|
.:|| أي حاجة ||:. أقصوصه - حقيقية ، بقلم احمد رضا
في شارع لا ضيق ولا واسع ..لمحتها جالسه علي حافةِ رصيف ْ.. واضعه أمامها بضعةِ أكياسِ من المناديل الورقية ( كلِنكس ) مُنظمة علي علبه من الكرتون القديم ، تضع يدها علي خدها ومستغرقه في تفكيرٍ لا محدود .. تكاد لا تسمع زئير السيارات ولا البشر من حولها .. هائمه في عالم بدت غيومه علي عينيها .. وكادت ان تُمطر عينيها بعد ان امتلأت بالدموع .. لم تلحظني بعد - بالرغم من اني اقتربت منها - . ماهذا ؟! قد بدأت بالفعل تبكي !! إحداهن تساقطت علي خدها !! ألمني المشهد جدا وحاولت ان انصرف ولكني لم استطع .. واذا بى ّ اقترب منها بهدوء واقل لها : ( إذا سمحتي بكام ده ) ؟ فلم تُجب .. فكررتها بصوت أعلي قليلا ً : ( اذا سمحت ِ بكام كيس المناديل ؟ ) فانتبهت لي واخذت تغيرُ من جِلستها .. وتعدل من رسمه جبينها وتُحيله الي ابتسامه ممزوجه بحزن عميق .. ونظرتْ إلى ّ نظره لن انساها ابدا ًوأجابتني في هدوء تام - مع ظهور تغير طفيف في تجاعيد وجهها وابتسامتها الحزينه - : ( أي حاجة ).. فقدمت لها ما استطعت وانصرفت .. وتقدمت عدة أمتار ثم توقفت ونظرت خلفي بحركه لم تكن سريعه – مُتقطعه ولم تدم طويلا ً- فرأيت النقود مازالت مكانها وحيثما وضعتها انا بيدي .. وهي شارده بلا عوده في تفكيرها العميق ... فاعتدلت مره اخري و نظرت امامي وقد اصطبغ وجهى بنفس الابتسامه التي رأيتها علي وجه هذي المرأه البائسه ومضيت أُكمل طريقي بخطوات هادئه وأقدام ثقيلة ... 25/7/2008 بقلم / احمد رضا |
مش عارفة اعلق ع جمال الاسلوب و اللفتة الجميلة
و لا اعلق ع الموقف نفسه و عن البنت اللى فى القصة و لا اعلق ع حياتنا اللى مش حاسين فيها باى حاجة لان تقريبا اللى بنطلبه بنلاقيه الا حاجات قليلة جدااااااااااااا بس هكتفى بكلمتين لا تعليق |
اقتباس:
لا جميله جدا بجد يا ابو حميد بس تعرف انا لو كنت مكانك كنت هعمل حاجه من الاتنين اما اني اسالها بكل فضول مالك يا حجه ؟ ولو عرفت اساعدها هساعدها ان شاء الله او اني اخد الفلوس تاني طالما هي شكلها مش عيزاهم:D |
جميل أوي الاحساس اللي كتبت بيه يا استاذنا
بجد الاسلوب والاحساس من أجمل ما يكون دايما بلاقي عند حضرت اللي مش بلاقيه عند ناس كتير شكرا استاذنا الغالي زاد الله من جمال موهبتك أمتعنا بالمزيد |
جميله القصه يا احمد واسلوبك رائع بجد في صياغتها والفاظ اجمل واروع بس ياريت الموقف ده يتغير ونقدر نمنع القصص دي من الحقيقه ربنا ييسر وحسبنا الله وكفي سلمت يداك ربنا يحفظك |
جميلة بجد يا ابو حميد
ما شاء الله عليك تسلم ايدك |
اقتباس:
ربنا يكرمك يارب يا أرق ملاك جزاك ِ الله كل خير بس بجد يمكن انا عرضت الموقف وانا لسه متأثر بيه لحد دلوقتي ومكانش بايدي حاجة اعملها الفلوس اللي اديتهالها مهما بلغت في النطاق الطبيعي مش هتعملها حاجة فبجد الواحد حزين عليها وعلي نفسه شكرا ليكي نورتيني :) |
اقتباس:
ربنا يخليك ياعم عادل ماشي ماشي اتريق نورتني ياعم عادل والحمدلله انها عجبتك |
احييك على دقتك وبراعتك فى استخدام الالفاظ
واعتقد ان هذه القصه تنطبق على الكثير منا احاث المجتمع الحاليه والصراعات المستمرة تجعلنا احيانا شاردى الذهن تائهين فاقدين لهويتنا بدايه موفقه ان شاء الله فى كتابه القصه القصيره وننتظر منك المزيد ودمت مبدعا |
قصة مؤثرة واحساسها عالى جداً والألفاظ مُعبرة بجد قصة تحفة ( أنا كنت هعيط :rolleyes: ) فكرتنى بقصة نظرة ( يوسف إدريس ) تسلم إيدك يا أحمد ومنتظرين جديدك بإذن الله |
مشكوووووووووووووووور
قصة جميلة فعلا واسلوب محكم وعبارات موحية فكرتني بقصة نظرة ليوسف إدريس |
اقتباس:
ربنا يخليكي يا سبيشيل مرورك بيسعدني جدا بجد وبيشرفني والكلام اللي بتقوليه في حقي ده بجد ربنا يجازيكي خير شكرا ليكي انتي نورتيني :) |
اقتباس:
بجد نورتيني واسعدني ردك جدا والله اللي بايدي بعمله غير كدا الواحد مفيش حاجة يعملها حسبي الله ونعم الوكيل شكرا لمرورك |
اقتباس:
كلنا بنتعلم منك يا استاذنا ربنا يخليك ودي شهاده اعتز بيها نورتني :) |
اقتباس:
كنتي هتعيطي ؟ يابختك انك كنتي امال لو عشتي الموقف بقى بالرغم من اني بشوفهم كتير بس دي بالذات اثرت فيا جدا والله يالا الحمدلله علي نعمه الاحساس شكرا لمرورك :) |
اقتباس:
ربنا يكرمك يارب يوسف إدريس بحاله وقصه نظره بحالها ربنا يجبر بخاطرك نورتني :) |
فعلا مش عارفة اقول ايه كلام جميل جدا ومش عارفة اعلق عليه فعلا !!!!لا تعليق!!!! |
إسلوبك رائع استاذ احمد
و بجد انت اثرت فيا اوي ربنا هيحاسب الرئيس عليها و يقولها ليه مش وفرت لها اكله او سكن؟؟ ربنا يفك كرب الأمه دي بجد انا خايفه اوي على مستقبل مصر و على مستقبل امة الإسلام كلها بالتخلف اللي احنا ماشيين فيه ده |
باحاول افكر ف تعليق اكتبه بس مالقيتش !! وبرضو ماينفعش اقرا الكلام ده واقفل من غير ما ارد !! حقيقى الموقف صعب وممكن بنقابله كتير بس له تأثير وقتى هاياخد ساعة اتنين يوم يومين وهاينتهى ومش هانقدر نعمل حاجة وحزنها مش هاينتهى :( هاقول ايه بس ربنا معاها هى واللى زيها --- شكرا يا استاذ احمد على القصة حقيقى اسلوب حضرتك ف كتابتها اكتر من رائع صورتلنا حاجة وخليتنا نحس بيها وكان ممكن تحصل جنبنا ومش هاناخد بالنا منها بجد المفروض نقول من قلبنا الحمد لله على حالنا ونحاول نساعد الناس دى على اد ما نقدر |
مش عارفة بجد اقول فى قمة الروعة ولا فى منتهى الجمال ولا مؤثرة اوى انا بجد بيصعب عليا حد اشوفه كده تسلم ايد حضرتك يا شاعرنا الكبير:) |
الله الله
بجد حضرتك فنان مبدع وبكلماتك اثرت فينا كتير تسلم ايدك بجد دي حاجة واقعية بنشوفها في ناس كتير تعبانة ومحتااجة اننا نساعدهم ونحس بيهم شكراا لك |
جميلة اوى ياابو حميد
بس تفتكر فى كام مليون النهارده عايش بالصورة دى او شايل هم بكرة والنهارده |
الواحد هيعيط
بس بجد جميلة عالاخر يااحمد تسلم ايدك |
اية يا مان الجمال دة
تسلم ايدك يا احمد |
اقتباس:
شكرا لكلامك الجميل بالنسبه للوسيلة انما الموقف والمضمون والغايه ففعلا لا تعليق |
اقتباس:
ويحفظك اظن اني حكيتلك علي الموقف ده في موضوعك عندك حق المستقبل مش مستبشر بيه املنا في ربنا كبير شكرا لمرورك |
حقيقى انتا عندك قدرة غريبه فى انك تختار الفاظ توصل احساسك لكل اللى حواليك وبيقرولك ودى نعمه من ربنا بجد
مش عارفه اقولك ايه بس ربنا يوفقك وهنستنى كل جديد منك دايما . |
اقتباس:
مبسوط جدا بمرورك حضرتك ردك شرفني ونورني والله ربنا مايحرمناش من ردك :) |
اقتباس:
مرورك وردك اسعدني ونورني بس بجد كان لازم نحس شوية شكرالمرورك |
اقتباس:
ده من ذوقك وكرم اخلاقك شكرا ليكي انتي نورتيني بجد :) |
اقتباس:
وبعدين كام مليون واحد ايه قولي كام فرد يتعدوا علي الايد ناهبين البلد في كرشهم تقريبا كلنا كدا يا اسلام بس الفرق انهم بيقعدوا علي رصيف الشارع واحنا بنقعد علي رصيف الحياة هما بيبيعوا مناديل واحنا بنبيع كلام وبنبيع نفسنا وبنتهان ونتعب عشان القرش ده بلد مقرفه ياخي |
اقتباس:
شكرا ليكي نورتيني :) |
اقتباس:
انت داخل تقول اسمك وتمشي صح :p ربنا يخليك ياحبيبي نورتني :) |
اقتباس:
الحمدلله ان الاحساس والمضمون بيوصوا وفعلا زي ما انا قولت الحمدلله علي نعمه الاحساس :) بجد نورتيني |
بارك الله فيك يـــــــــــا/ احمد رضا بجد كتاباتك كلها جامده زيك كده وانا كنت عاوز اطلع علي اشعارك انا ماعتش عارف ايها كانت كل اشعارك في الجون |
ياريت تبعت الرابط يابو حميد |
اقتباس:
ربنا يخليك يا استاذي دي شهاده اعتز بيها وهجيب لحضرتك روابط الشعر الجديده ان شاء الله وابعتهالك علي الخاص شكرا ليك يا استاذي مرورك شرفني :) |
منتظر منتظر بفارغ الصبر ،،، وانا بعزمك هنا يابو حميد رحله بسيطه في راس البر |
هههههههههههه يااااه عاش من شافك يا استاذي المحترم
والله مفتقدك وافتقدت القصة دي منورني والله وياريت تبعتلي ميلك ع الخاص |
بجد قصة تحفه اوووووووووي
ربنا وحده اللي يقدر يساعدها انا ان شاء الله لما اكون وزيرة هعدل البلد (ادعي لي انت بس) شكرا ع الموضوع |
انتي نشطي احلي موضوع قريته بجد تحفة اوي كفاية ترتيب الاحداث
|
جميله اووووووووي بجد والله مش عارفه اقول ايه
خايفه احسدك بجد والله اكتر من رائعه واسلوبك ما شاء الله ربنا يكرمك في ر عاية الله |
اقتباس:
علي فكرة متتخيليش انا سعيد اد ايه بطموحك ده والله برافو عليكي ربنا يكرمك نورتيني |
اقتباس:
ميرسي اوي لمرورك ياباشا منورني والله |
اقتباس:
ربنا يخليكي يا دوكتور حسد ايه حد بيحسد اخوه بردو وبعدين حسد علي ايه بس هههههههه ربنا يجبر بخاطرك شكرا لمرورك |
فلتسمح لي يا أخي أن أنحني لجمال ورقة وصدق أسلوبك وبراعتك في تصوير المشهد العميق الذي يخفي في طياته جبالاً من الأحداث المتلاحقة والأليمة في حياتنا ..
سلمت لنا مبدعاً جميلاً وقصاصاً بارعاً أخي الحبيب |
حاسه اني قريتها قبل كده او زيها يلا مش مهم بس بجد جمييييييييييييييييييييله قوي يا احمد
|
اقتباس:
ياااااااااااه عاش من شافك يانجم باشا والله واحشني جزاك الله كل خير اكيد يااستاذي ده بعض ما عندكم :) |
اقتباس:
ميرسي يا يوميوم شكرا لمرورك |
القصة دى لمين00000000
بتقولوا مين أحمد رضا بتقولوا مين يا ولاد أحمد رضا هههههههههههههههه عن جد جميلة جداً واسلوبها جميل وموقف عن جد مؤثر كتير وأنك كالعادة ابدعت فى سرد الموقف مين قولتلكوا أحمد رضا وهو عن جد شاعر جامد آخر حاجة وبجد http://abeermahmoud07.jeeran.com/619...eerMahmoud.gif |
| جميع الأوقات بتوقيت GMT +2. الساعة الآن 10:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.