|
قرار من المدير العام للتصويت عليه
قرار من مجلس الإدارة المتمثلة فى المدير العام للمنتدى
1: ليس من حق الأعضاء أو المشرفين الاعتراض على تعيين المشرفين الإداريين نهائيا لأن ذلك من اختصاص المدير العام فقط ومشورة المشرفين الإداريين . 2: يجب على جميع المشرفين تنفيذ التعليمات التى تصدر من المشرف الإدارى حيث أنه حلقة الوصل بين الإدارة والمشرف. 3: يجب على الجميع الأعضاء والمشرفين والإداريين عدم التعرض للإدارة فى توقيع يسئ لهم أو إلى المشرفين الإداريين أو المشرف والبعد كل البعد عن السخرية عليهم. 4: على الجميع عدم عمل مواضيع ليس من حقك السؤال فيها من بنود هذا القرار. 5:على الجميع احترام فوانيين المنتدى والعمل على تطبيقها كاملة من الآن. 6: من يخالف هذه القوانين أو هذا القرار سوف يطبق عليه الوقف ثلاثة أيام وإذا تكرر منه ثانيا يوقف أسبوع وإذا تكرر تضاعف العقوبة كما يرى مجلس الإدارة. 7: من حق العضو الاعتراض على اى قرار للمشرف بتقديم تظلم من المشرف فى المقترحات والحلول. 8: من حق المشرف الاعتراض على المشرف الإدارى بتقديم تظلم فى حجرة الناظر ويتم مناقشة هذا التظلم 9: من حق المشرف الإدارى التظلم من قرار المدير العام بعمل تظلم فى حجرة المديرين للمناقشة من مجلس الإدارة من الآن وصاعدا القرار قرار جماعى من مجلس الإدارة أو بأغلبية الأصوات. يتم اضافة ما يراه الاعضاء مناسب لهذا القرار يتم التصويت على هذا القرار لكى تعود هيبة المشرفين الاداريين والمشرفين للمنتدى |
موافق عليها
وياريت صلاحيات المشرف الادارى تزيد شوية لان كده المشرف الادارى نسخة مكبرة من مشرف القسم |
قرارات معقولة وبكده يبقه فيه نظام للتعامل بين المشرفين والتعامل مابين الاعضاء وهتكون منظومة عمل مراقبين حسب التسلسل موافق طبعا وبالتوفيق للجميع |
أنا طبعاً موافق وبشده ومع إسلام فى طلبه لإن إحنا فعلاً مفيش أى صلاحيات معانا وأدق تعبير فعلاً إسلام قاله صوره مكبره من المشرف رغم إن المفروض إن إحنا اللى شايلين المنتدى كله والتعامل والإحتكاك كله معانا ومواقف كتير بنقف قدمها عاجزين بحس ساعتها إننا ملناش أى لزمه |
موافقة على كل القرارات
اقتباس:
واقل حاجة تنضاف هى حظر الاى بى لان الادارى بيكون شكله وحش قوى لما يوقف عضو يقوم العضو داخل بعضوية تانية زى ما يكون بيقوله انت ولا حاجة ! |
اقتباس:
اقتباس:
اقتباس:
ياريت بيدخل بعضوية تانية ويكتفى ده بيدخل يعمل موضوع يسب فيه المشرف اللى وقفه ده غير طبعا ان المشرف الادارى مبقاش يقدر يشوف الاى بيه يعنى مش هيقدر يعرف اذا كان العضو مسجل باكتر من عضوية ولا لا لان الاعضاء ساعات بتسجل باكتر من عضوية وتدخل تسخن المواضيع او ممكن تدخل تعمل مشاكل بعضويات جديدة هعرف انا ازاى اذا كان العضو ده مسجل بعضوية وداخل يثير مشاكل ولا لا الا من خلال بحث الاى بيه ودى خاصية كانت موجود فى السابق اخفاء الموضوع منع العضو من الكتابة الادارى مبقاش يقدر يوقف المشرف مع ان سلطته اوسع حاليا المشرف الادارى عبارة عن مشرف قسم لكنه بيقدر يدخل جميع الاقسام ودى الميزة الوحيدة المتاحه ليه بجانب طبعا ايقاف العضو يبئا انا بقترح تغير الصفة من مشرف ادارى الى مشرف عام كده ادق فى الوصف :rolleyes: والتكليف وشكرا |
فعلا كلام اسلام صح
يبقى احنا كده بنطالب بحاجتين حاليآ (منتظرين باقى الاراء) 1-خاصية حظر الاى بى 2-خاصية سحب تصريح الكتابة من العضو (افضل كتير من الوقف) 3-خاصية ايقاف المشرف(ودى اكيد ها تكون للضرورة فقط لانه فى الفترة الماضية حصل تطاول من المشرفين على الادريين بحجة انك مافيش لاى ادارى سلطة عليه او يقدر يعمله حاجة لانى ببساطة ما اقدرش اعمله اى حاجة يبقى انا ادارى ازاى !!!!!) المفروض ما دمت اعلى منه فى الرتبة يبقى ليا سلطة عليه منتظرين رد صوت الحق وعبقرينو مان وحسام دراج |
اقتباس:
حددو الاصلاحيات المطلوبة وهشوف ما هو متاح عندى لانى المفروض كنت اخذت باقى الصلاحيات هذاالاسبوع لكن محصلشى وعلى مااعتقد مش هيحصل كل ما هو متاح عندى هتفذه والباقى عن الاستاذ اشرف النت فاصل وبمجرد رجوعة سوف ادخل لان هذا الرد من عند صديق سلام |
كلام جميل جداً
ومع اسلام والسادات فى تزويد الصلاحيات |
علي بركة الله
موافقة موضوع الصلاحيات دي ترجع للمدير العام |
وحدوووووووووووووووووه
|
يتم نقل الموضوع الى حجرة الناظر للأطلاع عليه من المشرفين قبل نقلة الى المكان المناسب ومناقشة اى مقترحات من المشرفين
على بركة الله |
تم نقل الموضوع وبرجاء اخذ اصوات السادة المشرفين عليه
واذا كان هناك من مقتراحات او اى اضافات عليه يتفضله بعرضها |
السلام عليكم ورحمة الله وبركاته كده يا جماعه بالطلبات الى حضرتكم طلبنها س:ما الفرق بين المشرف الادارى والادمن ج : لا فرق بينهما فا الكل لديه الصلحيات الا فى تغيير البنر بتاع المنتدى ووضع الصفحه الرئيسيه س: هل الخواص الى حضرتكم طلبنها دى وخصوصا ايقاف الاعضاء سيبك من ايقاف المشرفين الى مفيش حد يقدر يعملها الا الادمن يا سبحان الله مع منتدى الثاويه المشرف الادارى يوقف اعضاء ازاى يعنى ثالثا انا مش موافق على اى قرار من الى مكتوب فوق دول لانه كله بيسب على الموضوع لاان كنت عامله الى محمد السادات قام بنقله وانا كبرت دماغى ومردتش اعملها مشكله ولا حتى رديت اتكلم فيها علما ان ده يدل على ضعف موقفكم سلام |
اقتباس:
ع فكرة انا موافقة ع موضوع حظر الاى بى والصلاحيات للاداريين فى التعامل مع الاعضاء لان لسة مجربين موقف مبقالوش يومين عضو بمنتهى البساطة دخل عمل موضوعين فى قسم الاهداءات فيه سب وكلام ميتقالش انا حذفت واحد والسادات حذف التانى ووقف العضو تم وقف العضو ! هل انتهى الموضوع لحد هنا ؟ لاء ابدا ... انا ببص تحت فى الاعضاء المتواجدين لقيت مرحبا بالعضو الفلانى العضو سجل عضوية جديدة بفرق رقم وكان فى نفس الركن اللى عمل فيه موضوعاته المخالفة لحقت بعتت للسادات - حيث انه المشرف الادارى الوحيد اللى كان متواجد وقتها - يلحق يوقفه ويعمل حظر اى بى بدل ما كان يقعد يشتغلنا طول الليل فيه اعضاء عنيدة جدا وعندها استعداد تقعد تعمل ايميلات وعضويات كتير المهم يكون فيه صلاحية مع الادارى سواءحظر الاى بى او غيره المهم ان الصلاحية دى تقدر تخليه يحط حد كويس للاعضاء اللى بالمنظر دا !!!! انا شرحت بمثال مش اكتر ================================== نيبجى لنقطة تانية ...... كنا اتكلمنا فيها فى اجتماع المشرفين اللى كان ع الميل واقترحتها والحمدلله لقت موافقة الاقسام اللى بتيجى بعض الاعضاء تنزل لها خمس مواضيع ولا عشرة فى اليوم ليه اصلا ميكونش فيه هاك بحيث ان لما العضو يزود عن نشر عدد مواضيع معين فى قسم واحد خلال ال24 ساعة تطلع له رسالة زى اللى بتطلع لما العضو بيكتب مشاركتين فرق الوقت بينهم اقل من 60 ثانية ؟؟؟ :):) للجميع احترامى |
انا موافقه
والله المستعان لى ملحوظه فى حاله موافقه الاداره على منح المشرفين الاداريين صلاحيه وقف الاعضاء عليها بتحديد الاخطاء التى تؤدى الى وقف الاعضاء وجزاكم الله خيرا |
على بركة الله
وان كنت ارى ان علاقة المشرف بالاعضاء وعلاقة اى شخص بأخر ما هى الا وجهات نظر يتم عرضها باحترام من كلا الطرفين |
غير موافق على صلاحيات المشرفين الادريين؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لماذا لان كده عيبقوا مدرين |
اقتباس:
الا القرار دة كفاية الادمن بس يبقوا عارفين الاى بي |
اقتباس:
|
اقتباس:
اللى احنا بنطلبة هو خاصية انى اقدر امنع اى اى بى عن الدخول للمنتدى نهائيآ الاخوة اللى بيقولوا الفرق بينه وبين الادمن فى فرق كبير قوى الادمن ليه صلاحيات التعديل فى الاقسام وبنر المنتدى والاستايل ورتب الاعضااء ...الخ ده كله غير الصلاحيات التقنية اما احنا طالبين حظر الاى بى وخاصية ايقاف المشرف مش اكتر واظن ده من حقنا ومنتظر صوت الحق |
اقتباس:
اقتباس:
كان فين من زمان...........!؟ |
اقتباس:
لاكن فى غيرى لازم يطبق عليه البند رقم 6 |
استاذ عصام
انا مش موافقة على موضوع حظر الاى بى لان ده المفروض من اختصاصات المدير فقط لان التعامل من خلال حضرتك او استاذ حسام او استاذ اشرف سيلاقى موافقة حتى من العضو الذى تم ايقافه لكن لو هذا كان من صلاحيات المشرفين الاداريين ستزيد المشاكل وكل يوم نلاقى موضوعات بتندد بظلم المشرفين للاعضاء ومش هتتحل المشاكل بل ستزيد واحنا فى وقت محتاجين جدا لتهدئة المواقف بين الاعضاء والمشرفين حتى نلتفت لتطوير المنتدى والارتقاء به مش لحل مشاكل كل يوم لو تم منح المشرفين هذه الصلاحيات ابسط شىء يقال ان المشرف ده بينه وبين العضو مشكله او مش بيحبه فوقفه لكن لو المدير هو الذى قام بهذا ستكون الاسباب واضحة ويكون من المتعارف ان المدير تعامل مع المشكلة بخبره ووعى ولن يجرؤ احد على اثارة مشكلة لهذا السبب هذا رايى والله الموفق |
اقتباس:
|
شركرا ليك استاذ عصام
احنا كنا محتاجين القرارات دى لتقليل الخلافات و طبعا اوفق عليها كلها |
سؤال بسيط هوجهه لكل مشرف رافض خاصيه حظر الأى بيه إيه الفرق بين الوقف النهائى وحظر الأى بيه مفيش أى فرق غير إن الوقف النهائى العضو ممكن يعمل عضويه تانيه ويدخل يكمل تهزيق فينا وأنا مبقاش على موقع عمال أشوف فيه قله الأدب شغاله وواقف مستنى الأدمن يدخل بصراحه مينفعش وبعدين العضو اللى يدخل يقل أدبه ويقول ما فيه الخمر زى اللى بقى بيحصل اليومين دول يستحق حظر الأيى بيه ثم إحنا مش عيال صغير عشان نمشى نوقف الأعضاء بسبب ومن غير سبب |
اقتباس:
محمد عنده حق أستاذ عصام وأكيد المشرفيين الاداريين أدرى بال هما عايزينه |
اقتباس:
مش عارف بيفكروا ازاى والله |
السلام عليكم انا كان ليه توضيح الموضوع ده لما اتحط من حجرة الادارة كان علشان السادة المشرفين يتطلعه عليه معلش انا عارف انى عيبى الصراحة ولسانى بينزل طوب بس فى الحق يعنى الموضوع فى الاساس قرارت للتصويت عليها من الاداريين مش المشرفين وبعد ما الاداريين وفقه عليها اتعرضت على السادة المشرفين علشان يكون عندهم علم بيها والموضوع متحطش فى حجرة المشرفين علشان التصويت وموضوع الاى بيه ده ايه وجه الاعتراض ان يكون معايا حظر متقولهم ياسادات من يومين واحد دخل بعد ما وقفت علشان بيقول على الاعضاء يابهايم عمل موضوع وقالى امك واللى جابه ابوك علشان وقفته ودخل سجل تانى اتهانا وفى الاخر كل واحد داخل يقول ليه طيب انا بسحب طلبى واقتراحى اللى كان متقدم بتزويد صلاحيات المشرفين على الاقسام وكذلك بسحب طلب السامح للمشرفين بمنع الاعضاء من الكتابة هو ده العدل ومن النهارده انا غير مسئول عن نقل موضوع لمشرف امال البشوات دخله انتخابات ليه علشان ادخل انا انقل واحذف واعدل محدش فى السادة المشرفين طلب زيادة صلاحيات وانا اللى طلبتهاله وعلشان بطلب زيادة صلاحيات ليا والناس اللى معايا حضرتكم تقوله غير موافقين وطبعا لزم فى الاخر يتقاالى امك واللى جابوه ابوك |
وبعد رد إسلام الصراحه مبقتش لاقى أى تعليق يليق |
اقتباس:
اقتباس:
أيوة ،، هو دا الموقف اللى كنت بدى بيه مثال كنت قاعدة عمالة فاتحة لى صفحتين واحدة بتفرج ع الاعضاء اللى بيسجلوا جدد وواحدة فاتحة ركن الاهداءات عشان لو لمحته تانى الحق ابعت لحد فى ايده صلاحية يعمل حاجة معاه ====== دا اللى كنت بتكلم عليه |
ملحوظة بسيطة لجميع المشرفين
المنتدى فى مرحلة توسع كبيرة جدا جدا وعدد الاقسام وخصوصا القسم التعليمى بتزيد وأعدد المدرسين تزيد جدا وهذا يتطلب تظافر كل الجهود من الجميع وسوف انشغل فترة ليست قصيرة بالقسم التعليمى وتوسيع الصلاحيات للمشرف الادارى تفيد لا تضر حتى لا يعتمد المنتدى على فرد بعينه مهما كان ....تقسم كل الصلاحيات والعمل بين الجميع و من هنا وقادم بعد اجتماع الاداريين غدا سوف يقسم المنتدى على الجميع من حيث العمل وكل ادارى هيكون مسؤل عن جزء معين بالمنتدى وطبعا باقى المنتدى للمتابعة وهذا يلزم صلاحيات لهم وبعدين لو يوجد تجاوز من المشرف الادارى سوف يحاسب هو الاخر الموضوع منظم موافق على اعطاء الصلاحيات للمشرف الادارى كاملة لا ينقص منها اى شيء لكى يستطيع ادارة المنتدى . |
اقتباس:
وفعلا المفروض انهم يكونوا عند المشرفيين الاداريين صلاحيات اكتر من كدة عشان الاعضاء اللى بالشكل ده يحترموا نفسهم شويه موافقة على كل الشروط |
خلاص ياجماعة اظاهر ان فى عصبية فى الموضوع
اعملوا الى انتوا حابينه وبعد كدة لما تحبوا تدونا علم بحاجة بابقوا قولوا للعلم بس مش للتصويت وطرح الآراء انا اسفة اوى انى رفضت من البداية مكنتش اعرف انه حكم مسبق واحنا نقرأه علشان نكون على علم بس |
اقتباس:
والمهم السطرين دول اقتباس:
من شوية عيال الواحد منهم لو قدامى كنت جبته نصين بس المهم المشرف الادارى ميكنش معاه صلاحيات طظ فى الصلاحيات :) متلزمنيش بس اللى هيغلط ولا هيتخطه حدود الادب معايا سوء كان عضو او مشرف هيكون ليا معاه تصرف محدش يتوقعه سلام |
يا جماعة هو احنا كل ما نفتح موضوع للنقاش يبقى فيه عصبية من كل الناس
ايه يا جماعة اهدوا بقى مش كدة مش كل مرة نعمل كدة مع بعض |
خلاص يااسلام
الى يريحكوا اعملوه مادام دة الصح واظن انى قولت اسفة على رفضى للاقتراح واسفة تانى على ردى لو كان ضايق حد |
انا هادى جدااا
هو حد شافنى بخبط على الكيبورد ولا بخبط برجلى فى الارض انا برضه بتناقش معاكم انتوا عرضته وجهة نظركم والكل قال رافض بدون سبب او اسباب وهية وانا كمان عرضت وجهة نظرى وعرضت اسبابى فين بئا الخناق |
ربنا يكملكو بعقلكم يارب |
متكلم يا استاذ محمود القالع
حضرتك ادارى قديم هى دى الصلاحيات اللى كانت موجوده من اول ما اخدنا الاشراف من سنة من سنة كانت الصلاحيات اكبر ولا لا وفضلت كل يوم تقل ومحدش اتكلم ليه وقال الصلاحيات دى اتسحبت ليه منكم حضرتك معترضتش ليه على سحب الصلاحيات والمنتدى كل يوم فى توسع هنتحكم ازاى فى منتدى عارف كويس ان حضرتك سلطتتك فيه متتخطاش سلطة مشرف قسم الا فى اليسير وطبعا لما حضرتك بتوقف عضو العضو بيدخل يسب ويلعن في المشرف مهو كده كده موقوف هو احنا ليه بنزعل من الحق |
اخواني الافاضل اولا لاسلام عليكم ثانيا موضوع الصلاحيات دة موضوع في غابة الاهمية للاداريين وذلك للاسباب الاتية 1 ) يوجد اكثر من مشرف اداري في المنتدي وتتواجد في اوقات متفرقة من اليوم يعني كدة هيكون في شخص يتصرف في وقت الضيق في حالة حدوث شيء ولذا يجب التنسيق بحيث يوجد علي الاقل مشرف اداري في المنتدي علي الاقل 2) موضوع ان مشرف يوقف عضو ويدخل بعدها بوقت قليل بتكون اهانة ما بعدها اهانة 3) في حالة وجود موضوع مخاف علميا او اخلاقيا مثلا وفي حالة عدم وجود المدير وعدم صلاحيات للاداري بتكون مصيبة وقد حدث ذلك في العديد من المنتديات التعليمية ان يدخل عضو ويكتب بعض اللينكات لمواقع مخله او غير ذلك فلابد من التدخل الفوري لذلك 4) موضوع التدرج في الصلاحيات شيء عادي جدا في الحياة سواء العملية او الحياتيه ام 1) موضوع اني لا اريد الكلام فيه فهو لاسباب منها ان يكون الكل مقتنع به الاول 2) ان لا يشعر احد ان شيء يفرض علية لاننا اسرة واحدة من اصغر عضو او احدث عضو الي المير العام واخير موضوع الاي بي اري ان لة سلبية كبيرة يجب مناقشتها اولا قيل الجواء الي ايقاب هذا الاي بي وهو من الممكن ان يكون الجهاز في سيبر ويدخل منة طالب ملتزم في وقت واخر متسيب في وقت اخر ونفس الكلام علي العضو بالتوفيق للجميع |
واحب اضيف حاجة اخيرة بعد رد حضرتك
مفيش اى مطلب من المطالب دى هينفذ عارف ليه حضرتك ؟ لان الاستاذ اشرف نفسه شاف الموضوع اكيد اكتر من مرة وطنشه عمتا فى اجتماع غدا للمشرفين الاداريين الساعة 10.30 فى حجرة الاداريين وهيكون فيه موقف موحد وحازم منهم |
اقتباس:
غدآ الاجتماع وربنا يسهل باذن الله |
احب اعرفكم ان حتى لو تم حظر الأى بى فى مواقع كتير وبرامج أكتر بتسمح للعضو الدخول على الموقع بأى بى مزيف انا كنت بستخدمهم فى الدخول على موقع نادى سيون لانه كان محظور فى مصر ( خارج الموضوع :D ) انا مش معترض على الموضوع ولا حاجه انا بوضح فقط لا غير |
اقتباس:
ولو يا سيدى قدرنا نحد 50% بس من الموضوع ده يبقى كويس (على اعتبار ان ال50 التانيين ها يدخلوا ببروكسى وما شابه) |
انا معاك يا اسلام فى كل اللى بتقول
لازم نزود الصلاحيات المشرف الادارى لازم يكون زى المدير فى الصلاحيات لان انا مش شايف اى فرق بين المشرف والمشرف الادارى كل الفرق ان المشرفبيبقا مشرف على قسم او اتنين اما المشرف الادارى بيبقا مشرف على كل الاقسام زى ما تقول نسخة مكبرة فقط لاغير ربنامعاكو ومعانا ياريت بس نزود الصلاحيات للمشرف الادارى والمشرفين ودمتم الاسباب كلنا عارفينها ومطنشين |
اقتباس:
السلام عليكم ورحمة الله وبركاته احب بس اعرف عقوبة الاخ ايه محدش اتكلم يعنى على الرد من انسان المفترض انه محترم ربنا يكملنا بعقلنا اللهم امين يا رب ثانيا ازاى يعنى يبقى للمشرف الادارى الصلحيات ان بيها يقدر يوقف عضو يبقى كده ايه الفرق بين المشرف والعضو انا عمرى ما شوفت الحكايه دى فى اى منتدى من المنتديات لا بجد ازاى يعنى وكمان هو انت يا محمود يا اسطوره انت مش بتعرف تقول اى حاجه تانيه غير امين ورا اسلام او ورا محمد انا لغايت دوقتى مشفتلكش رد عدل رد يثبت شخصيتك الخاصه كل ردودك موافق على كلام اسلام او محمد هو فعلا عرفوا يختاروا الاداره كويس ثالثا يا اسلام صلحيات الاشراف معاك انها مكنتش كامله وانت طلبت للمشرفين تزويد الخيارات كل ده شئ عظيم ويحسبلك بس معلش طلبات او خيارات الى حضرتك طالبها بجد كتيره اوى وبكده تدى للمشرف الادارى الحق انه يتحكم بالاعضاء وكمان المشرفين ازاى مشرف ادارى يوقف مشرف ازاى يعنى امال لزمت الادمن ايه يبقى كده انت غصب عنى بتخلينى اقول وراك امين زى محمود ما انا حقول كلمه الاقى المشرف يوقفنى ازاى ان شاء الله وكمان ايه لغة التهديد الى حضرتك ان شاء الله مسكهلنا دى كل شويه تقول لو حد سواء مشرف او عضو قال حاجه لاعمل واعمل هو فى ايه بالظبط انت بتخوفنا يعنى ولا بترعبنا ولا ايه بالظبط ويارب الاقى رد على كلامى مش كل مره ارد والاخر بتقفوا عاجزين ومش بتعرفوا تبرروا اعملكم وتقولوا ايه |
اقتباس:
بسم الله الرحمن الرحيم يا أيها الذين أمنوا لا يسخر قوم من قوم عسى أن يكونوا خيراً منهم صدق الله العظيم بسم الله الرحمن الرحيم قل ياعبادى الذين أسرفوا على أنفسهم لا تقنطو من رحمه الله إن الله يغفر الذنوب جميعاً إنه غفور رحيم صدق الله العظيم |
زى ما قال محمد بالظبط كدا
ومنتظريين الصلاحيات وربنا يقدم اللى فيه الخير |
| جميع الأوقات بتوقيت GMT +2. الساعة الآن 09:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.