أما حته درس أو لأ فدى مقدرش أفتى

الجيولوجيا أنا مدرستهاش فمقدرش أفتى برده فيها

اكيد طبعا ولنا الشرف يلا بقي اكتب هتذاكر اية

انا هذاكر بكرة ان شاء الله اللي هو من الساعة ١ بالليل (أول الكيميا العضوية واحل عليها طبعا وكمان هكمل نص الصغيران واحل عليه) وربنا يقدرنا نخلصهم بفهم

الله يخريبت الدروس اللى خربت بيتنا

شكرا لحضرتك

ويريت حضرتك تدخل جروب ثالثة ثانوى السنة دى 2014 وتدينا شوية نصايح ع الماشى

وكل اسوع لو في مشكلة مع حد فينا لا اللى مجرب غير اللى مش مجرب وخصوصا حتى في سنة تانية مشوفناش م الثانوية العامة حاجة

مستنيك تقولي يا محمود هتذاكر اية بكرة وانا هروح اناااااام بقي عشان اصحي فايق وادعولنا

حاضر ان شاء الله

انا لما بذاكر لوحدي بحس والله اني احسن من لما اروح درس خصوصا ان في مدرسين عندنا بيعقدونا من المواد مش عارف ليه

انا بس عشان مش بروح المدرسة وبكون عندى اسئلة وللأسف لما السؤال اللى عايزة اسأل في الملخص مش بلاقى اجباته لكن مش كل الاسئلة متجاوية

انا نفسى الغى دروس من العربى والجلوجيا والكيميا

بس اول حاجة خايفة انى مذكرش اوى فيهم

وعايزة اسأل فيهم

ربنا يسترها السنة دى معانا ونجيب اعلى المجاميع

انا بعمل حاجة مش عارف صح ولا غلط
في الانجليزي الوحدة كلمات بس ممكن اذاكر فيها يوم سليم من الصبح لليل بس من the best surprise senior ومذكرات كتيرة جدااااااااا جدااااااااااااااا من على الموقع
هو ده صح ولا غلط

من الصبح لليل ليييه كدا ع العموم الانجليزى اولا من the best احفظى الكلمات :028ja7: وتروحى ع senior فيه كلمات مختلفة علمى قصادها واحفظيها وكمان لازم كلمات من برا المنهج اللى المستر بيدهالكم فالحصة احفظيها كويس علشان الترجمة :bosyht9::bosyht9: لكن مذاكرات كتيييير جدااااااااا جدااااااا :006et4:دى فى رائيي انها غلط متشتتيش عقلك احفظى كلمات من the best او senior ولازم يكتبو علشان ميتنسوش وبعدها حلى ع القاعدة من the best و senior و surprise والكمات بردو انا عن نفسى بذاكر من the best وبسسس لما اقضى المواد التانية الاول :bosyht9::av4056bb7jp3::av4056bb7jp3:

انا ان شاء الله هذاكر دلوقتى الفصل الثامن كيمياء يااااااا رب الحق احل عليه

هو انت يا محمود بتاخد الدروس كلها ؟ اصل أنا باخد انجليزي وفيزيا وكيميا بس وانا عادتي مبحبش كتر الدروس والمواد التانية انا بفهمها وبحفظها وماشي فيها تمام الحمد لله بس والله ساعات ضميري بأنبني ويقولي روح درس في المواد رغم أني علي يقين ان الدروس دي ملهاش لزمة بالنسبالي

ها قولي خلصت الثامن ولا اية أما بالنسبالي والله شكل الحسد بتاع امبارح مفعوله ظهر انا تقريبا من الصبح معرفتش الاقي وقت خالص عشان اذاكر رحت مشاوير كده ورحت دفنت واحد من بلدنا وحاجات كده يلا ربنا يسهل بس انا مش هسكت طبعا ان شاء الله هكملهم واظبت كده

انا بكرة ان شاء الله هكمل اللي مذاكرتهوش بالإضافة لنصف درس الوراثة وحفظ نصف كلمات الدرس الرابع فرنساوي

يلا بقي انا هخش انام وربنا معانا ونقدر نصحي ١ بالليل عشان نذاكر برواقة كده

بص بالنسبة لموضوع الدروس دى انا بكرهها من الاعدادية ومكنتش بروح فى 1 و2 اعدادى دروس خالص المهم انا ممكن بردو ازاكر فرنساوى فالبيت واذاكر فيزياء من شرح الاستاذ محمد عبد المعبود بتاع قناة الرحمة واذاكر جولوجيا لكن الكمياء لا والاحياء بردو خد درس احياء بسرعة كمان علشان هتلغبط معاك جامد لو مختش درس وكمان لو مش بتستفاد من الدروس انا مبستفدش فالعربى خالص بس بروح مش عارف ليه :bosyht9::bosyht9: لو قطعت من الدروس اهلى هيزعئولى وبعدين روح وخلاص دى سنة واحدة والدرس مفيد ع فكرة روح روح روح لازم تروح :028ja7::028ja7::028ja7: المدرسين عندهم خبرة بالامتحانات عندك متجازفش فثالثة رغم انى والله مبحبش اخد المعلم من المدرس او مبعرفش اركز معاه بحب اذاكرها بس نصيحتى لازم تروح وبالذات الاحياء

‏‎

‎المشكلة اني لو رحت الدروس مش هعرف اذاكر وبعدين انت عندك ناس كتيرة بتروح في كل المواد ودرجاتها ضعيفة يعني مش شرط وعلي فكرة انا عارف ان الاستاذ بيفيد برده بس اللي انا هعمله اني هفضل برده علي نظامي عشان اعرف اذاكر وهبقي الروح الدروس دي برده في المراجعة في شهر ٢ او ٣ كده يعني

لا لازم تروح احياء روحها علشان ال dna والوراثة هياخد من وقتك ساعتين ونصف مش مشكلة يعنى خالص

http://im33.gulfup.com/y15xR.jpg
بتشوف المطلوب وبنحط اللى قصادو فالمربع مقام و الباقى بسط ( المضروب فيه مقسوم عليه) بتسهل قوانين فارداى

اه خلصتو تقريبا فاضلى فيه طلاء المعادن حسد ايه وكلام فاضى ايه انت قول الاذكار الصبح وخلاص مش هتتأثر
ولو فى مشاكل عندك سيبها ع الله انا بردو عندى ظروف اليومين دول كدا بدأت النهاردة بس ان شاء الله خير يااااااااارب

انت صدقت ؟ حسد اية ده انا بهزر

هههههههه لا بهزر انا كمان بس بفكرك بالاذكار :028ja7::028ja7::028ja7:;)

انا بذاكر من 12 ونصف مش عارف اضبط جدول خالص علشان امشى عليه هو الاحسن انى اذاكر المواد كلها او معظمها فيوم واحد يعنى بص انا عملت جدول السبت 12 و ربع لحد 2 فيزياء ومن 2 لحد 4 كيمياء ومن 4 لحد 5 انجليزى بعد صلاة الفجر مذاكرة عربى واليوم اللى بعدو الاحد 12 لحد 2 فيزياء من 2 لحد 4 احياء ومن 4 لحد 5 عربى بعد الفجر كيمياء دا جدول عملتو بس لما جيت اذاكر الكيمياء بعد الفيزياء حسيت ان مليت ودماغى وقفت المهم الجدول دا لسه عاملو ومش عارف انهو اللى احسن السبت 12 ونصف لحد 2 فيزياء ومن 2 ل3 كيمياء 3ل4 انجليزى ومن 4 لحد 5 عربى بعد صلاة الفجر مذاكرة عربى بردو ويوم الاحد 12ل2 ف 2ل3 احياء 3ل4 انجليزى 4ل5 عربى وبعد الفجر انجليزى الاحسن للمادة ساعتين ولا ساعة علشان متزهئش ولا فى طريقة احسن للجدول ؟؟؟؟؟

والله يا محمود طريقة الجدول بتاعك متمشيش معايا خالص لان حاسس بلعبكة كده في الجدول وفي مواد مثلا انت محدد لها مثلا ساعة او ساعتين وبتذاكر علي كمية الوقت (يعني كم المذاكرة علي قد الوقت )أما انا بحدد الوقت والكمية يعني مثلا نص درس الاحياء بياخد مذاكرة وحل علية تقريبا ٢ ساعة و هكذا في بقية المواد فانا بعمل ايه بنظم جدول ثابت بحيث المادة الفلانية تخلص في وقت معين وده هيخلي عندك ثقة كبيرة في نفسك لان انت كده محدد هتذاكر اية في أيام اية في الوقت اية وهتخلص يوم كذا كمان فانت كده تبقي برنس بس مش تسيبها سايبة بقي وتقول هذاكر المادة وخلاص كل يوم ساعتين او كده .وانا هكتبلك نظام جدولي دلوقتي برده .
معتقدش ان ساعة كافية لكل مادة الا اذا كنت هتذاكر كمية صغيرة

انا بعمل جدولي ازاي بقي؟ بص انا بقول مثلا العربي فيه ١٠ نصوص فمثلا انا هذاكر نص الابيات لحد البيت الفلاني واحل عليهم ده هياخد مني مثلا ٣ ساعات ونص الابيات التانية هياخد ٣ برده يبقي خلاص انا بحدد كل يوم ٣ ساعات ولو مشيت بالنظام ده هخلص العربي لحد يوم مثلا ١/٢٥ واروح جاي محدد الايام من النهارده لحد يوم ١/٢٥ هذاكر من كذا لكذا كل يوم وكده في المواد التانية بس في مواد بذاكرها يوم ويوم . اما بالنسبة اني اذاكر وامشي مع الاستاذ فانا بطبعي مبضمنش أي استاذ أبدا أنا مع نفسي عامل جدولي وعارف هخلص امته المواد كلها وعارف برده هلعب امته وكده .

بص انا باذن الله حاول اضبط جدول وامشى عليه اليومين دول مش عارف اذاكر خالص
بس باذن الله من النهاردة هذاكر بجد علشان انا رحت المدرسة النهاردة ومش رايح تانى خالص بس سألت عن اعادة القيد بتتعمل مرة واحدة وكمان لو غبت بعدها يوم بتتحول منازل قلولى كدا

طب انت هتعمل اية هتعيد قيد ولا هتغيب وتتحول منازل

مش عارف انا غايب ييجى 20 يوم لحد دلوقتى المهم ربنا يستر ومتحولش منازل انا النهاردة معرفتش اذاكر خالص طبعا علشان امبارخح كان عليادروس وموصلات بقا علشان الدرس بعيد وكنت تعبان ومنمتش فالنهار خالص رحت نمت الساعة 8 ونصف تقريبا صحيت 12 تقريبا جيت اذاكر فيزياء معرفتش خالص ونمت وقلت لاخويا يصحينى مقدرتش اصحا واكمل كل لما اصحا اضبط المنبة ع ساعة بعدها لحد ما صحيت قبل الفجر بنصف ساعة رحت صليت وجيت علشان اذاكر مكنتش مركز بردو اقعدت افكر انا كدا مصحتش فايق ليه وانا بصحا عادى كل يوم بس لما رحت المدرسة بقا مقدرتش بوظتلى اليوم كلو وبعدها عملت جدول مش امشى عليه لا نظام كدا هصوره وارفعهولك ومذكرتش بفكر انى انام بعد الفجر كل يوم وصحا براحتى اروح الدروس واجى اذاكر من الساعة 8 مساء بعد الدروس يعنى وفى ايام 7 لحد صلاة الفجر واصلى وانام انت ايه رائيك بس انا فاكر انى تقريبا كنت عملت كدا ( بس كان فالمدرسة بصراحة ) ومنفعش علشان كنت مهنج بس هجرب وكل يوم بيضيع منى بيأثر عليا انا بالذات جامد علشان اول شهر ونصف فالمدرسة مذكرتوش خالص واللى ذكرتو نسيتو قلى رائيك ايه معلش طولت عليك

بص انا عملتو كدا واللى اذاكرو واحل عليه اعلم قصادو بصح ممكن تعملو بردو لو عجبتك الفكر
 

الجدول تمام وفكرته حلوة بس نسيت أهم خانة في الجدول(الوقت) اكتب بقي هتذاكره من كام لكام يعني انت بتقول هتذاكر من العشا للفجر اكتب بقي مثلا من ٨ لح ١٢ شرح السادس كيميا مثلا ومن ١٢ ل ٤ التامن فيزيا شرح وكده يعني عشان انت ممكن تذاكر كيميا مثلا وتسرق وقت منك اكبر من اللازم . وياريت بقي ياكنج قبل ما تذاكر تكتبلنا في دقيقتين اللي ناوي تذاكرة وبعد ما تخلص تكتبلنا خلصت ولا كروت ولا ايه؟