|
ردا على الأخ المحترم وعلى فكرة الموضوع كدا أحسن
السلام عليكم ورحمة الله وبركاته
تلاقي الشباب بسم الله ماشاء الله اللهم لا حسد حماسهم عالى جدا وعندهم روح قتالية عاليه فى كل الاقسام بشوف ردود الشباب وهما مفروسين وهاين عليهم يعضوا صاحبة الموضوع أصلهم مش أول مرة يعضوا الغلبانة المغلوبة على امرها اللى منزله التوبيك عشان خاطر تساعد اخواتها المقهورات من ظلم الشباب يجي الولد منهم ويقول بكل أدب مش عارفه جايبه منين احنا على قلبكم هتروحوا مننا فين وراكم وراكم واللى عامل لى فيها سعد زغلول ويقول انا هعمل ثورة واللى فاكرنفسه سي السيد ويقول البنت دي خدامة وبس طبعا انا كاتبة الموضوع ده وعارفه ان 99% من شباب المنتدي هيدخلوه و1% حيردوا أصلهم شجعان جدا ومبخفوش من حد خالص وتعالوا مع بعض نفكر سوا ونشوف ليه الشباب بيدخلوا أي تجمع بناتي حتى صاحب الموضوع اللي برد عليه أولا التماحيك الولد دايما بيتمحك بالبنت رغم انه مش بيظهر ده يعني لو بصينا للبس الخنافس والتسكع في الطرقات والمشي ورا فلانه وقصة الشعر والكوافير ياتري كل ده بيعمله لمين؟ لنفسه؟؟؟؟؟؟؟؟؟ يبقى أكبر كداب بيعمله عشان يتمحك بالأمامير يشد نظرهم .. ويلفت انتباههم وده اللى بيعمله بعض الشباب سواء في المنتدى أوغيره الولد من دول مش لاقي يا حبه عيني حد يعبره يقوم داخل عامل له ردين فى تجمع بناتي يمكن حد يحن عليه ولا حاجة ثانيا للتخطيط وزي ماحنا عارفين الشباب اللى بيدخلو هنا محدش معبرهم فى دنيتهم فبيبدأوا يخططوا للبنات عن طريق انهم يعرفوا القمورات بيفكروا فى ايه ياتري البنت بتحب ايه عشان اعمله وياتري بتكره ايه عشان معملهوش ثالثا بنت عاجباه الولد ممكن يدخل أي قسم فيه بنات كتيييييييرعشان بنت عاجباه وهيموت عليها وهي منفضاله لأنها بطبعها بتحب الواحد المحترم الذي يقدرها يقوم يدخل وراها كل توبيك ويشوف كل رد ومش بعيد يرد كمان عشان خاطر يلفت انتباهها وتتشد ليه ويحسسها باهتمامه رابعا التقليل من شأن البنت وده بيحصل عن طريق انتقاد مواضيعنا والتقليل من شأنها يعني لو اتناقشنا فى موضوع عن ازاى تحرق دم ولد يدخل الواحد من دول يقول انتوا أصلا متقدروش تستغنوا عننا ايه اللى انتوا بتعملوه ده .. ده كلام فاضي تقوم عزيمتنا تنكسر ونحس ان اللى بنعمله ده ولا حاجة رغم ان الولاد اساسا مش بيعملوا حاجة والمشكلة لو اتكلمنا وقولنا عيب كده ياشباب تلاقى الواحد منهم عينه قد كده ويرد عليك ويقولك ليه الولد مش يدخل التجمع البناتي ايه يعني لم ندخل أو واحد تاني يقول انسوووووووووو الكلام اللي انتو بتقولوه ده وعمالين تخططوله احنا على قلبكو غصب عنكو ده جزء من كلامهم احنا المجتمع وانتوا ولا حاجة والله حكم والاسباب اللى انا قولتها دي جزء بس من كلام الباشوات اكيد عندكم اسباب اكتر واكتر والموضوع مفتوح للنقاش وا لموضوع مكنش فى دماغي ولا كنت ناويه اكتب فى حاجة زي كده بس الموضوع جه صدفه على فكرة الكلام لشخص والموضوع ردا عليه لأني احترمت ذاتي ومردتش في موضوعه المحترم زيه والبادي اظلم دا ميمنعش اني المنتدى مليان شباب محترمين ربنا يبارك فيهم ويسلمهم هما دووول رجال الغد واللا بلاش مش التانيين العقد أرجو ان الموضوع ميتحزفش لو سمحتوا علشان المهازل اللي بنشوف بعض الشباب عاملها علينا محسسينا اننا ولا نسوى حاجة محسسينا اننا حيوانات الموضوع علي سبيل الهزار اوعو يا ولاد تزعلو |
اية الجرأة اللى انا شايفة دى ما شاء الله بجد اسلوب جميل وسرد عناصر متسلسلة بطريقة طيبة على فكرة ردى دة مش تماحيك ...: D:D:D:D:D:D:D |
اقتباس:
على فكرة يا استاذ محمد أنا بحترم حضرتك جدا وبحب اني أرد فيها جدا لانها كلها قيمة ما شاء الله:) والله مش جرأة ولا حاجة بس أنا متضايقة جدا ومتنرفزة من أسلوب الكلام من الشباب في موضوعاتهم في قسم الرجالة خصوصا وأنا سعيدة جدا من مرور حضرتك بارك الله فيك بجد نعم الأب والاخ جزاك ربك خيرا لكني طالبه من حضرتك طلب صغير يا ريت تحاول تعملوه لو سمحت وهو ان حضرتك تدخل بس بعض الموضوعات في قسم حضراتهم وتشوف اسلوبهم وطريقتهم واحتقارهم لنا |
اقتباس:
انا دخلت الموقع قبل الامتحانات بكام يوم بس وكانت كل مشاركاتى فى قسم الرياضيات ولكنى كنت اتجاهل بعض الاقسام لانها ............انتى عارفه طبعا لكن اوعدك ان شاء الله ساتابع ما يحدث من مواضيع فالمرآة هى امى _ اختى _ زوجتى _ ابنتى _ ......... |
يا مجرد انسانة
اولا البنى ادم دا انا هزأته كفاية فى موضوعه و كان ممكن ارد تانى بس انا سكتت و كان ممكن احذفله الموضوع بس قلت اكبر عقاب ليه ان الموضوع بتاعه يفضل كدا عشان الناس كلها تشوف مدى تفاهته يا بنتى التفاهة دى تجاهليها و يا ريت تطلبى حذف الموضوع بتاعك تقبلى مرورى فى رعاية الرحمن |
انت جامدة جدا كويس ان انت ردت على كتر خيرك
|
اشكرك جدا يا مجرد انسانه انا رديت ف الموضوع ده عند الاولاد وكنت هارد تاني بس قلت انا الكبيرة لاني بجد بجد حسيت باهانة فظيعة
بس عاوزة اقول كمان ان احنا مش بنطالب بحقوقنا لاننا الحمد لله واخدنها احنا بس عاوزين احترام مش هايحصل حاجة لو الاولاد احترمونا واحترموا اراءنا .... شكرا |
اقتباس:
بردك على موضوعه عملت للموضوع قيمة ثم انه من احترامه قال ان البنات اللي حترد ولاكأنها ردت والاحسن انك مرتديش في موضوعه الـ........ لانك بتعملي كدا للموضوع قيمة الموضوع بتاعه مش تافه دا استفزاز كبير اوي مش عارفه دا بيعرفش فضل حد ابدا من النساء أقاربه أما غريبة فعلا الغريب ليكون دا فعلا فكره دا يبقى انسان مـ........ والله أنا لسه متأثرة بأسلوبه الغريب وشكرا لمرورك في أمان الله |
اقتباس:
أنا سعيدة بمرورك بارك الله فيك |
اقتباس:
كان نفسي محدش منا يرد لأن غرضه ان الواحدة تتشد وتدخل ترد على جنابه وبعدين يلقيها حكاية ويعمل من الحكاية رواية يللا ربنا يسامحه وبعدين يا هنا فعلا احنا مش بنطالب الحمد لله بأدنى حق لأن حقوقنا الحمد لله وخدينها وخدينها إحنا عاد كتفنا بكتفهم في كل حاجة بل اننا الحمد لله في أغلب المدارس والجامعات وشتى المجالات نحصد مكانات أعلى بشهادة الجميع واللي بحترم بحترم ذاته وعائلته والله متفرق يا هنا لان كل اناء ينضح بما فيه في أمان الله |
موضوع مكانه غلط وتقليد للموضوع بتاع الرجالة وده يدل على مدى الحقد ههههههههههههههههههههه
|
أنتوا فين يا بنات وفين الردود
يلا فوقوا بقى ههههههههه يلا يا قمورات |
يمكن البنات من 1% اللى بيخافوا هههههههههههههههه
|
الله عليكى
والله معظمنا بيعمل كده بس مش كلنا والله هقولك حاجة الموضوع بتاع الرجالة اتحط فى منتدى الرجالة أوك وكاتب الموضوع قال انه على سبيل الهزار أنا موافق معاكى ان عمر ده مايبقى هزار بس بجد المفروض البنات مكنتش تدخل الموضوع ده علشان هو استفزاى من الدرجة الأولى |
انا عارف انتى قصدك تردى على مين
بس الراجل قال فى الاخر ان الموضوع هزار ومحدش يزعل منه ! وبعدين هوا قال الحقيقه :p :d ههههههههههههه يا انسانه كله هزار و مفيش حاجه وموضوعك انتى بقى انا مش هاقولك ان الكلام دا غلط بس مش كله صح ومش كل الشباب كدا فيه شباب محترمه ومتفرقش معاهم بنت تكلمهم او ترد عليهم ولا فيه بقى تماحيك ولا حاجه انتى شكلك كدا هتطلعى محماية بتعرفى تدافعى عن البنات هههههههههه |
بسم الله توكلنا علي الله ونبدء الليلة D:
بصوا بقى انا ماكنتش هرد علي موضوع زى ده من اساسه بس عموما بما ان الموضوع فيه ان ناس متضايقه وبتاع يبقي ارد عشان شايف ان في شوية حجات غلط حبتين :) وهبقي اكتب ردى ان شاء الله باللون الاحمر عشان يبان اد ايه احنا طيبين وبنكتب بألوان كمان D: اقتباس:
البنات دول بجد زى العسل .. وانا كنت اتمنى اكون بنت (مش بجد ) بس هنقول ايه دنيا :D اقتباس:
انا اسف علي ردى اللى هقوله دلوقتى بس بجد استفزتنى اما قاعده تقولي تجمعات بنات و الولاد بيخشوا ومش عارف ايه ايه اللي بيدخلكوا قسم الرجاله؟ بس مش هقول غير كده عشان دمى اتحرق اقتباس:
والحمد لله انا بتعامل مع ولد او بنت نفس المعاملة ممكن يكون الفرق شوية في ان التعامل مع البنت بيكون باحترام اكتر بدل اما حد يفتكر اني بعاكس D: انما لو كنت شوفت ولد حاتط موضوع وماعجبنيش الطريقة كنت هرد برضه وياريت ماحدش يزعل لو في كلام قولته مش اد كده بس اهو انتوا قولتوا الموضوع قابل للمناقشة وادينا بنتناقش :cool: |
اقتباس:
تصدق برضو ممكن بس عللى فكرة أكيد مشفوش الموضوع زي ماأنا مكنتش شوفت الموضوع اللي برد عليهألا لما ذكر في احد الموضوعات وقررت ابي أدخله هههه بس على فكرة المرأة عموما عندها قوة كامنة ولما بتحس بالخطر بتفجرها في اللي يجي قدمهالكن معتقدش انها تبقى جبانة زي اللي بدخلوا وميردوش هههههههههه على العموم سعيدة بمرورك |
بيعمله عشان يتمحك بالأمامير....... عن طريق انهم يعرفوا القمورات بيفكروا فى ايه........... أنت بتتكلمى على حاجات من وحى الخيال
|
اقتباس:
والله أنا ما بدخل منتدى الرجالة لأنه ميلزمنيش بس فيه موضوع في جرس الفسحة ذكر فيه منتدى الرجالة والمواضيع الرهيبة اللي فيه وخصوصا الموضوع ده بس ما كنتش أعرف أنه يبقى بالوحاشة والبشاعة دي ماأنا قولت برضو أنه على سبيل الهزار بس أنا عارفه اني مش كتباه لهزار أولغيره كتباه علشان أحسسالي بكتب مواضيع زي دي اننا ممكن نعمل أي حاجة لما بنعوز نعملها وبعدين ليه اللي هما بعملوه احنا كنا عملنا فيهم حاجة ثم انه ميفكرش انسانالتفكير ده الا لما يكون هو كدا وحاسس ان الناس كلها كدا وشكرا على المرور |
اقتباس:
أنا قولتلك هما بيعملوا كده علشان يستفزوا البنات اللى فى المنتدى مش أكتر بصوا أنا بطلب من البنات انهم ميدخلوش قسم الرجالة ده وعلى فكرة عايز اقول للشباب اللى بيستفزوا البنات أنتم مرضى نفسيين أنا مش مع البنات ولا حاجة أنا مع العقل والناس اللى بتفهم صح |
اقتباس:
سعيدة به كويس ان حضرتك عرفت ما أنا قولت برضو انه هزار امال انتوا حسينه جد واللا ايه ههه ياريت انتوا كمان متزعلوش زي احنا مزعلناش ههه ما أنا برضو بقول الحقيقة طبعا وحد قال فيه ادنى حاجة ما أنا برضو قلت ان فيه ناس محترمةجدا لو سمحت اقرأالموضوع تاني وانت تشوف مينفعش أبقى محامية خالص ههههههههههه بس بعرف أدافع عن نفسي وعن غيري كويس زي ما البنات كلها تقدر تعمل كدا وقت ما أحب وشكراللمرور |
اقتباس:
والموضوع باين من عنوانه ياريت تكون فهمت هههه |
حرد على كيمو حبة بحبة
|
شكرا لمرورك أخي الكريم كيمو
سعيدة به حرد عليك حبة بحبة |
محدش يعرف يرد عليا ..ده جنان ده ولا ايه D:
انا بس عايز اقول حاجه في الاخر انا اما بتعامل مع حد مش بتعامل معاه علي اساس انه بنت ولا ولد انا بتعامل علي حسب الشخصية اللى قدامى :) |
بسم الله توكلنا علي الله ونبدء الليلة D:
بصوا بقى انا ماكنتش هرد علي موضوع زى ده من اساسه بس عموما بما ان الموضوع فيه ان ناس متضايقه وبتاع يبقي ارد عشان شايف ان في شوية حجات غلط حبتين وهبقي اكتب ردى ان شاء الله باللون الاحمر عشان يبان اد ايه احنا طيبين وبنكتب بألوان كمان D: شكرا لاحترامك الموضوع مين اللي قال ان احنا متضايقين واللا ده تخمين لحضرتك لوسمحت ممكن تقول ايه اللي غلط يا فندم والله خير عظيم متقوليش انكوا طيبين جدا أوي خالص مإحنا عارفين ودي عاوزة كلام |
اسمحى ليا انى اقول ان زى ما فى ولاد بتتمحك للبنات فى بنات بتنتهز اى فرصة علشان تهزر وتتكلم مع ولد وده بشوفه كتير جدا بدون ذكر امثلة طبعا .
سورى على ردى بس المفروض يكون فى محايدة بلاش نبين نفسنا على طول مظلومين وغلابة وشكرااااااااااااااااا. |
تلاقي الشباب بسم الله ماشاء الله اللهم لا حسد
حماسهم عالى جدا وعندهم روح قتالية عاليه فى كل الاقسام بشوف ردود الشباب وهما مفروسين وهاين عليهم يعضوا صاحبة الموضوع أصلهم مش أول مرة يعضوا الغلبانة المغلوبة على امرها اللى منزله التوبيك عشان خاطر تساعد اخواتها المقهورات من ظلم الشباب لذاذ اوى السطرين دول ...البنت الغلبانه المغلوبة علي امرها منزلة توبيك عشان تساعد اخواتها المقهورات والمفروض ان اما حد يغلط فينا نقعد ساكتين ..تؤتؤ ايه الظلم ده ياشباب ..نو كومنت والله أول مرة أعرف مشكور على ذوقك وأدبك ما احنا بنرد مبنغلطش وحد قال حاجة فعلا نو كومنت |
بصى يا مجرد انسانه انا مش هرد علي اللي قولتيه دلوقتى
انا هسيبك لحد اما تخلصى كل كلامك ..وتشوفي انتي كتبتي ايه وياترى ده يصح انه يتقال لحد ولا لأ :) ده اولا ثانيا شوفي اللى انتي كتبتيه واللى انا كتبته وقارنى ..وشوفي مين اللى رأيه بيدل علي حاجه بجد وانا علي فكره مش بقول ان مافيش ولاد كده هو في ...بس احنا بنتكلم عن نسب ..والولاد مش كلهم كده وفعلا ياريت يبقي كل الناس زيك يا منى |
عدد الأعضاء الحاليين الذين يشاهدون محتوى هذا الموضوع : 7 ( 6 عضو و 1 ضيوف ) Precious, الاستاذ محمد سرور, الضوء الشارد, احمد فاروق666, KeMoZzAzZ, sweety girl
مع منتدى الثانوية..مش هتقدر تقفل التوبيك :D يا جماعة كفاية بأى الموضوع فى الكلام دا مش هيخلص و سورى بأى بس من اول الموضوع مفيش حد قال حاجة صح لان الغرض الاول و الاخير استفزاز الطرف التانى...يا رييييت تكلموا فى حاجة تانية او لو عايزين تكلمو فى الموضوع دا يبأى بالادلة و كلام منطقى مش غرضه لاستفزاز طبعا مش دا كل اللى اقدر اقوله بس الكلام كتير و مش هينفع اقوله كله ففضلت اسكت و هقولكو نفس النصيحة اللى قلتها للاستاذ المحترم الفاضل عمرو فى موضوعه لا تكتب بكفك غير شىء يسرك يوم القيامة ان تراه و سيسأل المرأ عن عمره فيما افناه دى اسمها ادلة..مش عندكو ادلة متكلموش معلش يا مجرد انسانة بس انا بحب ردودك كلها و بجد زعلت لما لقيتك عاملة موضوع كدا فى رعاية الرحمن |
يا جماعة
مع احترامى الشديد جدا جدا جدا لشخص العضوة " مجرد انسانة " يمكن ماتشرفتش بمعرفتها شخصيا و لكن ردودها و موضوعاتها و تعليقاتها بتقول انها شخصية محترمة و مؤدبة و متدينة و كمان مرحة لكن ................................ تقبلى الكلام ده منى و متزعليش ...... بيتهيألى الموضوع فى الاخر وجهات نظر و مش لازم نقف عند كلام حد معين كل واحد حر فى وجهة نظره و انتى بكل ذوق عرضتى وجهة النظر الاخرى و يبقى الحكم للاعضاء ده مش معناه انى مؤيد لوجهة نظر الاستاذ اللى كان بيتكلم و انا معارضه تماما بس صدقينى كل اللى بيقوله ده كلام فرقعة و فى الهوا و خلاص مش وجهة نظر لذلك فيه حاجات كتير اوى اهم من كدة ممكن نتناقش فيه مش معنى كلامى برده ان موضوعك تافه بالعكس و لكن بيتهيألى انتى وضحتى وجهة نظرك و الناس عرفت مين اللى محترم فى ردوده و عقلانى و مين اللى ....... و ......... و ياريت الموضوع ما يطولش اكتر من كدة اسف لو ردى زعل حد |
و عجبي
|
اقتباس:
و ده ايه ده يعنى عبارة عن ايه إعلان مسحوق غسيل !!!!!!!!!!!!!!! |
العضوة مجرد انسانة واضح أنها اتضايقت جامد جدا فظهرت شراسة المرأة وعملت الموضوع ده لكن على مين
|
ايه ياجماعة نمت بدرى ولا ايه
|
اقتباس:
حاول تقول كلمة حلوة الموضوع يهدى " من كان يؤمن بالله و اليوم الاخر فليقل خيرا أو ليصمت " |
يا باشا مع احترامى الشديد لوجهة نظرك
حاول تقول كلمة حلوة الموضوع يهدى " من كان يؤمن بالله و اليوم الاخر فليقل خيرا أو ليصمت والله ده هذار أحنا بنهدى الفلوس قصدى النفوس ههههههههه |
بيتهيألى فيه حاجات اهم نفكر و نتناقش و نتكلم فيها كلنا مع بعض بنات و شباب
و لاايه ؟؟ فياريت الناس تثبت لنفسها و لغيرها انها كبيرة و دماغها كبيرة و ناس عاقلة و متزنة |
hhhhhhhhhhhhhhh
el 7amdullah ana 2olt kol aly 3nde :D tsb7o 3la 5er :D |
يجي الولد منهم ويقول بكل أدب مش عارفه جايبه منين احنا على قلبكم هتروحوا مننا فين وراكم وراكم
واللى عامل لى فيها سعد زغلول ويقول انا هعمل ثورة واللى فاكرنفسه سي السيد ويقول البنت دي خدامة وبس طبعا انا كاتبة الموضوع ده وعارفه ان 99% من شباب المنتدي هيدخلوه و1% حيردوا أصلهم شجعان جدا ومبخفوش من حد خالص انا من ال 1% ها ...ركزى يا هانا اني من الابطال الشجعان (اه داخل عشان هانا في حاجه ؟ ) :P شكرا لمرورك ولو ديا وجهة نظرك أخي كيمو فلا أعترضك ولكني أريد ك أن تراجع موضوعه وتعرف ليه عملت الموضوع وتراجع برضو ردودك وأتمنى أن ينير الله بصيرتنا |
الولد دايما بيتمحك بالبنت رغم انه مش بيظهر ده يعني لو بصينا للبس الخنافس والتسكع في الطرقات والمشي ورا فلانه وقصة الشعر
والكوافير ياتري كل ده بيعمله لمين؟ لنفسه؟؟؟؟؟؟؟؟؟ يبقى أكبر كداب بيعمله عشان يتمحك بالأمامير يشد نظرهم .. ويلفت انتباههم وده اللى بيعمله بعض الشباب سواء في المنتدى أوغيره الولد من دول مش لاقي يا حبه عيني حد يعبره يقوم داخل عامل له ردين فى تجمع بناتي يمكن حد يحن عليه ولا حاجة هههههههه يتمحك بالأمامير ...اه علي اساس ان الولاد بيقعدوا في الكوافير ويقعدوا يتكلموا في الموضه وبيفضلوا واقفين ادام المرايه ساعتين تلاته و الولاد هما برضه اللي بيحطوا ميكب انا مش عايز اقول نو كومنت تاني D: انتي يا مجرد انسانه بتنقضينا وبصفه عندكوا اكتر؟ مع احترمى لكل البنات (مؤدب ياخواتى ) معلش يعني أكتب الحلاق بالله أنت راضي عن اللي بعملوه في نفسهم وشعرهم عادوا أصعب من البنات على فكرة الحمد لله مبحتجش مراية لأني الحمد لله منتقبة ولا أعرف يعني ايه ميك أب والحمد لله معظمنا كدا والموضوع برضو باين من عنوانه مع احترامي لحضرتك وللموجودين دلوقتي |
ان شاء الله يا مجرد انسانه
وعلي فكرة لو انتي شايفه ان الجمله اللى بالاحمر دي فيها حاجه يبقي سورى لازم تشوفي الفرق بين الهزار والجد :) مع احترامى ليكي :) |
اقتباس:
لانه امر خاص بى ولا يحق لك تحديد ما اشاهده من مواضيع وان تذكر ذلك فى مشاركتك الامر الان مجرد لفت انتباه فقط ....... |
يامجرد انسانه انتي مش فهمانى
انا مش بتكلم عليكي انتي اللي بتعممي الكلام عن الولاد ومن الاخر في جملة قولتيها اكنك بتقوليلي ياكريم انا بكلمك انت وبسم الله ماشاء الله انك منقبه ربنا يزيدك ان شاء الله وخلاص انا مش عايز اتكلم في الحوار ده لاني اتخانقت معاكى قبل كده ومش عايز اتكلم اكتر من كده عشان واضح ان الموضوع مش هيبقي نقاش من طريقة الكلام :) نقضيها في توبيكات تانيه بقي |
اقتباس:
|
السلام عليكم و رحمة الله وبركاته
أيا كان الموضوع اللي بتتكلموا عنه في منتدى الرجالة واللي مشفتوش لسة مستفز او حاجة فأكيد مش دي الطريقة اللائقة للرد عليه اية ( بيتمحك و عجباه و امورات و .....الخ)؟؟ انا مؤمن بحاجة يخاطبني السفيه بكل قبح اكره أن اكون له مجيبا فيزداد سفاهة و أزيد حلما كعود زاده الإحراق طيبا بصراحة الموضوع معجبنيش من أي وجه انا آسف على كدة بس فعلا مش فاهم اية جدواه يعني الغريب ان القسم دة بقى انشط قسم في المنتدى ... |
ثانيا للتخطيط
وزي ماحنا عارفين الشباب اللى بيدخلو هنا محدش معبرهم فى دنيتهم فبيبدأوا يخططوا للبنات عن طريق انهم يعرفوا القمورات بيفكروا فى ايه ياتري البنت بتحب ايه عشان اعمله وياتري بتكره ايه عشان معملهوش انا شايف ان دي صفة كويسة ...بيحبب الناس فيه ولا المفروض انه يشوف ايه اللي بيضايقها ويعمله ؟ او بيضايق اي انسان بنت او ولد وعلي فكرة في بنات برضه بتتمحك في الولاد ...بلاش اقول ان في بنات عاكستني قبل كده بدل اما تعملي موضوع جديد وتقولي الولاد المغرورين لانى بقول حاجه حصلت بجد :lol: أخي كيمو على فكرة ممكن الواحد يحبب الناس فيه عن طريق انه يكون انسان محترم وقور يعرف متى يضحك ومتى يجد ويجتهد ومتى يتكلم ومتى يصمت ومتي يغضب ومتى يبتسم بكل برود مش عن طريق أنه يرضي العبد مش الرب بل ان الانسان اللي كدا لا ينول لا رضا الرب ودا الاهم طبعا ولا رضا الناس أيضا ويحط قدره ياريت أكون قدرت أوصل لكم وجهة نظري مقولتش كدا أنا قولت ان الانسان مننا أنت وهما وأنا وكلنا لازم نراعي مكانة الاشخاص ونحترمهم ونشوف رضا ربنا ونعمل اللي يرضيهم وميغضبش ربنا علينا أنا مقولتش لحضراتكم ان البنات كلها ملايكه أي مجتمع لازم يكون فيه الخير والشر الكويس والوحش واللا الحياة مش حتستمر وبعدين ربنا أمرنا بالستر أأأأأأأأأخي الفاضل |
اقتباس:
حضرتك انا مش قصدت حد م اللى موجودين انا لفت نظرى 7 بيقرو الموضوع دا( و هم حاليا 11 بلاش اعمل كوبى تانى لحسن حد يزعل مع ان مش فيها حاجة يعنى و مفيش حد اعترض ع الموضوع غير حضرتك) و فى مليون توبيك مهم مفيهوش حد و دا اصلا موضوع اى نقاش فى غلط و عامة مفيش حد بردو ركز ع الاسامى و حضرتك اللى بينت الموضوع اكتر و كبرته لما عملت الاقتباس و رديت فى رعاية الرحمن |
حبقى أكمل رد بعدين أصلي مش فايقة دلوقتي
يعتبر منمتش امبارح ودمت سالمين |
اقتباس:
هي اكيد عاوزة تهزر واحلف بالله متقصد حاجة هي انسانه محترمة جداوطيبة ياريت متكنش زعلت هو الموضوع باين من الأول أصلا |
| جميع الأوقات بتوقيت GMT +2. الساعة الآن 10:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.