|
شكرا للزملاء المحترميين
والله وانا قلت لازم نق وقفة صح زى وقفة ثورة المعلميين الاولى ايام عصام شرف وثورة المعلميين الثانية ايام الاخوان الناس شتمتنى وقلتلى انت اخوان وخرفان وحاجات زى دى اظن بعد ماشفنا المادة التانية من قانون الزيادة الوهمية العملوه الهيصفى فى الاخر على 200 او 300 من ان هيحطوا راسنا تحت سيف مدير المدرسة او اى لجنة زبالة من الادارة او المديرية تديك جزاء 5 ايام ان سيادتك كمان تتحرم من الزيادة الهايفة دى مش شهر ولا شهرين لا طول السنة على العموم ربنا يسامح كل الشتمونى فى المنتدى واتهمونى بالاخوان كذب وافتراء على الرغم اتى انا وكل شرفاء كنا السبب بعد ربنا من مظاهرتنا ونضالنا ان نجيب جزء بسيط من حقوق المعلميين وفى الاخر اتشمنا لكن الحمد لله ربنا اظهر كذب ونفاق الوزير وان الزيادات هزيلة جدا وكمان حطنا تحت رحمة المدير او اى لجنة ملهاش لزمة وشكرا لكل زملائى الشرفاء فى المنتدى لانى مش هتدخل اعلق تانى لانى بصراحة زهقت من الناس البتفتى وبتشتم وبتنتقد من غير سبب او دليل وشكرا لكل الزملاء المحترميين
|
انا مش هعلق على حد من المواضيع الغير محترمة بس هدخل اشوف المواضيع المحترمة وشكرا
|
انت انسان محترم بتقول رايك ولكن هذه الفتره اى واحد يعارض الحكومه يبقى اخوان ..... المعلمين نسوا 50% بتاع مرسى واول ناس نزلوا 30 / 6 للاسف من المعلمين
|
اي والله اي والله كان زمان والله !!!!! ثوره ثوره كان ومان والله
مظاهره مظاهره وقفه وقفه تبقي ....................ارهابي والله |
شكرا للزملاء المحترميين mimido2000 و الدويكى بس والله كلنا كنا بنتمنا الخير للمعلمين لكن زى مانتوا شيفين كل واحد يقول حاجة للمصلحة العمة يتم لتهامه بدون سبب لحد مارنا اظهر صدق كلمنا بالقرار الصادم يعنى لو اى حد من الكانوا بهبطوا الناس ويقوللهم الوزير صاق وعمره ما كذب احب اقلهم لو حضرتك السنة الفاتت او القبليها اخدت فى تقرير الكفاية جيد جدا يبقى حضرتك اوت مش هتاخد الحافز البيقولوا عليه وساعتها ابقى روح اعتصم او اتظاهر لوحدك لان صدقنى الناس المحترمة الكانت بتدافع عن قضايا المعلمين لما لقوا ان هما بعد تعبهم بيتشتموا وبيتخونوا زى الاستاذ المحترم محمد زهران بدأوا ينسحبوا من المشهد بس ياريت الكانوا عملين قلبهم على البلد وبلاش نتظاهر دلوقتى ونصبر شوية لو مخدوش الحافز ده علشان تقرير الكفاية فى اخرسنتين مكنش ممتاز ميجوش يعملوا فيها ثورجى ويقولوا اضحك علينا علشان مش هيلاقوا حد معاهم وشكرا
|
تبادل الاحترام بين المعلمين واجب وانا من زمان حسيت الشو اللي عامله وزيرنا علي الفاضي جايه وراه حاجات مش كويسه وللاسف حدث ما توقعته من زياده بخسه تذل المعلمين الي الموجهين والمديرين اظن بلاها احسن حفظا لكرامة المعلم وشكرا
|
ربنا يصلح الحال
|
هى 300 جنيه زياده وحشين ليه كزياده مبدئيه زى باقى موظفى الدوله
ما افتكرش ان حال البلد مستحمل ان الزياده تكون زى ما كل موظف يستحق الرضا مش بالقليل الرضا بأجر معقول لحين ما يقدر كل موظف ياخد حقه فى راتب محترم لان المعلمين حزء من دوله تتعافى |
اقتباس:
والله العظيم أنا ما عندى مانع إن الزيادات كلها تتأجل حتى تستقر الأحوال لكن أغبياء الحكومة هم من بادروا بالإعلان عن الزيادات فخير وبركة لكن الكارثة والجريمة والجنون فى الشروط التى وضعوها على المعلمين ولم يضعوها على غيرهم من كل العاملين بالدولة كيف يعاقب معلم بحرمانه من بدل أعباء الوظيفة لمدة عام تمتد لعامين آخرين بسبب جزاء 5 أيام هذا الجزاء قد يأتى لأى منا من حيث لا نحتسب . وكلنا يدرك ذلك . فهذا جنون . كيف يشترط الحصول على درجة كفء لعامين متتاليين ؟ ماذا لو نقص التقرير لأى سبب من الأسباب . فهل يعاقب المعلم لمدة عامين كى يحصل على تقرير كفء فيهما . كيف يسمونه ( بدل أعباء الوظيفة ) وهم يحرمون منه معلم يقوم بأعباء وظيفته . |
احنا اللي اسفين استاذ محمد
|
اولا شكرجزيلا للاستاذ مثبت حديثا لذوق حضرته ثانيا اشكر الاستاذ gamalgamal1 لرده المحترم لالااسف فى كتير من الاخوة الزملاء والزميلات لسه فاكرين ان احنا زعلانين من مبلغ 300 او 400 جنيه القضية ان المبلغ ده مشروط برضاء المدير عنك يعنى لو مش عجبك او علاقته وحشة معاه او انك مش من الشلة بتاعته هيديك فى التقرير جيد جدا وده معناه ان حضرتك مش هتحصل على الحافز المزعوم الا بعدسنتين ليه لان طبقا للمادة الثانية من قرار رئيس مجلس الوزراء لازم حضرتك تكون واخد ممتاز فى اخر سنتين وبعدين موضوع الجزاء 5 ايام يعنى حضرتك لو اتهمت بضرب مثلا طالب وولى امر الطالب عمل فيك شكوى حتى لو انت مظلوم فمن السل جدا انك تاخد مش 5 ايام بس لا 15 يوم كمان وده هيترتب عليه ان تقرير الكفاية بتاعك هينزل لجيد جدا لانك خدت جزاء ومعنى كدة ان هنفضل 3 سنين من غير الحافز الوهمى ليه لان السنة الخدت فيها الجزاء دى هتتحرم من الحافز + السنتين الجايين هيكون تقرير الكفاية مش ممتاز ياريت اكون وضحت لبعض الزملاء حجم الكارثة الحنا فيها علشان محدش يفتكر ان احنا عندنا جشع ومش عجبنا الزيادة الموضوع ملوش علاقة بالزيادة خالص وشكرا لكم حميعا
|
الأخ الفضل محمد للقرار سلبيات كثيرة اخرى يمكننا جمعها فى منشور واحد واعتذر نيابة عن أى زميل أساء فى التعبير فروح الفرقه والشك التى انتشرت أخيرا لم تنتاب المعلمين وحدهم بل طالت المجتمع بأسره فكل داع لاستقرار وان المركب تسير أيا كان الربان فهو انقلابى وأى منتقد لأى من الأوضاع الآقتصادية أو الأمنيه فهو اخوانى أو ارهلبى أو خروف أو أى شىء آخر حسب احترام وأدب وتربية من يحدثه
الانصاف يا زملاء هو المطلوب وشكرا استاذ محمد على المجهود |
بكره تشوفوا مصر
انا لا اخواني ولا وطني انا عاو ز اهاجر دي ناس غبية ومتخلفة بالله عليكم حديث التخرج من 700 الي 1200 بزيادة قدرها 500 جنيه وانا معلم الاجيال اكتر من 30 عام خبرة ولدي احمال تئن من حملها الجبال واولاد في مختلف مراحل التعليم المختلفة ثم تتراوح الزيادة من 200 الي 350 جنيه ملاليم يعني هل ده منطق او مسلمات بديهية ............. ثم بعد ذلك يربط الاعباء بالتقارير احنا فين وعلي فكرة الحيفتح خشمه التهم جاهزة: 1- اخواني 2- ارهابي 3- رافع شارة رابعة 4- يترفع اصابع اربعة 5- بتعكر السلام الاجتماعي6- متامر 7- بتهدد الامن القومي 8- بتتكلم مع حد عربي او فلسطيني ( اسرائيلي عادي ) 9- بتتمول من الخارج 10 - قاطعت او قلت لالالالالا في الاسنحمار الفات متعاطف مع جماعة محظورة ( امال المتعاطف مع القاعدة والنصرة او داعش يعملوا فيه ايه ) بقي ان تعلم ان الاتي افدخ ستعاقب علي افكارك وتوارد الخواطر وبكره تشوفوا مصر يعيش السيسي حاكما لمصر مدي الحياة ولا ولاده واولاد اولاده من بعده له تاريخ حافل من النضال الثوري والانجازات التاريخية وسحقا للاحوان سبب ضياع الاندلس ونجاح الهكسوس في غزو مصر واحتلالها لمدة 500 عام . منهم لله |
اقتباس:
متقلبهاش سياسة لو كنت عاوز حقك أما لو كنت عاوز الإخوان كما هو واضح من كل حرف كتبته فالله يحرق الإخوان على اليوم اللى شفناهم فيه ويعيش الجيش المصرى والشرطة المصرية والقضاء المصرى حتى وإن كان ظالما ( وهو ليس كذلك ) فلن ننجرف لما إنجرف له السوريون من معاداة جيشهم بعد أن أنصتوا لأبواق الفتنة من مثل كلامك فإنتهى بهم الحال إلى شتات الأرض بعد خراب كل شىء |
نفسى أسأل سؤال
هل مازال لنا نقابة تدافع عنا ؟ لماذا إفتصر دور النقيب فى العهد السابق بأن يكون مع السلطة وليس مع المعلم والآن لماذا لا نسمع صوتا واحدا للنقيب والنقابة ؟ فعلى النقيب أن يكون حاضرا بمواقفه وإلا فليستقل ويترك النقابة لآخرين |
اقتباس:
انت شققت عن صدري لتعرف ان كنت اخواني او او واطي سيحان الله وجيش ايه الحضرتك بتتكلم عليه وسوريا ايه احنا هنا في مصر وفيه فرق بين جيش مصر ومجلس عسكري وقطيعة تقطع الاخوان ومن حتي يتعاطفون معهم كل ما نحصده من شده غباؤهم السياسي وتخلفهم لاخطاؤهم الفادحة في تولي شئون البلد لمدة عام ومنها استفاد اعداؤهم وانا مستفيد لاني باحييك وناقشتك بادب جم ده الفرق بيني وبين حضرتك |
اقتباس:
أيها المخرب هل تستنكر على أن أطالب نقيبنا بأن يؤدى دوره ومادام غير قادر على الظهور والوقوف موقف الرجال مدافعا عن المهنة كمعلم وليس كإخوانى فعليه الرحيل فأى خطأ تجده فيما قلت ؟ ========== وأقول لك أيها المتعالم تريد أن تفصل بين الجيش وقيادته وتدعى أنك بذلك على حق وأقول لك أنه أهون على الوطن أن تهاجم الجيش كله لأنك إن هاجمت بعضه فإنت تبغى القسمة والفتنة وهذا ما فعله الخونة فى سوريا وفعله الخونة المجرمون فى مصر لولا رحمة الله بنا وبقاء الجيش صفا واحدا وخاصة بعد فض بؤرتى الإجرام والفتنة فى رابعة والنهضة فبعد هذا الفض فقط تمكن الجيش من أن يأمن القسمة والفتنة وبدأ فى التعامل الإيجابى والمبادر مع المخربين فى سيناء وأنحاء الوطن |
كل نقيب وانت بالف صحة وسلامة
|
اقتباس:
|
يا جماعة ارجوكم كده عمرنا ما هنوصل لحل لازم نفكر بمنطق المصلحة العامة الفرقة الموجودة حاليا عمرها ما هتكون فى مصلحتنا ياريت نفكر قبل منوجه اتهامات لبعض
|
اقتباس:
وتستكثر على أن أنهرك ( من خوفى على البلد وليس تعاليا ) وأوضح لك خطورة هذا الكلام . أيام حستى مبارك حصل إن( طلعت السادات ) خد سنة سجن لمجرد أنه قال جملة تحمل إتهاما ضمنيا للقوات المسلحة بالتقصير فى وفاة عمه الرئيس السادات أرجو أن تدرك خطورة الكلام فى حق الجيش فنحن فى منطقتنا لسنا غير دول بدون جيشها تعود إلى عصر ما قبل الدولة ولك فى العراق وسوريا وليبيا أمثلة واضحة ========== أما أنا فزميل لك مدرس لغة إنجليزبة دفعة 1993 |
اقتباس:
كل يخاف علي بلده بطريقته انا اخاف علي بلدي بطريقتي اولا ابني الكبير ضابط احتياط والثاني علي وشك التجنيد والثالث ثانوية عامة واخوك الذي وصمته بالمخرب والمتعالم دفعة اداب 1985 معلم خبير لغة انجليزية اخاف علي جيش يلدي خوفي علي ابني بنفس القدر خوفي بطريقتي ينبع من كان من الاجدي ابعاد الجبش عن السياسة كما فعل المشير طنطاوي ( اطال الله في عمره ) واسال بانجو وبرايز وعلي العموم الايام بيننا وللمرة المليون لست اخوانيا ولا انضم لاي فصيل سياسي اطلاق لانك تعلم كمعلمين غير متفرغين لمثل هذه الحزعبلات ولا التفاهات السياسية دي انتظر مصر بعد عام او عامان او اربعة لا تستعجل الاحداث حفظ الله مصر وجيشها ونسيت ان اقول لك ان والدي شارك في حرب اليمن ولي خال فقدته في حرب 1973 في حصار كبريت ماذا اقول لك اتتظر وستري مصر وارجو الا تنساني اذا كان لنا عمر وسامحك الله للمرة الثانية وعلي فكرة حسي واحساسي لايخيب ابدا بفضل الله |
اخواتى الاعزاء الشرفاء الاستاذان الجليلان الاستاذ ابو جهاد والاستاذ جمال صدقونى لن يقطنع احد برأى الاخر ان مقطنع برأى وانت مقطنع برأى وغيرنا له رأى ثالث فلا يجب ان نتدخل فى مجادلات لن تحل مشكلة ولن تبنى وطن اعرف ان كلنا متوترون ومشدودون ولكن كلنا نحب هذا الوطن كلا فى وجهة نظره فما يقربنا اكثر ما يبعدنا ولنتذكر قول الله تعالى
{ ولا يزالون مختلفين إلا من رحم ربك ولذلك خلقهم} فالاختلاف سنة كونية ولكن المجادلة التى نشرها الاعلام الفاسد لن تؤدى الا الى هلاك المجتمع وانهيار الامم ولنا فى الجدل البيزنطى الذكرى والعظة وسأذكرم بالقصة حتى تكون موعظة لنا جميعا والرواية الحقيقية لهذه القصة هي : ان الجدل الذى كان بالمدينة أيام كان اسمها (بيزنطة) قد جرى خلال القرنين الرابع والخامس الميلاديين ، وكان يدور حول طبيعة السيد المسيح ، وهل هو إنسانٌ أم إله! وقد ابتدأ الجدل حول هذا الموضوع قبيل الانتهاء من بناء بيزنطة ، ولذا انعقد أول مجمع مسكونى (عالمى) للكنائس فى بلدة (نيقية) القريبة منها ، سنة 331 ميلادية ، لمناقشة ما يقوله الراهب المصرى ذو الأصل الليبى (آريوس) من آراء ملخصها أن المسيح إنسان ! وانتهى المجمع بحرمان آريوس وطرده من الكنيسة ونفيه إلى شبه جزيرة ايبيريا (إسبانيا) التى كانت آنذاك هى آخر العالم . ولم ينتهى الأمر عند هذا الحد ، إذ سرعان ما ثار الخلاف ثانية حول طبيعة المسيح ودلالة كلمات (الطبيعة ، الأقنوم ، التجسد .. إلخ ) فانعقدت مجامع مسكونية كثيرة وحُرم كثيرون من الكنيسة ، حتى كان المجمع الذى انشطرت فيه كنائس العالم وصار لكل جهة مذهبها ، وهو مجمع (خلقيدونية) الذى انعقد سنة 451 ميلادية ، وكان الجدل المذهبى فيه قد بلغ منتهاه .. وفشل المجمع الذى تلاه (القسطنطينية / بيزنطة 453) فى توحيد الرأى وتصفية الخلافات المذهبية التى ثارت فى العالم وكانت (بيزنطة) مقر الإمبراطور ، هى ميدانها الأول .. وهكذا انتهى الجدل البيزنطى إلى الفرقة والانقسام والعداء بين الكنائس ، وهو ما يذكرنا بالآية القرآنية التى نزلت بعد ذلك بقرنين من الزمان ، لتقول للناس : {ولاتنازعوا فتفشلوا وتذهب ريحكم} |
اقتباس:
والجيش الأن يمارس الأمن وليس السياسة وما فعله من مظاهر سياسية ليس إلا ليكون قريبا من الشعب لكى لا يستغل الخونة المجرمين جزءا من الشعب فى إدارة حربهم ضد الجيش ثم إنك تريد أن تحمل جيشنا العظيم مسئولية أفعال أهل الخيانة والإرهاب وبمنطقك أنت بمكن أن نقول للإخوان المجرمين : هيا أكملوا إرهابكم وحربكم ضد الجيش والدولة أشعلوا النيران وإمنعوا الدراسة فى الجامعات وإحرقوا جامعاتكم وإعتدوا على من يريد أن ينتظم فى الدراسة من زملائكم إقطعوا الطرقات ونكدوا على المصريين فى أعيادهم الوطنية والدينية مسلمة كانت أو مسيحية إفعلوا كل ما تريدون فقد أفتى لكم الأستاذ ayadooo بعدم المسئولية عما تفعلون أدعوك يا زمبلى الكريم أن تحب وطنك بالطريقة الصحيحة فلا مجال للإنحياز لغير الدولة لأن البديل الخراب وفقط وقد أيقن فقهاء المسلمين قديما من هذا الأمر فأوجبوا الطاعة على الرعية للحاكم المتغلب حتى ولو كان ظالما ( وجيشنا ليس بظالم ) لأنهم شهدوا الكثير من الفتن التى أزهقت أرواحا كثيرة لرجال كان من بينهم صحابة الرسول الكريم |
اقتباس:
وربنا يهدينا ويعدى الأيام دى على مصر بخير |
الاساتذة الافاضل علي سبيل المثال انا اخذت جزاء سبعة ايام ونزل تقريري السنوي الماضي 2013 لدرجة اقل فمت احصل علي هذه الزيادة ان شاء الله بعد 5 سنين اظن والنبي حد يرد علي حاجة تغيظ
|
اقتباس:
حضرتك أخذت جزاء 7 أيام . فيتم عقابك لمدة 3 سنوات حتى تحصل على تقريرين بدرجة كفء فهل هذا معقول هل يوجد على وجه الأرض مثل هذا المنطق . يستمر عقاب الشخص لثلاث سنوات |
اقتباس:
|
| جميع الأوقات بتوقيت GMT +2. الساعة الآن 11:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.