عندى مشكلة
 

السلام عليكم ورحمة الله وبركاته

بداية انا هحكى مشكلتى فى المذاكرة عشان لو حد عنده خبرة يساعدنى
الناس المتفائلة واللى لسه معايا فى دفعتى ياريت متدخلوش عشان مش عايزة حد يتأثر بكلامى او ميذاكرش او كده
عشان محسش بالذنب احنا عايزين امل مش احباط



مش عرفة اللى حصل السنة دى مبقتش اذاكر خالص مذاكراتى قلت بشكل مرعب بتقل عن ساعة فى اليوم كل يوم بشوف عليا حصة ايه والعب طول اليوم او غالبا بنام اى طريقة تهرب بيها من المذاكرة وخلاص وبعدين قبل الحصة بساعة ابص فى المذاكرة بسرعة واحل الواجب بخط وحش واجرى على الدرس واتاخر واجيب درجة مش حلوة وانقص واتدايق وارجع البيت اقول هذاكر واسمع كام حاجة عن التفاؤل وكام موضوع بتاع ثانوية عامة واقول خلاص انا انام دلوقت ساعتين عشان اصحى اذاكر
وبعدين اعمل جدول محترم غيرى بيتمنى انه يعرف يعمل جداول زيى
وفى الاخر انجز منه القليل جدا ويعاد هذا الروتين

انا عايزة اكون متوكلة على ربنا اكتر من كده بس اللى بعمله ده توااااااااااااكل

حصيلتى اللى جمعتها
مئة درس او موضوع عن ثانوى
04890420947جدول مذاكرة ناجح
849094499درجة وحشة
3930استاذ زعلان منى
43255345طالبة حكتلها انها لازم تذاكر وذاكرت
48549766675 احتمال بيوقلى ان مذاكرتك هتديكى درجة الامتحان بالعافية

السنين اللى فاتت كنت ديما اقول هذاكر ومش عرفة ايه وهعمل ايه وفى الاخر اكسل ومعملش حاجة واجيب نفس مجموع السنة اللى قبلها وده فى معظم حياتى مش مقتصر على الدراسة وبس

والسنة دى عايزة اجيب مية فى المية

بس ديما بحس او حتى من اللى بقراه فى المواضيع ان لازم يبقا ليك guide حد يتابعك حد جاب مجموع قبلك او حتى اهلك
بس طبعا حتى الاصحاب مش معايا فى نفس الدروس
فمفيش حد معايا او حد يوجهننى خاللللللص

ميزتى انى مبياسش وطالبة منكو تلاقولى حل:(

مفيش غير انك تشوفى اشطر واحده من صحابك و تتفقو تشجعو بعض و تتصلو ببعض يومياً عملتو ايه
او حتى لو الموضوع منفعش تتفقى مع مامتك تروحى تحكيلها ذاكرتى ايه بالظبط كل يوم
المهم يكووون في حد معاكى مش لوحدك كده
و معظم الناس اللى جابت درجات عاليه كانت عشان بتغير من صحابها مش اكتر

يابني احنا مش قلنا اللي في دفعتها ميقراش عشان ميجيلوش احباط

معنديش اصحاب شاطرين للاسف والحصص اللى باخدها محدش بيبقا طايق حد

انا لسه جية المدرسة جديد السنة اللى فاتت بس ومعرفش حد غير كام واحدة ولما اتفقت معاهم بينمونى ويكسلونى اكتر وبنحاول نلاقى حجج لبعض بس عشان منذاكرش

انا لو ماما بس شافت درجاتى يبقا كويس عشان اتشجع انى ارضيها واجبلها مجموع حلو
المشكلة انها مش فاضيالى
يعنى ذاكرت مذاكرتش عملت معملتش محدش بيسأل

شكرا على المساعدة

اعملى زيي انا عن نفسى هبدء من الاول خالص يعنى هذاكر المواد اكنى مذكرتهاش قبل كدا هبدء ان شاء الله بالكيمياء الباب السادس النهاردة والنهاردة ليه انا هبدء دلوقتى يلاااا سلاااام يا رب تكونوا بتذاكرو

جزاكى الله خيرا راجية
شرفتينى بدخولك والله
يارب اقدر اطبق كلامك بس بتيجى ساعات وازهق من الراحة والريست وااخد فى النص فواصل مذاكرة هيا المشكلة ان مفيش انضباط او التزام

جزاكم الله خيرا

يارب يوفقنا كلنا

ما انا مع كل جدول ببدأ من الاول بس عايزة اكمل عايزة اصرار عايزة التزام

الحاجة اللى تلاقيها بتعطلك احلفى وانتى فى وقتها ع طول بالعظيم ما هتعمليها يعنى التلفزيون لو بيعطلك قولى والله العظيم ما هتفرج ع التلفزيون لمدة اسبوع وبعدها زودى وكدا يعنى :006et4::006et4:

خليكي جد شوية وانتي مش ناقصك حاجه بالنسبة للمذاكرة

www.thanwya.com/vb/showthread.php?t=563350
بصي انتي ممكن تخشي علي الرابط ده وتشاركينا في تنفيذ الجداول ونتنافس فيها.

شكراااااااا على الفكرة الحلوة
بس يارب يقدرنا نطبقها

ناقصنى اكون جد بس
جزاكم الله خيرااااااا

انا موافققققققققة خالص ياباشا
ايدى على ايدك
لا بلاش الفيس معنديش اكونت اصلا
جزاكى الله خيرا ياسمينة

ان شاء الله ادخل معاكم
اظبط يس امور الوقت والكلام ده وتلاقونى هناك
جزاكم الله خيرا

وانا كمان مدخلتش من فترة
ماشى تمام
عايزين نبدأ بمراجعة اللى فات
عندك خطة :)

السلام عليكم

ازيكـ ياقمر؟؟ ان شاء الله تكونى بخير

انا عندى خطة حلوة اوى

بس الاول عاوزين نتفق على وقت نص ساعة كدا ندخل فيها هنا

وعيزاكى تكتبى الملخصات اللى معاكى في كل مادة ومواعيد دروسك والمواد اللى ماشية فيها عشان نركز ع المواد اللى مش ماشين فيها اكتر

انا بقى معايا

في العربى : الامتحان والاضواء

* وملخص المعلم مراجعة وملزمة اسئلة من المستر دول مراجعات

في الانجليزى : جيم وسربرايز وتوب ستيودنت

في الالمانى : ستار و هللو

في الأحياء : الامتحان

في الجولوجيا : الامتحان

في الكيميا : الامتحان

في الفيزيا : الامتحان و الوسام الاحمر

مواعيد دروسى :

السبت : كيميا من 9 لـ 11 ،، احياء من 7 لـ 9

الأحد : من 6:30 لـ 9

الاتنين : مفيش

الثلاثاء : فيزيا من 5 لـ 7 ،،

الأربعاء : المانى من 4 لـ 6

الخميس : مفيش

الجمعة : مفيش

انا مش باخد درس في الجولوجيا والعربى طلعت من المدرس ولسة هاخد عند مدرس تانى

المواد اللى ماشية فيها الالمانى كويسة تمام ،، العربى نصه ضايع ،، الأحياء مذاكرة بدون حل

باقى ماباقى ربنا يستر عليا


خطى اننا مش هنمشى مع المدرسين هنذاكر اول باول اللى اخدانه هنديله وقت صغير والباقى هنقسم المواد على شهر او شهر ونص على حسب مذكرتنا نخلص المواد دى حتى لو في مواد هنسبق المدرس لان شهور المراجعة اهم مش هنبقى لسة بنذاكر فيها ونتزنق وفى وقت معانا دلوقتى مش متوترين توتر الشهور دى

وانا عن نفسى اخر المدرسين معايا في شهر 2

لو انتى عايزة تستمرى عادى زى مقولنا وهنكون كدا كدا خلصنا المواد انا الفيزيا ممكن استمر فيها بس برضه هخلصها قبله لانه قايل هيخلص في شهر 4 يكون احنا رجعنا كذا مرة ولو لقيت تمام مش هروح فيزيا

هيفضل معانا 3 شهور ونص دول هنراجع فيهم وهنعمل ملخصات بنفسينا لليلة الامتحان عشان مش هنبقى فاضيين خالص ايام الامتحانات وهقولك ازاى

وبما اننا بنعرف نعمل جداول فاحنا هنمثل فريق في اننا نعمل جدول ممتاز بإذن الله

وكمان شهر على فكرة كويس لان شكلك زيى من الناس اللى بتذاكر ايام الامتحانات وبنخلص المادة كمان في اقلا من اسبوع

فاحنا عاوزين دافع قوى واخر يوم في الجدول كأن اول يوم امتحان في الثانوى فاحنا هنذاكر مذاكرة اولى لازم تكون ممتازة عشان لما نراجع تسهل علينا

وغير كدا مش هقولك هنذاكر امتى والكلام دا احنا ضييعنا وقت كبير اوى لازم نذاكر اليوم كله ونخلى مثلا ساعة ترفيه كفايا اللى ضيعناه

كأنه عقاب لينا اننا مذكرناش من الاول

وان شاء الله بتفويق ربنا نلتزم بالكلام وبتفويق ربنا هندخل اللى نحلم بيه

احنا طول الاجازة نايمين وفى المدارس كفايا كدا مش هنستنى نبقى مرحلة تانية وتنزل الكليات اللى فاضلة لينا لا احنا بإذن الله نحط رجل على رجل ونختار الكلية :028ja7:


معلش طولت عليكى

مستنية ردك

نسيت اقولك عاوزين نعمل جزء مهارى زى كل يوم مثلا ناخد ساعة نحل قطعة نحو وقطعة بلاغة
ونحفظ10 كلمات انجليزى على حسب

المهم دلوقتى عاوزين نتواصل عشان نبدأ من يوم 25 /1 لـ 25 /2

ونفصفص الجدول:028ja7:

وعليكم السلام ورحمة الله وبركاته

الحمد لله تمام

تمام معاكى يا قمر

الملخصات :
هيا كتيرة شوية عشان اخواتى اللى قبلى سايبينلى كتير

الكمياء
مذكرات 3 اساتذة كويسين ودليل التقويم وامتحانات من اول سنة 2006 ل2010 تقريبا باجاباتها من الوزارة
ملخص مندليف فى الاختبارات والمراجعة واجابته
ملخص امتحان السنة دى اللى هوا اسئلة بس مجبتش الشرح
ومعايا ملخص امتحان مراجعة ونماذج بتاع 2007 الامتحان اسئلة 2011
وشوية حاجات تانى اللى هيا امتحانات سودان والتوقعات

عربى

الامتحان
المعلم مراجعة وامتحانات2012
الاضواء 2011
الرسالة مراجعة والاول مراجعة
وكتاب وداعا لصعوبة النحو
ومذكرات مدرسين
دليل التقويم وشوية مراجعات اساتذة على النت نحو
احياء
هجيب ان شاء الله دليل التقويم
معايا ملخص الامتحان بس
انجليزى
سربرايس
وذا بيست السنة اللى فاتت
واجاباتهم
ودليل التقويم ومعايا 2 سربرايس بتوع سنين تانية ومراجعاته ومذكرات من النت

الفيزيا

ملخص الامتحان بتاع السنة دى وسنين تانية فاتت والمعلم شرح والمعلم مراجعة فى اسبوع
والوسام الاحمر السنة دى
والاول 2011
والوسام مراجعة نهائية ودليل التقويم
جيولوجيا
الامتحان مراجعة نهائية السنة اللى فاتت

فرنساوى
برافو

معايا مراجعات من النت بتاعة سنين فاتت
وشوية امتحانات واجباتها نزلتها من النت

ياه كل ده نفسى افتحه:(
بس كده


مواعيد دروسى

سبت عربى من 6 الى 9
حد احياء من 6 ل9 او 8ونص
اتنين كيميا من2 ل6
تلات فرنش من 5 ل8
اربع مفيش
خميس جيولوجيا من 3 ل5 وفيزياء من 6 ل9
الجمعة انجليزى من 12 ل4



الفرنش مذاكرة كويس بس مبحلش خالص
الانجلش بذاكر قبل الدرس بيوم ومبحلش برده
الفيزياء نفس النظام مبحلش
العربى ده ضايعة فيه والنحو والبلاغة مذاكرة ومبحلش برده :)
الكيمياء نفس النظام بقتصر على حل واجب المذكرة بس ماشية فيها كويس
الجيولوجيا نص نص
الاحياء الحمد لله كويسة بس برده مبحلش عليها
تماااااااام اوى
انا عندى اغلب الدروس هخلصها فى 2 ماعدا الاحياء والانجلش
اما الفيزياء فالمستر مقالش

زى ما انتى قلتى نخلص قبل ما المدرسين يبدأو مراجعة
ان شاء الله لما نكون سوا هنتحفز سوا :)


اوكيه

بالنسبةالى

منكن نتكلم فى الصبح على 12 ونص لوحدة
او بالليل من 10 ونص مثلا ل11

او اختارى انتى وقت تانى
زى ما تحبى بالنسبالك

ياسمينة
ملخص توب ستيودنت حلو ولا لا ؟
بفكر اجيبه
بس انا اصلا لسه مفتحتش سربرايس وذا بيست فخايفة اجيب تانى واراكم بس كتب

بجد صدمتينى >> انا معايا ملازم كتير بس الملازم شيفاها مملة

بصى هوا احنا كدا كدا هنقسم كل حاجة هنقسم ملخصات للحل لما نذاكر دلوقتى واول شهر مراجعة وتانى وتالت ورابع

عشان منسبش حاجة

وهنحل كله بإذن الله بس الهمة والاجتهاد

تقريبا زى في الدروس >> ربنا يوفقنا عشان نحط جدول مظبط لينا

تقريبا زى مشكلتى الحل والمذاكرة على القد الى حد ما

فهمنا بعض كدا

انا الانجليزى برضه والفيزيا مش هيخلصوا بدرى >> بس محلولة إن شاء الله

عاوزين بقا من اول منحط الجدول تطبيق على الجودة وان شاء الله هيكون في نشاط اننا بنتسابق في الخير
وان شاء الله اخر السنة ندخل طب و100 % واولا واخيرا توفيق من عند الله

خلاص تمام من 10:30 لـ 11 مناسب

بكرا هستناكى عشان عاوزين نحط الجدول باسرع وقت الوقت بيجرى بينا عاوزين نحصل شهر 1 نخلص في المواد

ونظبط جدول ممتاز إن شاء الله

ونظبط عشان الدروس وحسب اللى هنحل منه وكدا

هوا ملحظاته حلوة اوى بس اسئلته عادية مش زى مبيقولوا صعبة وقليلة متجبوش خليكى تجيبى مراجعة احسن
وانا هديكى الملحظات دى في كل يونت لما نذاكره

مستنياكى بكرا ياقمراية

يااااااه فكرتونا بأيامي أنا ومحمود كنا عاملين زيكوا كده بس الأيام فرقتنا ومكملناش يلا ربنا يوفقكوا في الجدول اللي هتعملوه وتحققوا كل اللي بتتمنوه

انا جيت يا باشا

وانا جيت

كنت خايفة متدخليش ونستنى تانى

انا قسمت الدروس

بس فى ملازم رائعة يعنى مثلا ملازم الترجمة بتبقا فيها كل الكلمات والحاجات اللى بنحتاجها ومنعرفش نلمها من كذا مصدر
ان شاء الله
بالظبط
اخيرا حسيت فى حد زيى :)
انا كنت هجيبه عشان بيقولوا اسئلته صعبة
كويس انك قولتيلى

الحمد لله

قسمتيها ازاى

انا قسمت الدروس على حسب كتاب الامتحان حساة منظم وحلو وهيبقى الشهر دا في جميع المواد نظامنا وحلنا هنبتدى بيه وننظم الكتب عليه

اوك ياقمراية


هوريكى تقسيمة الدروس المشاركة التانية

ان شاء الله تكملوا
يارب يوفقنا كلنا ونحقق كل اللى بنحلم بيه بطاعته

انا منزلة ملازم ترجمة برضه حلوة بصراحة خلاص نتبادل الملازم دى ونمشى مع بعض فيها


حلو كمان نبقى زى بعض هنرتاح اكتر

:)

انا مش هقولك حليت كله بس اللى حليته في الكلمات والقواعد اسئلة قليلة وسهلة

هوا زى مقولتلك حلو في الملاحظات


التقسيمة ياقمر هتكون على 4 اسابيع

كيمياء >> 14 درس >> كل 3 دروس في اسبوع >>الباقى 2 درس>> دا 4 اسابيع يعنى شهر

أحياء>> 17 درس >> كل 4 دروس في اسبوع >> الباقى 1 درس

جولوجيا >> 20 درس >> كل 5 دروس في اسبوع >> الباقى مفيش

فيزياء >> 10 دروس >> كل 2 درس في اسبوع >> الباقى 2 درس
>> الفيزيا معاملة خاصة الحل على مدار الاسبوع كل قانون من كذا كتاب عشان تثبت

الانجليزى >> 18 يونت >> 4 يونت في الاسبوع >> الاقى 2 درس

العربى مش قسمته كتير

قسميه معايا

وشوفى التقسيمة هنقسمها ازاى على الايام على حسب الدروس وعلى حسب قد ايه الوقت اللى بناخده في المادة ولو عرفتى موضوع تنظيم الوقت اللى هنا اللى هوا نحاول نفهم في اقل وقت عشان احنا محتاجين الموضوع دا اوى هيفدنا

اعتقد ان الاستمرارية ان شاء لله اننا ندخل في الميعاد دا علطول ونشوف بقا الحصيلة ايه عشان نتشجع اكتر

وانا شوفت تقسيمة هنا للدكتور اللى بيساعدنا لواحدة 7 مواد اولى ثانوى عليها امتحانات دلوقتى

ان تنام 11:30 وتصحى 6

وقيلولة ساعة ونص من 12:30 لـ 2 وساعة راحة في الفترتين

ومبينهم مذاكر 7ساعات و9ساعات في الفترتين

ايه رأيك ؟؟

تمام اوى
العربى احنا منكن نقول
الادب والنصوص
6 مدارس واشعارهم ومقال ورواية وقصة ومسرحية
عشان نخلصه فى شهر يبقا نقسمهم على 8 اجزاء
كل اسبوع 2جزء
يعنى الاسبوع الاول مدرسة والمقال
الثانى مدرستين
الثالث مدرستين
الرابع مدرسة وقصة ورواية لانهم قصيرين
وهيتبقا المسرحية
القصة عبارة عن 22 فصل والبداية الطويلة دى قد 2 فصل
نقسمهم على 4
كل اسبوع هناخد 6 فصول قصة
كل يوم باليل نقرا فصل ونحل عليه اسئلته فى كتاب المعلم مراجعة
القراءة 8 دروس
كل اسبوع درسين
النحو والبلاغة
بمعدل نص ساعة كل يوم
يبقا 7 وحدات
كل اسبوع وحدة
والاخير
ده هنراجع فيه القديم
البلاغة
صغنونة كل اسبوع حتة صغنونة برده من القديم والجديد

جامد جدابس هقلل القيلولة يوم الاتنين بس اخليها ل1 عشان الحصة
هحاول اطبقه انهردا نمت 13 ساعة مش عارفة ازاى كل ما ازعل من حد انام :)

بالنسبة لتقسيمة الايام
فى الاول المواد
فى حاجات نظرى
زى الادب والنصوص والقصة والاحياء والجيو
ومواد فكرية
كمياء وفيزياء
ولغات ومواد تدريبية
فرنش وانجلش ونحو وبلاغة

منكن نخلى كل يوم
حاجة نظرى وفكرى ولغات

مممم الساعة جت 11

على كده
فى الاسبوع الواحد
عندنا نظرى
جيو 5 دروس
ادب ونصوص 2
وقراءة 2
قصة 6

الحصيلة 19 درس

المواد زى الفيزك والكيميا
الفيزيا 2
الكيمياء3

اللغات

انجلش 4
النحو 1
البلاغة 1

وخدى بالك ان فى قصة انجلش مش عارفة هيا 8 فصول يبقا كل اسبوع 2 شبتر

ياسمينة معاااايا

تقسيمة حلوة خالص

البلاغة نحل كل يوم قطعة من كتاب الامتحان في كراسة خارجية او وريق فلوسكات


خلاص تمام

انا عارفة حكاية النوم دى احسن حاجة انا ممكن مسعمش تى في ولا اقعد نت بس انام :bosyht9:

متضيقيش ياقمر كل حاجة هتتصلح ويوم عن التانى كل حاجةهتبقى مظبوطة نبدأ بجد


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

دلوقتى العربى هيبقى كل يوم عشان كتير

اما باقى المواد يعنى 6 هنقسمهم على

* مواد حفظ محتاجة وقت وايام اكتر زى الجولوجيا والاحياء

* مواد فهم زى الكيميا والفيزيا

*مواد حل اكتر زى اللغة التانية و الانجليزى

وان كان كلهم حفظ :006et4:

_______________________________________

هنقسم اول اسبوع تمام


طبعا لان في في دروس هنسيب مذاكرة ليها ساعتين جديد

والباقى كله قديم او جديد ان شاء الله نسبقهم :022yb4:

الكيميا بما انها 3 دروس في الاسبوع

يبقى تاخد معانا 3 ايام في الاسبوع وكل درس بحله في كتاب الامتحان هيكون سبت الاتنين والاربعاء

ايه رأيك نبدأ بالعضوية لانها محتاجة شغل جامد في الشهور دى وعاوزة نخلصها

في نفس ايام الكيميا مذاكر الاحياء

بما ان الاحياء 4 دروس في الاسبوع يبقى هناخد يوم رابع وهوا يوم الجمعة اليوم السابع

ونفس ايام الاحياء والكيمياء ناخد اللغة التانية لان مجموعة الاحياء الكيميا محتاجة وقت اكبر من مجموعة الفيزيا وجولوجيا لان الكيميا فيها حفظ اكتر من الفيزيا بكتير

هتبقى مجموعة الفيزيا والجولوجيا والانجليزى الاحد والثلاثاء والخميس

ايه رأيك وشوفى لو عايزين تحديد للساعات لكل مادة على حسب المادة هتاخد معاكى ايه

متهيألى هتبقى زيى مستنية ردك

حلوة اوى
حد وثلات وخميس فيزيا وجيو وانجلش
هيتبقا سبت واتنين واربع وجمعة كيميا واحياء وفرنش
وكل يوم عربى
اوك
كفاية جدول الساعات اللى انتى قلتيه
لانى كل يوم ساعاته مختلفة على حسب

معاكى ياقمر

معلش طولت عليكى

معلش اخرتك النهاردة

الايامالجاية هندخل نص ساعة بس عشان نقول عملنا ايه

بس النهاردة عشان ننظم الجدول

كملى معايا تنظم الايام

اوك ياقمـــر

بس المهم الحصيلة تبقى واحدة والاسبوع نطلع منه ان شاء الله صافى

عارفة ان الحمل كتير بس هنرتاح اوى فى شهور المراجعة

وخلينا نعتبر كأن الامتحان يوم 1 - 2

فنخلص المادة باتقان عشان يعتبر مفيش وقت للمراجعة >> على اساس امتحان 1 - 2

كل يوم في نفس الوقت ندخل نكتب ذاكرنا ايه وهنذاكر ايه

واكتبى الجدول الاسبوعى والشهرى في ورقة كبيرة زى مثلا تيجيى ملزمة من تانية وتكتبى الجدول في الورق الابيض

المهم بكرا هنذاكر ايه

وقبل دا مذاكر الدرس اللى اخدناه عشان يسهل علينا مذاكرته بعدها

الانجلش فى الايام التلاتة بتوعه
عندنا 4 يونت و2 شبتر
يبقا فى كل يوم من التلاتة هنذاكر يونتيا وشبتر واليوم الاخير 2 يونت

العربى
حصيلته 11 درس
والاسبوع فيه سبعة ايام

مثلا
يومين ادب ونصوص
3 ايام قصة
2 قراءة
نحو وبلاغة كل يوم

لا عادى ولا تقيل ولا حاجة

الكيميا العضوية مش عارفة هقدر ابدا بيها ولا لا اصل احنا لسه مخلصنهاش

حلو خالص خالص

بصى اول يوم عشان هيكون كله مذاكرة هيبقى صعب بس بجد هيبقى حلو لان في تنافس في الخير

المهم نقسم الوقت على المذاكرة عشان مفيش حاجة تنقص مننا

ونحاول نستفيد باكبر قدر من الوقت وانا عشان دروسى معظمها لوحدى بروحها هحاول مثلا اقرى القصة زى تمهيد لمذكرتها اى حاجة بس عاوزين استفادة

واحنا بنحل كمان عوزاكى اى سؤال يقف تكتبى ف ورق فاضى او كراسة

عشان في المراجعة هنعمل كراسات للأسئلة الصعبة واسئلة علل وكدا فهمانى :friendsxs3:

فاحنا اى سؤال يقف او مش مفهوم وكدا نكتبه باجابته


والحل يبقى من كتاب الامتحان الشهر دا كفاية

لان المذاكرة كتير

شهور المراجعة اول شهر نحل اللى معانا كله تانى وتالت شهر ننزل نجيب كتب المراجعة ونحلها كلها

تمام معايا في الحكاية دى ياقمر :022yb4:

واحنا لسة برضه فاضل فيها يجى 4 حصص على اقل تقدير منى

بس انا غبت حصتين فيها ولما ذكرتهم مع نفسى حسبت عادى بس محتاجة جهد شوية

وغير كدا لسة واخداين منها شوية هتكون اسهل وبالحل كل حاجة تسهل

واى سؤال يقف تحطيه هنا ونحاول مع بعض فيه فى اى وقت

وانا كمان

ايه رأيك ؟؟

فكرة جميلة اوى وهتفيدنا ان شاء الله
تماااام
يا بختكم بتغيبو احنا اللى يغيب يروح ميجيش تانى الحصة


تمام
كده قسمنا انجلش وعربى
والكيميا والاحياء

بقالنا نقسم الفيزيا والجيو
بس مش عرفة الصراحة :)

لا احنا عادى معانا الانجلش اللى صعب اوى

الفيزيا بيكون الحفظ قليل اوى وكله قوانين

احنا كل اسبوع درسين

على حسب التقسيمة على تلت ايام

اليوم الاول مذاكرة الفصل والحل عليه واليوم التانى كذلك هيبقى مسائل بس النظرى نحفظه ونحله اليوم التالت

تمام ولا ليكى رأى تانى

الجيولوجيا زى الاحياء بس اغلس طبعا :romarioxp6:

وتقسيمتها 4 دروس فى الاسبوع

طب ازاى هنقسمها لان الاحياء والكيميا والالمانى فى اربع ايام

طب الالمانى نسيله رابع يوم ونحط بداله الجولوجيا ايه رأيك

وبكرا هنبدأ بايه حتى لو مش هنذاكر كله بس نبدأ بحاجة نشاط لان ميعاد نومنا راح

الانجلش حلو لو ذاكرناه وحلينا عليه علطول سربرايز
كل يوم من التلاتة هنذاكر فيه يونتين اويونت وشبتر

الفيزيا مفهمتش تقسيمتها

الجيولوجيا منكن نحطها بدل الفرنش ونخلى الجيو مع الكيميا والاحيا
والفرنش مع الفيزيا وانجلش
برده مفهمتش قصدك ازاى

احنا هنبدا تطبيق الجدول ده من اول 1 ولا ايه

بكرا هذاكر فيزيا الفصل ال11 وجيو هراجع الباب التانى جيو عشان عليا حصتين بكرا

لا انا من رأيى يوم السبت نبتدى او الجمعة

لان هيتبقى من شهر 1 4 ايام دول يبقى فاصل لايام المراجعة ونذاكر اللى وقع مننا لا قدر الله طبعا

بس برضه يبقى فى مسافة بين ايام المراجعة والمذاكرة نريح مخنا شوية وغير كدا نحط جدول تانى فى يوم كدا زى النهاردة وغير كدا منبقاش متسرعين يعنى 4 ايام هدنة هههههههههه

ها هنتبدى يوم ايه