|
لكل اللي رايح تانية أو تالتة ثانوي
طبعا نهاية كل سنة بعد الامتحانات .. في حاجة اسمها أجازة .. الأجازة دي بتختلف من شخص لشخص .. ففي واحد بيحب يخرج .. وواحد تاني يحب يلعب .. وواحد تاني بيحب ينام .. وواحد بيقعد على الفيس .. وواحد بيزاكر .. أيوة بيذاكر .. متستغربش .. هتقولي طبعا احنا طالعين من مزاكرة هنزاكر تاني .. ايه المانع طيب انتا عراف اني انا قعد الاجازة بتاعت تانية وتالتة بروح تلت اماكن بس .. الدرس والجامع والبيت .. وتقريبا الايام اللي لعبتها كانت 15 يوم .. انتا عارف اني خلصت في اجازة وحدة فرنساوي وانجليزي ورياضة والاحياء 4/3 من الفيزيا .. هيا مش صعبة .. هتقولي يعني مش هلعب .. اقولك ايه المشكلة لو ملعبتش سنتين وتعبيت شوية .. وارتحت باقي حياتك .. على فكرة انتا لما تزاكر في الاجازة هتعيش ملك أيام الدراسة .. مش قصدي مش هتزاكر .. لع قصدي هتكون قاعد تراجع .. وتريح نفسك من الدروس وضياع وقتها وتقعد تزاكر اغلبية الوقت .. فنصيحتي ليك ياللي رايح تانية او تالتة ثانوي .. اخترلك خمس ست مواد كده وخلصهم وريح نفسك منهم . وصدقني هتكون مرتاح جدا أيام الدراسة .. وده هيساعدك إن التوتر يروح منك .. |
فكره حلوه جدا جدا
وفعلا هتريحنا كتير اوي بس اكيد في الاجازه مش كل الوقت هيكون مذاكره لازم نقعد علي الفيس برضه هههههههه بس بجد انا احييك جدا جدا علي اللي انت بتعمله جزاك الله خيرا |
اقتباس:
|
اقتباس:
اينعم هما تحديد مصير بس عادي خالص يعني انا في تانيه ثانوي ومقضياها فيس وبوابه :d:d انا هنجح السنادي بدعا الوالدين ههههههههه |
اقتباس:
بس جربي المزاكرة في الاجازة .. نصيحة |
ايوة في واحدة في سننا دلوقتى تالتة ثانوى مخلصة المواد من الاجازة
واللى زيى مش عارفين يعملوا ايه دنا بفكر الغى دروس من عليا رغم انى اخدتها منازل السة دى بفكر اسقط السنة دى خايفة لان بجد في ضياع |
اقتباس:
اكيد مش كل المواد و الا تكن خلصتهم شرح بس من غير تطبيق عمتاً ربنا يوفقها اكتر و يديها على قد تعبها عشان حرام حد يكون زقطط فى اجازه و استريح وهى حرمت نفسها و تعبت و الاتنين يتساوو |
فكرة كويسة جدااا
انا كنت فى الاجازة كل يوم بحفظ كلمات انجليزى فده ساعدنى شويا فى ايام الدراسة لانى مفيش وقت احفظ كلمات عامة كتير شكراااااااااااااا |
اقتباس:
اكيد طبعا توفيق ربنا قبل اي حاجه انا والله بهزر الكلام ده مش حقيقي حاضر هجرب ان شاء الله وشكرا علي نصيحه حضرتك اقتباس:
بتفكري تسقطي؟؟ ليه بس خلي عندك امل وتفاؤل وربنا علي كل شئ قدير |
اقتباس:
وبتاخد دلوقتى معانا دروس من باب المراجعة كنت نايمة في العسل حتى مفكرت احفظ كلمات انجليزى دى بسم الله ماشاء الله بتطلع الاولى لا وبكون مراجعة المواد قبل الامتحانات في تانية وتالتة يالـ 4 مرات |
اقتباس:
المشكلة انى تواكل دائم عارفة لو بتعملى اللى عليكى بجد من غير اى مقارنة حتى باللى مخلصة المواد ربنا هيكرمك اكتر مكنتى متوقعة بكتير بس المشكلة انك تجتهدى بقا حاولى فعلا تذاكرى من الاجازة بدون مدرسين والله تعمليها بالذات العربى والانلجيزى والاحياء ومعاهم الكيميا لانهم مواد حفـــــــــــظ بس فيهم فهم ممكن عادى تفهميه مع نفسك وشوفى حد اكبر منك يديكى الكتب |
اقتباس:
حتى لو هى ما شاء الله دماغها عاليه برده منهجنا عاوز دح و حفظ مش ذكاء عشان بجد لو هى خلصتهم فى 3 شهور بس يبقى احنا لازم ننتحر احسن ههههههههه |
اقتباس:
اصل المنهج عادى يخلص في 3 شهور او شهرين لو الواحد فاضى ومفيش اى حاجة شاغلة باله وخصوصا الاجازة دا انسب وقت فاضل كتير كان بالنسبة ليها ع الامتحانات فاكيد تفكير صافى مفيش اى تشويش وبعدين دا منهج تانية وتالتة اللى كنا بناخده في شهرين او 3 شهور هيا كانت بتكون مخلصة المواد ومراجعاها كذا مرة اكيد متعودة |
اقتباس:
|
اقتباس:
|
اقتباس:
كلامك صح ياحبيبه قلبي انا ادبي ازهري معنديش الحاجات ديه انتو بقي الله يعنكم بس فعلا فكره حلوه اوي لما تذكري في الاجازه |
اقتباس:
|
اقتباس:
بس اصلا الطالب المصرى مش بيهمه :av4056bb7jp3: |
الله يابختها ربنا يحميا يارب وعقبالنا زيها بس يارت كنت شوفت الكلام دة من زمان من الاجازة
|
اقتباس:
وربنا يعينك وادعيلى بالله عليكى ولكل طالب انه يجتهد |
اقتباس:
|
اقتباس:
|
اقتباس:
اكيد هعملها ان شاء الله ربنا معاكم جميعا ويوفقكم شدي حيلك بقي وان شاء الله هتعدي |
اقتباس:
وغير كدا هيا مكونة مجموعة صغيرة من صحبتها من الاجازة ومتفقين مع مدرسين انا مبتدية الكيميا من شهر 6 وكنا عشر بنات واحياء كنا هنبتديها في 6 وكنا عشر بنات غيرهم معادا انا بس اتفركشت عادى خالص عندنا وممكن تاخد لوحدك بس طبعا بتشيل تمن العشرة وكل الدروس عندنا بـ 50 جنيه |
اقتباس:
حاولى تحفظى كلمات انجليزى على قد متقدرى دا اضعف حاجة لو مش هتذكرى المواد بس انصحك انك تذكريها لانك ازهر |
اقتباس:
انتى ساكنه فيييين بالظبط ؟ !! |
اقتباس:
ربنا معاكي ان شاء الله انا الحمدلله بحب الانجليزي وممتازه فيه |
اقتباس:
دنا الـ 50 جنيه مستخسراها ومش عايزة اروح الدروس بالذات في المواد الحفظ يعنى انا دلوقتى لغيت الجولوجيا مادة حفظ مش هروح عند مدرس عشان يسمعلى وبفكر العربى الغيه احنا الدروس مش بتزيد عن 30 طالب واللى بيكون كدا الانجليزى والالمانى وممكن العربى باقى المواد كلها 10 طلبة فيزيا وجولوجيا وكيميا ورياضة واحياء ممكن 15 |
انا من بلاد العجائب
انا من اسوان اقصى صعيد مصر |
اقتباس:
عشان ناوى اعزل عندكم بقية السنه ههههه |
اقتباس:
|
اقتباس:
شكلها مدينة اقتصاديه و سياحيه و جميله يا ريتنى ساكن عندكم بس فى الشتا بس هههههههههه |
اقتباس:
|
اقتباس:
وبعدين معظم اللى ساكن فيها مش من اسوان نفسها معادا النوبيين يعنى معظمنا اصلا مش منها كل واحد من محافظة بس الاغلب برضه صعايدة |
اقتباس:
ونصيحتي للي هيزاكر في الاجازة ان يكون معاه صاحب .. ويشجعوا بعض ويزاكروا مع بعض .. لان سبب مزاكرتي في الاجازة بعد توفيق ربنا هو صديق ليا .. وشوفوا قصة مزاكرتنا في الاجازة .. كنت قاعد انا وهوا تحت البيت .. بعد الامتحانات ب 15 يوم ولقينا عيال في ايديهم كراسات وكتب .. ضحكنا عليهم .. دول بيزاكروا في الاجازة .. بس قلنا لازم نزاكر احنا كمان .. وفي نفس اليوم رحنا كلمنا المدرسين واتفقنا معهم .. وعدت السنة .. وجبت انا 98.1 وهوا 98 ودخلنا الكلية مع بعض .. ولدلوقت احنا على نفس الوضع .. بنزاكر سوا ونشجع بعض .. القصد لازم صاحب صالح يشجعك |
كلام سليم جدا وشكرا ليك بجد
|
اقتباس:
العــــــــــــــــفـــــــــــــــــــو |
بس عندى مشكلة لو حليتهالى مش هنسالك الجميل .. انا لما بشوف كلام مشجع
خصوصا كلامك .. الواحد بيبقى نفسه يذاكر اوى ويقول فى ناس ايوة جابوا درجة عالية ليه انا مش زيهم واقوم اذاكر و ابقى فرحان وواثق 100% انى هجيب 100% ^_^ بس بعد كدا بلاقى نفسى بكلم نفسى انا ممكن اذاكر واقفل المنهج .. بس ممكن يحصل حاجة / مشكلة سواء فى الامتحان اتلغبط و كدا او الوقت ميقضيش او مشاكل برا الامتحان تضيع كل مجهودى فى لحظة " بتوتر اوى " اصل انا لو مذاكرتش و جبت 50% ميهمنيش و هبقى عادى انا هندم بعد كدا بس مش زى لما اذاكر و اجيب 93 - 94 - 95% ومجبش درجة هندسة الصراحة هبقى مدمر نفسيا و هزعل نفسى تشوفلى حاجة تشجعنى و متخليش الخوف ده يقرب منى وشكرا بجد ليك و بتمنى ترد عليا :( .. انا ورايا امتحان كيمياء و جبر بكرا وخايف معرفش احل حتى ربع الامتحان " انا فى اولى ثانوى :( |
اقتباس:
بص يا عمر انتا زي اخويا الصغير .. الامتحان بتاع بكرة ده مستقبل صح .. يعني مجاش .. هل انتا اطلعت على الغيب وعرفت انك مش هتحل .. اكيد طبعا لا .. بص للحكمة دي تفاءلوا بالخير تجدوه فانتا تفاءل خير وخلي عندك أمل في ربنا .. واللي جاب 99% أو 100% مش أحسن منك .. عارف الفرق بينك وبينو ايه .. ان عندو في دماغو شوية خلايا شغلهم صح .. اقولك مثال .. مثلا اتنين عندهم محلين بنفس السلع .. الاول بيعرف في الادارة وبيشتغل ويتعب .. والتاني عايز الفلوس تيجي تحت رجليه .. فهمت الفرق .. وبالنسبة لحكاية تقفيل المنهج .. انتا جواك افكار سلبية .. ازاي تحولها لايجابية .. انتا هتقعد تقول لنفسك انا اقدر .. ان شاء الله هدخل كلية هندسة أو طب .. او الكلية اللي تحبها .. على فكرة انتا مش اول ولا اخر واحد جتلو الافكار دي .. انا كمان جتلي .. ببس كنت بحول التشاؤم ده لتفاؤل .. كنت بقول لنفسي انا هقعد اقول كلام كده .. يا ضايقت نفسي .. وضيعت وقتي .. كنت بشغل نفسي بالمزاكرة .. وبالنسبة للخوف من الامتحان .. الوقت ميقضيش .. طيب قول لنفسك انا معايا تلت ساعات مش هقدر احل فيهم .. ده انا ان شاء الله هحل واراجع مرتين تلاتة .. وعلشان الحكاية دي تروح منك .. حل امتحانات في البيت كتير .. انا لما كنت بحل امتحانات والاقي نفسي قفلت الامتحان وراجعتوا كنت برتاح .. والجأ لربنا وادعي ان ربنا يوفقك .. واقرا قران .. خلي ليك ورد يومي لو حتى صفحة .. انا لما كنت بزهق واتنكد .. كان معيا بلطو ابيض كنت بلبسو واتخيل نفسي دكتور .. وبكلم المرضى .. فانتا متتشائمش بحاجة مجتش .. اتفاءل بيها .. يعني لو بتتفرج على ماتش كورة وفيه فريق بتشجعو .. اكيد بتتمنى انو يفوز .. فانتا اتمنى التفوق وان شاء الله تلاقيه .. الله يوفقك .. ويارب تحقق حلمك .. |
روشتة
اقتباس:
|
اقتباس:
شكرا على الدعوة الحلوة ديه وربنا هيوفقنى ان شاء الله و افتخر انى زى اخوك الصغير وبالنسبة للمشاكل الى موترانى عن شكل الامتحان و مدته و الخطأ والمشاكل التانية ربنا يبعدها عنى وبأذن الله احقق حلمى و كل الى اجتهد يحقق حلمه وانت ان شاء الله ربنا يوفقك و اكيد زى ما قولت الاحلام مش بتتوقف عندى الكلية وبس :rolleyes: وشكرا على ردك والله كلامك بيشجعنى اوى لدرجة انى بقعد على الكمبيوتر عشان اقراه ببقى نفسى اقعد اقراه كل شوية بحس انى خلاص دخلت الكلية الى انا عايزها بمجرد ما اقرأ الكلام . واتمنى تتقبل مرورى |
اقتباس:
|
اقتباس:
|
اقتباس:
|
| جميع الأوقات بتوقيت GMT +2. الساعة الآن 04:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.